Surah dukhan Ayat 9 Urdu tafseer | سورہ دخان کی آیت نمبر 9 کی تفسیر

﴿بَلْ هُمْ فِي شَكٍّ يَلْعَبُونَ﴾
[ الدخان: 9]

Ayat With Urdu Translation

لیکن یہ لوگ شک میں کھیل رہے ہیں

Surah dukhan Urdu

تفسیر احسن البیان - Ahsan ul Bayan

( 1 ) یعنی حق اور اس کے دلائل ان کے سامنےآگئے۔ لیکن وہ اس پر ایمان لانے کے بجائے شک میں مبتلا ہیں اور اس شک کے ساتھ استہزا اور کھیل کود میں پڑے ہیں۔

Tafsir Bayan ul Quran - Dr. Israr Ahmad

آیت 9 { بَلْ ہُمْ فِیْ شَکٍّ یَّلْعَبُوْنَ } ” لیکن یہ لوگ شک میں پڑے ہوئے کھیل رہے ہیں۔ “ رسول اللہ ﷺ جب اہل ِمکہ ّکے سامنے قرآن پیش کرتے تھے تو ان میں سے اکثر لوگ اسے کلام اللہ ماننے کے بجائے اس کے بارے میں شکوک و شبہات کا اظہار کرتے تھے۔ پھر اسی بنا پر وہ حضور ﷺ کا مذاق بھی اڑاتے تھے کہ دیکھیں جی ! یہ کہتے ہیں کہ ان کے پاس آسمان سے وحی آتی ہے۔