Surah Al Hijr Ayat 1 Urdu tafseer | سورہ الحجر کی آیت نمبر 1 کی تفسیر

﴿الر ۚ تِلْكَ آيَاتُ الْكِتَابِ وَقُرْآنٍ مُّبِينٍ﴾
[ الحجر: 1]

Ayat With Urdu Translation

آلرا۔ یہ خدا کی کتاب اور قرآن روشن کی آیتیں ہیں

Surah Al Hijr Urdu

تفسیر احسن البیان - Ahsan ul Bayan

( 1 ) کتاب اور قرآن مبین سے مراد قرآن کریم ہی ہے، جو نبی ( صلى الله عليه وسلم ) پر نازل ہوا۔ جس طرح «قَدْ جَاۗءَكُمْ مِّنَ اللّٰهِ نُوْرٌ وَّكِتٰبٌ مُّبِيْنٌ»( المائدہ:15 ) میں نور اور کتاب دونوں سے مراد قرآن کریم کی تکریم اور شان کے لئے ہے۔ یعنی قرآن کامل اور نہایت عظمت وشان والا ہے۔

Tafseer ibn kaseer - تفسیر ابن کثیر

سورتوں کے اول جو حروف مقطعہ آئے ہیں ان کا بیان پہلے گزر چکا ہے۔ آیت میں قرآن کی آیتوں کے واضح اور ہر شخص کی سمجھ میں آنے کے قابل ہونے کا بیان فرمایا ہے۔

Tafsir Bayan ul Quran - Dr. Israr Ahmad

آ الۗرٰ حروف مقطعات کا یہ سلسلہ سورة يونس سے شروع ہوا تھا۔ پانچ سورتوں کے آغاز میں الۗرٰ کے حروف ہیں اور ایک سورة الرعد میں ا آمآرٰ۔ یہ اس سلسلہ کی چھٹی اور آخری سورت ہے۔