Surah Maidah Ayat 107 Urdu tafseer | سورہ المائدہ کی آیت نمبر 107 کی تفسیر

﴿فَإِنْ عُثِرَ عَلَىٰ أَنَّهُمَا اسْتَحَقَّا إِثْمًا فَآخَرَانِ يَقُومَانِ مَقَامَهُمَا مِنَ الَّذِينَ اسْتَحَقَّ عَلَيْهِمُ الْأَوْلَيَانِ فَيُقْسِمَانِ بِاللَّهِ لَشَهَادَتُنَا أَحَقُّ مِن شَهَادَتِهِمَا وَمَا اعْتَدَيْنَا إِنَّا إِذًا لَّمِنَ الظَّالِمِينَ﴾
[ المائدة: 107]

Ayat With Urdu Translation

پھر اگر معلوم ہو جائے کہ ان دونوں نے (جھوٹ بول کر) گناہ حاصل کیا ہے تو جن لوگوں کا انہوں نے حق مارنا چاہا تھا ان میں سے ان کی جگہ اور دو گواہ کھڑے ہوں جو (میت سے) قرابت قریبہ رکھتے ہوں پھر وہ خدا کی قسمیں کھائیں کہ ہماری شہادت ان کی شہادت سے بہت اچھی ہے اور ہم نے کوئی زیادتی نہیں کی ایسا کیا ہو تو ہم بےانصاف ہیں

Surah Maidah Urdu

تفسیر احسن البیان - Ahsan ul Bayan

( 1 ) یعنی جھوٹی قسمیں کھائیں ہیں۔
( 2 ) ” أَوْلَيَانِ “، أَوْلَى کا تثنیہ ہے، مراد ہے میت یعنی موصی ( وصیت کرنے والے ) کے قریب ترین دو رشتے دار ” مِنَ الَّذِينَ اسْتَحَقَّ عَلَيْهِمُ ... “ کا مطلب یہ ہے جن کے مقابلے پر گناہ کا ارتکاب ہوا تھا یعنی جھوٹی قسم کا ارتکاب کرکے ان کو ملنے والا مال ہڑپ کرلیا تھا۔” الأوْلَيَانِ “ یہ یا تو” هُمَا “ مبتدا محذوف کی خبر ہے یا” يَقُومَانِ “ یا ” آخَرَانِ “ کی ضمیر سے بدل ہے۔ یعنی یہ دو قریبی رشتے دار، ان کی جھوٹی قسموں کے مقابلے میں اپنی قسم دیں گے۔