Surah Qiyamah Ayat 16 Urdu tafseer | سورہ القیامہ کی آیت نمبر 16 کی تفسیر

﴿لَا تُحَرِّكْ بِهِ لِسَانَكَ لِتَعْجَلَ بِهِ﴾
[ القيامة: 16]

Ayat With Urdu Translation

اور (اے محمدﷺ) وحی کے پڑھنے کے لئے اپنی زبان نہ چلایا کرو کہ اس کو جلد یاد کرلو

Surah Qiyamah Urdu

تفسیر احسن البیان - Ahsan ul Bayan

( 1 ) حضرت جبرائیل ( عليه السلام ) جب وحی لے کر آتے نبی ( صلى الله عليه وسلم ) بھی ان کے ساتھ جلدی سے پڑھتے جاتے کہ کہیں کوئی لفظ بھول نہ جائے۔ اللہ نے اپنے فرشتے کے ساتھ ساتھ اس طرح پڑھنے سے منع فرمایا۔ ( صحیح بخاری تفسہر سورۃ القیامہ ) یہ مضمون پہلے بھی گزر چکا ہے ” وَلَا تَعْجَلْ بِالْقُرْآنِ مِنْ قَبْلِ أَنْ يُقْضَى إِلَيْكَ وَحْيُهُ “ ( سورۃ طٰہٰ:114 ) چنانچہ اس حکم کے بعد آپ خاموشی سے سنتے۔

Tafsir Bayan ul Quran - Dr. Israr Ahmad

آیت 16{ لَا تُحَرِّکْ بِہٖ لِسَانَکَ لِتَعْجَلَ بِہٖ۔ } ” آپ اس قرآن کے ساتھ اپنی زبان کو تیزی سے حرکت نہ دیں۔ “ حضور اکرم ﷺ کا معمول تھا کہ جونہی حضرت جبرائیل علیہ السلام وحی لے کر آتے آپ ﷺ نئے کلام کو فوری طور پر یاد کرنے کی کوشش کرتے۔ اس پس منظر میں یہاں آپ ﷺ کو تسلی دی جا رہی ہے کہ اس ضمن میں آپ ﷺ فکر مند نہ ہوں :