Surah al imran Ayat 184 Urdu tafseer | سورہ آل عمران کی آیت نمبر 184 کی تفسیر

﴿فَإِن كَذَّبُوكَ فَقَدْ كُذِّبَ رُسُلٌ مِّن قَبْلِكَ جَاءُوا بِالْبَيِّنَاتِ وَالزُّبُرِ وَالْكِتَابِ الْمُنِيرِ﴾
[ آل عمران: 184]

Ayat With Urdu Translation

پھر اگر یہ لوگ تم کو سچا نہ سمجھیں تو تم سے پہلے بہت سے پیغمبر کھلی ہوئی نشانیاں اور صحیفے اور روشن کتابیں لے کر آچکے ہیں اور لوگوں نے ان کو بھی سچا نہیں سمجھا

Surah al imran Urdu

تفسیر احسن البیان - Ahsan ul Bayan

( 1 ) نبی ( صلى الله عليه وسلم ) کو تسلی دی جا رہی ہے کہ آپ ( صلى الله عليه وسلم ) یہودیوں کی ان کٹ حجتیوں سے بددل نہ ہوں۔ ایسا معاملہ صرف آپ ( صلى الله عليه وسلم ) کے ساتھ نہیں کیا جا رہا ہے۔ آپ ( صلى الله عليه وسلم ) سے پہلے آنے والے پیغمبروں کے ساتھ بھی یہی کچھ ہو چکا ہے۔

Tafsir Bayan ul Quran - Dr. Israr Ahmad

آیت 184 فَاِنْ کَذَّبُوْکَ تو یہ کوئی تعجب کی بات نہیں۔ یہ معاملہ صرف آپ ﷺ ہی کے ساتھ نہیں ہوا۔فَقَدْ کُذِّبَ رُسُلٌ مِّنْ قَبْلِکَ یہ تو اس راستے کا ایک عام تجربہ ہے ‘ جس سے آپ ﷺ ‘ کو بھی گزرنا پڑے گا۔