Surah Mutaffifin Ayat 26 Urdu tafseer | سورہ مطففین کی آیت نمبر 26 کی تفسیر

﴿خِتَامُهُ مِسْكٌ ۚ وَفِي ذَٰلِكَ فَلْيَتَنَافَسِ الْمُتَنَافِسُونَ﴾
[ المطففين: 26]

Ayat With Urdu Translation

جس کی مہر مشک کی ہو گی تو (نعمتوں کے) شائقین کو چاہیے کہ اسی سے رغبت کریں

Surah Mutaffifin Urdu

تفسیر احسن البیان - Ahsan ul Bayan

( 1 ) یعنی عمل کرنے والےکو ایسے عملوں میں سبقت کرنی چاہئے جس کے صلے میں جنت اور اس کی یہ نعمتیں حاصل ہوں۔ جیسے فرمایا، لِمِثْلِ هَذَا فَلْيَعْمَلِ الْعَامِلُونَ ( الصافات:61 ) ۔

Tafsir Bayan ul Quran - Dr. Israr Ahmad

آیت 26{ خِتٰمُہٗ مِسْکٌ} ” اس کی مہر ہوگی مشک کی۔ “ { وَفِیْ ذٰلِکَ فَلْیَتَنَافَسِ الْمُتَنَافِسُوْنَ۔ } ” اس چیز کے لیے سبقت لے جانے کی کوشش کریں سبقت لے جانے والے۔ “ اہل ایمان کو چاہیے کہ وہ دنیا کی حقیر چیزوں کے پیچھے دوڑنے کے بجائے ان دوامی نعمتوں کو حاصل کرنے کے لیے محنت اور مسابقت کریں۔