Surah Adiyat Ayat 3 Urdu tafseer | سورہ العادیات کی آیت نمبر 3 کی تفسیر

﴿فَالْمُغِيرَاتِ صُبْحًا﴾
[ العاديات: 3]

Ayat With Urdu Translation

پھر صبح کو چھاپہ مارتے ہیں

Surah Adiyat Urdu

تفسیر احسن البیان - Ahsan ul Bayan

( 1 ) مُغِيرَاتٌ، أَغَارَ يُغِيرُ سے ہے، شب خون مارنے یا دھاوا بولنے والے۔ صُبْحًا صبح کے وقت، عرب میں عام طور پر حملہ اسی وقت کیا جاتا تھا، شب خون تو وہ مارتے ہیں جو فوجی گھوڑوں پر سوار ہوتے ہیں، لیکن اس کی نسبت گھوڑوں کی طرف اس لئے کی ہے کہ دھاوا بولنے میں فوجیوں کے یہ بہت زیادہ کام آتے ہیں۔

Tafsir Bayan ul Quran - Dr. Israr Ahmad

آیت 3{ فَالْمُغِیْرٰتِ صُبْحًا۔ } ” پھر وہ علی الصبح غارت گری کرتے ہیں۔ “ اس آیت میں گھوڑوں کی خصوصی صفات کے ساتھ ساتھ زمانہ جاہلیت کے عرب تمدن کی جھلک بھی دکھائی دیتی ہے۔ اہل عرب جب لوٹ مار یا قتل و غارت کے لیے کسی قبیلے پر حملے کی منصوبہ بندی کرتے تو اس کے لیے علی الصبح منہ اندھیرے کے اوقات small hours of the morning کا انتخاب کرتے تھے۔ اس قسم کی غارت گری کے لیے رات کا پچھلا پہر اس لیے موزوں سمجھا جاتا تھا کہ اس وقت ہر کوئی بڑی سکون کی نیند سو رہا ہوتا ہے۔ حتیٰ کہ اگر کوئی مریض تکلیف کی وجہ سے ساری رات سو نہ سکے تو رات کے پچھلے پہر اسے بھی نیند آجاتی ہے۔