Surah Najm Ayat 48 Urdu tafseer | سورہ نجم کی آیت نمبر 48 کی تفسیر

﴿وَأَنَّهُ هُوَ أَغْنَىٰ وَأَقْنَىٰ﴾
[ النجم: 48]

Ayat With Urdu Translation

اور یہ کہ وہی دولت مند بناتا اور مفلس کرتا ہے

Surah Najm Urdu

تفسیر احسن البیان - Ahsan ul Bayan

( 1 ) یعنی کسی کو اتنی تونگری دیتا ہے کہ وہ کسی کا محتاج نہیں ہوتا اور اس کی تمام حاجتیں پوری ہو جاتی ہیں اور کسی کو اتنا سرمایہ دے دیتا ہے کہ اس کے پاس ضرورت سے زائد بچ رہتا ہے اور وہ اس کو جمع کر کے رکھتا ہے۔

Tafsir Bayan ul Quran - Dr. Israr Ahmad

آیت 48{ وَاَنَّہٗ ہُوَ اَغْنٰی وَاَقْنٰی۔ } ” اور یہ کہ اسی نے دولت دی اور اسی نے خزانہ دیا۔ “ اَقْنٰی چونکہ باب افعال سے ہے ‘ جس کی خصوصیات میں ” سلب ماخذ “ بھی ہے ‘ چناچہ اس کا ترجمہ اَفْقَرَ بھی کیا گیا ہے۔ یعنی اس نے کسی کو غنی اور کسی کو فقیر بنا دیا۔