Surah waqiah Ayat 55 Urdu tafseer | سورہ واقعہ کی آیت نمبر 55 کی تفسیر

﴿فَشَارِبُونَ شُرْبَ الْهِيمِ﴾
[ الواقعة: 55]

Ayat With Urdu Translation

اور پیو گے بھی تو اس طرح جیسے پیاسے اونٹ پیتے ہیں

Surah waqiah Urdu

تفسیر احسن البیان - Ahsan ul Bayan

( 1 ) هِيمٌ ، أَهْيَمُ کی جمع ہے، ان پیاسے اونٹوں کو کہا جاتا ہے جو ایک خاص بیماری کی وجہ سے پانی پر پانی پیئے جاتے ہیں لیکن ان کی پیاس نہیں بجھتی۔ مطلب یہ ہے کہ زقوم کھانے کے بعد بھی اس طرح نہیں پیو گے جس طرح عام معمول ہوتا ہے، بلکہ ایک تو بطور عذاب کے تمہیں پینے کےلیے کھولتاہوا پانی ملے گا۔ دوسرا تم اسے پیاسے اونٹوں کی طرح پیئے جاؤ گے لیکن تمہاری پیاس دور نہیں ہوگی۔

Tafsir Bayan ul Quran - Dr. Israr Ahmad

آیت 55{ فَشٰرِبُوْنَ شُرْبَ الْہِیْمِ۔ } ” اور ایسے پیو گے جیسے پیاس کا مارا اونٹ پیتا ہے۔ “ جس طرح پیاس زدہ اونٹ جلدی جلدی اپنے پیٹ میں پانی بھرتا چلا جاتا ہے تم بھی وہ کھولتا ہوا پانی اسی طرح اپنے پیٹو میں بھروگے۔