Surah fajr Ayat 3 Urdu tafseer | سورہ فجر کی آیت نمبر 3 کی تفسیر

﴿وَالشَّفْعِ وَالْوَتْرِ﴾
[ الفجر: 3]

Ayat With Urdu Translation

اور جفت اور طاق کی

Surah fajr Urdu

تفسیر احسن البیان - Ahsan ul Bayan

( 1 ) اس سے مراد جفت اور طاق عدد ہیں یا وہ معدودات جو جفت اور طاق ہوتے ہیں۔ بعض کہتے ہیں، کہ یہ دراصل مخلوق کی قسم ہے، اس لئے کہ مخلوق جفت ( جوڑا ) یا طاق ( فرد ) ہے۔ اس کے علاوہ نہیں۔ ( ایسر التفاسیر )۔

Tafsir Bayan ul Quran - Dr. Israr Ahmad

آیت 3{ وَّالشَّفْعِ وَالْوَتْرِ۔ } ” اور قسم ہے ُ جفت کی اور طاق کی۔ “ اس سے عموماً رمضان کے آخری عشرہ کی جفت اور طاق راتیں مرادلی جاتی ہیں اور طاق راتوں میں لیلۃ القدر ہے۔ البتہ دنیا کے تمام علاقوں میں چاند چونکہ ایک ساتھ نظر نہیں آتا اس لیے مختلف علاقوں کی طاق اور جفت راتوں میں فرق ہوگا۔ مثلاً ہوسکتا ہے ہمارے ہاں پاکستان میں جو رات طاق ہو سعودی عرب میں وہ جفت ہو۔