Surah dukhan Ayat 33 Urdu tafseer | سورہ دخان کی آیت نمبر 33 کی تفسیر

﴿وَآتَيْنَاهُم مِّنَ الْآيَاتِ مَا فِيهِ بَلَاءٌ مُّبِينٌ﴾
[ الدخان: 33]

Ayat With Urdu Translation

اور ان کو ایسی نشانیاں دی تھیں جن میں صریح آزمائش تھی

Surah dukhan Urdu

تفسیر احسن البیان - Ahsan ul Bayan

( 1 ) آیات سے مراد وہ معجزات ہیں جو حضرت موسیٰ ( عليه السلام ) کو دیے گئے تھے، ان میں آزمائش کا پہلو یہ تھا کہ اللہ تعالیٰ دیکھے کہ وہ کیسے عمل کرتے ہیں؟ یا پھر آیات سے مراد وہ احسانات ہیں جو اللہ نے ان پر فرمائے۔ مثلاً فرعونیوں کو غرق کر کے ان کو نجات دینا، ان کے لیے دریا کو پھاڑ کر راستہ بنانا، بادلوں کا سایہ اور من وسلویٰ کا نزول وغیرہ۔ اس میں آزمائش یہ ہے کہ ان احسانات کے بدلے میں یہ قوم اللہ کی فرماں برداری کا راستہ اختیار کرتی ہے یا اس کی ناشکری کرتے ہوئے اس کی بغاوت اور سرکشی کا راستہ اپناتی ہے۔