Batiya Surah Al-Mujadilah Maranao – Baalikan ago Kadngug

قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ ۝١

📖 Baalikan Ayat 1

Sabnar a miyan´g o Allah so katharo o (babay a) pphamawalng ka niyan makapantag ko karoma niyan, go gii phanon ko Allah. Na so Allah na pkhan´g Iyan so gii niyo kazinmbaga: Mataan! a so Allah na Pphakan´g, a Pphakaylay

الَّذِينَ يُظَاهِرُونَ مِنكُم مِّن نِّسَائِهِم مَّا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنكَرًا مِّنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ ۝٢

📖 Baalikan Ayat 2

Siran a pd rkano a ipphangingiring iran ko manga likod o manga ina iran so manga karoma iran, na kna a ba siran i manga ina iran: da a manga ina iran inonta so mimbabawata kiran; na mataan! a siran na titho a gii siran tharo sa marzik a katharo go kabokhag. Na mataan! a so Allah na tanto a Malai-maap, a Manapi

وَالَّذِينَ يُظَاهِرُونَ مِن نِّسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِّن قَبْلِ أَن يَتَمَاسَّا ۚ ذَٰلِكُمْ تُوعَظُونَ بِهِ ۚ وَاللَّهُ بِمَا تَعْمَلُونَ خَبِيرٌ ۝٣

📖 Baalikan Ayat 3

Na so ipphangingiring iran ko manga likod o manga ina iran so manga karoma iran, oriyan iyan na ipagndod iran so miyatharo iran, na makapmaradika sa isa a oripn ko da iran pn kapakaprorada. Giyoto man na ipphangthoma rkano to. Na so Allah na so gii niyo nggolawlaan na Kaip Iyan

فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ مِن قَبْلِ أَن يَتَمَاسَّا ۖ فَمَن لَّمْ يَسْتَطِعْ فَإِطْعَامُ سِتِّينَ مِسْكِينًا ۚ ذَٰلِكَ لِتُؤْمِنُوا بِاللَّهِ وَرَسُولِهِ ۚ وَتِلْكَ حُدُودُ اللَّهِ ۗ وَلِلْكَافِرِينَ عَذَابٌ أَلِيمٌ ۝٤

📖 Baalikan Ayat 4

Na sa taw a di makatoon (sa mapmaradika iyan, na paliyogat on) so kaphowasa sa dowa olan sa di marintas ko di iran pn kapakaprorada. Na sa taw a di phakabaog, na so kapakakana ko nm polo a miskin. Giyoto dn man, ka an iyo maparatiyaya so Allah go so sogo Iyan. Na giyoto man i manga taman o Allah. Na adn a bagian o miyamangongkir a siksa a malipds

إِنَّ الَّذِينَ يُحَادُّونَ اللَّهَ وَرَسُولَهُ كُبِتُوا كَمَا كُبِتَ الَّذِينَ مِن قَبْلِهِمْ ۚ وَقَدْ أَنزَلْنَا آيَاتٍ بَيِّنَاتٍ ۚ وَلِلْكَافِرِينَ عَذَابٌ مُّهِينٌ ۝٥

📖 Baalikan Ayat 5

Mataan! a siran a sosorangn iran so Allah go so sogo Iyan, na phakadapanasn siran sa lagid o kiyapakadapanasa ko miyaonaan iran. Na sabnar a piyakatoron Ami so manga ayat a manga rarayag. Na adn a bagian o miyamangongkir a siksa, a phakahina

يَوْمَ يَبْعَثُهُمُ اللَّهُ جَمِيعًا فَيُنَبِّئُهُم بِمَا عَمِلُوا ۚ أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ ۝٦

📖 Baalikan Ayat 6

Sii ko alongan a kawyaga kiran o Allah langon, na panotholn Iyan kiran so pinggolawla iran. Tatanodan oto o Allah, na piyakalipatan iran oto. Na so Allah i saksi ko langowan taman

أَلَمْ تَرَ أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ ۖ مَا يَكُونُ مِن نَّجْوَىٰ ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَىٰ مِن ذَٰلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ۖ ثُمَّ يُنَبِّئُهُم بِمَا عَمِلُوا يَوْمَ الْقِيَامَةِ ۚ إِنَّ اللَّهَ بِكُلِّ شَيْءٍ عَلِيمٌ ۝٧

📖 Baalikan Ayat 7

Bang ka di katawi a mataan! a so Allah na katawan Iyan so zisii ko manga langit ago so zisii ko lopa? da a khabaloy a bitiyara o tlo a ba di Skaniyan i ika pat iran, - o di na lima a ba di Skaniyan i ikanm iran, - odi na kakorangan oto, antawaa makadakl, a ba di Skaniyan i pd iran apiya anda siran matago, oriyan iyan na panotholn Iyan kiran so pinggolawla iran, ko alongan a qiyamah. Mataan! a so Allah i Matao ko langowan taman

أَلَمْ تَرَ إِلَى الَّذِينَ نُهُوا عَنِ النَّجْوَىٰ ثُمَّ يَعُودُونَ لِمَا نُهُوا عَنْهُ وَيَتَنَاجَوْنَ بِالْإِثْمِ وَالْعُدْوَانِ وَمَعْصِيَتِ الرَّسُولِ وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ وَيَقُولُونَ فِي أَنفُسِهِمْ لَوْلَا يُعَذِّبُنَا اللَّهُ بِمَا نَقُولُ ۚ حَسْبُهُمْ جَهَنَّمُ يَصْلَوْنَهَا ۖ فَبِئْسَ الْمَصِيرُ ۝٨

📖 Baalikan Ayat 8

Ay gda a ka ko siran a inisapar kiran so kakhokoroya, oriyan iyan na gi iran mbalinganan so inisapar kiran skaniyan? Go gi iran khokoroyaan so dosa, go so rido, go so kasasangkaa ko Rasol. Na igira a miyakaoma siran rka na ipzalam iran rka so da rka oto salamn o Allah, go gi iran tharoon sii ko manga ginawa iran a: "Ino a di rktano bo iziksa o Allah so gii tano tharoon?" Kiyatangkaan siran ko naraka Jahannam; a phamakasold siran on. Na miyakaratarata a khabolosan

يَا أَيُّهَا الَّذِينَ آمَنُوا إِذَا تَنَاجَيْتُمْ فَلَا تَتَنَاجَوْا بِالْإِثْمِ وَالْعُدْوَانِ وَمَعْصِيَتِ الرَّسُولِ وَتَنَاجَوْا بِالْبِرِّ وَالتَّقْوَىٰ ۖ وَاتَّقُوا اللَّهَ الَّذِي إِلَيْهِ تُحْشَرُونَ ۝٩

📖 Baalikan Ayat 9

Hay so miyamaratiyaya, igira a pmbibitiyarai kano, na di niyo pmbibitiyarai so dosa, go so rido, go so kasangkaa ko Rasol, na aya mbibitiyarai niyo na so kaphiyapiya, go so kapananggila. Na kalkn iyo so Allah, a so sii Rkaniyan i plimodan rkano

إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ ۝١٠

📖 Baalikan Ayat 10

So kakhokoroya (a marata) na sii bo phoon ko shaytan, ka an iyan mapakamboko so miyamaratiyaya. Na da a khibinasa niyan kiran a mayto bo inonta o sabap ko idin o Allah. Na so bo so Allah i sarigi o miyamaratiyaya

يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ ۖ وَإِذَا قِيلَ انشُزُوا فَانشُزُوا يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ ۝١١

📖 Baalikan Ayat 11

Hay so miyamaratiyaya! igira a pitharo rkano, a ploaloag kano ko manga darpa, na ploaloag kano, ka loagang kano o Allah. Na igira a adn a mitharo sa ozor kano, na ozor kano; ka iphoro o Allah so miyamaratiyaya, a pd rkano, go (iphoro Iyan) so piyamgan ko katao, sa phipira pangkat. Na so Allah na so gii niyo nggolawlaan na Kaip Iyan

يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةً ۚ ذَٰلِكَ خَيْرٌ لَّكُمْ وَأَطْهَرُ ۚ فَإِن لَّمْ تَجِدُوا فَإِنَّ اللَّهَ غَفُورٌ رَّحِيمٌ ۝١٢

📖 Baalikan Ayat 12

Hay so miymaratiyaya, igira a ipmbitiyarai niyo so Rasol, na onaan iyo ko dapn so bitiyara niyo so sadka. Giyoto man i mapiya rkano go lbi a phakasoti. Na o da a khatoon iyo na mataan! a so Allah na Manapi, a Makalimoon

أَأَشْفَقْتُمْ أَن تُقَدِّمُوا بَيْنَ يَدَيْ نَجْوَاكُمْ صَدَقَاتٍ ۚ فَإِذْ لَمْ تَفْعَلُوا وَتَابَ اللَّهُ عَلَيْكُمْ فَأَقِيمُوا الصَّلَاةَ وَآتُوا الزَّكَاةَ وَأَطِيعُوا اللَّهَ وَرَسُولَهُ ۚ وَاللَّهُ خَبِيرٌ بِمَا تَعْمَلُونَ ۝١٣

📖 Baalikan Ayat 13

Ba niyo inikalk a kiyonaan iyo ko da pn so bitiyara niyo ko manga sadka? Na gowani a da niyo nggolawlaa, go piyakatawbat kano o Allah, na pamayandgn iyo so sambayang, go tonaya niyo so zakat, go onoti niyo so Allah ago so sogo Iyan. Na so Allah na Kaip Iyan so gii niyo nggolawlaan

۞ أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللَّهُ عَلَيْهِم مَّا هُم مِّنكُمْ وَلَا مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ ۝١٤

📖 Baalikan Ayat 14

Bang ka da maylay so kinowa iran a manga panarigan so pagtaw a kiyararangitan siran o Allah? Di siran rkano pd go di siran kiran pd, go gii siran zapa sa kabokhag, a siran na katawan iran

أَعَدَّ اللَّهُ لَهُمْ عَذَابًا شَدِيدًا ۖ إِنَّهُمْ سَاءَ مَا كَانُوا يَعْمَلُونَ ۝١٥

📖 Baalikan Ayat 15

Pithiyagaran o Allah so bagian iran sa siksa a sangat. Mataan! a siran na miyakaratarata so pinggolawla iran

اتَّخَذُوا أَيْمَانَهُمْ جُنَّةً فَصَدُّوا عَن سَبِيلِ اللَّهِ فَلَهُمْ عَذَابٌ مُّهِينٌ ۝١٦

📖 Baalikan Ayat 16

Pimbaalan iran so manga sapa iran a lindonga, ka an siran pphakaalang ko lalan ko Allah, na adn a bagian iran a siksa a phakahina

لَّن تُغْنِيَ عَنْهُمْ أَمْوَالُهُمْ وَلَا أَوْلَادُهُم مِّنَ اللَّهِ شَيْئًا ۚ أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ ۝١٧

📖 Baalikan Ayat 17

Dadn a milinding kiran o manga tamok iran, go so manga wata iran ko (siksa o) Allah a mayto bo. Siran man i manga taw ko naraka, siran na ron siran on dn makakakal

يَوْمَ يَبْعَثُهُمُ اللَّهُ جَمِيعًا فَيَحْلِفُونَ لَهُ كَمَا يَحْلِفُونَ لَكُمْ ۖ وَيَحْسَبُونَ أَنَّهُمْ عَلَىٰ شَيْءٍ ۚ أَلَا إِنَّهُمْ هُمُ الْكَاذِبُونَ ۝١٨

📖 Baalikan Ayat 18

Sii ko alongan a kawyaga kiran o Allah langon, na pzapa siran on sa lagid odi iran rkano kazapa: Ka aya tarima iran na mataan! a siran na sii ko shay´ (a phakabgay sa gona). Ba di mataan! a siran na siran na manga bokhag

اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ ۚ أُولَٰئِكَ حِزْبُ الشَّيْطَانِ ۚ أَلَا إِنَّ حِزْبَ الشَّيْطَانِ هُمُ الْخَاسِرُونَ ۝١٩

📖 Baalikan Ayat 19

Minipaar siran o shaytan, na piyakilipatan iyan kiran so tadm ko Allah: Siran man i tampil ko shaytan. Ba di mataan! a so tampil ko shaytan na siran i manga logi

إِنَّ الَّذِينَ يُحَادُّونَ اللَّهَ وَرَسُولَهُ أُولَٰئِكَ فِي الْأَذَلِّينَ ۝٢٠

📖 Baalikan Ayat 20

Mataan! a so khisosorang ko Allah ago so sogo Iyan na siran man i pd ko lbi a manga bababa

كَتَبَ اللَّهُ لَأَغْلِبَنَّ أَنَا وَرُسُلِي ۚ إِنَّ اللَّهَ قَوِيٌّ عَزِيزٌ ۝٢١

📖 Baalikan Ayat 21

Inisorat o Allah a: "Mataan a phakadaag Ako dn, Sakn ago so manga sogo Akn. Mataan! a so Allah na Mabagr, a Domadaag

لَّا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ ۖ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّهُ عَنْهُمْ وَرَضُوا عَنْهُ ۚ أُولَٰئِكَ حِزْبُ اللَّهِ ۚ أَلَا إِنَّ حِزْبَ اللَّهِ هُمُ الْمُفْلِحُونَ ۝٢٢

📖 Baalikan Ayat 22

Daa khatoon ka a pagtaw a paparatiyayaan iran so Allah ago so alongan a mawri a ba iran pkhababayai so taw a siyorang iyan so Allah ago so sogo Iyan, apiya pn siran na manga loks siran, odi na manga wata iran, odi na manga pagari ran, odi na manga tonganay ran. Siran man na inisorat Iyan ko manga poso iran so paratiyaya, go inibagr Iyan kiran so limo a phoon Rkaniyan; go phakasoldn Iyan siran ko manga sorga a pphamangondas ko kababaan iyan so manga lawasayg, makakakal siran on. Miyasoat kiran so Allah, go miyasoat siran Rkaniyan. Siran man i tampil ko Allah; ba di mataan! a so tampil ko Allah; na siran i phamakadaag

Surah Al-Mujadilah – Baalikan Maranao

Surah Al-Mujadilah ko Arab ago Maranao

Batiya ago Pamakin'eg ko Surah Al-Mujadilah

Ayat sa ayat – Surah Al-Mujadilah — 22 Ayat