სურა ალ-მუჯადილა არაბულად და ქართულად

წაიკითხეთ სურა ალ-მუჯადილა სრული ქართული თარგმანით, გამოთქმით და აუდიო წაკითხვით. თითოეული აიათის მნიშვნელობა. (22 აია — مدنية). ალ-მუჯადილა მოსმენა, ალ-მუჯადილა თარგმანი, ალ-მუჯადილა mp3, ალ-მუჯადილა pdf.

სურა ალ-მუჯადილა წაკითხვა და მოსმენა

🎧 აია
M Mishary Rashid Alafasy ✓
M Mahmoud Khalil Al-Husary ✓
A Abdurrahman As-Sudais ✓
M Mohamed Siddiq Al-Minshawi ✓
A Abdul Basit Abdul Samad ✓
A Ali Al-Hudhaify ✓
A Ahmed ibn Ali al-Ajamy ✓
A Abu Bakr Ash-Shaatree ✓
M Muhammad Ayyoub ✓
A Abdullah Basfar ✓
A Abdullah Al-Juhani ✓
M Maher Al Muaiqly ✓
—
x1
قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ ۝١
📖 თარგმანი აია 1
ჭეშმარიტად, შეისმინა ალლაჰმა იმ [ქალის] სიტყვა , რომელიც გეკამათებოდა თავისი ქმრის გამო და შესჩიოდა ალლაჰს. და ალლაჰს ესმოდა თქვენი საუბარი. ჭეშმარიტად, ალლაჰი ყოვლისმსმენი, ყოვლისმხედველია.
الَّذِينَ يُظَاهِرُونَ مِنكُم مِّن نِّسَائِهِم مَّا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنكَرًا مِّنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ ۝٢
📖 თარგმანი აია 2
თქვენგან ისინი, ვინც თავიანთ ცოლებს ეუბნებიან, რომ ისინი (ცოლები) მათი დედების ზურგებს ჰგვანან, ცოდვას სჩადიან, რადგან ისინი (ცოლები) სინამდვილეში არ არიან მათი (ქმრების) დედები. მათი დედები მხოლოდ ისინი არიან, ვინც ისინი შობეს. ისინი ნამდვილად ამბობენ საძრახ სიტყვებს და სიცრუეს. ჭეშმარიტად ალლაჰი, შემწყნარებელი, მიმტევებელია.
وَالَّذِينَ يُظَاهِرُونَ مِن نِّسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِّن قَبْلِ أَن يَتَمَاسَّا ۚ ذَٰلِكُمْ تُوعَظُونَ بِهِ ۚ وَاللَّهُ بِمَا تَعْمَلُونَ خَبِيرٌ ۝٣
📖 თარგმანი აია 3
და ისინი (ქმრები), ვინც თავიანთ ცოლებს ეუბნებიან, რომ ისინი [ცოლები] მათი დედების ზურგებივით არიან და შემდეგ უარყოფენ ნათქვამს [გადაწყვეტენ ქორწინების გაგრძელებას], (ისინი ვალდებულნი არიან, ამის გამო გამოსასყიდი გადაიხადონ) მორწმუნე მონის (ან მორწმუნე მონა ქალის) გათავისუფლებით, სანამ ისინი [წყვილი] ერთმანეთს შეეხებიან [ინტიმურ კავშირს დაამყარებენ]. ეს [ალლაჰის გადაწყვეტილება] არის ის, რითაც თქვენ (ო, მორწმუნეებო) გაფრთხილებთ (რათა არ ჩაიდინოთ ასეთი ქმედება), და ალლაჰმა იცის, რასაც აკეთებთ!
فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ مِن قَبْلِ أَن يَتَمَاسَّا ۖ فَمَن لَّمْ يَسْتَطِعْ فَإِطْعَامُ سِتِّينَ مِسْكِينًا ۚ ذَٰلِكَ لِتُؤْمِنُوا بِاللَّهِ وَرَسُولِهِ ۚ وَتِلْكَ حُدُودُ اللَّهِ ۗ وَلِلْكَافِرِينَ عَذَابٌ أَلِيمٌ ۝٤
📖 თარგმანი აია 4
ხოლო ვინც ვერ იპოვის (მონას რათა გაანთავისუფლოს), მაშინ ზედიზედ ორი თვე იმარხულოს, ვიდრე ერთმანეთს შეეხებიან (ცოლ-ქმარი ინტიმურად). ხოლო ვისაც არ შეუძლია, მაშინ სამოცი ღატაკი დააპუროს. ეს იმიტომ, რომ ირწმუნოთ ალლაჰი და მისი შუამავალი. და ეს ალლაჰის მიერ დაწესებული საზღვრებია. ხოლო ურწმუნოთათვის მწარე სასჯელია.
إِنَّ الَّذِينَ يُحَادُّونَ اللَّهَ وَرَسُولَهُ كُبِتُوا كَمَا كُبِتَ الَّذِينَ مِن قَبْلِهِمْ ۚ وَقَدْ أَنزَلْنَا آيَاتٍ بَيِّنَاتٍ ۚ وَلِلْكَافِرِينَ عَذَابٌ مُّهِينٌ ۝٥
📖 თარგმანი აია 5
უეჭველად, ისინი, ვინც ეწინააღმდეგებიან ალლაჰსა და მის შუამავალს, დამცირებულნი იქნებიან, ისევე როგორც დამცირებულნი იქნენ ისინი, ვინც მათზე უწინ იყვნენ (უწინდელი ერები და თემები, რომლებიც ალლაჰსა და მის მუციქულებს ეურჩებოდნენ). და ჩვენ ხომ გარდმოვავლინეთ ცხადი აიათები (სასწაულები). ხოლო ურწმუნოთათვის დამამცირებელი სასჯელია.
يَوْمَ يَبْعَثُهُمُ اللَّهُ جَمِيعًا فَيُنَبِّئُهُم بِمَا عَمِلُوا ۚ أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ ۝٦
📖 თარგმანი აია 6
იმ დღეს, როცა ალლაჰი ყველას ერთად აღადგენს და ამცნობს მათ, რაც მათ ჩაიდინეს (ამქვეყნიერ ცხოვრებაში). ალლაჰმა აღრიცხა ის (რაც მათ ჩაიდინეს), მათ კი დაივიწყეს. და ალლაჰი ყოვლის მოწმეა.
أَلَمْ تَرَ أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ ۖ مَا يَكُونُ مِن نَّجْوَىٰ ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَىٰ مِن ذَٰلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ۖ ثُمَّ يُنَبِّئُهُم بِمَا عَمِلُوا يَوْمَ الْقِيَامَةِ ۚ إِنَّ اللَّهَ بِكُلِّ شَيْءٍ عَلِيمٌ ۝٧
📖 თარგმანი აია 7
ნუთუ არ გინახავს, რომ ალლაჰმა იცის, რაც არის ცათა შინა და რაც არის ქვეყანასა ზედა? არ არსებობს სამი კაცის საიდუმლო საუბარი, რომ ის არ იყოს მათი მეოთხე, და არც ხუთის, რომ ის არ იყოს მათი მეექვსე, და არც ამაზე ნაკლების და არც მეტის, რომ ის არ იყოს მათთან ერთად, სადაც არ უნდა იყვნენ. შემდეგ ამცნობს მათ, თუ რა გააკეთეს, აღდგომის დღეს. უეჭველად, ალლაჰი ყოვლისმცოდნეა.
أَلَمْ تَرَ إِلَى الَّذِينَ نُهُوا عَنِ النَّجْوَىٰ ثُمَّ يَعُودُونَ لِمَا نُهُوا عَنْهُ وَيَتَنَاجَوْنَ بِالْإِثْمِ وَالْعُدْوَانِ وَمَعْصِيَتِ الرَّسُولِ وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ وَيَقُولُونَ فِي أَنفُسِهِمْ لَوْلَا يُعَذِّبُنَا اللَّهُ بِمَا نَقُولُ ۚ حَسْبُهُمْ جَهَنَّمُ يَصْلَوْنَهَا ۖ فَبِئْسَ الْمَصِيرُ ۝٨
📖 თარგმანი აია 8
განა არ გინახავს შენ (ო, შუამავალო) ისინი [მედინელი იუდეველები], რომლებსაც აკრძალული ჰქონდათ ფარული საუბარი (მორწმუნეთა თანდასწრებით) (რათა ამით მორწმუნეთა გულებში იუდეველთა განზრახვების შესახებ ეჭვი არ ჩაეთესათ)? მაგრამ (შემდეგ) ისინი [იუდეველები] კვლავ უბრუნდებიან იმას, რაც აკრძალული ჰქონდათ [მორწმუნეთა თვალწინ ფარულ საუბარს], და ფარულად ლაპარაკობენ ცოდვაზე, მტრობასა (მორწმუნეების მიმართ) და მოციქულისადმი [მუჰამმადისადმი] ურჩობაზე. ხოლო როდესაც ისინი [იუდეველები] შენთან (ო, მოციქულო) (რაიმე საქმის გამო) მოდიან, ისეთი მისალმებით გესალმებიან , როგორითაც ალლაჰს შენთვის არასოდეს მიუსალმებია. და თავიანთ გულებში [ჩუმად] ამბობენ: «რატომ არ გვსჯის ალლაჰი იმის გამო, რასაც (მუჰამმადს) ვეუბნებით, თუ ის მართლაც ალლაჰის მოციქულია?» მათთვის საკმარისია გეენა [ჯოჯოხეთი], სადაც ისინი დაიწვებიან (მარადიულად)! და რა ცუდი დასაბრუნებელი ადგილია იგი!
يَا أَيُّهَا الَّذِينَ آمَنُوا إِذَا تَنَاجَيْتُمْ فَلَا تَتَنَاجَوْا بِالْإِثْمِ وَالْعُدْوَانِ وَمَعْصِيَتِ الرَّسُولِ وَتَنَاجَوْا بِالْبِرِّ وَالتَّقْوَىٰ ۖ وَاتَّقُوا اللَّهَ الَّذِي إِلَيْهِ تُحْشَرُونَ ۝٩
📖 თარგმანი აია 9
ჰეი თქვენ, რომელთაც ირწმუნეთ! როცა საიდუმლოდ საუბრობთ, ნუ ისაუბრებთ ცოდვაზე, მტრობასა და შუამავლისადმი ურჩობაზე (როგორც ებრაელები საუბრობდნენ), არამედ ისაუბრეთ სიკეთესა და ღვთისმოშიშობაზე. და გეშინოდეთ ალლაჰისა, რომლის წინაშეც შეკრებილნი იქნებით.
إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ ۝١٠
📖 თარგმანი აია 10
უეჭველად, ფარული საუბარი სატანისგანაა, რათა დაამწუხროს მორწმუნენი, მაგრამ ის ვერაფერს ავნებს მათ ალლაჰის ნების გარეშე. დაე, ალლაჰს მიენდონ მორწმუნენი.
يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ ۖ وَإِذَا قِيلَ انشُزُوا فَانشُزُوا يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ ۝١١
📖 თარგმანი აია 11
ჰეი, თქვენ, რომელთაც ირწმუნეთ! როცა გეტყვიან (შეკრებებზე): «გააფართოვეთ ადგილი», [რომ სხვებსაც შეეძლოთ დაჯდომა]! — მაშინ გააფართოვეთ, და ალლაჰი გაგიფართოვებთ თქვენთვის (ამ ქვეყანაშიც და სამოთხეშიც). და როცა გეუბნებიან: «ადექით!» — მაშინ ადექით. ალლაჰი აღამაღლებს თქვენგან მათ, ვინც ირწმუნა, და მათ, ვისაც ცოდნა მიეცა, ხარისხებით. და ალლაჰი ყოვლისმცოდნეა იმისა, რასაც თქვენ აკეთებთ.
يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةً ۚ ذَٰلِكَ خَيْرٌ لَّكُمْ وَأَطْهَرُ ۚ فَإِن لَّمْ تَجِدُوا فَإِنَّ اللَّهَ غَفُورٌ رَّحِيمٌ ۝١٢
📖 თარგმანი აია 12
ჰეი თქვენ, რომელთაც ირწმუნეთ! როცა გსურთ საიდუმლოდ დაელაპარაკოთ მოციქულს, მაშინ წინასწარ გაიღეთ მოწყალება თქვენი საიდუმლო საუბრის წინ. ეს უკეთესია თქვენთვის და უფრო სუფთაა (თქვენი გულებისთვის). ხოლო თუ ვერ იპოვით (რასაც გასცემთ მოწყალებად), მაშინ ამაში ცოდვა არ არის; და ჭეშმარიტად, ალლაჰი მიმტევებელი, შემწყალებელია.
أَأَشْفَقْتُمْ أَن تُقَدِّمُوا بَيْنَ يَدَيْ نَجْوَاكُمْ صَدَقَاتٍ ۚ فَإِذْ لَمْ تَفْعَلُوا وَتَابَ اللَّهُ عَلَيْكُمْ فَأَقِيمُوا الصَّلَاةَ وَآتُوا الزَّكَاةَ وَأَطِيعُوا اللَّهَ وَرَسُولَهُ ۚ وَاللَّهُ خَبِيرٌ بِمَا تَعْمَلُونَ ۝١٣
📖 თარგმანი აია 13
ნუთუ შეგეშინდათ, რომ თქვენი ფარული საუბრის წინ მოწყალება გაგეღოთ (რომ ამით გაღარიბდებოდით, ან სატანამ ჩაგაგონათ, რომ ეს ზედმეტი ხარჯი იყო)? ხოლო როდესაც არ შეასრულეთ (ის, რაც ნაბრძანები გქონდათ), და (მას შემდეგ, რაც) ალლაჰმა თქვენი მონანიება მიიღო (წინასწარი მოწყალების შესახებ დადგენილების გაუქმებით), მაშინ (ამის გამოსასწორებლად) აღასრულეთ ლოცვა დროულად და სათანადო წესით, მიეცით სავალდებულო მოწყალება [ზაქათი] და დაემორჩილეთ ალლაჰსა და მის მოციქულს ყველაფერში, რაც თქვენთვის არის ნაბრძანები. ხოლო ალლაჰმა იცის, რასაც აკეთებთ, და ის მოგიზღავთ თქვენი საქმეების მიხედვით!
۞ أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللَّهُ عَلَيْهِم مَّا هُم مِّنكُمْ وَلَا مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ ۝١٤
📖 თარგმანი აია 14
ნუთუ არ გინახავს შენ, ო მოციქულო, ისინი [მუნაფიყები], რომლებმაც მეგობრებად (და მოკავშირეებად) აირჩიეს ისეთი ხალხი [იუდეველები], რომლებზეც ალლაჰი განრისხდა? ისინი არც თქვენგან არიან [მორწმუნეთაგან] და არც მათგან არიან [იუდეველთაგან]; და ისინი ფიცს ცრუდ დებენ, და თავადაც იციან, რომ ტყუიან იმაში, რაზეც ფიცს დებენ.
أَعَدَّ اللَّهُ لَهُمْ عَذَابًا شَدِيدًا ۖ إِنَّهُمْ سَاءَ مَا كَانُوا يَعْمَلُونَ ۝١٥
📖 თარგმანი აია 15
ალლაჰმა მათთვის სასტიკი სასჯელი გაამზადა. უეჭველად, რაოდენ ცუდია ის, რასაც ისინი სჩადიოდნენ.
اتَّخَذُوا أَيْمَانَهُمْ جُنَّةً فَصَدُّوا عَن سَبِيلِ اللَّهِ فَلَهُمْ عَذَابٌ مُّهِينٌ ۝١٦
📖 თარგმანი აია 16
მათ [მუნაფიყებმა] თავიანთი (ცრუ) ფიცები საფარველად გამოიყენეს (რათა მათი ურწმუნოების გამო არ მოეკლათ), და ამით (თავიანთ თავსაც და სხვებსაც) ალლაჰის გზიდან — ისლამიდან აცდენდნენ. მათთვის იქნება დამცირებელი სასჯელი (ჯოჯოხეთში)!
لَّن تُغْنِيَ عَنْهُمْ أَمْوَالُهُمْ وَلَا أَوْلَادُهُم مِّنَ اللَّهِ شَيْئًا ۚ أُولَٰئِكَ أَصْحَابُ النَّارِ ۖ هُمْ فِيهَا خَالِدُونَ ۝١٧
📖 თარგმანი აია 17
მათი ქონება და შვილები ვერაფერს არგებენ ალლაჰის წინაშე; ისინი ცეცხლის ბინადარნი არიან, და მარადიულად იქნებიან მასში.
يَوْمَ يَبْعَثُهُمُ اللَّهُ جَمِيعًا فَيَحْلِفُونَ لَهُ كَمَا يَحْلِفُونَ لَكُمْ ۖ وَيَحْسَبُونَ أَنَّهُمْ عَلَىٰ شَيْءٍ ۚ أَلَا إِنَّهُمْ هُمُ الْكَاذِبُونَ ۝١٨
📖 თარგმანი აია 18
იმ დღეს, როცა ალლაჰი აღადგენს მათ ყველას, ისინი მის წინაშე ფიცს დადებენ (რომ თითქოს მორწმუნეები იყვნენ), ისევე როგორც ფიცს დებდნენ თქვენ წინაშე (ო, მორწმუნენო), და ისინი [მუნაფიყები] იფიქრებენ, რომ ეს მათ დაეხმარება (ალლაჰის წინაშე, როგორც ეხმარებოდათ მორწმუნეთა წინაშე ამ სამყაროში). ო, დიახ! ჭეშმარიტად, ისინი (გადამეტებული, აშკარა) მატყუარები არიან.
اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ ۚ أُولَٰئِكَ حِزْبُ الشَّيْطَانِ ۚ أَلَا إِنَّ حِزْبَ الشَّيْطَانِ هُمُ الْخَاسِرُونَ ۝١٩
📖 თარგმანი აია 19
სატანამ სძლია მათ და დაავიწყა მათ ალლაჰის ხსენება, (ასე რომ მათ მიატოვეს ალლაჰის ბრძანებები). ასეთები [თვალთმაქცნი] — სატანის პარტიაა (და მისი მიმდევრები). ო, დიახ! ჭეშმარიტად, სატანის პარტია დამარცხებული და წაგებულია (ამქვეყნადაც და მარადიულ ცხოვრებაშიც)!
إِنَّ الَّذِينَ يُحَادُّونَ اللَّهَ وَرَسُولَهُ أُولَٰئِكَ فِي الْأَذَلِّينَ ۝٢٠
📖 თარგმანი აია 20
უეჭველად, ისინი, ვინც ეწინააღმდეგებიან ალლაჰსა და მის შუამავალს, სწორედ ისინი არიან ყველაზე დამცირებულთა შორის.
كَتَبَ اللَّهُ لَأَغْلِبَنَّ أَنَا وَرُسُلِي ۚ إِنَّ اللَّهَ قَوِيٌّ عَزِيزٌ ۝٢١
📖 თარგმანი აია 21
ალლაჰმა ჩაიწერა (ზეციურ ფირფიტაზე, ანუ დაადგინა რომ): «ჭეშმარიტად, მე და ჩემი შუამავლები გავიმარჯვებთ!» ჭეშმარიტად, ალლაჰი ყოვლისშემძლე, დიდებულია!
لَّا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ ۖ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّهُ عَنْهُمْ وَرَضُوا عَنْهُ ۚ أُولَٰئِكَ حِزْبُ اللَّهِ ۚ أَلَا إِنَّ حِزْبَ اللَّهِ هُمُ الْمُفْلِحُونَ ۝٢٢
📖 თარგმანი აია 22
ვერ იპოვი შენ (ო, მოციქულო) ისეთ ადამიანებს, რომლებსაც სწამთ ალლაჰის და უკანასკნელი დღის, და ამავე დროს უყვარდეთ ისინი, ვინც ალლაჰსა და მის მოციქულს ემიჯნება [ალლაჰისა და მისი მოციქულის მტრები], თუნდაც ისინი მათი მამები, შვილები, ძმები ან ნათესავები იყვნენ. ასეთ ადამიანებს ალლაჰმა მათ გულებში რწმენა განუმტკიცა და გააძლიერა ისინი მისგან მომდინარე სულით. და შეიყვანს მათ სამოთხის ბაღებში, რომელთა ქვემოთ მდინარეები მოედინება, სადაც ისინი მარადიულად დარჩებიან. ალლაჰი კმაყოფილია მათით, და ისინიც კმაყოფილნი არიან ალლაჰით. ისინი ალლაჰის პარტიაა. დიახ, ჭეშმარიტად, ალლაჰის პარტია — სწორედ ისინი არიან წარმატებულნი (ამქვეყნადაც და მარადიულ ცხოვრებაშიც)!
← 57 ალ-მუჯადილა (58/114) 59 →
წაკითხვა სურა ალ-მუჯადილა ქართულად – თარგმანი და აუდიო

58المجادلة Al-Mujadilah 📚 22 აია مدنية

აიათები – სურა ალ-მუჯადილა — 22 აია


📚 წმინდა ყურანი 🎧 მოსმენა mp3 ⬇ Quran mp3 📚 ყურანის საძიებელი


წმინდა ყურანი
Tuesday, August 18, 2026

Don't forget us in your sincere prayers