Surah Najm Ayat 14 Urdu tafseer | سورہ نجم کی آیت نمبر 14 کی تفسیر

﴿عِندَ سِدْرَةِ الْمُنتَهَىٰ﴾
[ النجم: 14]

Ayat With Urdu Translation

پرلی حد کی بیری کے پاس

Surah Najm Urdu

تفسیر احسن البیان - Ahsan ul Bayan

( 1 ) یہ لیلہ المعراج کوجب اصل شکل میں جبرائیل ( عليه السلام ) کو دیکھا، اس کا بیان ہے۔ یہ سدرہ المنتہیٰ،ایک بیری کا درخت ہے جو چھٹے یا ساتویں آسمان پر ہے اور یہ آخری حد ہے، اس سے اوپر کوئی فرشتہ نہیں جاسکتا۔ فرشتے اللہ کے احکام بھی یہیں سے وصول کرتے ہیں۔

Tafsir Bayan ul Quran - Dr. Israr Ahmad

آیت 14{ عِنْدَ سِدْرَۃِ الْمُنْتَہٰی۔ } ” سدرۃ المنتہیٰ کے پاس۔ “ یہ ساتویں آسمان پر وہ مقام ہے جس سے آگے کسی مخلوق کو جانے کی اجازت نہیں۔ اس انتہائی حد کی علامت بیری کا وہ درخت ہے جسے آیت میں ” سِدْرَۃِ الْمُنْتَہٰی “ کا نام دیا گیا ہے۔ اس مقام کی کیفیت اور نوعیت ہمارے تصور سے ماوراء ہے۔ معراج کے موقع پر ” سِدْرَۃِ الْمُنْتَہٰی “ پر حضرت جبرائیل علیہ السلام اپنی اصل ملکوتی شکل میں ظاہر ہوئے اور آگے جانے سے معذرت کرلی۔