Surah Takasur Ayat 2 Urdu tafseer | سورہ تکاثر کی آیت نمبر 2 کی تفسیر

﴿حَتَّىٰ زُرْتُمُ الْمَقَابِرَ﴾
[ التكاثر: 2]

Ayat With Urdu Translation

یہاں تک کہ تم نے قبریں جا دیکھیں

Surah Takasur Urdu

تفسیر احسن البیان - Ahsan ul Bayan

( 1 ) اس کا مطلب ہے کہ حصول کثرت کے لئے محنت کرتے کرتے، تمہیں موت آگئی، اور تم قبروں میں جا پہنچے۔

Tafsir Bayan ul Quran - Dr. Israr Ahmad

آیت 2{ حَتّٰی زُرْتُمُ الْمَقَابِرَ۔ } ” یہاں تک کہ تم قبروں کو پہنچ جاتے ہو۔ “ یعنی انسان اپنی ساری عمر اسی تگ و دو میں کھپا دیتا ہے اور مرتے دم تک یہ فکر اس کا پیچھا نہیں چھوڑتی۔ انسان کی حرص و ہوس کے پیمانے کو صرف قبر کی مٹی ہی بھر سکتی ہے 1۔ سورة الحدید کی آیت 20 میں انسانی زندگی کے جن مراحل کا ذکر ہوا ہے ان میں آخری مرحلہ تکاثر فی الاموال والاولاد کا ہے۔ اس سے ثابت ہوتا ہے کہ آخری عمر میں انسان کی یہ حرص مزید بڑھ جاتی ہے۔