Surah Al Ala Ayat 13 Urdu tafseer | سورہ الأعلى کی آیت نمبر 13 کی تفسیر

﴿ثُمَّ لَا يَمُوتُ فِيهَا وَلَا يَحْيَىٰ﴾
[ الأعلى: 13]

Ayat With Urdu Translation

پھر وہاں نہ مرے گا اور نہ جئے گا

Surah Al Ala Urdu

تفسیر احسن البیان - Ahsan ul Bayan

( 1 ) ان کے برعکس جو لوگ صرف اپنے گناہوں کی سزا بھگتنے کے لئے عارضی طور پر جہنم میں رہ گئے ہوں گے انہیں اللہ تعالیٰ ایک طرح کی موت دے دے گا۔ حتیٰ کہ وہ آگ میں جل کر کوئلہ ہو جائیں گے، پھر اللہ تعالیٰ انبیا وغیرہ کی سفارش سے ان کو گروہوں کی شکل میں نکالے گا، ان کو جنت کی نہر میں ڈالا جائے گا، جنتی بھی ان پر پانی ڈالیں گے، جس سے وہ اس طرح جی اٹھیں گے جیسے سیلاب کے کوڑے پردانہ اگ آتا ہے ۔ ( صحيح مسلم، كتاب الإيمان، باب إثبات الشفاعة وإخراج الموحدين من النار )۔

Tafsir Bayan ul Quran - Dr. Israr Ahmad

آیت 13{ ثُمَّ لَا یَمُوْتُ فِیْہَا وَلَا یَحْیٰی۔ } ” پھر نہ اس میں وہ مرے گا نہ زندہ رہے گا۔ “ جہنم کی یہی خصوصیت سورة المدّثر میں بایں الفاظ بیان ہوئی ہے : { لَا تُبْقِیْ وَلَا تَذَرُ۔ } ” وہ انسان کو نہ تو باقی رہنے دے گی اور نہ ہی اسے چھوڑے گی۔ “