Surah ikhlas Ayat 3 Urdu tafseer | سورہ اخلاص کی آیت نمبر 3 کی تفسیر

﴿لَمْ يَلِدْ وَلَمْ يُولَدْ﴾
[ الإخلاص: 3]

Ayat With Urdu Translation

نہ کسی کا باپ ہے اور نہ کسی کا بیٹا

Surah ikhlas Urdu

تفسیر احسن البیان - Ahsan ul Bayan

( 1 ) یعنی نہ اس سے کوئی چیز نکلی ہے نہ وہ کسی چیز سے نکلا ہے۔

Tafsir Bayan ul Quran - Dr. Israr Ahmad

آیت 3{ لَمْ یَلِدْ لا وَلَمْ یُوْلَدْ۔ } ” نہ اس نے کسی کو جنا اور نہ وہ جنا گیا۔ “ یعنی نہ وہ کسی کی اولاد ہے اور نہ اس کی کوئی اولاد ہے۔ یہ نکتہ سورة الجن میں بایں الفاظ واضح فرمایا گیا : { مَا اتَّخَذَ صَاحِبَۃً وَّلَا وَلَدًا۔ } ” اس نے اپنے لیے نہ کوئی بیوی اختیار کی ہے اور نہ کوئی اولاد “۔ عیسائی حضرت عیسیٰ علیہ السلام کو اللہ تعالیٰ کا بیٹا قرار دیتے ہیں اور یہودیوں کے بعض فرقے حضرت عزیر علیہ السلام کو اللہ تعالیٰ کا بیٹا مانتے تھے۔ مشرکین عرب فرشتوں کو اللہ تعالیٰ کی بیٹیاں بتاتے تھے۔ اس آیت میں ایسے تمام عقائد باطلہ کی نفی کردی گئی ہے۔