Surah Al-Baqarah | from the moshaf in arabic uthmani

Listen mp3 Tafsir Arabic tafsir mokhtasar
English Indonesian French
German Hausa Spanish

Page No 6 The Noble Quran

Hausa translation of the meaning Page No 6

Quran in Hausa Language - Page no 6 6

Suratul Al-Baqarah from 30 to 37


30. Kuma a lõkacin da Ubangijinka Ya ce ga malã'iku: « Lalle ne, Ni Mai sanya wani halĩfa ne a cikin ƙasa, » suka ce: « Ashe, zã Ka sanya a cikinta, wanda zai yi ɓarna a cikinta, kuma mu, muna yi maka tasbihi tare da gõde maka, kuma ( 1 ) muna tsarkakewa gareka » Ya ce: « Lalle ne, Ni Na san abin da ba ku sani ba. »
31. Kuma Ya sanar da Ãdam sũnãye dukansu, sa'an nan kuma ya gitta su a kan malã'iku, sa'n nan Ya ce: « Ku gaya mini sũnayen waɗannan, idan kun nasance mãsu gaskiya. »
32. Suka ce: « Tsarki ya tabbata a gare Ka! Bãbu sani a gare mu, lalle ne Kai, Kai ne Masani, Mai hikima. »
33. Ya ce: « Yã Ãdam! Ka gaya musu sũnãyensu. » To, a lokacin da ya gaya musu sũnãyensu, ( Allah ) Ya ce: « Ashe, ban ce muku ( 2 ) ba, lalle Ni, Inã sane da gaibin sammai da ƙasa, kuma ( Inã sane da ) abin da kuke bayyanawa da abin da kuka kasance kuna ɓõyewa? »
34. Kuma a lõkacin da Muka ce ga malã'iku: « Ku yi sujada ga Ãdam, » Sai suka yi sujada, fãce Ibilĩsa ya ƙi, kuma ya yi girman kai, kuma ya kasance daga kãfirai.
35. Kuma muka ce: « Ya Ãdam! Ka zauna kai da matarka a gidan Aljanna, kuma ku ci daga gare ta, bisa wadãta, inda kuke so, kuma kada ku kusanci wannan itãciyar, har ku kasance daga azzãlumai. »
36. Sai Shaiɗan ya talãlãɓantar da su ga barinta, sai ya fitar da su daga abin da suka kasance a cikinsa. Kuma muka ce: « Sãshenku nã maƙiyi ga sãshe, kuma kuna da a cikin ƙasa matabbata da jin dãɗi zuwa ga wani lõkaci. »
37. Sai Ãdam ya karɓi wasu kalmõmi daga Ubangjjinsa, sabõda haka ya karɓi tũba a kansa. Lalle ne Shi, Shĩ ne Mai karɓar tũba, Mai jin ƙai.
( 1 ) Malã'iku sun yi tambaya ne irin ta mai nẽman ya rinjãyimai jãyayya da shi ga nẽman haliftakaa kan ƙasa. Sun san hãlãyen jinn da bunn waɗanda suka fãra zama a kan ƙasa suka yi ɓarna da zubarda jini.
( 2 ) Wannan ƙissa ta nũna cẽwa shũgabanci da ilmi ake yinsa, bã da yawan ibãda wanda mutam yake kẽɓanta da yin ta ba. Dõmin an nũna wa mal'iku fĩfĩkon Ãdam a kansu da ilmi,bã da ibãda ba. Kuma da wannan sifa zai zama Halĩfa, kõ dã Iblis bai fitar da shi ba, daga cikin Aljanna, zai fita ta wata hanya dõmin zartar da hukuncin Allah.