La sourate Al-Burooj en Sindhi
بُرجن واري آسمان جو قسم آھي. |
۽ وعدي ڪيل ڏينھن جو قسم آھي. |
۽ حاضر ٿيڻ واري ۽ جنھن وٽ حاضر ڪيو وڃي تنھن جو قسم آھي. |
ته کاھين وارا ماريا وڃن. |
جا باھ گھڻي ٻَل واري ھئي. |
جڏھن اُھي اُنھن باھ جي (کاھين) تي ويٺل ھوا. |
۽ جيڪي اُنھن مسلمانن سان (ظلم) ٿي ڪيو تنھن کي روبرو ڏسڻ وارا ھوا. |
وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ(8) ۽ انھن ھن کانسواءِ (ٻيءَ) ڪنھن ڳالھ جو وير نه ٿي ورتو ته انھن اُنھيءَ غالب ساراھيل الله تي ايمان آندو ھو. |
الَّذِي لَهُ مُلْكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ(9) جنھن کي آسمانن ۽ زمين جي بادشاھي آھي، ۽ الله سڀ شيءَ جي خبر رکندڙ آھي. |
بيشڪ جن (ماڻھن) مؤمنن ۽ مؤمنياڻين کي ايذايو وري توبه نه ڪيائون تن لاءِ دوزخ جو عذاب آھي ۽ اُنھن لاءِ سڙڻ جو عذاب (به) آھي. |
بيشڪ جن ايمان آندو ۽ چڱا ڪم ڪيا تن لاءِ اھڙا باغ آھن جن جي ھيٺان واھيون پيون وھن، اھا وڏي مراد ماڻڻ آھي. |
بيشڪ تنھنجي پالڻھار جي پڪڙ بلڪل سخت آھي. |
بيشڪ اُھو پھريون دفعو بڻائي ٿو ۽ وري ٻيھر موٽائيندو. |
۽ اُھو بخشڻھار پيار رکندڙ آھي. |
(جو) عرش جو مالڪ تمام وڏي شان وارو آھي. |
جيڪي گھري سو ڪرڻ وارو ئي آھي. |
تو وٽ لشڪرن جي خبر (نه) آئي آھي ڇا؟ |
(يعني) فرعون ۽ ثمود جي. |
بلڪ ڪافر ڪوڙ ڀانئڻ ۾ (لڳا پيا) آھن. |
۽ الله سندن چؤڦير گھيرو ڪندڙ آھي. |
بلڪ ھي سڳورو قرآن آھي. |
حفاظت ڪيل تختي ۾ لکيل آھي. |
Plus de sourates en Sindhi :
Téléchargez la sourate avec la voix des récitants du Coran les plus célèbres :
Téléchargez le fichier mp3 de la sourate Al-Burooj : choisissez le récitateur pour écouter et télécharger la sourate Al-Burooj complète en haute qualité.















Donnez-nous une invitation valide