Suuratu Al-Mumtahanah pdf

Eehey mon goonɗinɓe wote njaggire añɓe Mi e añɓe mon heetɓe hoɗon mberlo e mum en gilli te koɓe yedduɓe goongo garɗo o e mon, hoɓe njaltina nelaaɗo e onon sabu tan on ngoonɗanii Alla joomi mon, tawde on njalti sabu jihaadi e laawol Am e ɗaɓjude weluya am, hoɗon cuurtanaɓe kabaruuji juulɓe ngam ɓe mbele mon, Mbeɗa anndi ko cuuɗoton e ko ɓanngiɗon, kala e mon baɗɗo ɗuum o majji laawol peewngol

Siɓe peewnatiima e mon ɓe ngOnana mon añɓe ɓe mberta juuɗe maɓɓe e ɗemɗe mum en e mbaadi mbonndi ɓe njiɗiina nde ngonaton heefereeɓe

Nafatah on enɗameeje mon wonah ɓiɓɓe mon ñande darnga O seernda hakkunde mon Alla na yi*a ko golloton ko

Woodanii on ñeemtinirde moƴƴere e Ibraahiima e ɓeen wonduɓe e mum nde ɓe mbi*i pellet ko min hisɓe e mon e ko ndewaton ko wonah Alla ko, min njeddii on feeñi hakkunde men ngañngu e tikkere haa pooma haa ngoonɗinon Alla gooto O, si wonah konngol Ibraahiima wonande baaba makko pellet ma mi yaafnano ma, mi alanaama hay huunde ka Alla, joomi amen min mbakkaliima e Ma ko e Ma min ndutti e ko e Ma woni wattande

joomi amen wota waɗ min fitina wonande ɓeen yedduɓe, yaafa amen joomi amen pellet ko aan woni tedduɗo mbo fooletaake ñeeñɗuɗo

Woodaniina mon e maɓɓe ñeemtanirgal moƴƴal wonande oon joortiiɗo e Alla e ñalngu laakara, oon ɗuurniiɗo noon Pellet Alla ko gala jettaaɗo

Yaama nde Alla waɗata hakkunde mon e ɓeen ɓe ngañandirɗon gilli, Alla ko kattanɗo Alla ko kafroowo bakkatuuji jurmotooɗo

Alla haɗataa mon ɓeen ɓe kaɓaani e mon e diine ɓe njaltinaani mon e galleeji mon nde ɗiggantonɓe nuunɗon faade e maɓɓe pellet Alla ko jiɗɗo nuunɗuɓe

Kono Alla haɗata mon ko ɓeen haɓatooɓe mon e diine yaltinooɓe mon galleeji mon ɓe mballandiri e yaltinde mon, nde keetnaton ɓe kala baɗɗo ɓe keeda ko ɓeen ngoni tooñooɓe

Eehey mon goonɗinɓe si goonɗinɓe rewɓe ngarii e mon njaribeeɓe Alla na anndi iimaan mum en, si on nganndii koɓe goonɗinɓe wotee ndutteeɓe e heeferɓe ɓe ndaganaaki heeferɓe ɓe heeferɓe ɓe kadi ndaganaaki ɓe, totteeɓe koɓe nafqi ko bakkaat alah e mon nde ndesaton ɓe si on tottii ɓe teŋe maɓɓe wote nanngite piɓle rewɓe heeferɓe naamnee ko nafquɗon kamɓe ne yo ɓe naamna ko ɓe nafqi ko, ko ɗuum woni ñaawoore Alla hakkunde mon Alla ko gannda ñeeñɗuɗo

Si huunde faatiima mon e rewɓe mon faade e heefereeɓe leptuɗon ɓe tottee ɓeen ɓe rewɓe mum en njahi fotde koɓe tottirno kulee Alla mbo goonɗin ɗon O

Eehey ma annabi si rewɓe juulɓe ngari e ma hoɓe coodandira e ma nde ɓe ndenndintah Alla e hay gooto,ngujjatah, njinatah, mbaratah sukaaɓe mum en,ngaddatah fenaande fepindaande hakkunde juuɗe mum en e koyɗe mum en,ɓe ngoopataa Ma e moƴƴere ndeen de soodandir e mum en, yaafnanoɓe Alla, pellet Alla ko jaafatooɗo jurmotooɗo

Eehey mjon goonɗiɓe wote keetne yimɓe ɓe Alla tikkani e dow mum en, ɓe piɓtiima e laakara hono no heeferɓe piɓtari e yimɓe genaale