Suuratu Al-Hijr pdf Fulfulde

Suuratu Al-Hijr

PDF —

99 Aaya Meccan PDF

Built right in your browser — download starts automatically

Suuratu Al-Hijr pdf — Aawto (Fulfulde)

Suuratu Al-Hijr pdf Fulfulde — Aawto Suuratu Al-Hijr Jaaɓtinde. Al-Hijr (Meccan) 99 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu Al-Hijr

99 Aaya · Meccan · Fulfulde

ﭑﭒﭓﭔﭕﭖﭗﭘ

Alif, laam, raa. Ɗen ko Aayeeje Deftere e janngeteende ɓannginnde

ﭙﭚﭛﭜﭝﭞﭟﭠ

Na waawi Heeferɓe ɓen yeloyto sinno ɓe laatino juulɓe

ﭡﭢﭣﭤﭥﭦﭧﭨﭩ

Accu ɓe, ɓe ñaama ɓe dakmitoo, yela soklina ɓe; arma ɓe anndoya

ﭪﭫﭬﭭﭮﭯﭰﭱﭲ

Men halkaali saare woo, si wanaa hara no woodani nde happu anndaaɗo

ﭳﭴﭵﭶﭷﭸﭹﭺ

Mofte woo adotaako lajal mun, ɓe nennantaake kadi

ﭻﭼﭽﭾﭿﮀﮁﮂﮃ

Ɓe wi`i: "Ko an yo mo Deftere nden jippinaa e mun, an ko a feetuɗo

ﮄﮅﮆﮇﮈﮉﮊﮋﮌ

Ko haɗno addanaa men Malaa’ikaaɓe, si a laatike goonguɗo

ﮍﮎﮏﮐﮑﮒﮓﮔﮕﮖ

Men jippinirtaa Malaa’ika si wanaa fii goonga; ɓe wonataa ontuma, nennanteeɓe

ﮗﮘﮙﮚﮛﮜﮝﮞ

Menen Men jippinii Deftere nden, Menen kadi ko Men reenooɓe nde

ﮟﮠﮡﮢﮣﮤﮥﮦ

Gomɗii Men nuliino ado maa, e leñi adinooɓe

ﮧﮨﮩﮪﮫﮬﮭﮮﮯ

Nulaaɗo (woo) araali e maɓɓe si wanaa ɓe jalkitay mo

ﮰﮱﯓﯔﯕﯖ

Ko wano nii Men naadiri ɗum e ɓerɗe bonɓe ɓen

ﯗﯘﯙﯚﯛﯜﯝﯞ

Ɓe gomɗintaa nde, gomɗii sunna aramɓe ɓen yawtiino

ﯟﯠﯡﯢﯣﯤﯥﯦﯧﯨ

Hay si Men udditanno ɓe damal ka kammu, ɓe waɗtini hiɓe ƴawra heen

ﯩﯪﯫﯬﯭﯮﯯﯰﯱ

ɓe wi`ayno: "Anndee gite amen ɗen hippa. Wurin ko men yimɓe mbilɗaaɓe

ﭑﭒﭓﭔﭕﭖﭗﭘ

Gomɗii Men waɗii ka kammu koode, Men cuɗirani ɗe ndaarooɓe

ﭙﭚﭛﭜﭝﭞ

Men reeni mbo e kala seytaane riiwaaɗo

ﭟﭠﭡﭢﭣﭤﭥﭦ

Si wanaa on wujjuɗo nanɗe, o jokkintina hoodere-fiɗaynnde jalɓunde

ﭧﭨﭩﭪﭫﭬﭭﭮﭯﭰﭱﭲ

Leydi ndin, Men weerti ndi Men werlii e mayri pelle, Men fuɗini e mayri kala huunde eɓɓaande

ﭳﭴﭵﭶﭷﭸﭹﭺﭻ

Men waɗani on e mayri wuurirɗe, e ɓen ɓe on laatanooki arsikooɓe ɗum

ﭼﭽﭾﭿﮀﮁﮂﮃﮄﮅﮆﮇ

Huunde alaa si wanaa marga mun ko ka Amen, Men jippintaa ɗum si wanaa e eɓɓoore anndaande

ﮈﮉﮊﮋﮌﮍﮎﮏﮐﮑﮒﮓﮔ

Men wurti keneeli ɗin hawrondirooji e duule; Men jippiniri ka kammu ndiyam Men yarniri on ɗam, wonaa onon mari ɗam

ﮕﮖﮗﮘﮙﮚﮛ

Ko Menen kadi woni ko wuurnata Men wara, ko Menen woni ronooɓe ɓen

ﮜﮝﮞﮟﮠﮡﮢﮣ

Gomɗii Men anndii adiiɓe e mon ɓen Gomɗii Men anndii sakkitiiɓe ɓen

ﮤﮥﮦﮧﮨﮩﮪﮫﮬ

Pellet, Joomi maa, ko Kanko mooɓoyta ɓe. Kanko ko O Ñeeño, Annduɗo

ﮭﮮﮯﮰﮱﯓﯔﯕﯖ

Gomɗii Men tagii neɗɗanke on e senƴayngal, e (cenlatngal) loopal-ɓalewal ɓowrungal

ﯗﯘﯙﯚﯛﯜﯝﯞ

E jinnaaji ɗin, Men tagir ndu ko adii, e yiite ooyunge

ﯟﯠﯡﯢﯣﯤﯥﯦﯧﯨﯩﯪﯫ

Janto tuma nde Joomi maa daalannoo Malaa’ika’en: "Min ko Mi tagiroowo ɓanndinke immorde e senƴayngal, e loopal-ɓalewal ɓowrungal

ﯬﯭﯮﯯﯰﯱﯲﯳﯴﯵ

si Mi fotndiii mo, Mi wuttii e makko ruuhu Am on, haray suuyanee mo ko on sujjuɓe

ﯶﯷﯸﯹﯺ

Malaa’ika’en fow sujji ɓe denndaangal

ﯻﯼﯽﯾﯿﰀﰁﰂ

si wanaa ibuliisa, o salii tawdeede e sujjooɓe ɓen

ﭑﭒﭓﭔﭕﭖﭗﭘﭙ

O daali: "Ko an yo Ibuliisa, e ko heɓu maa a laatodaaki e sujjuɓe ɓen

ﭚﭛﭜﭝﭞﭟﭠﭡﭢﭣﭤﭥ

O wi`i: "Mi wonatah sujjanoowo ɓanndinke mo Taguɗaa immorde e senƴayngal, e loopal-ɓalewal ɓowrungal

ﭦﭧﭨﭩﭪﭫ

O daali: "Yaltu ton, an on ko a riiwaaɗo

ﭬﭭﭮﭯﭰﭱﭲ

pellet, kuddi fawike e ma haa ñalnde njoɓdi diina

ﭳﭴﭵﭶﭷﭸﭹ

O wi`i : "Joomi am, nennitanam haa ñalnde ndeɓe immintintee

ﭺﭻﭼﭽﭾ

O daali:"An,ko a jeyaaɗo e nennitanteeɓe ɓen

ﭿﮀﮁﮂﮃ

haa e ñalaande happu anndaaɗo

ﮄﮅﮆﮇﮈﮉﮊﮋﮌﮍﮎ

O wi`i: "Joomi am, sabu ko bewinɗaa mi kon, ma mi cuɗinan ɓe ka leydi, ma mi bewnu ɓe fow maɓɓe

ﮏﮐﮑﮒﮓ

si wanaa jeyaaɓe Maa, laɓɓinaaɓe ɓen e maɓɓe

ﮔﮕﮖﮗﮘﮙ

O daali: "Ngol ɗoo ko laawol ka Am focciingol

ﮚﮛﮜﮝﮞﮟﮠﮡﮢﮣﮤﮥ

Pellet, jeyaaɓe Am ɓen, a alanaa ɓe cemmbe, si wanaa ɓen bewɓe jokkuɓe ma

ﮦﮧﮨﮩﮪ

Pellet Jahannama on wonii fodoore maɓɓe ɓe fow

ﮫﮬﮭﮮﮯﮰﮱﯓﯔ

Hinge mari dame jeeɗiɗi; damal kala e majje no mari geɓal senndaangal

ﯕﯖﯗﯘﯙﯚ

Pellet, gomɗuɓe ɓen wonii e aljannaaji e ɓulli

ﯛﯜﯝﯞ

Naatiree ɗi e kisial, ko on hooliiɓe

ﯟﯠﯡﯢﯣﯤﯥﯦﯧﯨﯩ

Men ɗoofi kala ko woni e ɓerɗe maɓɓe e konnaagu(cokotaagal): ɓe wonti musiɗɓe fewtondirɓe e danɗe

ﯪﯫﯬﯭﯮﯯﯰﯱﯲ

Tampere heɓataa ɓe ton, ɓe wonah kadi yaltintee ɓe ton

ﯳﯴﯵﯶﯷﯸﯹﯺ

Yeetito jeyaaɓe Am ɓen, ko Min woni Haforoowo, Hinnotooɗo On

ﯻﯼﯽﯾﯿﰀ

e wonnde lepte Am ɗen, ko ɗen woni lepte muusuɗe ɗen

ﰁﰂﰃﰄﰅ

Yeetito ɓe kadi fii hoɓɓe Ibraahiima ɓen

ﭑﭒﭓﭔﭕﭖﭗﭘﭙﭚ

Tuma ɓe naatunoo ka makko ɓe wi`i: "Salaam (Kisiyee mon)". O maaki: "Menen ko men ɗenƴii ɓe on

ﭛﭜﭝﭞﭟﭠﭡﭢ

Ɓe wi`i: "Wata a faay, menen meɗen wewlinire [ɓiɗɗo] gorko ganndo

ﭣﭤﭥﭦﭧﭨﭩﭪﭫ

O maaki: "E on wewliniray lam [ɗum] e hoore ko mi nawyi kon? E ko wewlinirton mi

ﭬﭭﭮﭯﭰﭱﭲﭳ

Ɓe wi`i: "Men wewlinirii ma goonga, wata a jeye e taƴiiɓe ɓen

ﭴﭵﭶﭷﭸﭹﭺﭻﭼ

O maaki: "Ko hommbo taƴotoo e yurmeende Joomi mun nden, si wanaa majjuɓe ɓen

ﭽﭾﭿﮀﮁﮂ

O maaki: "Ko woni fii mon, onon ɓee imminaaɓe

ﮃﮄﮅﮆﮇﮈﮉ

Ɓe wi`i: "Menen men nulaa ko e yimɓe bomɓe

ﮊﮋﮌﮍﮎﮏﮐ

si wanaa ɓeynguure Luuti nden, pellet ko men daɗndooɓe ɓe denndaangal

ﮑﮒﮓﮔﮕﮖﮗ

si wanaa debbo makko on". Men hoddirii on ɗon ko jeyaaɗo e halketeeɓe ɓen

ﮘﮙﮚﮛﮜﮝ

Nde imminaaɓe ɓen aruno ka ɓeynguure Luuti

ﮞﮟﮠﮡﮢ

O maaki: "Onon ko on yimɓe faaytaa ɓe

ﮣﮤﮥﮦﮧﮨﮩﮪ

Ɓe wi`i: "Wurin men addanii ma ko ɓe wonunoo e sikkitaade kon

ﮫﮬﮭﮮﮯ

Men addanii ma goonga kan, pellet ko men goonguɓe

ﮰﮱﯓﯔﯕﯖﯗﯘﯙﯚﯛﯜﯝﯞﯟ

Yahdu e ɓeynguure maa nden ka taƴitannde jem- ma, jokkaa ɓaawo maɓɓe; hara gooto e mo’on yeƴƴitaaki, rewon ka yamiraɗon

ﯠﯡﯢﯣﯤﯥﯦﯧﯨﯩ

Men anndini mo on fiyaaku: wonnde wattannde ɓee ɗoo, ko taƴeteeɗum ka subaka

ﯪﯫﯬﯭﯮ

Yimɓe saare nden ari hiɓe wewla

ﯯﯰﯱﯲﯳﯴﯵ

O maaki: "Ɓee ɗoo ko hoɓɓe am, wata on wirtam

ﯶﯷﯸﯹﯺ

Hulee Alla, wata on hoynam

ﯻﯼﯽﯾﯿﰀ

Ɓe wi`i: "E men haɗaali ma [weernugol] tagoore nden

ﭑﭒﭓﭔﭕﭖﭗ

O maaki: "Ɓee ɗoo ko jiwɓe am, si wonii ko on waɗooɓe [goɗɗum]

ﭘﭙﭚﭛﭜﭝ

Mi woondirii nguurndam maa! Ɓe wonii e siwrugol maɓɓe hiɓe wemmbii

ﭞﭟﭠﭡ

Haacaango ngon nanngiri ɓe ka puɗal

ﭢﭣﭤﭥﭦﭧﭨﭩﭪ

Men waɗtiniri dow mayre on ley mayre, Men saaƴini(toɓri) e maɓɓe kaaƴe iwruɗe e loope juɗaaɗe

ﭫﭬﭭﭮﭯﭰ

Wonii e ɗum, maandeeji wonannde ɓen teskotooɓe

ﭱﭲﭳﭴ

Pellet, ɗen [ca’e] no e jurol(bolol) ñiiɓungol

ﭵﭶﭷﭸﭹﭺ

Wonii e ɗum, maande wonannde ɓen gomɗimɓe

ﭻﭼﭽﭾﭿﮀ

Gomɗii yimɓe fitaare(sutu) ɓen [kadi] ko tooñuɓe

ﮁﮂﮃﮄﮅﮆ

Men yoɓtii e maɓɓe. Pellet ɗen [ca’e] ɗiɗi wonii e laawol ɓanngungol

ﮇﮈﮉﮊﮋﮌ

Gomɗi yimɓe (aynde) Hijiri nden fennii Nulaaɓe ɓen

ﮍﮎﮏﮐﮑﮒ

Men addani ɓe aayeeje Amen ɗen, ɓe laatii ɗuurniiɓe ɗe

ﮓﮔﮕﮖﮗﮘﮙ

Hari hiɓe lesoynoo e pelle ɗen cuuɗi, ko ɓe hooliiɓe

ﮚﮛﮜﮝ

Haacaango ngon nanngiri ɓe ka subaka

ﮞﮟﮠﮡﮢﮣﮤ

Nafaaniɓe kon ko ɓe laatinoo hiɓe faggitoo

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ

Men tagiraali kammuuli ɗin e leydi ndin, e ko woni hakkunde majji kon, si wanaa e goonga. Pellet, darngal ngal ko arayngal! yaafora jaafaggol labaangol

ﯗﯘﯙﯚﯛﯜ

Tabitii ko Joomi maa woni Taguɗo, Annduɗo

ﯝﯞﯟﯠﯡﯢﯣﯤ

Gomɗii Men okkii ma jeeɗiɗi ummorde ɗimmitaa-ngol, e Alqur`aanaare mawnde nden

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ

Wata a ɓamtu gite maa ɗen e neemaaji ɗi Men dakmiti ɓe e mum en, wata a sunu e maɓɓe, lesɗin becce maa ɗen gomɗimɓe ɓen

ﯵﯶﯷﯸﯹﯺ

Maaku: "Min ko mi jertinoowo ɓannginoowo

ﯻﯼﯽﯾﯿ

Wano Men jippinirnoo e senndooɓe [defte Alla] ɓen [lepte]

ﭑﭒﭓﭔﭕ

Ɓen waɗuɓe Alqur`aanaare nden geɓe-geɓe

ﭖﭗﭘﭙ

Mi woondirii Joomi maa! Ma Men lanndoyo ɓe fow maɓɓe

ﭚﭛﭜﭝ

fii ko ɓe wonunoo e huuwude

ﭞﭟﭠﭡﭢﭣﭤ

Feññin ko yamira-ɗaa kon, ɗuurno-ɗaa sirkooɓe ɓen

ﭥﭦﭧﭨ

Menen Men yonii ma e ɓen jalkitooɓe

ﭩﭪﭫﭬﭭﭮﭯﭰﭱﭲ

ɓen waɗdooɓe e Alla reweteeɗo goo. Aray ka ɓe annda

ﭳﭴﭵﭶﭷﭸﭹﭺ

Gomɗii Meɗen anndi wonnde bernde maa nde na ɓiɗtora ko ɓe wowlata kon

ﭻﭼﭽﭾﭿﮀﮁ

Subbhinor yettugol Joomi maa, laato-daa e sujjooɓe ɓen

ﮂﮃﮄﮅﮆﮇ

rewaa Joomi haa yananeede (maayde) ara e maa

Al-Qur'aana

Tuesday, August 18, 2026

Don't forget us in your sincere prayers