Suuratu Yasin pdf Fulfulde

Suuratu Yasin

PDF —

83 Aaya Meccan PDF

Built right in your browser — download starts automatically

Suuratu Yasin pdf — Aawto (Fulfulde)

Suuratu Yasin pdf Fulfulde — Aawto Suuratu Yasin Jaaɓtinde. Yasin (Meccan) 83 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu Yasin

83 Aaya · Meccan · Fulfulde

ﭬﭭ

Yaa-Siin

ﭮﭯﭰ

Mi woondirii Al*ur`aana ñeñaande nden

ﭱﭲﭳﭴ

Pellet, an (Nulaaɗo), ko a jeyaaɗo e Nulaaɓe ɓen

ﭵﭶﭷﭸ

E dow laawol focciingol

ﭹﭺﭻﭼ

Jippinannde On Fooluɗo, Hinnotoo

ﭽﭾﭿﮀﮁﮂﮃﮄ

Fii yo a jertinir nde yimɓe, ɓe baabiraaɓe mun jertinanooka: ɓen ko welsindiiɓe

ﮅﮆﮇﮈﮉﮊﮋﮌﮍ

Gomɗii konngol [lepte] jojjii e ko ɓuri ɗuuɗude e maɓɓe; ɓen ɗon gomɗintaa

ﮎﮏﮐﮑﮒﮓﮔﮕﮖﮗﮘ

Menen Men waɗii ka daaɗe maɓɓe kolommbooje, ɗen ko yottiiɗe ka bokkuɗe; hara ko ɓe ŋalliniiɓe

ﮙﮚﮛﮜﮝﮞﮟﮠﮡﮢﮣﮤﮥ

Men waɗi yeeso maɓɓe heedo, ɓaawo maɓɓe kadi heedo, Men hippi ɓe (gite ɗen); waɗti ɓe yi`ataa [goonga]

ﮦﮧﮨﮩﮪﮫﮬﮭﮮ

Hino fota e maɓɓe, foti a jertini ɓe, maa a jertinaali ɓe; ɓe gomɗintaa

ﮯﮰﮱﯓﯔﯕﯖﯗﯘﯙﯚﯛﯜﯝ

Anndu ko jertintaa (jaɓa), ko on jokkuɗo Jantoore (Alqur`aana) nden, o huli Jom-Yurmeende On ka wirnii. Wewlinir mo haforaneede e mbarjaari teddundi

ﯞﯟﯠﯡﯢﯣﯤﯥﯦﯧﯨﯩﯪﯫﯬﯭ

Ko Menen woni wuurnitooɓe maayɓe ɓen, Men winnda ko ɓe ardini e batteeji maɓɓe. Kala huunde, Meɗen mofti nde e deftere ɓanngunde

ﭑﭒﭓﭔﭕﭖﭗﭘﭙ

Piyan-ɓe misal, fii yimɓe saare, tuma nde Nulaaɓe arunoo ɓe

ﭚﭛﭜﭝﭞﭟﭠﭡﭢﭣﭤﭥ

Nde Men nulunoo e maɓɓe, [Nulaaɓe] ɗiɗo, ɓe fenni ɓen, Men sammbiniri ɓen, tataɓo, ɓe wi`i: "Menen, ko men Nulaaɓe e mo’on

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵ

[Yimɓe saare nden] wi`i: "On wonaali, si wanaa ko on ɓanndinke wano menen. Jom-hinaranke On jippinaali hay huunde, on wonaali, si wanaa ko on fenooɓe

ﭶﭷﭸﭹﭺﭻﭼ

[Nulaaɓe ɓen] wi`i: "Joomi amen no anndi pellet, ko men Nulaaɓe e mo’on

ﭽﭾﭿﮀﮁﮂ

Fawaaki men non, si wanaa yottingol ɓanngina

ﮃﮄﮅﮆﮇﮈﮉﮊﮋﮌﮍﮎﮏﮐ

[Yimɓe saare nden] wi`iti: "Men hiitori on kataa. Si tawii non on haɗitaaki, ma men fiɗu on, lepte muusuɗe kadi memira on immorde e amen

ﮑﮒﮓﮔﮕﮖﮗﮘﮙﮚﮛﮜ

[Nulaaɓe ɓen kadi] wi`iti: "Kiite mon ɗin, hiɗon wonndi e mun. Ko si on waajaama (hiitinoɗon)? Tigi on, ko on yimɓe fantinooɓe

ﮝﮞﮟﮠﮡﮢﮣﮤﮥﮦﮧ

Gorko iwri ka ɓuri woɗɗude e saare nden, o ari himo yaccoo, o wi`i: "Ko onon yo yimɓe am, kori jokkee Nulaaɓe ɓen

ﮨﮩﮪﮫﮬﮭﮮﮯ

jokkee ɓen ɓe lamndotaako on njoɓdi, ɓen ko fewnaaɓe

ﮰﮱﯓﯔﯕﯖﯗﯘﯙ

E ko haɗata lam rewugol On taguɗo Lam? Ko ka Makko woni ruttorde mon

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ

E mi jogtoto reweteeɗi gaanin Makko? Si Jom-yurmeende On muuyanii lam lorra, tefoore majji duncantaali lam hay huunde, ɗi dɗandataa lam kadi

ﯪﯫﯬﯭﯮﯯ

Haray min ontuma, mi wonii e majjere ɓanngunde

ﯰﯱﯲﯳﯴ

Min on, mi gomɗinii Joomi mon, nananee lam

ﯵﯶﯷﯸﯹﯺﯻﯼﯽ

wi`anaa: "Naatu Aljanna". O wi`i: "Haaniino yimɓe am ɓen annda

ﯾﯿﰀﰁﰂﰃﰄﰅ

ko Joomi am haforani lam, O waɗi lam e teddinaaɓe ɓen

ﭑﭒﭓﭔﭕﭖﭗﭘﭙﭚﭛﭜﭝﭞﭟ

Men jippiniraano koneeli ka kammu, e yimɓe makko ɓen, ɓaawo maako. Men wonaanii jippinooɓe [ɗin koneeli]

ﭠﭡﭢﭣﭤﭥﭦﭧﭨ

(Halkeede maɓɓe) wonaali, si wanaa haacaango wooto, tawi ɓe laatii maayɓe-ɓutti

ﭩﭪﭫﭬﭭﭮﭯﭰﭱﭲﭳﭴﭵ

Ee hayreede jeyaaɓe [fenunooɓe]! Nulaaɗo araali e ɓɓe, si wanaa ɓe waɗtayno mo jalnori

ﭶﭷﭸﭹﭺﭻﭼﭽﭾﭿﮀﮁ

E ɓee yi`aali ɗuuɗii e gire ɗe Men halki ado maɓɓe? Wonnde ɓen ruttitotaako e maɓɓe

ﮂﮃﮄﮅﮆﮇﮈ

Ɓe fow wonaali, si wanaa ko mooɓoyteeɓe ka Amen

ﮉﮊﮋﮌﮍﮎﮏﮐﮑﮒﮓ

Hino wonani ɓe maande: leydi yoorundi ndin, Men wuurniti ndi, Men yaltini gabbe e mayri, tawi ko e ɗen ɓe ñaamata

ﮔﮕﮖﮗﮘﮙﮚﮛﮜﮝﮞ

Men waɗi e mayri gese tamarooje e inabuuje, Men ɓulni e mayri ɓulli(ceewle)

ﮟﮠﮡﮢﮣﮤﮥﮦﮧﮨ

fii no ɓe ñaamira dimɗe mun ɗen e kon ko ɓe golliri juuɗe maɓɓe ɗen. E ɓe yettataa (Alla)

ﮩﮪﮫﮬﮭﮮﮯﮰﮱﯓﯔﯕﯖﯗ

Senaade woodanii taguɗo nooneeji ɗin On fow: gila e ko leydi ndin fuɗinta kon, haa e wonkiiji maɓɓe ɗin, e kon ko ɓe anndaa

ﯘﯙﯚﯛﯜﯝﯞﯟﯠﯡ

Maande goo kadi wonanii ɓe: e jemma on, Meɗen sorta e makko ñalorma on, tawa ɓe wontii e niwre

ﯢﯣﯤﯥﯦﯧﯨﯩﯪﯫ

E naange ngen, hinge doga haa e ñiiɓirde magge; ɗum ko eɓɓoore Fooluɗo, Annduɗo On

ﯬﯭﯮﯯﯰﯱﯲﯳ

E lewru ndun, Men eɓɓani ndu jipporde, haa ndu waɗtinira wa baaŋal tamaro kiiɗngal

ﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄ

Wanaa naange ngen woni ko haanini hewtitagol lewru ndun, wanaa jemma on woni ko aditotoo ñalorma on; kala majji non, ko e laawol mun woni dogude

ﭑﭒﭓﭔﭕﭖﭗﭘﭙ

Maande goo wonanii ɓe, wonnde Men roondike geyngol maɓɓe ngol, ka laana hebbinaaka

ﭚﭛﭜﭝﭞﭟﭠ

Men tagani ɓe sugu makko, ko ɓe waɗɗoo

ﭡﭢﭣﭤﭥﭦﭧﭨﭩﭪ

Si Meɗen yiɗuno, Men yoolayno ɓe; hara faabo alanaa ɓe, wanaa kadi ɓe daɗndeteeɓe

ﭫﭬﭭﭮﭯﭰﭱ

si wanaa yurmeende immornde e Amen, e dakmitagol haa e saanga

ﭲﭳﭴﭵﭶﭷﭸﭹﭺﭻﭼﭽ

Si ɓe wi`anaama: "Rentee e kon ko woni yeeso mon e ɓaawo mon, belajo’o, on yurminte

ﭾﭿﮀﮁﮂﮃﮄﮅﮆﮇﮈﮉ

Aaya woo e Aayeeje Joomi maɓɓe ɗen araali e maɓɓe, si wanaa ɓe ɗuurnooɗe

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ

Si ɓe wi`anaama kadi: "Wintee(nafqe) e kon Alla arsiki on", yedduɓe ɓen wi`ana gomɗimɓe ɓen: "E men ñamminay on tawɗo si Alla muuyuno, O ñamminayno mo? On wonaali, si wanaa e nder majjere ɓanngunde

ﮣﮤﮥﮦﮧﮨﮩﮪ

Hiɓe wi`a: "Ko honnde tuma woni ndee Fodoore, si on laatike goonguɓe

ﮫﮬﮭﮮﮯﮰﮱﯓﯔ

Ɓe habbaaki, si wanaa haacaango wooto, nanngayngo ɓe, hara hiɓe yeddondira

ﯕﯖﯗﯘﯙﯚﯛﯜ

Ɓe waawoytaa wasiyagol ontuma, wanaa ɓe ruttoytooɓe e yimɓe maɓɓe ɓen

ﯝﯞﯟﯠﯡﯢﯣﯤﯥﯦﯧ

Wutte ka Alaandu, ɓe yaltira e genaale ɗen, ɓe heñora ka Joomi maɓɓe

ﯨﯩﯪﯫﯬﯭﯮﯯﯰﯱﯲﯳﯴﯵﯶ

hiɓe wi`a: "Ee bone amen! Ko hommbo immini men e genaale amen?" Ko ɗum woni ko Hinaranke On fodunoo; Nulaaɓe ɓen goonginii

ﯷﯸﯹﯺﯻﯼﯽﯾﯿﰀﰁ

(Ummital) ngal wonaano, si wanaa haacaango gooto, tawi ɓe fow ɓe addaama ka Amen

ﰂﰃﰄﰅﰆﰇﰈﰉﰊﰋﰌﰍ

Hannde non, wonkii tooñirtaake hay huunde. On yoɓitirtaake, si wanaa kon ko gollaynoɗon

ﭑﭒﭓﭔﭕﭖﭗﭘ

Yimɓe Aljanna ɓe hannde, pellet, hiɓe e nder soklio, hiɓe neeminoo

ﭙﭚﭛﭜﭝﭞﭟﭠ

kamɓe e genndiraaɓe maɓɓe ɓen,e ley ɗowɗe, hiɓe soɓɓindii e hoore danɗe

ﭡﭢﭣﭤﭥﭦﭧ

Hino woodani ɓe ton, ɓiɗɓe leɗɗe, hino woodani kadi, kon ko ɓe noddata

ﭨﭩﭪﭫﭬﭭ

Salaamun", konngol [kisiyee], immorde e Joomiraaɗo, Hinnotooɗo

ﭮﭯﭰﭱﭲ

Sertee non hande, onon ɓee bomɓe

ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ

Mi ahodaano e mon, onon ɓiɗɓe Aadama, wonnde wata on rewu seytaane? Tawde pellet, ko o gaño mon ɓannguɗo

ﮃﮄﮅﮆﮇﮈﮉ

[Mi yamiri on] kadi rewugol Lam. Ko ngol woni laawol focciingol ngol

ﮊﮋﮌﮍﮎﮏﮐﮑﮒﮓ

Gomɗii o majjinii tagu ɗuuɗungu e mon. E on wonaano haqqilooɓe

ﮔﮕﮖﮗﮘﮙ

Ko ngee woni Jahannama, nge wonanoɗon fodaneede ngen

ﮚﮛﮜﮝﮞﮟ

Naatiree nge hannde, sabu kon ko yeddiraynoɗon

ﮠﮡﮢﮣﮤﮥﮦﮧﮨﮩﮪﮫ

Hannde, Men notay e kunndule maɓɓe ɗen, juuɗe maɓɓe ɗen yewta Men, koyɗe maɓɓe ɗen kadi seeditoo e kon ko ɓe wonunoo e faggitagol

ﮬﮭﮮﮯﮰﮱﯓﯔﯕﯖ

Si Men yiɗuno, Men mehayno gite maɓɓe ɗen, ɓe adondira e laawol ngol. Kono ko honno ɓe yiirata

ﯗﯘﯙﯚﯛﯜﯝﯞﯟﯠﯡ

Si Men yiɗuno kadi, Men montayno ɓe e nokku maɓɓe on; hara ɓe hattantaa feƴƴugol ɓe yiltotaako

ﯢﯣﯤﯥﯦﯧﯨﯩﯪ

Kala mo Men juutni nguurndam mun, Men yiltitay mo e tagu ngun. E ɓee haqqiltaa

ﯫﯬﯭﯮﯯﯰﯱﯲﯳﯴﯵﯶﯷﯸ

Men anndinaali mo (kanko Muhammadu) gimɗi; ɗum haananaa mo. [Deftere] nden wonaali, si wanaa jantoore e janngeteende ɓanngunde

ﯹﯺﯻﯼﯽﯾﯿﰀﰁ

fii yo o jertin nde, on wonɗo wuurɗo (ɓernde), Konngol lepte ngol jojja e heeferɓe ɓen

ﭑﭒﭓﭔﭕﭖﭗﭘﭙﭚﭛﭜﭝ

E ɓe yi`aali, wonnde Men tagiranii ɓe neemoraaɗi, e ko juuɗe Amen golli, hara hiɓe jeyinooɗi

ﭞﭟﭠﭡﭢﭣﭤ

Men eltani ɓe ɗi: no e majji ɗi ɓe waɗɗotoo, no e majji ɗi ɓe ñaamata

ﭥﭦﭧﭨﭩﭪﭫﭬ

hino woodani ɓe ton, nafooje e njaram. E ɓee kan yettataa (Mo)

ﭭﭮﭯﭰﭱﭲﭳﭴ

Ɓe jogitorii gaanin Alla reweteeɗi, jortagol ɓe faabeedee

ﭵﭶﭷﭸﭹﭺﭻﭼ

Ɗi hattanaa faabagol ɓe; ko ɓe konu tawneteengu e majji

ﭽﭾﭿﮀﮁﮂﮃﮄﮅﮆﮇ

Wata konngol maɓɓe sunine. Pellet, Meɗen anndi ko ɓe suuɗata e ko ɓe feññinta

ﮈﮉﮊﮋﮌﮍﮎﮏﮐﮑﮒﮓ

E neɗɗanke on yi`aali, wonnde Men tagirii mo e toɓɓere maniiyu? Kono tawaa mo ko o wennjoowo ɓannguɗo

ﮔﮕﮖﮗﮘﮙﮚﮛﮜﮝﮞﮟﮠ

O fiyani Men misal, kono o yejjiti tageede makko; o wi`i: "Ko hommbo wuurnitata ƴi’e ɗen, si ɗe rappii

ﮡﮢﮣﮤﮥﮦﮧﮨﮩﮪﮫﮬ

Maaku: "Ko wuurnitoowo ɗe, ko taguɗo ɗe On ka laawol aranol. Ko Kanko woni annduɗo fii kala tagu

ﮭﮮﮯﮰﮱﯓﯔﯕﯖﯗﯘﯙ

On waɗanɗo on yiite, iwde e leɗɗe kecce, tawa ko e majje huɓɓirton nge

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ

Kere taguɗo kammuuli ɗin e leydi ndin wonaali haɗtanɗo tagugol yeru maɓɓe? Ɗum ko pellet! Ko Kanko woni Ɗuuɗuɗo tageefo, Annduɗo

ﯪﯫﯬﯭﯮﯯﯰﯱﯲﯳﯴ

Anndon fiyaaku Makko On, si O faandanike huunde, ko O wi`anay nde tun: "Laato", nde laatoo

ﯵﯶﯷﯸﯹﯺﯻﯼﯽ

Senayee woodanii On Mo laamateeri kala huunde woni e juuɗe Mun! Ko ka Makko rutteteɗon

Al-Qur'aana

Tuesday, August 18, 2026

Don't forget us in your sincere prayers