Suuratu Qaf pdf Fulfulde

Suuratu Qaf

PDF —

45 Aaya Meccan PDF

Built right in your browser — download starts automatically

Suuratu Qaf pdf — Aawto (Fulfulde)

Suuratu Qaf pdf Fulfulde — Aawto Suuratu Qaf Jaaɓtinde. Qaf (Meccan) 45 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu Qaf

45 Aaya · Meccan · Fulfulde

ﭑﭒﭓﭔﭕ

Qaaf. Mi woondirii Alqur`aanaare teddunde nden

ﭖﭗﭘﭙﭚﭛﭜﭝﭞﭟﭠﭡ

Si ko woni, ɓe ŋalɗu ko tawi kon jertinoowo arii ɓe iwɗo e maɓɓe ; heeferɓe ɓen wi`i: "Ɗum ɗoo ko huunde haawniinde

ﭢﭣﭤﭥﭦﭧﭨﭩﭪ

Kere si men maayii, men wontii mbulmbuldi...? Ɗum ɗon ko ruttitagol woɗɗungol non

ﭫﭬﭭﭮﭯﭰﭱﭲﭳﭴﭵ

Gomɗii Meɗen anndi ko leydi ndin ñaamata kon e maɓɓe ; hino ka Amen gaa deftere reenunde

ﭶﭷﭸﭹﭺﭻﭼﭽﭾﭿ

Si ko woni, ɓe fennu goonga kan tuma nde ka arunoo e maɓɓe, hiɓe e nder fiyaaku jilɓuɗo

ﮀﮁﮂﮃﮄﮅﮆﮇﮈﮉﮊﮋﮌ

E ɓee ndaaraali kammu ngun dow maɓɓe, ko honno Men mahiri ngun Men cuɗini ngu ; hara perɗi alanaa ngu

ﮍﮎﮏﮐﮑﮒﮓﮔﮕﮖﮗﮘ

Leydi ndin kadi, Men weerti ndi Men werlii e mayri pelle, Men fuɗini e mayri kala nooneeji [puɗi] wooɗuɗi

ﮙﮚﮛﮜﮝﮞ

fii tasakuyee e waaju wonannde kala jeyaaɗo ruttotooɗo

ﮟﮠﮡﮢﮣﮤﮥﮦﮧﮨﮩ

Men jippini kadi ndiyam barkinaaɗam ummaade ka kammu, Men fuɗiniri ɗam gese e gabbe soñeteeɗe

ﮪﮫﮬﮭﮮﮯ

e leɗɗe tamaro juutuɗe wonduɗe e piindi fawondirndi

ﮰﮱﯓﯔﯕﯖﯗﯘﯙﯚﯛ

ko arsike jeyaaɓe ɓen. Men wuurnitiri ɗam kadi leydi yoorundi. Awa ko non woni fii ummital ngal

ﯜﯝﯞﯟﯠﯡﯢﯣ

Ado maɓɓe, yimɓe nuuhu ɓen, e yimɓe Ɓunndu ɓen e Samuuda’en [fow] fennuno

ﯤﯥﯦﯧﯨ

e ’Aadi’en, e Fir`awna e musiɗɓe Luutu ɓen

ﯩﯪﯫﯬﯭﯮﯯﯰﯱﯲﯳ

e yimɓe fitaare nden, e yimɓe Tubba’ ɓen. Kala maɓɓe fennuno Nulaaɓe ɓen, kammbaa Am on jojji

ﯴﯵﯶﯷﯸﯹﯺﯻﯼﯽﯾﯿ

Kere Men ronkuno fii tagu aranu ngun? Ko woni kamɓe, hiɓe e jiɓaare fii tagiteede laawol kesol

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

Gomɗii Men tagii neɗɗanke on, Meɗen anndi ko wonkii makko kin sowinsinirta mo. Ko Menen ɓuri ɓadaade mo e dii ɗaɗol (makko) daande ngol

ﭡﭢﭣﭤﭥﭦﭧﭨﭩ

tuma nde jaɓɓoytooɓe ɓen ɗiɗo jaɓɓoroytoo [golle makko ɗen] ñaamo e nano, hara hiɓe jooɗii

ﭪﭫﭬﭭﭮﭯﭰﭱﭲ

O wowlataa konngol, si wanaa hino takko makko winndoowo tawaaɗo

ﭳﭴﭵﭶﭷﭸﭹﭺﭻﭼﭽ

Ɗeɗɗere maayde nden ardi e goonga : "Ko ɗum wonunoo ko dogaynoɗaa

ﭾﭿﮀﮁﮂﮃﮄﮅ

Wuttee ka alaandu ; ko nden woni Ñalaande kammbaa nden

ﮆﮇﮈﮉﮊﮋﮌ

Wonkii kala ara, hara hiki wonndi e soggoowo e seedotooɗo

ﮍﮎﮏﮐﮑﮒﮓﮔﮕﮖﮗﮘﮙ

Gomɗii a laatinoke welsindiiɗo e ndee. Men hunci wirngallo maa ngon kisan; gite maa ɗen hannde ko seeɓuɗe

ﮚﮛﮜﮝﮞﮟﮠ

Wonndiiɗo makko on wi`a: "Ko ɗum ɗoo woni ka am ɗoo, maandinaa-ɗum

ﮡﮢﮣﮤﮥﮦﮧ

Bugee ka Jahannama onon ɗiɗo, kala yedduɗo canndallo

ﮨﮩﮪﮫﮬ

haɗoowo moƴƴere, jaggitoowo, sikkitiiɗo

ﮭﮮﮯﮰﮱﯓﯔﯕﯖﯗﯘ

on waɗiduɗo e Allah reweteeɗo goo. Bugee mo ka nder lepte saɗtuɗe

ﯙﯚﯛﯜﯝﯞﯟﯠﯡﯢﯣﯤ

Cinndadiijo makko (seytaane) on wi`i: "Joomi amen, mi bewinaali oo; si ko woni, ko e majjere woɗɗunde o wonunoo e mun

ﯥﯦﯧﯨﯩﯪﯫﯬﯭ

[Allah] daala : "Wata on yeddondir ka Am ɗoo ! Nde tawnoo Mi ardiniino e mon kammbaa

ﯮﯯﯰﯱﯲﯳﯴﯵﯶ

Konngol waɗtitetaake ka Am ɗoo ; Mi siforaa kadi tooñoowo jeyaaɓe ɓen

ﯷﯸﯹﯺﯻﯼﯽﯾﯿﰀ

Ñalnde Men wi`anoyta Jahannama on : "E a heewii?" Nge wi`a: "Ko ɓeydee hino woodi

ﰁﰂﰃﰄﰅﰆ

Aljanna on ɓaɗtinanee gomɗuɓe ɓen, hara wanaa ka woɗɗi

ﰇﰈﰉﰊﰋﰌﰍ

Ko ɗum ɗoo woni ko fodaɗon, wonannde kala ruttiiɗo [e Joomi mun] reeniiɗo

ﰎﰏﰐﰑﰒﰓﰔﰕ

on huluɗo Jom Hinaranke On ka wirnii, o ardi e ɓernde laaɓunde

ﰖﰗﰘﰙﰚﰛﰜ

Naatiree mo e jam". Ko nden woni ñalaande luttaynde nden

ﰝﰞﰟﰠﰡﰢﰣ

Hino woodani ɓe ton kala ko ɓe faaletee, hara kadi ɓeydaari hino ka Amen

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

Ɗuuɗii e gire ɗen Men halki ado maɓɓe, ko ɓen ɓurnooɓe doole, ɓen wanngorii e leydi ndin, ndaarugol taw si ɓe heɓay laaworde

ﭡﭢﭣﭤﭥﭦﭧﭨﭩﭪﭫﭬﭭﭮ

Pellet, wonii e ɗum, waaju wonannde kala jom ɓernde, maa tuɗuɗo noppi hara ko tawaaɗo

ﭯﭰﭱﭲﭳﭴﭵﭶﭷﭸﭹﭺﭻﭼ

Gomɗii Men tagii kammuuli ɗin e leydi ndin e kon ko woni hakkunde majji, nder balɗe jeegoo, tampere woo heɓaali Men. @Corrected

ﭽﭾﭿﮀﮁﮂﮃﮄﮅﮆﮇﮈﮉ

Muñño e ko ɓe wowlata kon, subbunhinanoɗaa Joomi maa ado puɗal naange ngen e ado mutal ngal

ﮊﮋﮌﮍﮎﮏ

Jemma on kadi, subbunhinanoɗaa Mo e ka battane [julɗe] farlaaɗe

ﮐﮑﮒﮓﮔﮕﮖﮗ

Heɗo, ñalnde noddoowo on noddoyta e nokkuure ɓadiinde

ﮘﮙﮚﮛﮜﮝﮞﮟﮠ

ñalnde ɓe naniroyta haacaango ngon e hoore goonga. Ko nden woni Ñalnnde yaltugol ngol [ka genaale]

ﮡﮢﮣﮤﮥﮦﮧ

Pellet, ko Menen wuurnata Men wara, ko ka Amen kadi woni ruttorde nden

ﮨﮩﮪﮫﮬﮭﮮﮯﮰﮱﯓ

Ñalnde leydi ndin seekotoo [ɓe yaltira] heñagol; ko nde woni mooɓirde newaniinde Men

ﯔﯕﯖﯗﯘﯙﯚﯛﯜﯝﯞﯟﯠﯡﯢﯣ

Ko Menen ɓuri anndude ko ɓe wowlata kon. A wonaa dooloowoɓe. Haray waajor Alqur`aanaare nden, kala huloowo kammbaa An on

Al-Qur'aana

Tuesday, August 18, 2026

Don't forget us in your sincere prayers