Suuratu As-Sajdah pdf Fulfulde

Suuratu As-Sajdah

PDF —

30 Aaya Meccan PDF

Built right in your browser — download starts automatically

Suuratu As-Sajdah pdf — Aawto (Fulfulde)

Suuratu As-Sajdah pdf Fulfulde — Aawto Suuratu As-Sajdah Jaaɓtinde. As-Sajdah (Meccan) 30 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu As-Sajdah

30 Aaya · Meccan · Fulfulde

ﭑﭒ

Alif, Laam, Miim

ﭓﭔﭕﭖﭗﭘﭙﭚﭛ

Jippineede Deftere nden, sikke woo alaa e mu’un, ko immorde ka Jeyɗo winndere nden

ﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯ

Walla ɓe wi`ay kanko (Muhammadu) o fefindi nde? Si ko woni, ko nde goongaare, immorde ka Joomi maa, fii yo a jertin yimɓe, ɓe jertinoowo araano e mun ado maaɗa, belajo’o, ɓe feeway

ﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊ

Ko Alla woni taguɗo kammuuli ɗin e leydi ndin, e kon ko woni hakkunde majji, e nder balɗe jeegoo. Refti O fotondiri ka dow "Arski". Alanaa on gaanin Makko, giɗo wanaa tefoowo. E on waajitotaako? @Corrected

ﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜ

Himo fewja fiyaakuuji ɗin ka kammu haa ka leydi, refti ɗi ƴeenga ka Makko, e ñalaande nde emmbere mun woni, duuɓi ujunere e ko limoton

ﮝﮞﮟﮠﮡﮢﮣ

On [fewjoowo fii ɗum on], ko Annduɗo wirniiɗi e feeñuɗi, Fooluɗo, Hinnotooɗo

ﮤﮥﮦﮧﮨﮩﮪﮫﮬﮭﮮﮯ

On labinɗo kala huunde nde O tagi. O fuɗɗi tagude neɗɗanke ndin e loopal

ﮰﮱﯓﯔﯕﯖﯗﯘﯙ

refti O waɗi geyngol makko ngol, e sortondiral, immorde ndihal [maniiyu] lo’uɗam

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ

refi O fotndindiri mo, O wutti e makko Ruuhu Makko on. O waɗani on nanɗe, e giiɗe e ɓerɗe. [Kono] fanɗii ko yettonton

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺ

Ɓe wi’: "E nee, si min majjii ka leydi, eyoo men wontay e tagu hesu?" Ko woni kamɓe e hawrugol e Joomi maɓɓe, ko ɓe yedduɓe [ɗum]

ﯻﯼﯽﯾﯿﰀﰁﰂﰃﰄﰅﰆﰇ

Maaku: "Ko hunnata on, ko malaa’ikaajo maayde on wakkilaaɗo on. Refti ko ka Joomi mon rutteteɗon

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡ

Sinno a yi`ayno, tuma nde bomɓe ɓen ugginta ko`e-maɓɓe ka Joomi maɓɓe! [lƁe wi`a]: "Joomi amen, men yi`ii men nanii, rutton men, men golla ko moƴƴi; menen men yananaama

ﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲ

Sinno Men muuyuno, Men okkayno kala wonkii peewal makki. Ko woni tun, konngol jojjii immorde e An : "Ma Mi hebbiniray Jahannama on jinna e yimɓe, ɓe denndaangal

ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ

Meeɗiree (lepte ɗen) sabu welsindagol mon hawrugol e ndee ñalaande mon ɗoo. Menen (kadi) Men yejjitii on. Meeɗiree lepte luttal, sabu ko huuwaynoɗon kon

ﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓ

Anndee ko gomɗinta Aayeeje Amen ɗen, ko ɓen tawɓe si ɓe waajoraama ɗe, ɓe suuyiray sujjugol, ɓe subbuhinora yettugol Joomi maɓɓe, kamɓe ɓe townitotaako

ﮔﮕﮖﮗﮘﮙﮚﮛﮜﮝﮞﮟ

Becce maɓɓe ɗen hino woɗɗitoo e lelorɗe ɗen, hiɓe noddira Joomi maɓɓe kulol e tama’u; e kon ko Men arsiki ɓe, hiɓe wintoo

ﮠﮡﮢﮣﮤﮥﮦﮧﮨﮩﮪﮫﮬﮭ

Wonkii (woo) anndaa ko maranaa ɓe e ko ɓuɓɓinta ɓernde, ɗum ko njoɓdi ko ɓe gollaynoo kon

ﮮﮯﮰﮱﯓﯔﯕﯖﯗﯘ

E on laatiiɗo gomɗinɗo wa’ay wa on faasiqe? (aa’aa), ɓe fotataa

ﯙﯚﯛﯜﯝﯞﯟﯠﯡﯢﯣﯤﯥ

Si ko ɓen omɗimɓe ɓe golli golle moƴƴe, hino woodani ɓe Aljannaaji weerde jipporde, sabu koɓe gollaynoo kon

ﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼ

Si tawii non ko ɓe faasiqiiɓe, haray femporde ɓen ɗon nden, ko ka Yiite: Tuma kala ɓe faalaa yaltugol e magge, ɓe ruttitee e magge, ɓe wi`anee: "Meeɗee lepte Yiite nge fennayoɗon ngen

ﭑﭒﭓﭔﭕﭖﭗﭘﭙﭚ

Ma Men meeɗinir ɓe lepte aduna, ado lepte mawɗe ɗen (laakara), belajo’o, ɓe ruttitoto

ﭛﭜﭝﭞﭟﭠﭡﭢﭣﭤﭥﭦﭧﭨﭩ

Alaa ɓurɗo tooñude wano waajoraaɗo Aayeeje Joomi mun ɗen, refti o ɗuurnii ɗe ! Pellet, Menen, ko Men yoftotooɓe e bomɓe ɓen

ﭪﭫﭬﭭﭮﭯﭰﭱﭲﭳﭴﭵﭶﭷﭸﭹ

Gomɗii Men okkii Muusaa Deftere nden, - wata a wonu e sikke e fii hawroygol e makko -, Men waɗi nde ɗoworde ɓiɗɓe Israa’iila ɓen

ﭺﭻﭼﭽﭾﭿﮀﮁﮂﮃﮄﮅ

Men waɗi e maɓɓe ardiiɓe, ɗowirooɓe (yimɓe ɓen) yamiroore Amen, nde ɓe muññinoo, ɓe woni yananaaɓe e Aayeeje Amen ɗen

ﮆﮇﮈﮉﮊﮋﮌﮍﮎﮏﮐﮑ

Pellet, Joomi maa, ko Kanko senndoyta hakkunde maɓɓe, Ñalnde Darngal, e kon ko ɓe lurraynoo e fii mun

ﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦ

E feeñanaali ɓe, no foti ɗuuɗude e ko Men halki ado maɓɓe e gire, hiɓe yaha e koɗooli maɓɓe? Pellet, no e ɗum, tasakuyeeji ! E ɓee haqqiltaa

ﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ

E ɓe yi`aali, wonnde Meɗen soggira ndiyam ɗam ka leydi hokkundi, Men yaltinira ɗam remuru, ndu neemoraaɗi maɓɓe e kamɓe ñaamata e mun? E ɓe yi`ataa

ﯛﯜﯝﯞﯟﯠﯡﯢ

Hiɓe wi`a: "Ko honnde tuma woni ngal uddital, si on laatike goonguɓe

ﯣﯤﯥﯦﯧﯨﯩﯪﯫﯬﯭﯮ

Maaku: "Ñalnde uddial ngal, ko heeferɓe ɓen gomɗinoyta nafoytaaɓe, wanaa kamɓe woni nennanteeɓe

ﯯﯰﯱﯲﯳﯴ

Ɗuurno ɓe, haɓɓito-ɗaa. Kamɓe kan, ko ɓe haɓɓitiiɓe (lepte)

Al-Qur'aana

Tuesday, August 18, 2026

Don't forget us in your sincere prayers