Suuratu Maryam pdf — Aawto (Fulfulde)
Suuratu Maryam pdf Fulfulde — Aawto Suuratu Maryam Jaaɓtinde. Suuratu Maryam (Meccan) 98 Aaya.
Related
- Suuratu Maryam JaaɓtindeFulfulde
- Suuratu Maryam mp3Nanu
- Quran Index Fulfulde114
More Suuratu PDF
Suuratu Maryam
ﭑﭒ
19:1
Kaaf Haa Yaa ayiin saad
ﭓﭔﭕﭖﭗﭘ
19:2
Jaŋta Yurmeende Joomi maaɗa jeyaaɗo Makko on Jakariyaa
ﭙﭚﭛﭜﭝﭞ
19:3
Tuma nde O noddunoo Joom makko noddaannu suuɗiindu
ﭟﭠﭡﭢﭣﭤﭥﭦﭧﭨﭩﭪﭫﭬﭭ
19:4
O maaki: "Jooma, min dey ƴi’e ɗen lo’ii e am hoore nden lewndii puri, mi laataaki non ɗawaaɗo ka toragol Ma Jooma
ﭮﭯﭰﭱﭲﭳﭴﭵﭶﭷﭸﭹﭺﭻ
19:5
Min dey mi hulii lontotooɓe ɓen ɓaawo am, suddiiɗo am on laatike dimaro okkam immorde ka Maaɗa ɓiɗɗo
ﭼﭽﭾﭿﮀﮁﮂﮃﮄﮅ
19:6
O rona lam, o rona kadi e ɓeynguure Yaaquuba nden waɗaa mo Joomi weltoraaɗo
ﮆﮇﮈﮉﮊﮋﮌﮍﮎﮏﮐﮑﮒ
19:7
Ko an yo Jakariyaa Menen Men weltinirii ma suka innde makko ko Yahyaa Men waɗanaali mo ko adii tokoraajo
ﮓﮔﮕﮖﮗﮘﮙﮚﮛﮜﮝﮞﮟﮠﮡ
19:8
O maaki: "Jooma ko honno laatoranta lam suka sonnaajo am on laatike dimaro min kadi mi yottike e nayewu yooruɗo tere
ﮢﮣﮤﮥﮦﮧﮨﮩﮪﮫﮬﮭﮮﮯﮰ
19:9
[Malaa’ikaajo on] wi`i: "Ko nii Joomi maaɗa Daaliri: Ɗum no neewii e Am gomɗii Mi Tagiino ma ko adii, hari a laataaki huunde
ﮱﯓﯔﯕﯖﯗﯘﯙﯚﯛﯜﯝﯞﯟﯠ
19:10
O maaki: "Jooma waɗanam Maande". O Daali: "Maande maaɗa nden ko wata a wowlidu e yimɓe ɓen jemmaaji tati fotondirɗi
ﯡﯢﯣﯤﯥﯦﯧﯨﯩﯪﯫﯬ
19:11
O yalti hakkunde yimɓe makko ɓen immorde ka ganngunal o joopii faande e maɓɓe, ɗum woni subunhinee bimmbi e kiikiiɗe
ﭑﭒﭓﭔﭕﭖﭗﭘﭙ
19:12
Ko an yo Yahyaa nanngir deftere nden doole, Men Okki mo Ñeeñal ko o suka
ﭚﭛﭜﭝﭞﭟﭠﭡ
19:13
E Yurmeende immorde ka Amen ko o laaɓuɗo o laatike huloowo [Alla]
ﭢﭣﭤﭥﭦﭧﭨ
19:14
Ko o ɗigganɗo jibimɓe mo ɓen o wanaali ndunndarankeejo ngeddo
ﭩﭪﭫﭬﭭﭮﭯﭰﭱﭲ
19:15
Kisiyee e makko ñalnde o jibinaa e ñalnde o maayata e Ñalnde o immintintee ko o wuuruɗo
ﭳﭴﭵﭶﭷﭸﭹﭺﭻﭼﭽ
19:16
Jaŋto ka Deftere Mariyama tuma nde o woɗɗitinoo immorde e yimɓe makko ɓen [o yaari] e nokkuure funnaangeyankoore
ﭾﭿﮀﮁﮂﮃﮄﮅﮆﮇﮈﮉ
19:17
O jogitii gaanin maɓɓe wirngallo, Men Nuli e makko Ruuhu Amen o nanndintinanii mo e ɓanndinke fotondirɗo
ﮊﮋﮌﮍﮎﮏﮐﮑﮒ
19:18
O maaki: min mi moolorii Yurmeteeɗo On immorde e maaɗa si tawii a laatike ko a kulo [Alla]
ﮓﮔﮕﮖﮗﮘﮙﮚﮛﮜ
19:19
O wi`i: "Pellet, min ko mi Nulaaɗo Joomi maaɗa fii yo mi okke suka laaɓuɗo
ﮝﮞﮟﮠﮡﮢﮣﮤﮥﮦﮧﮨ
19:20
O wi`i: "Ko honno laatoranta lam suka hara ɓanndinke meemaali lam mi laataaki kadi jeenoowo(pijoowo)
ﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛ
19:21
O wi`i: "ko nii Joomi maaɗa Daaliri: "Ɗum no newii e Am e fii yo Men waɗu mo Maande fii yimɓe ɓen e Yurmeende immornde e Amen ɗum laatike fiyaake Ñaawaaɗo
ﯜﯝﯞﯟﯠﯡﯢ
19:22
O roondii mo, o pottidodi e makko e nokkuure woɗɗitiinde
ﯣﯤﯥﯦﯧﯨﯩﯪﯫﯬﯭﯮﯯﯰ
19:23
Ŋata(qatwere) on fiɗi mo e jullere tamarohi, o wi`i: "Ee hara nun mi maayuno ko adii ɗum mi laatoo huunde yejjitaande
ﯱﯲﯳﯴﯵﯶﯷﯸﯹﯺﯻ
19:24
O noddi mo immorde e ley makki, [o wi`i] wata a suno gomɗii Joomi maaɗa waɗii ley maaɗa caangol
ﯼﯽﯾﯿﰀﰁﰂﰃﰄ
19:25
Yeƴu(dimmbu) faade e maaɗa jullere tamarohi kin nde liɓa e maaɗa ɓennduɗe teɓeteeɗe
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤ
19:26
Ñaamu yaraa ɓuɓɓinaa gite, si a yi`ii goɗɗo immorde e ɓanndinke wi’u: "Min dey mi takkanii Hinnorante(jurmotooɗo korka mi wowlidata e neɗɗanke hannde)
ﭥﭦﭧﭨﭩﭪﭫﭬﭭﭮﭯﭰ
19:27
O radi e makko ka yimɓe makko, himo tammbii mo ɓe wi`i: "Ko an yo Mariyama gomɗii a addii huunde hawnii nde
ﭱﭲﭳﭴﭵﭶﭷﭸﭹﭺﭻﭼ
19:28
Ko an yo banndiraawo Haaruuna baaba maa laatanooki neɗɗo bonɗo neene maaɗa kadi laataaki jeenoowo=jinoowo
ﭽﭾﭿﮀﮁﮂﮃﮄﮅﮆﮇﮈ
19:29
[Mariyama] joopii e makko, ɓe wi`i:"Ko honno men yewtirta e on sanfaajo wonɗo e woofordu(liir) gondo e tiiggu
ﮉﮊﮋﮌﮍﮎﮏﮐﮑ
19:30
[Iisaa] maaki: "Min dey ko mi jeyaaɗo Alla O Okkii lam Deftere nden O Waɗii lam Annabaajo
ﮒﮓﮔﮕﮖﮗﮘﮙﮚﮛﮜﮝ
19:31
O Waɗi lam Barkinaaɗo nokku kala ka mi woni, O Wasiyii lam Julde nden e Jakka on fodde miɗo wuuri
ﮞﮟﮠﮡﮢﮣﮤ
19:32
Ko mi ɗigganɗo yumma am, O waɗaali lam ndunndarankeejo malkisaaɗo
ﮥﮦﮧﮨﮩﮪﮫﮬﮭﮮ
19:33
Kisiyee on wonii e am ñalnde mi jibinaa e ñal- nde mi maayata e Ñalnde mi immintintee ko mi wuuruɗo
ﮯﮰﮱﯓﯔﯕﯖﯗﯘﯙﯚ
19:34
On ko Iisaa geɗal Mariyama Daalol Goongawol ngol hiɓe sikkitoo fii mu’un
ﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭ
19:35
Haananaa Alla nde O jogitotoo ɓiɗɗo Senayee wonanii Mo, si O Ñaawii fiyaake O Daalanay mo tun: "Wonu" o wona
ﯮﯯﯰﯱﯲﯳﯴﯵﯶﯷ
19:36
Pellet, ko Alla Woni Joomi am e Joomi mon, Rewee Mo. Ko ɗum woni Laawol Focciingol
ﯸﯹﯺﯻﯼﯽﯾﯿﰀﰁﰂﰃﰄ
19:37
Feddeeji ɗin luutondiri hakkunde majji, bone wonanii ɓen yedduɓe seedagol Ñalaande Mawnde
ﰅﰆﰇﰈﰉﰊﰋﰌﰍﰎﰏﰐﰑ
19:38
Kaawee ko nanirta yi`ira wa maɓɓe Ñalnde ɓe aroyta e Amen, kono tooñooɓe ɓen hannde hiɓe e nder majjere ɓanngunde
ﭑﭒﭓﭔﭕﭖﭗﭘﭙﭚﭛﭜﭝ
19:39
Hulɓinir ɓe Ñalnde Nimse, tuma nde fiyaake on ñaawaa hara kamɓe hiɓe e nder welsindaare hara ɓe gomɗinaa
ﭞﭟﭠﭡﭢﭣﭤﭥﭦ
19:40
Menen Men ronay leydi ndin e ɓen wonuɓe e dow mayri, ko ka Amen ɓe ruttetee
ﭧﭨﭩﭪﭫﭬﭭﭮﭯﭰ
19:41
Jaŋto ka Deftere Ibraahiima, pellet, kanko o laatino Goonguɗo Annabaajo
ﭱﭲﭳﭴﭵﭶﭷﭸﭹﭺﭻﭼﭽﭾﭿﮀ
19:42
Tuma nde o maakannoo bem makko: "Ko an yo baaba ko honɗun rewantaa kon ko nanataa yi`ataa hara duncantaa ma hay e huunde
ﮁﮂﮃﮄﮅﮆﮇﮈﮉﮊﮋﮌﮍﮎ
19:43
Ko an yo baaba min dey gomɗii arii lam immorde e Ganndal kon ko araali e maaɗa, jokkam mi fewne e Laawol Focciingol
ﮏﮐﮑﮒﮓﮔﮕﮖﮗﮘﮙ
19:44
Ko an yo baaba, wata a rewu Seytaane, pellet, Seytaane laatike yedduɗo Hinnorante
ﮚﮛﮜﮝﮞﮟﮠﮡﮢﮣﮤﮥ
19:45
Ko an yo baaba, min dey miɗo huli wta meeme Lepte immorde ka Hinnorante laatanoɗaa Seytaane giɗo
ﮦﮧﮨﮩﮪﮫﮬﮭﮮﮯﮰﮱﯓﯔﯕ
19:46
[Baaba makko] wi`i: "Enee, an a añu reweteeɗi am ɗin nee Ibraahiima, pellet, si a accaali mi rajmete selam dummunne [juutuɗo]
ﯖﯗﯘﯙﯚﯛﯜﯝﯞﯟﯠﯡﯢ
19:47
[Ibraahiima] maaki: "Kisal e maaɗa aray mi insinanomaa ka Joomi am, pellet, Konko O Laatike Newaniiɗo lam
ﯣﯤﯥﯦﯧﯨﯩﯪﯫﯬﯭﯮﯯﯰﯱ
19:48
Mi martoo(deestoo) on e kon ko rewoton gaanin Alla, mi toroo Joomi am no gasa mi wonataa tampirɗo toragol Joomi am
ﯲﯳﯴﯵﯶﯷﯸﯹﯺﯻﯼﯽﯾﯿﰀﰁ
19:49
Tuma nde o martinoo(deestinoo) ɓe e ko ɓe rewata kon gaanin Alla, Men Okki mo Ishaaqa e Yaaquuba kala [gooto e maɓɓe] Men waɗi [mo] Annabaajo
ﰂﰃﰄﰅﰆﰇﰈﰉﰊﰋ
19:50
Men Okki ɓe immorde e Yurmeende Amen, Men waɗani ɓe ɗenngal goonga toowungal
ﰌﰍﰎﰏﰐﰑﰒﰓﰔﰕﰖﰗ
19:51
Jaŋto ka Deftere Muusaa, pellet, kanko o laatinoke laɓɓinɗo o laatinoke kadi Nulaaɗo Annabaajo
ﭑﭒﭓﭔﭕﭖﭗﭘ
19:52
Men noddi mo ka senngo ñaamo [fello] Tuuri Men ɓattini mo gunndeteeɗo
ﭙﭚﭛﭜﭝﭞﭟﭠ
19:53
Men Okki mo immorde e Yurmeende Amen musiɗɗo makko on Haaruuna Annabaajo
ﭡﭢﭣﭤﭥﭦﭧﭨﭩﭪﭫﭬﭭ
19:54
Jaŋto ka Deftere Ismaa’iila, pellet, kanko o laatinoke Goonguɗo fodoore o laatinoke kadi Nulaaɗo Annabaajo
ﭮﭯﭰﭱﭲﭳﭴﭵﭶﭷ
19:55
O laatino himo yamira yimɓe makko ɓen Julde e Jakka on, o laatino kadi Weltoraaɗo ka Joomi makko
ﭸﭹﭺﭻﭼﭽﭾﭿﮀﮁ
19:56
Jaŋto ka Deftere Idriisa, pellet, kanko o laatino Goonguɗo Annabaajo
ﮂﮃﮄﮅ
19:57
Men ɓanti mo e nokkuure Toowunde
ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥ
19:58
Ko ɓen woni ɓen, ɓe Alla Neemini e dow mu’un immorde e Annabaaɓe ka geɗal ɓebibbe Aadama e ɓen ɓe Men waɗɗinnoo wonndude e Nuuhu e geɗalɓe Ibraahiima e Israa’iila e ɓen ɓe Men Fewni Men Suɓii si janngaama e dow maɓɓe Aayeeje Hinnorante ɓe fukko koɓe sujjooɓe e wullooɓe. @Corrected
ﮦﮧﮨﮩﮪﮫﮬﮭﮮﮯﮰﮱﯓﯔ
19:59
Lontii ɓaawo maɓɓe lontotooɓe, ɓe yeebi Julde nden ɓe jokki welnuruuji ɗin aray ɓe hawroya e bone
ﯕﯖﯗﯘﯙﯚﯛﯜﯝﯞﯟﯠﯡ
19:60
Si wanaa on tuubuɗo o gomɗini o golli ko moƴƴi, ɓen ɗon ɓe naatay Aljanna on ɓe tooñiroy- taake hay e huunde
ﯢﯣﯤﯥﯦﯧﯨﯩﯪﯫﯬﯭﯮ
19:61
Aljannaaji Adan ɗin ɗi Hinnorante On Fodi jeyaaɓe Makko ɓen e birnagal, pellet Kanko, Fodoore Makko nden laatike ko aroore
ﯯﯰﯱﯲﯳﯴﯵﯶﯷﯸﯹﯺﯻ
19:62
Ɓe nanataa nder ton rayrayti si wonaa kisiyee, no woodani ɓe arsike maɓɓe on nder ton bimmbi e kiikiiɗe
ﯼﯽﯾﯿﰀﰁﰂﰃﰄﰅ
19:63
On Aljanna mo Men Roninta immorde e jeyaaɓe Amen ɓen, on laatiiɗo kulo [Alla]
ﰆﰇﰈﰉﰊﰋﰌﰍﰎﰏﰐﰑﰒﰓﰔﰕﰖﰗﰘﰙﰚ
19:64
Men jippotaako si wanaa e Yamaruyee Joomi maaɗa, no woodani Mo ko woni kon hedde yeeso amen e ko woni kon ɓaawo amen e ko woni kon hakkunde ɗum, Joomi maaɗa laataaki yejjitoowo
ﭑﭒﭓﭔﭕﭖﭗﭘﭙﭚﭛﭜﭝﭞ
19:65
Jooma kammuuli ɗin e leydi ndin e ko woni kon hakkunde majji, Rewu mo monñitor Dewal Makko. Taw si hiɗa anndani Mo tokoraajo
ﭟﭠﭡﭢﭣﭤﭥﭦﭧ
19:66
Neɗɗanke on no wi`a: "Eyoo, e jaka si mi maai aroyay ka mi yaltinee tawa ko mi wuuruɗo
ﭨﭩﭪﭫﭬﭭﭮﭯﭰﭱﭲ
19:67
Enee, neɗɗanke on annditaali Menen Men Tagiino mo ko adii, hari o wonaali hay e huunde
ﭳﭴﭵﭶﭷﭸﭹﭺﭻ
19:68
Mi woondirii Joomi maaɗa Men mooɓay ɓe sanne e Seytanuuji ɗin, refti Men adda ɓe sara Jahannama ko ɓe jiccii ɓe
ﭼﭽﭾﭿﮀﮁﮂﮃﮄﮅﮆ
19:69
Refti Men ɗoofa immorde e kala fedde ko hommbo e maɓɓe ɓurnoo saɗtude dartagol e dow Hinnorante On
ﮇﮈﮉﮊﮋﮌﮍﮎﮏ
19:70
Refti ko Menen Anndi ɓen ɓurɓe hanndude e sumugol e magge
ﮐﮑﮒﮓﮔﮕﮖﮗﮘﮙﮚ
19:71
Alaa hay e gooto e mo’on si wanaa o joloyay e magge, ɗum laatike e dow Joomi maaɗa ko Ñaawaaɗum Tentinaa
ﮛﮜﮝﮞﮟﮠﮡﮢﮣ
19:72
Refti Men ndannda ɓen hulunooɓe [Alla] Men ɗala tooñooɓe ɓen ko ɓe jicciiɓe nder ton
ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕ
19:73
Si janngaama e taweede maɓɓe Aayeeje Amen Ɓannguɗe ɗen; yedduɓe ɓen wi`ana gom- ɗimɓe ɓen: "Ko honnde e feddeeji ɗin ɗiɗi ɓuri moƴƴude darnde ɓuri moƴƴude kadi mbatu
ﯖﯗﯘﯙﯚﯛﯜﯝﯞﯟ
19:74
Heewii ko Men halki ado maɓɓe immorde e gire tawi ko kamɓe ɓuri fotude mirannji suudu e mbaadi
ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺ
19:75
Maaku: "On laatiiɗo e nder majjere nden yo Hinnorante fontan mo fontudee, haa si ɓe yi`ii ko ɓe fodaa kon, si tawii ko lepte ɗen maa si ko Darngal ngal, aray ɓe annda on m bonuɗo nukkuure e ɓurɗo lo’ude konu
ﯻﯼﯽﯾﯿﰀﰁﰂﰃﰄﰅﰆﰇﰈﰉ
19:76
Alla no ɓeydana ɓen feewuɓe Peewal, Moƴƴi heddotooɗi ɗin ɓuri moƴƴude mbarjaari ka Joomi maaɗa ɓuri moƴƴude kadi ruttorde
ﭑﭒﭓﭔﭕﭖﭗﭘﭙ
19:77
Enee, a yi`ii on yedduɗo Aayeeje Amen ɗen, o wi`i: "Maatun mi okkee jawdi e ɓiɗɗo
ﭚﭛﭜﭝﭞﭟﭠﭡ
19:78
Enee o ƴelliti e ko wirnii kon, kaa jogiti ka Hinnorante Aadi
ﭢﭣﭤﭥﭦﭧﭨﭩﭪﭫﭬ
19:79
Wanaa non, aray Men winnda ko o wi`ata kon Men ɓeydana mo immorde e Lepte ɗen ɓeydude
ﭭﭮﭯﭰﭱﭲ
19:80
Men Rona mo e ko o wi`ata kon, o ara e Amen ko o weddiiɗo(gooto)
ﭳﭴﭵﭶﭷﭸﭹﭺﭻ
19:81
Ɓe jogitii gaanin Alla reweteeɗi fii yo ɗi laatano ɓe teddungal. @Corrected
ﭼﭽﭾﭿﮀﮁﮂﮃ
19:82
Wonaa non, maɓe yedda rewugolɓe ngol, ɓe laatanoo ɓe ayɓe
ﮄﮅﮆﮇﮈﮉﮊﮋﮌﮍ
19:83
Enee a yi`aali Menen Men Nulii Seytanuuji e dow yedduɓe ɓen hiɗi ƴuuna ɓe ƴuunudee
ﮎﮏﮐﮑﮒﮓﮔﮕﮖ
19:84
Wata a hawjan ɓe, pellat, limonayɓebe limugol
ﮗﮘﮙﮚﮛﮜﮝ
19:85
Ñalnde Men mooɓoyta hulooɓe [Alla] ɓen ka Hinnorante Teddinaaɓe
ﮞﮟﮠﮡﮢﮣ
19:86
Men sogga bomɓe ɓen haa ka Jahannama ko ɓe jolooɓe
ﮤﮥﮦﮧﮨﮩﮪﮫﮬﮭ
19:87
Ɓe maraa tefoore nden si wanaa on jogitiiɗo ka Hinnorante Aadi
ﮮﮯﮰﮱﯓ
19:88
Ɓe wi`i: "Hinnorante jogitike ɓiɗɗo
ﯔﯕﯖﯗﯘ
19:89
Gomɗii on addii huunde pankarɗii nde. @Corrected
ﯙﯚﯛﯜﯝﯞﯟﯠﯡﯢ
19:90
Kammuuli ɗin no do’a(ɗesa) seekaade immorde e ɗum leydi ndin feera pelle ɗen uuya fii unagol
ﯣﯤﯥﯦﯧ
19:91
fii ɓe noddanii Hinnorante ɓiɗɗo
ﯨﯩﯪﯫﯬﯭﯮ
19:92
Haananaa Hinnorante nde O jogitotoo ɓiɗɗo. @Corrected
ﯯﯰﯱﯲﯳﯴﯵﯶﯷﯸﯹ
19:93
Alaa wonɗo ka kammuuli e ka leydi si wanaa o aray ka Hinnorante hombo woni jeyaaɗo
ﯺﯻﯼﯽﯾ
19:94
Gomɗii O moftii ɓe O limii ɓe kadi e limugol. @Corrected
ﯿﰀﰁﰂﰃﰄ
19:95
[Gooto] Kala e maɓɓe aray Mo Ñalnde Darngal ko o woddiiɗo(teeldɗo)
ﭑﭒﭓﭔﭕﭖﭗﭘﭙﭚ
19:96
Pellet, ɓen gomɗimɓe golli ko moƴƴi kon aray ka Hinnorante waɗanaɓe Giggol
ﭛﭜﭝﭞﭟﭠﭡﭢﭣﭤﭥ
19:97
Anndu ko Men newiniri nde ka ɗenngal maaɗa; ko fii yo a weltinir nde hulooɓe [Alla] ɓen jertiniraa nde yimɓe saɗtuɓe wennje
ﭦﭧﭨﭩﭪﭫﭬﭭﭮﭯﭰﭱﭲﭳﭴ
19:98
Heewii ko Men halki ado maɓɓe e gire taw si hiɗa so’a e maɓɓe immorde e goɗɗo, maa hiɗa nana ɓe hito
Al-Qur'aana
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Al-Qur'aana mp3
Complete Recitation — حفص عن عاصم
Abdul Basit Al-Qur'aana mp3
Complete Recitation — حفص عن عاصم
Mishary Rashid Alafasy Al-Qur'aana mp3
Complete Recitation — حفص عن عاصم
Al-Hussary Mahmoud Khalil Al-Qur'aana mp3
Complete Recitation — حفص عن عاصم
Muhammad Siddiq Al-Minshawi Al-Qur'aana mp3
Complete Recitation — حفص عن عاصم
Abdul Rahman Al-Sudais Al-Qur'aana mp3
Complete Recitation — حفص عن عاصم
Saud Al-Shuraim Al-Qur'aana mp3
Complete Recitation — حفص عن عاصم
Maher Al-Muaiqly Al-Qur'aana mp3
Complete Recitation — حفص عن عاصم