წაკითხვა სურა ან-ნური ქართულად

სურა ან-ნური არაბულად და ქართულად

წაიკითხეთ სურა ან-ნური სრული ქართული თარგმანით, გამოთქმით და აუდიო წაკითხვით. თითოეული აიათის მნიშვნელობა. (64 აია — مدنية). ან-ნური მოსმენა, ან-ნური თარგმანი, ან-ნური mp3, ან-ნური pdf.

სურა ან-ნური წაკითხვა და მოსმენა

🎧 აია

Ayat: —

Repeat: x1

سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ ۝١

📖 თარგმანი აია 1

(ეს არის) სურა, რომელიც ჩვენ გარდმოვავლინეთ და სავალდებულოდ დავადგინეთ, და მასში ნათელი აიათები [ნიშნები და მტკიცებულებები] გარდმოვავლინეთ, რათა გახსოვდეთ [ეს აიათები და მათ მიხედვით იმოქმედოთ].

الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِائَةَ جَلْدَةٍ ۖ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ۖ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ ۝٢

📖 თარგმანი აია 2

მეძავი ქალი და მეძავი კაცი (რომლებიც ადრე ქორწინებაში არ ყოფილან) — თითოეულს ასი შოლტის დარტყმა მიაყენეთ. და ნუ დაგეუფლებათ მათ მიმართ სიბრალული [თანაგრძნობა] ალლაჰის კანონის აღსრულებისას, თუ გწამთ ალლაჰი და დღე უკანასკნელი. და დაე, მათ დასჯას მორწმუნეთა ერთმა ჯგუფმა დაესწროს (რათა ეს ზოგისთვის გაკიცხვად, სხვებისთვის კი გაფრთხილებად და შეგონებად იქცეს).

الزَّانِي لَا يَنكِحُ إِلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ ۚ وَحُرِّمَ ذَٰلِكَ عَلَى الْمُؤْمِنِينَ ۝٣

📖 თარგმანი აია 3

მრუში (მორწმუნე) კაცი არავისზე დაქორწინდება, თუ არა მრუშ ქალზე ან მრავალღმერთიანზე. და მეძავი ქალი არავისზე გათხოვდება, თუ არა მეძავ კაცზე ან მრავალღმერთიანზე. და ეს [ასეთი ქორწინება] მორწმუნეთათვის აკრძალულია.

وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا ۚ وَأُولَٰئِكَ هُمُ الْفَاسِقُونَ ۝٤

📖 თარგმანი აია 4

და ისინი, რომელნიც ცილს სწამებენ პატიოსან ქალებს და მერე ვერ მოიყვანენ ოთხ მოწმეს, დაჰკარით მათ ოთხმოცი მათრახი და არასოდეს მიიღოთ მათი მოწმეობა. სწორედ ისინი არიან ბილწნი [ურჩნი].

إِلَّا الَّذِينَ تَابُوا مِن بَعْدِ ذَٰلِكَ وَأَصْلَحُوا فَإِنَّ اللَّهَ غَفُورٌ رَّحِيمٌ ۝٥

📖 თარგმანი აია 5

გარდა იმათისა, ვინც ამის შემდეგ მოინანია [ჩადენილი] და გამოასწორა (თავისი საქციელი). ჭეშმარიტად, ალლაჰი მპატიებელი, შემწყალებელია.

وَالَّذِينَ يَرْمُونَ أَزْوَاجَهُمْ وَلَمْ يَكُن لَّهُمْ شُهَدَاءُ إِلَّا أَنفُسُهُمْ فَشَهَادَةُ أَحَدِهِمْ أَرْبَعُ شَهَادَاتٍ بِاللَّهِ ۙ إِنَّهُ لَمِنَ الصَّادِقِينَ ۝٦

📖 თარგმანი აია 6

ისინი, რომელნიც ბრალს დასდებენ თავიანთ ცოლებს [მრუშობაში], ისე, რომ მათ არავინ ჰყავთ მოწმე, გარდა თავიანთი თავისა, თითოეული მათგანის მოწმეობა იყოს ოთხჯერ დამოწმება ალლაჰის წინაშე, რომ იგი ჭეშმარიტად, მართლის მთქმელთაგანია.

وَالْخَامِسَةُ أَنَّ لَعْنَتَ اللَّهِ عَلَيْهِ إِن كَانَ مِنَ الْكَاذِبِينَ ۝٧

📖 თარგმანი აია 7

და მეხუთედ (დაიფიცოს, რომ) ალლაჰის წყევლა იყოს მასზე [ქმარზე], თუ იგი ტყუილის მთქმელთაგანია.

وَيَدْرَأُ عَنْهَا الْعَذَابَ أَن تَشْهَدَ أَرْبَعَ شَهَادَاتٍ بِاللَّهِ ۙ إِنَّهُ لَمِنَ الْكَاذِبِينَ ۝٨

📖 თარგმანი აია 8

და დაშორდება [ასცდება] ქალს სასჯელი, თუ ოთხჯერ დაამოწმა ალლაჰის წინაშე, რომ კაცი მატყუართაგანია.

وَالْخَامِسَةَ أَنَّ غَضَبَ اللَّهِ عَلَيْهَا إِن كَانَ مِنَ الصَّادِقِينَ ۝٩

📖 თარგმანი აია 9

ხოლო მეხუთედ (დაიფიცოს), რომ ალლაჰის წყევლა მასზე [ცოლზე] იქნება, თუ ის [ქმარი] მართალთაგანია [სიმართლეს ამბობს].

وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّهَ تَوَّابٌ حَكِيمٌ ۝١٠

📖 თარგმანი აია 10

და რომ არა ალლაჰის მადლი თქვენდამი (ო, მორწმუნენო) და მისი წყალობა [რომ მან მეუღლეთათვის ასეთი წესი დაადგინა, როცა მათ შორის მრუშობაში დადანაშაულების საკითხი წარმოიშობა], და რომ ალლაჰი სინანულის მიმღები, ბრძენია.

إِنَّ الَّذِينَ جَاءُوا بِالْإِفْكِ عُصْبَةٌ مِّنكُمْ ۚ لَا تَحْسَبُوهُ شَرًّا لَّكُم ۖ بَلْ هُوَ خَيْرٌ لَّكُمْ ۚ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ ۚ وَالَّذِي تَوَلَّىٰ كِبْرَهُ مِنْهُمْ لَهُ عَذَابٌ عَظِيمٌ ۝١١

📖 თარგმანი აია 11

ჭეშმარიტად, ისინი, ვინც ეს შეთხზული ცილისწამება მოიტანეს [რომ თითქოს აიშამ, მოციქულის ცოლმა, მრუშობა ჩაიდინა], თქვენგან (ო, მორწმუნენო) წარმოშობილი ჯგუფია. ნუ ჩათვლით ამას [მათ ცილისწამებას] თქვენთვის ბოროტებად; პირიქით, ეს თქვენთვის სიკეთეა [რადგან ამ ამბავს კეთილი დასასრული ექნება და მორწმუნეები ამ განსაცდელში მოთმინებისთვის დიდ საზღაურს მიიღებენ]. თითოეულ მათგანს [იმათგან, ვინც ეს ცილისწამება გაავრცელა] იმ ცოდვის წილი ერგება, რაც მოიხვეჭა. ხოლო იმას, ვინც ამ საქმეში უდიდესი წილი იტვირთა [მთავარი თვალთმაქცი ], დიდი სასჯელი ელის (მარადიულ ცხოვრებაში).

لَّوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا وَقَالُوا هَٰذَا إِفْكٌ مُّبِينٌ ۝١٢

📖 თარგმანი აია 12

რატომ არ იფიქრეს მორწმუნე კაცებმა და მორწმუნე ქალებმა, როცა ეს [აიშას მრუშობაში დადანაშაულება] მოისმინეს, თავიანთ გულებში კეთილი აზრი და არ თქვეს: «ეს აშკარა შეთხზული ცილისწამებაა?»

لَّوْلَا جَاءُوا عَلَيْهِ بِأَرْبَعَةِ شُهَدَاءَ ۚ فَإِذْ لَمْ يَأْتُوا بِالشُّهَدَاءِ فَأُولَٰئِكَ عِندَ اللَّهِ هُمُ الْكَاذِبُونَ ۝١٣

📖 თარგმანი აია 13

რატომ არ მოიყვანეს [მრუშობის დამბრალებლებმა] ამისი ოთხი მოწმე? ხოლო თუ მოწმეებს არ მოიყვანენ, მაშინ ისინი ალლაჰის წინაშე მატყუარები არიან.

وَلَوْلَا فَضْلُ اللَّهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ ۝١٤

📖 თარგმანი აია 14

და რომ არა ალლაჰის მადლი თქვენზე და მისი წყალობა ამქვეყნად და მარადიულ ცხოვრებაში (რომ იგი სასჯელის მოხდენას არ აჩქარებს), უთუოდ შეგეხებოდათ დიდი სასჯელი იმის გამო, რაზეც ბევრს საუბრობდით [ამ ცილისწამების გამო].

إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ ۝١٥

📖 თარგმანი აია 15

აი, თქვენ ამას [ამ ცილისწამებას] ენიდან ენაზე გადასცემდით და თქვენი ბაგეებით ამბობდით იმას, რის შესახებაც არავითარი ცოდნა არ გქონდათ, და უმნიშვნელოდ მიიჩნევდით მას (ცოდვის თვალსაზრისით), მაშინ როცა ეს ალლაჰის წინაშე დიდია.

وَلَوْلَا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَٰذَا سُبْحَانَكَ هَٰذَا بُهْتَانٌ عَظِيمٌ ۝١٦

📖 თარგმანი აია 16

და რატომ არ თქვით როცა ეს [ცილისწამება] გაიგონეთ: «არ გვეკადრება, რომ ვისაუბროდ ამაზე, და შენ ხარ წმინდა [ო ალლაჰ]! ეს არის [ძალიან] დიდი ცილისწამება».

يَعِظُكُمُ اللَّهُ أَن تَعُودُوا لِمِثْلِهِ أَبَدًا إِن كُنتُم مُّؤْمِنِينَ ۝١٧

📖 თარგმანი აია 17

ალლაჰი შეგაგონებთ, რომ აღარასოდეს დაუბრუნდეთ მსგავს საქციელს [ასეთ ცილისწამებას], თუ მართლაც მორწმუნენი ხართ.

وَيُبَيِّنُ اللَّهُ لَكُمُ الْآيَاتِ ۚ وَاللَّهُ عَلِيمٌ حَكِيمٌ ۝١٨

📖 თარგმანი აია 18

და ცხადად გიჩვენებთ ალლაჰი თავის [ყურანის] აიათებს და ალლაჰი ყოვლისმცოდნე, ბრძენია.

إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنتُمْ لَا تَعْلَمُونَ ۝١٩

📖 თარგმანი აია 19

ჭეშმარიტად, მათ, ვისაც უყვარს, რომ მორწმუნეთა შესახებ უზნეობა [ცილისწამება მრუშობაზე] გავრცელდეს, მტანჯველი სასჯელი ელით ამქვეყნად და მარადიულ ცხოვრებაში, თუ არ მოინანიებენ. ხოლო ალლაჰმა იცის, თქვენ კი არ იცით.

وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّهَ رَءُوفٌ رَّحِيمٌ ۝٢٠

📖 თარგმანი აია 20

და რომ არა ალლაჰის სიკეთე თქვენდა და მისი წყალობა, ჭეშმარიტად, ალლაჰი შემბრალებელი, შემწყალებელია.

۞ يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ ۚ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنكَرِ ۚ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَىٰ مِنكُم مِّنْ أَحَدٍ أَبَدًا وَلَٰكِنَّ اللَّهَ يُزَكِّي مَن يَشَاءُ ۗ وَاللَّهُ سَمِيعٌ عَلِيمٌ ۝٢١

📖 თარგმანი აია 21

ჰეი, თქვენ, რომელთაც ირწმუნეთ! ნუ გაჰყვებით სატანის კვალს [გზას]. და ვინც სატანის კვალს გაჰყვება, (იცოდეს, რომ) იგი [სატანა] უზნეობასა და საძრახისს [ცოდვებს] უბრძანებს. და რომ არა ალლაჰის მადლი თქვენდამი (ო, მორწმუნენო) და მისი წყალობა, ვერც ერთი თქვენგანი ვერასოდეს განიწმინდებოდა (თავისი ცოდვების სიბილწისგან). მაგრამ ალლაჰი განწმენდს (ცოდვებისგან) იმას, ვისაც ინებებს. და ალლაჰი ყოვლისმსმენი, ყოვლისმცოდნეა.

وَلَا يَأْتَلِ أُولُو الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَىٰ وَالْمَسَاكِينَ وَالْمُهَاجِرِينَ فِي سَبِيلِ اللَّهِ ۖ وَلْيَعْفُوا وَلْيَصْفَحُوا ۗ أَلَا تُحِبُّونَ أَن يَغْفِرَ اللَّهُ لَكُمْ ۗ وَاللَّهُ غَفُورٌ رَّحِيمٌ ۝٢٢

📖 თარგმანი აია 22

და ნუ დაიფიცებენ თქვენგან ღირსებით [რწმენაში მაღალი მდგომარეობითა] და ქონებით დაჯილდოებულნი, რომ აღარ მისცემენ (დახმარებას) თავიანთ ნათესავებს, ღარიბებსა და მათ, ვინც ალლაჰის გზაზე გადასახლდა (იმ ცოდვის გამო, რომელიც მათ ჩაიდინეს). პირიქით, აპატიონ და დიდსულოვნად მიუტევონ. განა არ გსურთ, რომ ალლაჰმა თქვენც მოგიტევოთ? და ალლაჰი ყოვლისმპატიებელი, შემწყალებელია!

إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ ۝٢٣

📖 თარგმანი აია 23

ჭეშმარიტად, ისინი, ვინც ბრალს სდებენ უბიწო [ქმრის ერთგულ], უმანკო და მორწმუნე ქალებს მრუშობაში, დაწყევლილნი არიან ამქვეყნად და მარადიულ ცხოვრებაში. და მათთვის დიდი სასჯელია (თუ არ მოინანიებენ).

يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ ۝٢٤

📖 თარგმანი აია 24

იმ დღეს [განკითხვის დღეს] მათი ენა, ხელები და ფეხები დაამოწმებენ მათ წინააღმდეგ იმას, რასაც ისინი აკეთებდნენ.

يَوْمَئِذٍ يُوَفِّيهِمُ اللَّهُ دِينَهُمُ الْحَقَّ وَيَعْلَمُونَ أَنَّ اللَّهَ هُوَ الْحَقُّ الْمُبِينُ ۝٢٥

📖 თარგმანი აია 25

იმ დღეს [განკითხის დღეს] ალლაჰი სრულად მიუზღავს მათ სამართლიანად თავიანთი ქმედებების მიხედვით და შეიტყობენ, რომ ალლაჰი, სწორედ იგია ცხადი ჭეშმარიტება

الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ ۖ لَهُم مَّغْفِرَةٌ وَرِزْقٌ كَرِيمٌ ۝٢٦

📖 თარგმანი აია 26

ბილწი ქალები — ბილწი კაცებისთვის, ბილწი კაცები კი ბილწი ქალებისთვის, კეთილი ქალები — კეთილი კაცებისთვის, და კეთილი კაცები კი კეთილი ქალებისთვის. ისინი უდანაშაულონი არიან იმაში, რასაც მათ შესახებ ამბობენ, და მათთვისაა პატიება და კეთილი სარჩო.

يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا ۚ ذَٰلِكُمْ خَيْرٌ لَّكُمْ لَعَلَّكُمْ تَذَكَّرُونَ ۝٢٧

📖 თარგმანი აია 27

ჰეი, თქვენ რომელთაც ირწმუნეთ, ნუ შეხვალთ სახლებში, გარდა თქვენი სახლებისა, ვიდრე ნებართვას არ სთხოვთ და არ მიესალმებით მათ ბინადართ. ეს უკეთესია თქვენთვის, ეგების შეიგონოთ [იმის გამო, რომ თქვენ მორწმუნეები ხართ და ალლაჰმა ბრძანა, რომ სხვის სახლში შესვლის წინ ნებართვა უნდა ითხოვოთ].

فَإِن لَّمْ تَجِدُوا فِيهَا أَحَدًا فَلَا تَدْخُلُوهَا حَتَّىٰ يُؤْذَنَ لَكُمْ ۖ وَإِن قِيلَ لَكُمُ ارْجِعُوا فَارْجِعُوا ۖ هُوَ أَزْكَىٰ لَكُمْ ۚ وَاللَّهُ بِمَا تَعْمَلُونَ عَلِيمٌ ۝٢٨

📖 თარგმანი აია 28

ხოლო თუ იქ [სხვის სახლებში] ვერავის ნახავთ, ნუ შეხვალთ, ვიდრე ნებას არ დაგრთავენ. ხოლო თუ გეტყვიან: «დაბრუნდით!» [ანუ, შესვლის ნებას არ მოგცემენ], მაშინ დაბრუნდით [ნუ ეცდებით შესვლას]. ეს უფრო წმინდაა თქვენთვის. და ალლაჰმა იცის, რასაც აკეთებთ.

لَّيْسَ عَلَيْكُمْ جُنَاحٌ أَن تَدْخُلُوا بُيُوتًا غَيْرَ مَسْكُونَةٍ فِيهَا مَتَاعٌ لَّكُمْ ۚ وَاللَّهُ يَعْلَمُ مَا تُبْدُونَ وَمَا تَكْتُمُونَ ۝٢٩

📖 თარგმანი აია 29

არ არის თქვენზე ცოდვა, თუ შეხვალთ დაუსახლებელ სახლებში [რომლებიც არავის კერძო საკუთრება არ არის] (როგორიცაა მგზავრთა თავშესაფრები, საზოგადოებრივი ადგილები და სხვა), რომლებითაც სარგებლობთ. და ალლაჰმა იცის, რასაც აშკარად ამჟღავნებთ და რასაც მალავთ.

قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ ۝٣٠

📖 თარგმანი აია 30

უთხარი [ო, შუამავალო] მორწმუნე კაცებს, მოარიდონ მათი თვალები (ნუ შეხედავენ იმ ქალებს, რომელთა ყურება მათთვის აკრძალულია, ასევე – სხვა მამაკაცების სხეულის იმ ნაწილებს, რომლების ყურებაც აკრძალულია) და დაე, დაიცვან თავიანთი სასქესო ორგანოები (აკრძალულისგან), ეს უფრო წმინდაა მათთვის. ჭეშმარიტად, ალლაჰმა იცის რასაც აკეთებენ.

وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ ۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ ۚ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ۝٣١

📖 თარგმანი აია 31

და უთხარი [ო, შუამავალო] მორწმუნე ქალებს: «დაუშვან თავიანთი თვალები [არ უყურონ უცხო მამაკაცებს და იმ სხეულის ნაწილებს, რომელთა ყურებაც აკრძალულია მამაკაცებისა და ქალების შემთხვევაში], და დაიცვან თავიანთი სასირცხვო ადგილები [იმისგან, რაც ალლაჰის მიერ აკრძალულია, და ნუ გამოაჩენენ მათ სხვების წინაშე]. და ნუ გამოაჩენენ თავიანთ სილამაზეს [მამაკაცებისთვის], გარდა იმ შემთხვევისა, რაც ბუნებრივად მოჩანს [იმის მსგავსი, რისი დაფარვა შეუძლებელია, როგორიცაა ტანსაცმელი და ა.შ], დაე, გადმოაფარონ თავიანთი საბურველები გულ-მკერდზე [რათა დაფარონ თმა, ყელი და მკერდი]. ნუ აჩვენონ თავიანთი სილამაზე [სახე, ყელი, ხელები და სხვა], გარდა თავიანთი ქმრებისა, ან მამებისა, ან ქმრების მამებისა, ან თავიანთი ვაჟებისა, ან ქმრების ვაჟებისა, ან ძმებისა, ან ძმისშვილებისა, ან დისშვილებისა, ან თავიანთი ქალებისა [მხოლოდ მორწმუნე ქალების, მაგრამ არა ურწმუნოების], ან იმათ, ვინც მათი მარჯვენა ხელით მოიპოვეს [მხევლებისთვის], ან იმ მამაკაცთა მსახურებისთვის, ვისშიც არ არის სქესობრივი ლტოლვა, ან იმ ბავშვებისთვის, ვისაც არ გაუცნობიერებიათ ქალთა სიშიშვლე. და ნუ დააბრახუნებენ ფეხებს სიარულის დროს, რათა არ გაიგონონ მათ მიერ დაფარული სამკაულების ხმა [რომ არ მიიპყრონ ყურადღება]. მოინანიეთ ალლაჰის წინაშე, რათა ეგების წარმატებულნი იქმნეთ.

وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ يُغْنِهِمُ اللَّهُ مِن فَضْلِهِ ۗ وَاللَّهُ وَاسِعٌ عَلِيمٌ ۝٣٢

📖 თარგმანი აია 32

და დააქორწინეთ (ო, მორწმუნენო) თქვენგან დაუქორწინებელნი (როგორც ისინი, ვინც ადრე ქორწინებაში იყვნენ, ისე ისინი, ვინც არასოდეს ყოფილან), და ასევე თქვენი მონებიდან და მხევლებიდან მართალნი [მორწმუნენი]. თუ ისინი ღარიბნი არიან, ეს ქორწინებისთვის დაბრკოლება არ არის, რადგან ალლაჰი თავისი წყალობით გაამდიდრებს მათ. და ალლაჰი ყოვლისმომცველი, ყოვლისმცოდნეა.

وَلْيَسْتَعْفِفِ الَّذِينَ لَا يَجِدُونَ نِكَاحًا حَتَّىٰ يُغْنِيَهُمُ اللَّهُ مِن فَضْلِهِ ۗ وَالَّذِينَ يَبْتَغُونَ الْكِتَابَ مِمَّا مَلَكَتْ أَيْمَانُكُمْ فَكَاتِبُوهُمْ إِنْ عَلِمْتُمْ فِيهِمْ خَيْرًا ۖ وَآتُوهُم مِّن مَّالِ اللَّهِ الَّذِي آتَاكُمْ ۚ وَلَا تُكْرِهُوا فَتَيَاتِكُمْ عَلَى الْبِغَاءِ إِنْ أَرَدْنَ تَحَصُّنًا لِّتَبْتَغُوا عَرَضَ الْحَيَاةِ الدُّنْيَا ۚ وَمَن يُكْرِههُّنَّ فَإِنَّ اللَّهَ مِن بَعْدِ إِكْرَاهِهِنَّ غَفُورٌ رَّحِيمٌ ۝٣٣

📖 თარგმანი აია 33

და ვინც ვერ პოულობს საშუალებას ქორწინებისთვის დაე, შეიკავონ თავი [მრუშობისგან და აკრძალულისგან], [მოთმინებით და მარხვით], ვიდრე ალლაჰი გაამდიდრებდეს თავისი წყალობით. ხოლო იმათგან, ვინც თქვენს მარჯვენა ხელთ გყავთ მფლობელობაში [მონები და მხევლები], ვისაც სურს ხელშეკრულება [თავისუფლების გამოსასყიდად] დადეთ მათთან ხელშეკრულება, თუ მათში სიკეთეს დაინახავთ, და მიეცით მათ ალლაჰის ქონებიდან ის, რაც ალლაჰმა თქვენ მოგანიჭათ. და არ აიძულოთ თქვენს ქალებს [მხევლებს] ბილწი საქციელი [მრუშობა და გარყვნილება], თუ მათ სურთ პატიოსნება, თქვენი სურვილისამებრ, ამქვეყნად მატერიალური სარგებლის გამო. ვინც კი აიძულებს მათ [მრუშობას] ჭეშმარიტად, ალლაჰი მას შემდეგ, რაც ისინი [მხევლები] იძულებულნი გახდებიან, არის მპატიებელი [მათ მიმართ], შემწყალებელი.

وَلَقَدْ أَنزَلْنَا إِلَيْكُمْ آيَاتٍ مُّبَيِّنَاتٍ وَمَثَلًا مِّنَ الَّذِينَ خَلَوْا مِن قَبْلِكُمْ وَمَوْعِظَةً لِّلْمُتَّقِينَ ۝٣٤

📖 თარგმანი აია 34

ჩვენ უკვე გარდამოვავლინეთ თქვენთვის განმარტებული აიათები, და მაგალითი მათგან, ვინც თქვენამდე იყო, და შეგონება ღვთისმოშიშთათვის.

۞ اللَّهُ نُورُ السَّمَاوَاتِ وَالْأَرْضِ ۚ مَثَلُ نُورِهِ كَمِشْكَاةٍ فِيهَا مِصْبَاحٌ ۖ الْمِصْبَاحُ فِي زُجَاجَةٍ ۖ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونَةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ ۚ نُّورٌ عَلَىٰ نُورٍ ۗ يَهْدِي اللَّهُ لِنُورِهِ مَن يَشَاءُ ۚ وَيَضْرِبُ اللَّهُ الْأَمْثَالَ لِلنَّاسِ ۗ وَاللَّهُ بِكُلِّ شَيْءٍ عَلِيمٌ ۝٣٥

📖 თარგმანი აია 35

ალლაჰია ცათა და მიწის ნათელი. მისი ნათელი [რომლისკენაც იგი მიუძღვის, ანუ რწმენა და ყურანი] (მორწმუნის გულში) ჰგავს ნიშას [კედელში არსებულ ღრმულს], რომელშიც ლამპარია; ლამპარი მინაშია, ხოლო მინა მარგალიტივით მბრწყინავ ვარსკვლავს ჰგავს. იგი [ლამპარი] ანთებულია კურთხეული ხის — ზეთისხილისგან, რომელიც არც მხოლოდ აღმოსავლეთისაა და არც მხოლოდ დასავლეთისა. მისი ზეთი თავისი სიწმინდის გამო მზად არის აალდეს, თუნდაც ცეცხლი არ შეხებოდეს. ნათელი ნათელზე! ალლაჰი თავის ნათელთან [რწმენისა და მისი წიგნის მიყოლისკენ] მიუძღვის იმას, ვისაც ინებებს. და ალლაჰი ადამიანებისთვის იგავებს მოიყვანს, რათა დაფიქრდნენ მათში არსებულ სიბრძნეზე. და ალლაჰმა ყოველივე იცის.

فِي بُيُوتٍ أَذِنَ اللَّهُ أَن تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ ۝٣٦

📖 თარგმანი აია 36

სახლებში [მეჩეთებში], რომელთა აშენების ნება დართო ალლაჰმა და რომლებშიც იხსენიება მისი სახელი, ადიდებენ [ალლაჰს] მათში დილას და საღამოს.

رِجَالٌ لَّا تُلْهِيهِمْ تِجَارَةٌ وَلَا بَيْعٌ عَن ذِكْرِ اللَّهِ وَإِقَامِ الصَّلَاةِ وَإِيتَاءِ الزَّكَاةِ ۙ يَخَافُونَ يَوْمًا تَتَقَلَّبُ فِيهِ الْقُلُوبُ وَالْأَبْصَارُ ۝٣٧

📖 თარგმანი აია 37

კაცები, რომელთაც ვერ მოსწყვეტთ ვერც ვაჭრობა და ვერც ყიდვა-გაყიდვა ალლაჰის ხსენებას, ლოცვად დადგომასა და ზექათის გაცემას, რომელთაც ეშინიათ იმ დღისა [განკითხვის დღის], როცა ამობრუნდებიან გულნი და მზერა.

لِيَجْزِيَهُمُ اللَّهُ أَحْسَنَ مَا عَمِلُوا وَيَزِيدَهُم مِّن فَضْلِهِ ۗ وَاللَّهُ يَرْزُقُ مَن يَشَاءُ بِغَيْرِ حِسَابٍ ۝٣٨

📖 თარგმანი აია 38

რათა დააჯილდოვოს ისინი ალლაჰმა იმაზე უკეთესით, რაც გააკეთეს და მიუმატოს მათ თავისი სიკეთე. ალლაჰი უბოძებს სარჩოს იმას, ვისაც ინებებს, ანგარიშის გარეშე.

وَالَّذِينَ كَفَرُوا أَعْمَالُهُمْ كَسَرَابٍ بِقِيعَةٍ يَحْسَبُهُ الظَّمْآنُ مَاءً حَتَّىٰ إِذَا جَاءَهُ لَمْ يَجِدْهُ شَيْئًا وَوَجَدَ اللَّهَ عِندَهُ فَوَفَّاهُ حِسَابَهُ ۗ وَاللَّهُ سَرِيعُ الْحِسَابِ ۝٣٩

📖 თარგმანი აია 39

ხოლო მათ, ვინც ურწმუნო გახდა, მათი საქმეები, რომელთა გამოც განკითხვის დღეს სარგებლის მიღების იმედი აქვთ, უდაბნოში მირაჟს ჰგავს. მწყურვალს იგი წყალი ჰგონია, მაგრამ როცა მიუახლოვდება, დაინახავს, რომ იქ არაფერია. და (ურწმუნო) (სამსჯავროს დღეს) ალლაჰს იხილავს თავის წინაშე, და იგი სრულად მიუზღავს მას მის ანგარიშს. და ალლაჰი სწრაფია ანგარიშსწორებაში.

أَوْ كَظُلُمَاتٍ فِي بَحْرٍ لُّجِّيٍّ يَغْشَاهُ مَوْجٌ مِّن فَوْقِهِ مَوْجٌ مِّن فَوْقِهِ سَحَابٌ ۚ ظُلُمَاتٌ بَعْضُهَا فَوْقَ بَعْضٍ إِذَا أَخْرَجَ يَدَهُ لَمْ يَكَدْ يَرَاهَا ۗ وَمَن لَّمْ يَجْعَلِ اللَّهُ لَهُ نُورًا فَمَا لَهُ مِن نُّورٍ ۝٤٠

📖 თარგმანი აია 40

ან ჰგვანან წყვდიადს აბობოქრებულ ზღვაში, რომელსაც ფარავს [ზღვის] ტალღა ზემოდან, ხოლო მათ ზემოდანაც ღრუბლები, ერთი წყვდიადი მეორეზე! თუ ხელს ამოჰყოფს, ვერაფერს დაინახავს. და იმას, ვისაც ალლაჰი სინათლეს არ დაუდგენს, სინათლე არ ექნება [მას უკვე ვერავინ გაუძღვება ჭეშმარიტ გზაზე].

أَلَمْ تَرَ أَنَّ اللَّهَ يُسَبِّحُ لَهُ مَن فِي السَّمَاوَاتِ وَالْأَرْضِ وَالطَّيْرُ صَافَّاتٍ ۖ كُلٌّ قَدْ عَلِمَ صَلَاتَهُ وَتَسْبِيحَهُ ۗ وَاللَّهُ عَلِيمٌ بِمَا يَفْعَلُونَ ۝٤١

📖 თარგმანი აია 41

ნუთუ ვერ ხედავ [ო, შუამავალო], რომ ალლაჰს განადიდებს ყოველი, ვინც ცაში და დედამიწაზეა, და ჩიტები, რომლებიც მიფრინავენ მწკრივად. ყველამ იცის თავისი ლოცვა და მისი განდიდება. და ალლაჰმა იცის, რასაც აკეთებენ.

وَلِلَّهِ مُلْكُ السَّمَاوَاتِ وَالْأَرْضِ ۖ وَإِلَى اللَّهِ الْمَصِيرُ ۝٤٢

📖 თარგმანი აია 42

და [მხოლოდ] ალლაჰისაა მეუფება ცათა და ქვეყნისა, და ჭეშმარიტად, ალლაჰთანაა დაბრუნება.

أَلَمْ تَرَ أَنَّ اللَّهَ يُزْجِي سَحَابًا ثُمَّ يُؤَلِّفُ بَيْنَهُ ثُمَّ يَجْعَلُهُ رُكَامًا فَتَرَى الْوَدْقَ يَخْرُجُ مِنْ خِلَالِهِ وَيُنَزِّلُ مِنَ السَّمَاءِ مِن جِبَالٍ فِيهَا مِن بَرَدٍ فَيُصِيبُ بِهِ مَن يَشَاءُ وَيَصْرِفُهُ عَن مَّن يَشَاءُ ۖ يَكَادُ سَنَا بَرْقِهِ يَذْهَبُ بِالْأَبْصَارِ ۝٤٣

📖 თარგმანი აია 43

ნუთუ ვერ ხედავ [ო, შუამავალო], რომ [მხოლოდ] ალლაჰი გადაადგილებს ღრუბლებს და შემდგომ აკავშირებს მათ, მერე ქმნის ამას საწვიმარ ღრუბლად და ხედავ, თავსხმა გადმოდის მისი ნაპრალებიდან. და გარდმოავლენს ციდან მთების მსგავს ღრუბლებიდან სეტყვას. თავს დაატეხს მას, ვისაც ინებებს, და აარიდებს იმას, ვისაც ინებებს. მისმა ელვარებამ ლამისაა მზერა დააბრმავოს.

يُقَلِّبُ اللَّهُ اللَّيْلَ وَالنَّهَارَ ۚ إِنَّ فِي ذَٰلِكَ لَعِبْرَةً لِّأُولِي الْأَبْصَارِ ۝٤٤

📖 თარგმანი აია 44

[მხოლოდ] ალლაჰი ანაცვლებს დღესა და ღამეს. ჭეშმარიტად, ამაში შეგონებაა მხედველთათვის [გონიერთათვის].

وَاللَّهُ خَلَقَ كُلَّ دَابَّةٍ مِّن مَّاءٍ ۖ فَمِنْهُم مَّن يَمْشِي عَلَىٰ بَطْنِهِ وَمِنْهُم مَّن يَمْشِي عَلَىٰ رِجْلَيْنِ وَمِنْهُم مَّن يَمْشِي عَلَىٰ أَرْبَعٍ ۚ يَخْلُقُ اللَّهُ مَا يَشَاءُ ۚ إِنَّ اللَّهَ عَلَىٰ كُلِّ شَيْءٍ قَدِيرٌ ۝٤٥

📖 თარგმანი აია 45

და ალლაჰმა შექმნა ყოველი ცხოველი წყლისგან. მათგან ზოგი მუცელზე ხოხავს, ზოგი ორი ფეხით დადის და ზოგიც ოთხით. ალლაჰი ქმნის იმას, რასაც ინებებს. ჭეშმარიტად, ალლაჰი ყოვლისშემძლეა.

لَّقَدْ أَنزَلْنَا آيَاتٍ مُّبَيِّنَاتٍ ۚ وَاللَّهُ يَهْدِي مَن يَشَاءُ إِلَىٰ صِرَاطٍ مُّسْتَقِيمٍ ۝٤٦

📖 თარგმანი აია 46

ჩვენ გადრმოგივლინეთ განმარტებული აიათები, და ალლაჰი დაადგენს სწორ გზაზე იმას, ვისაც ინებებს.

وَيَقُولُونَ آمَنَّا بِاللَّهِ وَبِالرَّسُولِ وَأَطَعْنَا ثُمَّ يَتَوَلَّىٰ فَرِيقٌ مِّنْهُم مِّن بَعْدِ ذَٰلِكَ ۚ وَمَا أُولَٰئِكَ بِالْمُؤْمِنِينَ ۝٤٧

📖 თარგმანი აია 47

ამბობენ [თვალთმაქცნი]: «ვირწმუნეთ ალლაჰი და შუამავალი და დავმორჩილდით». მერე კი პირს იბრუნებენ მათი ნაწილი ამის შემდგომ და არ არიან ისინი მორწმუნენი.

وَإِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ إِذَا فَرِيقٌ مِّنْهُم مُّعْرِضُونَ ۝٤٨

📖 თარგმანი აია 48

და როდესაც მათ ალლაჰისკენ და მისი მოციქულისკენ მოუწოდებენ, რათა მან [ალლაჰის მოციქულმა] მათ შორის განსაჯოს [განაჩენი გამოიტანოს], აი, მაშინ მათი ერთი ნაწილი ზურგს აქცევს.

وَإِن يَكُن لَّهُمُ الْحَقُّ يَأْتُوا إِلَيْهِ مُذْعِنِينَ ۝٤٩

📖 თარგმანი აია 49

ხოლო თუ სიმართლე მათ მხარესაა [თვალთმაქცების სასარგებლოდ], მაშინ ისინი მოდიან მასთან [მოციქულთან] თავმდაბლურად.

أَفِي قُلُوبِهِم مَّرَضٌ أَمِ ارْتَابُوا أَمْ يَخَافُونَ أَن يَحِيفَ اللَّهُ عَلَيْهِمْ وَرَسُولُهُ ۚ بَلْ أُولَٰئِكَ هُمُ الظَّالِمُونَ ۝٥٠

📖 თარგმანი აია 50

ან მათ გულებში სნეულებაა [ფარისევლობა], ან ეჭვობენ [რომ მუჰამმადი შუამავალია], თუ ეშინიათ, რომ ალლაჰი და მისი შუამავალი უსამართლოდ განსჯიან? დიახ, სწორედ ისინი არიან უსამართლონი.

إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَن يَقُولُوا سَمِعْنَا وَأَطَعْنَا ۚ وَأُولَٰئِكَ هُمُ الْمُفْلِحُونَ ۝٥١

📖 თარგმანი აია 51

მორწმუნეთა პასუხი, როდესაც მათ ალლაჰისა და მისი მოციქულისკენ მოუწოდებენ, რათა მან მათ შორის განსაჯოს, მხოლოდ ის არის, რომ ამბობენ: «მოვისმინეთ და დავემორჩილეთ!» და სწორედ ისინი არიან წარმატებულნი.

وَمَن يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُولَٰئِكَ هُمُ الْفَائِزُونَ ۝٥٢

📖 თარგმანი აია 52

და ის, ვინც ემორჩილება ალლაჰსა და მის შუამავალს, უფრთხის ალლაჰს და ეშინია მისი [სასჯელის]. აი, სწორედ ისინი არიან გამარჯვებულნი.

۞ وَأَقْسَمُوا بِاللَّهِ جَهْدَ أَيْمَانِهِمْ لَئِنْ أَمَرْتَهُمْ لَيَخْرُجُنَّ ۖ قُل لَّا تُقْسِمُوا ۖ طَاعَةٌ مَّعْرُوفَةٌ ۚ إِنَّ اللَّهَ خَبِيرٌ بِمَا تَعْمَلُونَ ۝٥٣

📖 თარგმანი აია 53

და ისინი [თვალთმაქცები] ალლაჰს ყველაზე მტკიცე ფიცებით ეფიცებოდნენ, რომ თუ შენ (ო, მოციქულო) უბრძანებდი, უთუოდ (საომარ ლაშქრობაში) გამოვიდოდნენ. უთხარი (მათ, ო, მოციქულო): «ნუ იფიცებთ (ტყუილად)! თქვენი მორჩილება ცნობილია! ჭეშმარიტად, ალლაჰმა უწყის, რასაც აკეთებთ».

قُلْ أَطِيعُوا اللَّهَ وَأَطِيعُوا الرَّسُولَ ۖ فَإِن تَوَلَّوْا فَإِنَّمَا عَلَيْهِ مَا حُمِّلَ وَعَلَيْكُم مَّا حُمِّلْتُمْ ۖ وَإِن تُطِيعُوهُ تَهْتَدُوا ۚ وَمَا عَلَى الرَّسُولِ إِلَّا الْبَلَاغُ الْمُبِينُ ۝٥٤

📖 თარგმანი აია 54

უთხარი [ხალხს] [ო, შუამავალო]: «დაემორჩილეთ ალლაჰსა და დაემორჩილეთ შუამავალს! ხოლო თუ პირს იბრუნებთ, მასზე იყოს ის, რაც დაეკისრა, და თქვენზე იყოს ის, რაც დაგეკისრათ. თუ დამორჩილდებით მას [შუამავალს], სწორ გზას დაადგებით, შუამავალს კი არაფერი აკისრია, ცხადი შეტყობინების გარდა».

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَىٰ لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا ۚ يَعْبُدُونَنِي لَا يُشْرِكُونَ بِي شَيْئًا ۚ وَمَن كَفَرَ بَعْدَ ذَٰلِكَ فَأُولَٰئِكَ هُمُ الْفَاسِقُونَ ۝٥٥

📖 თარგმანი აია 55

ალლაჰმა აღუთქვა თქვენგან იმათ, რომელთაც ირწმუნეს რომ უეჭველად დააყენებს მათ მმართველებად ამქვეყნად, ისე, როგორც მმართველებად დააყენა მათ წინაშე მყოფი მორწმუნეები, იგი უდაოდ მისცემს მათ საშუალებას დაამკვიდრონ მათი სარწმუნოება [ისლამი], რომელიც მან მათთვის მოიწონა და შეუცვლის მათ შიშს უსაფრთხოებით. ისინი თაყვანს მცემენ მე და არავის მიდგენენ თანაზიარად. ხოლო ვინც ამის შემდგომ გახდება ურწმუნო, სწორედ ისინი არიან ბილწნი [ურჩნი].

وَأَقِيمُوا الصَّلَاةَ وَآتُوا الزَّكَاةَ وَأَطِيعُوا الرَّسُولَ لَعَلَّكُمْ تُرْحَمُونَ ۝٥٦

📖 თარგმანი აია 56

დადექით ლოცვად, გაიღეთ ზაქათი და დაემორჩილეთ შუამავალს, რათა ეგების შეწყალებულ იქნეთ!

لَا تَحْسَبَنَّ الَّذِينَ كَفَرُوا مُعْجِزِينَ فِي الْأَرْضِ ۚ وَمَأْوَاهُمُ النَّارُ ۖ وَلَبِئْسَ الْمَصِيرُ ۝٥٧

📖 თარგმანი აია 57

არ იფიქრო, რომ ურწმუნოები გადარჩებიან ქვეყანაზე. მათი თავშესაფარი ცეცხლი [ჯოჯოხეთი] იქნება. და რა საშინელი სამყოფელია!

يَا أَيُّهَا الَّذِينَ آمَنُوا لِيَسْتَأْذِنكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنكُمْ ثَلَاثَ مَرَّاتٍ ۚ مِّن قَبْلِ صَلَاةِ الْفَجْرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِن بَعْدِ صَلَاةِ الْعِشَاءِ ۚ ثَلَاثُ عَوْرَاتٍ لَّكُمْ ۚ لَيْسَ عَلَيْكُمْ وَلَا عَلَيْهِمْ جُنَاحٌ بَعْدَهُنَّ ۚ طَوَّافُونَ عَلَيْكُم بَعْضُكُمْ عَلَىٰ بَعْضٍ ۚ كَذَٰلِكَ يُبَيِّنُ اللَّهُ لَكُمُ الْآيَاتِ ۗ وَاللَّهُ عَلِيمٌ حَكِيمٌ ۝٥٨

📖 თარგმანი აია 58

ჰეი, თქვენ, რომელთაც ირწმუნეთ! ნებართვა ითხოვონ (თქვენთან შემოსვლამდე) თქვენმა მონებმა და მხევლებმა [რომლებიც გემსახურებიან], და მათ, ვინც ჯერ კიდევ არ მიუღწევია სქესობრივი სიმწიფისთვის [ბავშვებმა], სამ დროს: განთიადის ლოცვამდე (რადგან ამ დროს თქვენ საწოლებში ისვენებთ), შუადღისას, როცა ტანსაცმელს იხდით (დღის დასვენებისთვის), და ღამის ლოცვის შემდეგ. ეს თქვენთვის სამი განმარტოების დროა. ამ დროების გარდა არც თქვენზეა ცოდვა და არც მათზე, რომ ერთმანეთთან (ნებართვის გარეშე) შედიოდეთ, როცა ამის საჭიროებაა. ასე განგიმარტავთ ალლაჰი თავის აიათებს. და ალლაჰი ყოვლისმცოდნე, ბრძენია.

وَإِذَا بَلَغَ الْأَطْفَالُ مِنكُمُ الْحُلُمَ فَلْيَسْتَأْذِنُوا كَمَا اسْتَأْذَنَ الَّذِينَ مِن قَبْلِهِمْ ۚ كَذَٰلِكَ يُبَيِّنُ اللَّهُ لَكُمْ آيَاتِهِ ۗ وَاللَّهُ عَلِيمٌ حَكِيمٌ ۝٥٩

📖 თარგმანი აია 59

და როცა თქვენი ბავშვები სრულწლოვანების ასაკს მიაღწევენ, დაე, ნებართვა ითხოვონ ისე, როგორც ითხოვდნენ ისინი, ვინც იყვნენ მათზე უწინ. ამგვარად განგიმარტავთ ალლაჰი აიათებს და ალლაჰი ყოვლისმცოდნე, ბრძენია.

وَالْقَوَاعِدُ مِنَ النِّسَاءِ اللَّاتِي لَا يَرْجُونَ نِكَاحًا فَلَيْسَ عَلَيْهِنَّ جُنَاحٌ أَن يَضَعْنَ ثِيَابَهُنَّ غَيْرَ مُتَبَرِّجَاتٍ بِزِينَةٍ ۖ وَأَن يَسْتَعْفِفْنَ خَيْرٌ لَّهُنَّ ۗ وَاللَّهُ سَمِيعٌ عَلِيمٌ ۝٦٠

📖 თარგმანი აია 60

ცოდვად არ ეთვლებათ მოხუც ქალებს, რომელთაც გათხოვების იმედი აღარ აქვთ, ზედა სამოსი გაიხადონ ისე, რომ არ გამოაჩინონ თავისი სამშვენისები. ხოლო თუ თავშეკავებას გამოიჩენენ, უმჯობესი იქნება მათთვის. და ალლაჰი ყოვლისმსმენი, ყოვლისმცოდნეა.

لَّيْسَ عَلَى الْأَعْمَىٰ حَرَجٌ وَلَا عَلَى الْأَعْرَجِ حَرَجٌ وَلَا عَلَى الْمَرِيضِ حَرَجٌ وَلَا عَلَىٰ أَنفُسِكُمْ أَن تَأْكُلُوا مِن بُيُوتِكُمْ أَوْ بُيُوتِ آبَائِكُمْ أَوْ بُيُوتِ أُمَّهَاتِكُمْ أَوْ بُيُوتِ إِخْوَانِكُمْ أَوْ بُيُوتِ أَخَوَاتِكُمْ أَوْ بُيُوتِ أَعْمَامِكُمْ أَوْ بُيُوتِ عَمَّاتِكُمْ أَوْ بُيُوتِ أَخْوَالِكُمْ أَوْ بُيُوتِ خَالَاتِكُمْ أَوْ مَا مَلَكْتُم مَّفَاتِحَهُ أَوْ صَدِيقِكُمْ ۚ لَيْسَ عَلَيْكُمْ جُنَاحٌ أَن تَأْكُلُوا جَمِيعًا أَوْ أَشْتَاتًا ۚ فَإِذَا دَخَلْتُم بُيُوتًا فَسَلِّمُوا عَلَىٰ أَنفُسِكُمْ تَحِيَّةً مِّنْ عِندِ اللَّهِ مُبَارَكَةً طَيِّبَةً ۚ كَذَٰلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَعْقِلُونَ ۝٦١

📖 თარგმანი აია 61

ცოდვად არ ეთვლება ბრმას, კოჭლს, ავადმყოფს და არც თქვენ იმის გამო, რომ ჭამოთ თქვენი სახლებიდან. ან მამათქვენის სახლებიდან, ან თქვენი დედების სახლებიდან, ან თქვენი ძმების სახლებიდან, ან თქვენი დების სახლებიდან, ან თქვენი მამის ძმების სახლებიდან, ან თქვენი მამიდების სახლებიდან, ან თქვენი დედის ძმების სახლებიდან, ან თქვენი დეიდების სახლებიდან, ან იქიდან, რისი გასაღებებიც თქვენს ხელშია ან თქვენს მეგობრებთან. ცოდვად არ გეთვლებათ, თუკი შეჭამთ ერთად, ან ცალ-ცალკე. და როცა შეხვალთ სახლებში, მიესალმეთ ერთმანეთს ალლაჰის მისალმებით კურთხეულითა და კეთილით. ამგვარად განგიმარტავთ ალლაჰი თავის აიათებს, რათა ეგების დაფიქრდეთ.

إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ وَإِذَا كَانُوا مَعَهُ عَلَىٰ أَمْرٍ جَامِعٍ لَّمْ يَذْهَبُوا حَتَّىٰ يَسْتَأْذِنُوهُ ۚ إِنَّ الَّذِينَ يَسْتَأْذِنُونَكَ أُولَٰئِكَ الَّذِينَ يُؤْمِنُونَ بِاللَّهِ وَرَسُولِهِ ۚ فَإِذَا اسْتَأْذَنُوكَ لِبَعْضِ شَأْنِهِمْ فَأْذَن لِّمَن شِئْتَ مِنْهُمْ وَاسْتَغْفِرْ لَهُمُ اللَّهَ ۚ إِنَّ اللَّهَ غَفُورٌ رَّحِيمٌ ۝٦٢

📖 თარგმანი აია 62

[ჭეშმარიტი] მორწმუნენი მხოლოდ ისინი არიან, ვინც ირწმუნა ალლაჰი და მისი შუამავალი. და თუ ისინი მასთან ერთად იქნებიან საერთო საქმეზე, არ წავლენ, ვიდრე ნებართვას არ აიღებენ მისგან. ჭეშმარიტად, სწორედ მათ, ვინც შენ ნებართვას გთხოვენ [ო, შუამავალო], [ჭეშმარიტად] სწამთ ალლაჰი და მისი შუამავალი და, თუ ნებართვა გთხოვეს ზოგ თავის საქმეზე, ნება დართე მას, ვისაც ისურვებ, და სთხოვე მათთვის პატიება ალლაჰს, ჭეშმარიტად, ალლაჰი მპატიებელი, შემწყალებელია.

لَّا تَجْعَلُوا دُعَاءَ الرَّسُولِ بَيْنَكُمْ كَدُعَاءِ بَعْضِكُم بَعْضًا ۚ قَدْ يَعْلَمُ اللَّهُ الَّذِينَ يَتَسَلَّلُونَ مِنكُمْ لِوَاذًا ۚ فَلْيَحْذَرِ الَّذِينَ يُخَالِفُونَ عَنْ أَمْرِهِ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ ۝٦٣

📖 თარგმანი აია 63

არ მიმართოთ [ო, მორწმუნენო] შუამავალს იმგვარად, როგორც ერთმანეთს მიმართავთ. ალლაჰმა იცის მათგან [თვალთმაქცთაგან] ისინიც, რომლებიც ფარულად ტოვებენ [შუამავალის შეკრებას], სხვების ზურგს ამოფარებულნი. დაე, გაფრთხილდნენ ისინი, ვინც ეწინააღმდეგება მის [შუამავლის] ბრძანებას, რათა თავს არ დაატყდეთ განსაცდელი, ან არ დაატყდეთ მტანჯველი სასჯელი.

أَلَا إِنَّ لِلَّهِ مَا فِي السَّمَاوَاتِ وَالْأَرْضِ ۖ قَدْ يَعْلَمُ مَا أَنتُمْ عَلَيْهِ وَيَوْمَ يُرْجَعُونَ إِلَيْهِ فَيُنَبِّئُهُم بِمَا عَمِلُوا ۗ وَاللَّهُ بِكُلِّ شَيْءٍ عَلِيمٌ ۝٦٤

📖 თარგმანი აია 64

ო, დიახ, ჭეშმარიტად [მხოლოდ] ალლაჰს ეკუთვნის, რაც ცათა შინაა და რაც ქვეყანასა ზედაა. მან იცის, რა ყოფაშიც ხართ და იმ დღეს, როცა დაბრუნებულ იქნებით მასთან [განკითხვის დღეს], გაცნობებთ იმას, რასაც აკეთებდით. და ალლაჰი, ჭეშმარიტად, ყოვლისმცოდნეა.

← 23 ან-ნური (24/114) 25 →

წაკითხვა სურა ან-ნური ქართულად – თარგმანი და აუდიო

24النور An-Nur 📚 64 აია مدنية