წაკითხვა სურა ალ-ჰადიდი ქართულად

სურა ალ-ჰადიდი არაბულად და ქართულად

წაიკითხეთ სურა ალ-ჰადიდი სრული ქართული თარგმანით, გამოთქმით და აუდიო წაკითხვით. თითოეული აიათის მნიშვნელობა. (29 აია — مدنية). ალ-ჰადიდი მოსმენა, ალ-ჰადიდი თარგმანი, ალ-ჰადიდი mp3, ალ-ჰადიდი pdf.

სურა ალ-ჰადიდი წაკითხვა და მოსმენა

🎧 აია

Ayat: —

Repeat: x1

سَبَّحَ لِلَّهِ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ ۝١

📖 თარგმანი აია 1

განადიდებს ალლაჰს ყოველივე, რაც ცათა შინაა და ქვეყანაზე, და იგია ძლევამოსილი, ბრძენი.

لَهُ مُلْكُ السَّمَاوَاتِ وَالْأَرْضِ ۖ يُحْيِي وَيُمِيتُ ۖ وَهُوَ عَلَىٰ كُلِّ شَيْءٍ قَدِيرٌ ۝٢

📖 თარგმანი აია 2

მას ეკუთვნის ცათა და მიწის ხელმწიფება. იგი აცოცხლებს და აკვდინებს. და იგი ყოველისშემძლეა.

هُوَ الْأَوَّلُ وَالْآخِرُ وَالظَّاهِرُ وَالْبَاطِنُ ۖ وَهُوَ بِكُلِّ شَيْءٍ عَلِيمٌ ۝٣

📖 თარგმანი აია 3

ის [ალლაჰი] არის პირველი [მის წინ არავინ ყოფილა] და უკანასკნელი [მის შემდეგ არავინ იქნება] ცხადი (რომლის ზემოთაც არაფერია) და დაფარული, და ის ყოვლისმცოდნეა.

هُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ ۚ يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاءِ وَمَا يَعْرُجُ فِيهَا ۖ وَهُوَ مَعَكُمْ أَيْنَ مَا كُنتُمْ ۚ وَاللَّهُ بِمَا تَعْمَلُونَ بَصِيرٌ ۝٤

📖 თარგმანი აია 4

იგია [ალლაჰი], რომელმაც თავისი სიბრძნით შექმნა ცანი და მიწა ექვს დღეში (თუმცა შეეძლო მათი შექმნა ერთ წამშიც, ეთქვა მხოლოდ: იყავ!), შემდეგ კი ამაღლდა ტახტზე [ისე, როგორც მხოლოდ მის დიად ღირსებას შეჰფერის და არა ქმნილებებსავით]. მან იცის ყველაფერი, რაც მიწაში შედის [ყოველი თესლი, ყოველი წყლის წვეთი] და ყველაფერი, რაც იქიდან გამოდის [ყოველი ყლორტი, ყოველი უმცირესი ნაწილაკი…] ყველაფერი, რაც ციდან ჩამოდის და ყველაფერი, რაც მასში (ცაში) ადის [მისი მსახურების ყველა საქმე და სხვა]. და ის [ალლაჰი] თქვენთანაა [თავისი ცოდნითა და ძალით], სადაც არ უნდა იყოთ. და ალლაჰი ხედავს ყველაფერს. [რასაც აკეთებთ — არც ერთი თქვენი საქმე არ დაიკარგება].

لَّهُ مُلْكُ السَّمَاوَاتِ وَالْأَرْضِ ۚ وَإِلَى اللَّهِ تُرْجَعُ الْأُمُورُ ۝٥

📖 თარგმანი აია 5

მას ეკუთვნის მეუფება ცათა და მიწისა და ალლაჰთან ბრუნდება ყოველი საქმე.

يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ ۚ وَهُوَ عَلِيمٌ بِذَاتِ الصُّدُورِ ۝٦

📖 თარგმანი აია 6

მას შეჰყავს ღამე დღეში და დღე შეჰყავს ღამეში [წელიწადის სეზონების მიხედვით დღის და ღამის ხანგრძლივობას ცვლის], და მან იცის ისიც, რაც გულებშია.

آمِنُوا بِاللَّهِ وَرَسُولِهِ وَأَنفِقُوا مِمَّا جَعَلَكُم مُّسْتَخْلَفِينَ فِيهِ ۖ فَالَّذِينَ آمَنُوا مِنكُمْ وَأَنفَقُوا لَهُمْ أَجْرٌ كَبِيرٌ ۝٧

📖 თარგმანი აია 7

ირწმუნეთ ალლაჰი და მისი მოციქული (მუჰამმადი) და დახარჯეთ (ალლაჰის გზაზე) იმ ქონებიდან, რომელიც მან თქვენს განკარგულებაში მოგცათ. ხოლო მათგან, ვინც ირწმუნა და ხარჯავდა, მათთვის დიდი საზღაურია.

وَمَا لَكُمْ لَا تُؤْمِنُونَ بِاللَّهِ ۙ وَالرَّسُولُ يَدْعُوكُمْ لِتُؤْمِنُوا بِرَبِّكُمْ وَقَدْ أَخَذَ مِيثَاقَكُمْ إِن كُنتُم مُّؤْمِنِينَ ۝٨

📖 თარგმანი აია 8

რა გემართებათ, რომ არ ირწმუნებთ ალლაჰს, მაშინ როცა შუამავალი [მუჰმმადი] გიხმობთ, რომ ირწმუნოთ თქვენი უფალი? და მან ხომ უკვე აიღო თქვენი აღთქმა, თუკი მორწმუნენი ხართ.

هُوَ الَّذِي يُنَزِّلُ عَلَىٰ عَبْدِهِ آيَاتٍ بَيِّنَاتٍ لِّيُخْرِجَكُم مِّنَ الظُّلُمَاتِ إِلَى النُّورِ ۚ وَإِنَّ اللَّهَ بِكُمْ لَرَءُوفٌ رَّحِيمٌ ۝٩

📖 თარგმანი აია 9

ის არის, ვინც თავის მსახურს (შუამავალ მუჰმმადს) უგზავნის ცხად აიათებს, რათა გამოგიყვანოთ სიბნელიდან [ურწმუნოებიდან] სინათლეში [ჭეშმარიტ რწმენაში]. და ჭეშმარიტად, ალლაჰი თქვენდამი თანამგრძნობი, შემწყალებელია.

وَمَا لَكُمْ أَلَّا تُنفِقُوا فِي سَبِيلِ اللَّهِ وَلِلَّهِ مِيرَاثُ السَّمَاوَاتِ وَالْأَرْضِ ۚ لَا يَسْتَوِي مِنكُم مَّنْ أَنفَقَ مِن قَبْلِ الْفَتْحِ وَقَاتَلَ ۚ أُولَٰئِكَ أَعْظَمُ دَرَجَةً مِّنَ الَّذِينَ أَنفَقُوا مِن بَعْدُ وَقَاتَلُوا ۚ وَكُلًّا وَعَدَ اللَّهُ الْحُسْنَىٰ ۚ وَاللَّهُ بِمَا تَعْمَلُونَ خَبِيرٌ ۝١٠

📖 თარგმანი აია 10

და რა გჭირთ თქვენ, (ო ადამიანებო) რომ არ ხარჯავთ (თქვენს ქონებას) ალლაჰის გზაზე [ალლაჰის სიტყვის ამაღლების საქმეში], მაშინ როცა ალლაჰს ეკუთვნის ცათა და მიწის მემკვიდრეობა? თქვენში ვერ გათანაბრდებიან ისინი, ვინც გამარჯვებამდე [მექქის განთავისუფლებამდე მრავალღმერთიანობისგან] ხარჯავდნენ და იბრძოდნენ (ურწმუნოთა წინააღმდეგ), და ისინი, ვინც ამის შემდეგ ხარჯავდნენ და იბრძოდნენ. ისინი ალლაჰის წინაშე ხარისხით უფრო მაღლები არიან. და თითოეულს ამ ორი ჯგუფიდან ალლაჰმა აღუთქვა საუკეთესო [სამოთხე]. და ალლაჰი ყოვლისმცოდნეა იმაში, რასაც თქვენ აკეთებთ.

مَّن ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ وَلَهُ أَجْرٌ كَرِيمٌ ۝١١

📖 თარგმანი აია 11

ვინ მისცემს ალლაჰს კეთილ სესხს [თავის ქონებას დახარჯავს მის გზაზე, მისგან ჯილდოს იმედით], რათა მან (ალლაჰმა) გაუმრავლოს მას (მისი საზღაური) და მისთვის იყოს უხვი ჯილდო [სამოთხე]?

يَوْمَ تَرَى الْمُؤْمِنِينَ وَالْمُؤْمِنَاتِ يَسْعَىٰ نُورُهُم بَيْنَ أَيْدِيهِمْ وَبِأَيْمَانِهِم بُشْرَاكُمُ الْيَوْمَ جَنَّاتٌ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ ذَٰلِكَ هُوَ الْفَوْزُ الْعَظِيمُ ۝١٢

📖 თარგმანი აია 12

იმ დღეს [სამსჯავროს დღეს], როცა იხილავ, რომ მორწმუნე კაცებსა და მორწმუნე ქალებს (როდესაც ისინი ბეწვის ხიდზე გადავლენ — გზაზე, რომელიც სამოთხემდე მიდის და ჯოჯოხეთზეა გადებული) წინ გაუძღვებათ მათი ნათელი (გზას გაუნათებს) და მარჯვენა მხარესაც ექნებათ (მათი საქმეების წიგნები). და ეთქმებათ მათ: «სასიხარულო ამბავი თქვენ დღეს! (თქვენთვის მომზადებულია) სამოთხის ბაღები, რომელთა ქვემოთ მდინარეები მიედინება, იქ სამარადისოდ დარჩებით. აი ეს არის დიდი წარმატება».

يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انظُرُونَا نَقْتَبِسْ مِن نُّورِكُمْ قِيلَ ارْجِعُوا وَرَاءَكُمْ فَالْتَمِسُوا نُورًا فَضُرِبَ بَيْنَهُم بِسُورٍ لَّهُ بَابٌ بَاطِنُهُ فِيهِ الرَّحْمَةُ وَظَاهِرُهُ مِن قِبَلِهِ الْعَذَابُ ۝١٣

📖 თარგმანი აია 13

იმ დღეს [სამსჯავროს დღეს], როცა თვალთმაქცი კაცები და თვალთმაქცი ქალები ეტყვიან მათ, ვინც ირწმუნა (როდესაც მორწმუნეები უკვე ბეწვის ხიდზე იქნებიან): «დაგველოდეთ [მოგვიბრუნდით სახით], რათა თქვენი ნათლიდან ავიღოთ!» მათ [თვალთმაქცებს] ირონიულად ეთქმებათ (ანგელოზების მიერ): «დაბრუნდით უკან და იქ ეძებეთ ნათელი!» და (როცა ისინი უკან ბრუნდებიან, აღმოჩნდება, რომ) მათ შორის აღმართულია მაღალი კედელი, რომელსაც აქვს კარიბჭე: შიგნითა მხარეს [საითაც მორწმუნეები მიდიან] არის მოწყალება, ხოლო გარეთა მხარეს [საითაც თვალთმაქცები არიან] სასჯელი.

يُنَادُونَهُمْ أَلَمْ نَكُن مَّعَكُمْ ۖ قَالُوا بَلَىٰ وَلَٰكِنَّكُمْ فَتَنتُمْ أَنفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّىٰ جَاءَ أَمْرُ اللَّهِ وَغَرَّكُم بِاللَّهِ الْغَرُورُ ۝١٤

📖 თარგმანი აია 14

ისინი [თვალთმაქცები] შეჰღაღადებენ მათ [მორწმუნეებს]: «განა (ამქვეყნიურ ცხოვრებაში) თქვენთან ერთად არ ვიყავით (ალლაჰისადმი მორჩილების საქმეებში)?» მორწმუნეები უპასუხებენ: «დიახ, (გარეგნულად) თქვენ ჩვენთან ერთად იყავით, მაგრამ თქვენ თვითონვე ჩაიგდეთ თავი ცდუნებაში, ელოდებოდით (მოციქულის სიკვდილს და მორწმუნეთა წარმატების შეცვლას), დაეჭვდით (სიკვდილის შემდეგ აღდგომაში), და ცრუ ოცნებებმა შეგაცდინათ, ვიდრე არ მოვიდა ალლაჰის ბრძანება [სიკვდილი] და ალლაჰის შესახებ მატყუარამ — [სატანამ] მოგატყუათ».

فَالْيَوْمَ لَا يُؤْخَذُ مِنكُمْ فِدْيَةٌ وَلَا مِنَ الَّذِينَ كَفَرُوا ۚ مَأْوَاكُمُ النَّارُ ۖ هِيَ مَوْلَاكُمْ ۖ وَبِئْسَ الْمَصِيرُ ۝١٥

📖 თარგმანი აია 15

და დღეს არ მიიღება გამოსასყიდი თქვენგან, ო თვალთმაქცებო, და არც მათგან, ვინც ურწმუნო გახდა. თქვენი საბოლოო თავშესაფარი იქნება ცეცხლი, იგი — თქვენი მეურვეა. და რა საშინელია ის [ჯოჯოხეთი] როგორც დაბრუნების ადგილი!

۞ أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ وَمَا نَزَلَ مِنَ الْحَقِّ وَلَا يَكُونُوا كَالَّذِينَ أُوتُوا الْكِتَابَ مِن قَبْلُ فَطَالَ عَلَيْهِمُ الْأَمَدُ فَقَسَتْ قُلُوبُهُمْ ۖ وَكَثِيرٌ مِّنْهُمْ فَاسِقُونَ ۝١٦

📖 თარგმანი აია 16

განა არ დადგა დრო მათთვის, ვინც ირწმუნა, რომ მათი გულები ძრწოდეს (და დარბილდეს) ალლაჰის ხსენებისას და იმ ჭეშმარიტების მოსმენაზე, რომელიც მან გარდმოავლინა [ალლაჰის წიგნი], და რომ ისინი [მორწმუნეები] არ დაემსგავსონ მათ, ვისაც ადრე ებოძათ წერილი [თორა და ინჯილი], რომელთაც დრო გაუგრძელდათ [დიდი ხანი გავიდა მათთან გამოგზავნილი წინასწარმეტყველების შემდეგ], რის გამოც მათი გულები გაქვავდა [მათ აღარ უსმენდნენ დარიგებებს, რომლებიც ალლაჰის წიგნებში იყო], და ბევრი მათგანი (გახდა) ურჩი (ალლაჰისადმი).

اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا ۚ قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ ۝١٧

📖 თარგმანი აია 17

იცოდეთ, რომ ალლაჰი აცოცხლებს მიწას მისი სიკვდილის შემდეგ. ჩვენ უკვე განგიმარტეთ თქვენ სასწაულები, რათა გონს მოეგოთ.(იცოდეთ რომ ალლაჰს შეუძლია მკვდრების გაცოცხლება, როგორც მიწის გაცოცხლება, და შეუძლია სასტიკი გულების მორბილებაც)

إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضًا حَسَنًا يُضَاعَفُ لَهُمْ وَلَهُمْ أَجْرٌ كَرِيمٌ ۝١٨

📖 თარგმანი აია 18

ჭეშმარიტად, მოწყალების გამცემ კაცებსა და ქალებს, რომელთაც ალლაჰს ასესხეს მშვენიერი სესხი, მათთვის ეს სიკეთეები გამრავლდება და მათთვის იქნება ძვირფასი ჯილდო [სამოთხე],

وَالَّذِينَ آمَنُوا بِاللَّهِ وَرُسُلِهِ أُولَٰئِكَ هُمُ الصِّدِّيقُونَ ۖ وَالشُّهَدَاءُ عِندَ رَبِّهِمْ لَهُمْ أَجْرُهُمْ وَنُورُهُمْ ۖ وَالَّذِينَ كَفَرُوا وَكَذَّبُوا بِآيَاتِنَا أُولَٰئِكَ أَصْحَابُ الْجَحِيمِ ۝١٩

📖 თარგმანი აია 19

ხოლო ისინი, რომელთაც ირწმუნეს ალლაჰი და მისი მოციქულები, სწორედ ისინი არიან მართალნი. და მოწამეებს [ალლაჰის გზაზე დაღუპულთ] თავიანთ უფალთან ექნებათ მათი ჯილდო და მათი ნათელი (რომელიც გაუნათებს მათ გზას სამსჯავროს დღეს). ხოლო ისინი, ვინც ურწმუნონი გახდნენ და უარყვეს ჩვენი სასწაულები, ისინი არიან ცეცხლის მკვიდრნი.

اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ ۖ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا ۖ وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ ۚ وَمَا الْحَيَاةُ الدُّنْيَا إِلَّا مَتَاعُ الْغُرُورِ ۝٢٠

📖 თარგმანი აია 20

იცოდეთ, [ო ადამიანებო] რომ ამქვეყნიური ცხოვრება მხოლოდ თამაშია (სხეულისთვის) და გართობა (სულისთვის), მორთულობა და ერთმანეთთან ქება (საზრდოსა და კეთილდღეობის გამო), და სწრაფვა ქონებისა და შვილების გამრავლებისკენ. იგი ჰგავს წვიმას, რომლის შემდეგ ამოსული მცენარეები აღაფრთოვანებს მათ, ვინც თესლს მიწაში მალავს [მიწათმოქმედებს], შემდეგ ისინი ჭკნება და ხმება, და შენ ხედავ მათ გაყვითლებულს (მას შემდეგ, რაც მწვანე იყო), ხოლო შემდეგ ისინი ნამსხვრევებად იქცევა. ხოლო საიქიო ცხოვრებაში არის მკაცრი სასჯელი (ურწმუნოთათვის), და ასევე ალლაჰისგან პატიება და კმაყოფილება (მორწმუნეთათვის). და ამქვეყნიური ცხოვრება მხოლოდ მოტყუებითი სიამოვნებაა.

سَابِقُوا إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ۚ ذَٰلِكَ فَضْلُ اللَّهِ يُؤْتِيهِ مَن يَشَاءُ ۚ وَاللَّهُ ذُو الْفَضْلِ الْعَظِيمِ ۝٢١

📖 თარგმანი აია 21

ისწრაფეთ თქვენი უფლის პატიებისკენ და სამოთხისკენ, რომლის სივრცე ცისა და მიწის სივრცის ტოლია, გამზადებულია მათთვის, რომელთაც ირწმუნეს ალლაჰი და მისი შუამავლები. ეს ალლაჰის წყალობაა და უბოძებს იმას, ვისაც ინებებს. ალლაჰი დიად გულუხვია (თავისი მორწმუნე მსახურების მიმართ).

مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا ۚ إِنَّ ذَٰلِكَ عَلَى اللَّهِ يَسِيرٌ ۝٢٢

📖 თარგმანი აია 22

რა უბედურებაც არ უნდა მოხდეს მიწაზე [გვალვა, შიმშილი და სხვ.] ან თქვენს სულებში [დაავადება, დაჭრა და სხვ.], იგი უკვე ჩაწერილი იყო ადრე (დაცულ ფურცელზე), ვიდრე ჩვენ მას შევქმნიდით. ჭეშმარიტად, ეს ალლაჰისთვის ადვილია!

لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ ۗ وَاللَّهُ لَا يُحِبُّ كُلَّ مُخْتَالٍ فَخُورٍ ۝٢٣

📖 თარგმანი აია 23

რათა არ იდარდოთ იმის გამო, რაც თქვენ აგცდათ [რომ არ თქვათ: "ო, ნეტავ ასე მოვქცეულიყავი, მაშინ ასე იქნებოდა"], და არც ამპარტავნულად არ გახარებულიყავით იმით, რაც მან მოგმადლათ. და ალლაჰს არ უყვარს არცერთი ამპარტავანი [ქედმაღალი], ქედმაღლურად მოტრაბახე.

الَّذِينَ يَبْخَلُونَ وَيَأْمُرُونَ النَّاسَ بِالْبُخْلِ ۗ وَمَن يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ ۝٢٤

📖 თარგმანი აია 24

რომლებიც ძუნწობენ და ხალხსაც ძუნწობისკენ მოუწოდებენ. და ვინც ზურგს შეაქცევს, ჭეშმარიტად, ალლაჰი მდიდარი, ყოვლადქებულია.

لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ ۖ وَأَنزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ ۚ إِنَّ اللَّهَ قَوِيٌّ عَزِيزٌ ۝٢٥

📖 თარგმანი აია 25

ჩვენ უკვე წარვგზავნეთ ჩვენი შუამავლები ცხადი მტკიცებულებებით და მათთან ერთად გარდმოვავლინეთ წიგნი და სასწორი, რათა ადამიანებმა სამართლიანობა დაიცვან. და გარდმოვავლინეთ რკინა, რომელშიც დიდი ძალაა და სარგებლობანი ადამიანთათვის, რათა ალლაჰმა იცოდეს, ვინ შეეწევა მას და მის შუამავლებს ფარულად. უეჭველად, ალლაჰი ყოვლადძლიერი, დიადია.

وَلَقَدْ أَرْسَلْنَا نُوحًا وَإِبْرَاهِيمَ وَجَعَلْنَا فِي ذُرِّيَّتِهِمَا النُّبُوَّةَ وَالْكِتَابَ ۖ فَمِنْهُم مُّهْتَدٍ ۖ وَكَثِيرٌ مِّنْهُمْ فَاسِقُونَ ۝٢٦

📖 თარგმანი აია 26

და ჩვენ წარვგზავნეთ ნუჰი და იბრაჰიმი და დავადგინეთ მათ შთამომავლობაში წინასწარმეტყველება და წიგნი. და მათ შორის [მის შთამომავლობაში] არიან, ვინც მართალ გზას მიჰყვება, მაგრამ ბევრი მათგანი ურჩია (ალლაჰისადმი).

ثُمَّ قَفَّيْنَا عَلَىٰ آثَارِهِم بِرُسُلِنَا وَقَفَّيْنَا بِعِيسَى ابْنِ مَرْيَمَ وَآتَيْنَاهُ الْإِنجِيلَ وَجَعَلْنَا فِي قُلُوبِ الَّذِينَ اتَّبَعُوهُ رَأْفَةً وَرَحْمَةً وَرَهْبَانِيَّةً ابْتَدَعُوهَا مَا كَتَبْنَاهَا عَلَيْهِمْ إِلَّا ابْتِغَاءَ رِضْوَانِ اللَّهِ فَمَا رَعَوْهَا حَقَّ رِعَايَتِهَا ۖ فَآتَيْنَا الَّذِينَ آمَنُوا مِنْهُمْ أَجْرَهُمْ ۖ وَكَثِيرٌ مِّنْهُمْ فَاسِقُونَ ۝٢٧

📖 თარგმანი აია 27

შემდეგ მათ კვალდაკვალ მივაყოლეთ ჩვენი შუამავლები და მივაყოლეთ 'ისა (იესო) მარიამის ძე, და ვუბოძეთ მას სახარება. და მის მიმდევართა გულებში ჩავდეთ სიბრალული, მოწყალება და ბერმონაზვნობა, რომელიც მათ თავად შემოიღეს, ჩვენ არ დაგვიწესებია იგი მათთვის, გარდა ალლაჰის კეთილგანწყობის ძიებისა, მაგრამ მათ ის (ბერმონაზვნობა) სათანადოდ ვერ დაიცვეს. ამიტომ, მათგან რომელთაც ირწმუნეს, მივეცით თავიანთი საზღაური, მაგრამ ბევრი მათგანი ურჩია.

يَا أَيُّهَا الَّذِينَ آمَنُوا اتَّقُوا اللَّهَ وَآمِنُوا بِرَسُولِهِ يُؤْتِكُمْ كِفْلَيْنِ مِن رَّحْمَتِهِ وَيَجْعَل لَّكُمْ نُورًا تَمْشُونَ بِهِ وَيَغْفِرْ لَكُمْ ۚ وَاللَّهُ غَفُورٌ رَّحِيمٌ ۝٢٨

📖 თარგმანი აია 28

ჰეი თქვენ, რომელთაც ირწმუნეთ! გეშინოდეთ ალლაჰისა და ირწმუნეთ მისი შუამავალი. იგი ორმაგად მოგანიჭებთ თავისი წყალობიდან და დაგიდგენთ სინათლეს, რომლითაც ივლით, და შეგინდობთ თქვენ. და ალლაჰი შემნდობი, შემწყალებელია.

لِّئَلَّا يَعْلَمَ أَهْلُ الْكِتَابِ أَلَّا يَقْدِرُونَ عَلَىٰ شَيْءٍ مِّن فَضْلِ اللَّهِ ۙ وَأَنَّ الْفَضْلَ بِيَدِ اللَّهِ يُؤْتِيهِ مَن يَشَاءُ ۚ وَاللَّهُ ذُو الْفَضْلِ الْعَظِيمِ ۝٢٩

📖 თარგმანი აია 29

რათა წიგნის ხალხმა იცოდეს, რომ მათ არანაირი ძალაუფლება არ გააჩნიათ ალლაჰის წყალობაზე და რომ წყალობა ალლაჰის ხელშია. უბოძებს მას, ვისაც ინებებს. და ალლაჰი დიადი წყალობის მფლობელია.

← 56 ალ-ჰადიდი (57/114) 58 →

წაკითხვა სურა ალ-ჰადიდი ქართულად – თარგმანი და აუდიო

57الحديد Al-Hadid 📚 29 აია مدنية