Akriya Suurat At-Tur Qafar Afat – Tarjumaan kee Xasiisi

وَالطُّورِ ۝١

📖 Tarjumaan Aayat 1

Yalli tuur deqsitta qalel xiibite. (woh Yalli Nabii Muusâ luk elle yaabe qale kinnuk)

وَكِتَابٍ مَّسْطُورٍ ۝٢

📖 Tarjumaan Aayat 2

Kaadu kitaabay yunkuttubel xiibite

فِي رَقٍّ مَّنشُورٍ ۝٣

📖 Tarjumaan Aayat 3

Woh Qhuraanay fiddiime waraakitih addal yani kinni

وَالْبَيْتِ الْمَعْمُورِ ۝٤

📖 Tarjumaan Aayat 4

Kaadu Qaraanal yan Qariy beytil maqmuvr deqsitay malayka Yalla elle taqbudel xiibite

وَالسَّقْفِ الْمَرْفُوعِ ۝٥

📖 Tarjumaan Aayat 5

Kaadu fayya heen Qaraanal (addunyâ Qaran kinnuk) xiibite

وَالْبَحْرِ الْمَسْجُورِ ۝٦

📖 Tarjumaan Aayat 6

Kaadu leek kiben badal xiibite

إِنَّ عَذَابَ رَبِّكَ لَوَاقِعٌ ۝٧

📖 Tarjumaan Aayat 7

Diggah Nabiyow ku Rabbih digaala korosul oobeleemil

مَّا لَهُ مِن دَافِعٍ ۝٨

📖 Tarjumaan Aayat 8

Hebeltoh (uli) iimiy tet waassa matan obta waqdi

يَوْمَ تَمُورُ السَّمَاءُ مَوْرًا ۝٩

📖 Tarjumaan Aayat 9

Woh qaran amooxiyyah yamooxeeh kaxxa angoyyih yangayye ayro (Qhiyaamah ayro kinnuk)

وَتَسِيرُ الْجِبَالُ سَيْرًا ۝١٠

📖 Tarjumaan Aayat 10

Kaadu qaleelá isi aracak kattaah gexoh gexxa ayro (Qhiyaamah ayro kinnuk). qubultinnah

فَوَيْلٌ يَوْمَئِذٍ لِّلْمُكَذِّبِينَ ۝١١

📖 Tarjumaan Aayat 11

Too ayro farmoytit luk temeetem dirabboyse marah baatii kee finqi yan

الَّذِينَ هُمْ فِي خَوْضٍ يَلْعَبُونَ ۝١٢

📖 Tarjumaan Aayat 12

Woo mari usun deedalat giirisaah digra mara

يَوْمَ يُدَعُّونَ إِلَىٰ نَارِ جَهَنَّمَ دَعًّا ۝١٣

📖 Tarjumaan Aayat 13

Tama mari gutqoh gutqumoonu waan ayró jahannam girâ fanah

هَٰذِهِ النَّارُ الَّتِي كُنتُم بِهَا تُكَذِّبُونَ ۝١٤

📖 Tarjumaan Aayat 14

Ah teeti giray dirbboysak sugteeni keenik iyyan

أَفَسِحْرٌ هَٰذَا أَمْ أَنتُمْ لَا تُبْصِرُونَ ۝١٥

📖 Tarjumaan Aayat 15

Tokkel ta tablen digaala baaba innaa hinnak isin ablewaytaanaa

اصْلَوْهَا فَاصْبِرُوا أَوْ لَا تَصْبِرُوا سَوَاءٌ عَلَيْكُمْ ۖ إِنَّمَا تُجْزَوْنَ مَا كُنتُمْ تَعْمَلُونَ ۝١٦

📖 Tarjumaan Aayat 16

Isin gira culaay, tet niqna tammoysa, teetil tasbiroonu (coolaysittoonu) hinnay asbire waytoonu, siinil inki gide, cagalah isin elle galtimettoonum addunyal abak sugten uma taama

إِنَّ الْمُتَّقِينَ فِي جَنَّاتٍ وَنَعِيمٍ ۝١٧

📖 Tarjumaan Aayat 17

Diggah Yallak meesita mari jannootaa kee niqmatitteh addal yanin

فَاكِهِينَ بِمَا آتَاهُمْ رَبُّهُمْ وَوَقَاهُمْ رَبُّهُمْ عَذَابَ الْجَحِيمِ ۝١٨

📖 Tarjumaan Aayat 18

Ken Rabbi keenih yeceemit ruffu axcuk (tassa axcuk) kaadu ken Rabbi ken reebiseeh naggoyseh jaciim deqsitta girah digaalak

كُلُوا وَاشْرَبُوا هَنِيئًا بِمَا كُنتُمْ تَعْمَلُونَ ۝١٩

📖 Tarjumaan Aayat 19

Akumaay, aquba rufto luk addunyal abak sugten meqe taamah galtoh

مُتَّكِئِينَ عَلَىٰ سُرُرٍ مَّصْفُوفَةٍ ۖ وَزَوَّجْنَاهُم بِحُورٍ عِينٍ ۝٢٠

📖 Tarjumaan Aayat 20

Usun rooruh yan qaraakiiyih amol cusuulah anuk itta wagitak, kaadu ken rihmisneh (alkumusneh) curral qeyni deqsita agabul

وَالَّذِينَ آمَنُوا وَاتَّبَعَتْهُمْ ذُرِّيَّتُهُم بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُم مِّنْ عَمَلِهِم مِّن شَيْءٍ ۚ كُلُّ امْرِئٍ بِمَا كَسَبَ رَهِينٌ ۝٢١

📖 Tarjumaan Aayat 21

Kaadu Yallal yeemene maraa kee ken xayloy iimaanal ken katatte, ken xaylo ken eleelisneh, kaadu ken taamah galtok tu keenik madaggoysinnino, ummaan num abba heemih yabbixsime

وَأَمْدَدْنَاهُم بِفَاكِهَةٍ وَلَحْمٍ مِّمَّا يَشْتَهُونَ ۝٢٢

📖 Tarjumaan Aayat 22

Kaadu niqmatittek caxa mixuu kee cadok faxxa haanam keenih osisneh

يَتَنَازَعُونَ فِيهَا كَأْسًا لَّا لَغْوٌ فِيهَا وَلَا تَأْثِيمٌ ۝٢٣

📖 Tarjumaan Aayat 23

Jannat addal kamri kaaqon sittal tabaatabsan, kaat kas magexaay, uma maxcoo kee dambit ken maqida

۞ وَيَطُوفُ عَلَيْهِمْ غِلْمَانٌ لَّهُمْ كَأَنَّهُمْ لُؤْلُؤٌ مَّكْنُونٌ ۝٢٤

📖 Tarjumaan Aayat 24

Kaadu keenit meekitah keenih taamituh massoysen urri, usun sibat dansime luulih inna lon qaxah

وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ ۝٢٥

📖 Tarjumaan Aayat 25

Kaadu jannatti marak mariiy marâ fanah yafkune addunyal abak sugen taama sitta esserak

قَالُوا إِنَّا كُنَّا قَبْلُ فِي أَهْلِنَا مُشْفِقِينَ ۝٢٦

📖 Tarjumaan Aayat 26

Diggah nanu duma addunyal ninni marih addal Yallih digaalak meesita marah sugne iyyan

فَمَنَّ اللَّهُ عَلَيْنَا وَوَقَانَا عَذَابَ السَّمُومِ ۝٢٧

📖 Tarjumaan Aayat 27

Tokkel Yalli nee guneeh neh yemqeh tirri neeheemil, kaadu jahannam girah huvurih digaalak nee naggoyseh

إِنَّا كُنَّا مِن قَبْلُ نَدْعُوهُ ۖ إِنَّهُ هُوَ الْبَرُّ الرَّحِيمُ ۝٢٨

📖 Tarjumaan Aayat 28

Diggah nanu duma dubuk Yalla aqbudak sugne, diggah usuk meqe Rabbiiy, xuwaw li kinni

فَذَكِّرْ فَمَا أَنتَ بِنِعْمَتِ رَبِّكَ بِكَاهِنٍ وَلَا مَجْنُونٍ ۝٢٩

📖 Tarjumaan Aayat 29

Toysa Nabiyow fan kak rubsumte mara ta Qhuraanal kassis, atu ku Rabbi koh abe niqmatal ginnili hinnitooy, cabuli hinnitok

أَمْ يَقُولُونَ شَاعِرٌ نَّتَرَبَّصُ بِهِ رَيْبَ الْمَنُونِ ۝٣٠

📖 Tarjumaan Aayat 30

Hinnak ta koros qadarabey raba kah qamballa kok ittaa Nabiyow

قُلْ تَرَبَّصُوا فَإِنِّي مَعَكُم مِّنَ الْمُتَرَبِّصِينَ ۝٣١

📖 Tarjumaan Aayat 31

Yi raba qambaala keenik ixxic:diggah anu sin innaah sin finqa qambaala marat anik

أَمْ تَأْمُرُهُمْ أَحْلَامُهُم بِهَٰذَا ۚ أَمْ هُمْ قَوْمٌ طَاغُونَ ۝٣٢

📖 Tarjumaan Aayat 32

Hinnak ta koros ahal ken kas ken amrise innaa, hinnak usun umaanet caddok tatre maraay

أَمْ يَقُولُونَ تَقَوَّلَهُ ۚ بَل لَّا يُؤْمِنُونَ ۝٣٣

📖 Tarjumaan Aayat 33

Hinnak Nabii Mucammad Acade Qhuraan isih ginnaasiteeh bicsite iyyaanaa? Aleey, tonna hinna usun nummayse waana ikkal

فَلْيَأْتُوا بِحَدِيثٍ مِّثْلِهِ إِن كَانُوا صَادِقِينَ ۝٣٤

📖 Tarjumaan Aayat 34

Toysa kaa (Qhuraan kinnuk) ceela yab baahoonay nummat yaaba mara yekkeenik

أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ ۝٣٥

📖 Tarjumaan Aayat 35

Hinnak ta koros tu ken gine kal ginniimeeni innaa, hinnak usun sinni nafsi sinnih gine maraay Yalli ken gine kalah

أَمْ خَلَقُوا السَّمَاوَاتِ وَالْأَرْضَ ۚ بَل لَّا يُوقِنُونَ ۝٣٦

📖 Tarjumaan Aayat 36

Hinnak usun qaranwaa kee baaxó gineeni innaa? Aleey, tonna hinna usun Yallih digaala asmite waanaah, Yallih inkittinaane nummayse waana ikkal

أَمْ عِندَهُمْ خَزَائِنُ رَبِّكَ أَمْ هُمُ الْمُصَيْطِرُونَ ۝٣٧

📖 Tarjumaan Aayat 37

Hinnak ku Rabbih kadnooni ken garil tani innaa, hinnak usun maysó-le maray sinam dirkisaay

أَمْ لَهُمْ سُلَّمٌ يَسْتَمِعُونَ فِيهِ ۖ فَلْيَأْتِ مُسْتَمِعُهُم بِسُلْطَانٍ مُّبِينٍ ۝٣٨

📖 Tarjumaan Aayat 38

Hinnak qaran elle yawqen daragay (magaaray) malaykâ yab kee wacyi elle ankacsaana loonu innaa? Toysa keenik ankacise num baxxaqqa-le sumaq baahay

أَمْ لَهُ الْبَنَاتُ وَلَكُمُ الْبَنُونَ ۝٣٩

📖 Tarjumaan Aayat 39

Hinnak Yalli say xayló leeh, isin lab xaylo litoonuv? isin dirab kee ererih kah ittan innah

أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ ۝٤٠

📖 Tarjumaan Aayat 40

Hinnak Nabiyow diini gudduysiyyal cawal ken (koros kinnuk) essertannaa?edde luk usun woo magoyta elle tingiddibeh tiqilsee maraay

أَمْ عِندَهُمُ الْغَيْبُ فَهُمْ يَكْتُبُونَ ۝٤١

📖 Tarjumaan Aayat 41

Hinnak usun qellittaamih ixxigay usun sinaamah kak yaktubeeniih warsaana maay lon

أَمْ يُرِيدُونَ كَيْدًا ۖ فَالَّذِينَ كَفَرُوا هُمُ الْمَكِيدُونَ ۝٤٢

📖 Tarjumaan Aayat 42

Hinnak Nabiyow usun uma mala koh malsaanam faxaanaa? Tokkel koroosite mari, ken uma mala keenil taduure

أَمْ لَهُمْ إِلَٰهٌ غَيْرُ اللَّهِ ۚ سُبْحَانَ اللَّهِ عَمَّا يُشْرِكُونَ ۝٤٣

📖 Tarjumaan Aayat 43

Hinnak Yallak kalah qibaada cakkisita Yallay yaqbudeeni loonu innaa? usun agleh kaat hayya haanamak Yalli saytunnooweh

وَإِن يَرَوْا كِسْفًا مِّنَ السَّمَاءِ سَاقِطًا يَقُولُوا سَحَابٌ مَّرْكُومٌ ۝٤٤

📖 Tarjumaan Aayat 44

Kaadu ta koros qaran kitiifoonuh keenil oobah yableenimil digaalah, ittak bagul tan qamburre axcuk yenen

فَذَرْهُمْ حَتَّىٰ يُلَاقُوا يَوْمَهُمُ الَّذِي فِيهِ يُصْعَقُونَ ۝٤٥

📖 Tarjumaan Aayat 45

Toysa ken cab Nabiyow ken ayróy (woh Qhiyaamah ayró) edde finqitoonu waanat ongoorowwu iyyaanam fanah

يَوْمَ لَا يُغْنِي عَنْهُمْ كَيْدُهُمْ شَيْئًا وَلَا هُمْ يُنصَرُونَ ۝٤٦

📖 Tarjumaan Aayat 46

Too ayró ken uma mala Yallih digaalak tu keenih ma xiqtaay, Yallih digaalak ken cattam matan

وَإِنَّ لِلَّذِينَ ظَلَمُوا عَذَابًا دُونَ ذَٰلِكَ وَلَٰكِنَّ أَكْثَرَهُمْ لَا يَعْلَمُونَ ۝٤٧

📖 Tarjumaan Aayat 47

Kaadu diggah isi nafsi koroosannut yudlume mari, Qhiyaamah ayroh digaalak naharat digaala lon addunyal, kaadu kinnih immay keenik maggo mari woh mayaaxiga

وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ ۝٤٨

📖 Tarjumaan Aayat 48

Kaadu Nabiyow ku Rabbih meklal isbir, diggah atu Ni dacayrih gubat tantooh koo nablehik, kaadu saytunnos ku Rabbi faylisak salaatah solta waqdi

وَمِنَ اللَّيْلِ فَسَبِّحْهُ وَإِدْبَارَ النُّجُومِ ۝٤٩

📖 Tarjumaan Aayat 49

Kaadu barak tut ku Rabbi saytunnoysaay cutuk derre caba waqdi salat (subci salaatih wakti kinnuk), kaah ab

Suurat At-Tur – Qafar Tarjumaan

Suurat At-Tur Qarabaay Qafar Afat

Suurat At-Tur Akriyaay Xasiis

Aayoota – Suurat At-Tur — 49 Aayat