Surah At-Tur ko Arab ago Maranao

Batiya so Surah At-Tur ago so bantog a baalikan Maranao, ago kadngug. Kabaalikan o oman i ayat. (49 Ayat — مكية). At-Tur Pamakin'eg, At-Tur Baalikan, At-Tur mp3, At-Tur pdf.

Batiya ago Pamakin'eg ko Surah At-Tur

🎧 Ayat
M Mishary Rashid Alafasy ✓
M Mahmoud Khalil Al-Husary ✓
A Abdurrahman As-Sudais ✓
M Mohamed Siddiq Al-Minshawi ✓
A Abdul Basit Abdul Samad ✓
A Ali Al-Hudhaify ✓
A Ahmed ibn Ali al-Ajamy ✓
A Abu Bakr Ash-Shaatree ✓
M Muhammad Ayyoub ✓
A Abdullah Basfar ✓
A Abdullah Al-Juhani ✓
M Maher Al Muaiqly ✓
—
x1
وَالطُّورِ ۝١
📖 Baalikan Ayat 1
Ibt ko palaw a Tor (a giyoto so palaw a ron inimbitiyarai o Allah so Mosa ko liyawaw niyan)
وَكِتَابٍ مَّسْطُورٍ ۝٢
📖 Baalikan Ayat 2
Go so kitab a misosorat (a giyo to so Qor´an)
فِي رَقٍّ مَّنشُورٍ ۝٣
📖 Baalikan Ayat 3
Ko karatas a makakayat
وَالْبَيْتِ الْمَعْمُورِ ۝٤
📖 Baalikan Ayat 4
Go so Baytil Maamor (a giyoto so walay a mbabalayn a dii tawapan mambo o manga malaikat sa langit)
وَالسَّقْفِ الْمَرْفُوعِ ۝٥
📖 Baalikan Ayat 5
Go so atp a ipoporo (a giyoto so langit a matatampar sa donya)
وَالْبَحْرِ الْمَسْجُورِ ۝٦
📖 Baalikan Ayat 6
Go so kalodan a mappno
إِنَّ عَذَابَ رَبِّكَ لَوَاقِعٌ ۝٧
📖 Baalikan Ayat 7
Ka mataan! a so siksa o Kadnan ka na phakatana dn
مَّا لَهُ مِن دَافِعٍ ۝٨
📖 Baalikan Ayat 8
Daa phakarnon
يَوْمَ تَمُورُ السَّمَاءُ مَوْرًا ۝٩
📖 Baalikan Ayat 9
Sii ko alongan a mabirbir so langit sa titho a kabirbir
وَتَسِيرُ الْجِبَالُ سَيْرًا ۝١٠
📖 Baalikan Ayat 10
Go mamangikayontong so manga palaw a mikayambr
فَوَيْلٌ يَوْمَئِذٍ لِّلْمُكَذِّبِينَ ۝١١
📖 Baalikan Ayat 11
Na sangat a siksa sa alongan oto a bagian o miyamanaplis
الَّذِينَ هُمْ فِي خَوْضٍ يَلْعَبُونَ ۝١٢
📖 Baalikan Ayat 12
So siran na sii ko ribat khikabibimban
يَوْمَ يُدَعُّونَ إِلَىٰ نَارِ جَهَنَّمَ دَعًّا ۝١٣
📖 Baalikan Ayat 13
Sii ko alongan a ipanaromag siran ko naraka Jahanam, sa mabasng a kapanaromag
هَٰذِهِ النَّارُ الَّتِي كُنتُم بِهَا تُكَذِّبُونَ ۝١٤
📖 Baalikan Ayat 14
(Tharoon kiran:) Giyai so apoy, a so piyakambokhag iyo skaniyan
أَفَسِحْرٌ هَٰذَا أَمْ أَنتُمْ لَا تُبْصِرُونَ ۝١٥
📖 Baalikan Ayat 15
Ino balik mata ini, antawaa skano i di phamakanono
اصْلَوْهَا فَاصْبِرُوا أَوْ لَا تَصْبِرُوا سَوَاءٌ عَلَيْكُمْ ۖ إِنَّمَا تُجْزَوْنَ مَا كُنتُمْ تَعْمَلُونَ ۝١٦
📖 Baalikan Ayat 16
Sombowi niyo skaniyan: Na phantang kano, antawaa di kano pphantang, na mlagid rkano. Aya bo a imbalas rkano na so pinggolawla niyo
إِنَّ الْمُتَّقِينَ فِي جَنَّاتٍ وَنَعِيمٍ ۝١٧
📖 Baalikan Ayat 17
Mataan! a so miyamananggila na sii ko manga sorga, go kadarandang
فَاكِهِينَ بِمَا آتَاهُمْ رَبُّهُمْ وَوَقَاهُمْ رَبُّهُمْ عَذَابَ الْجَحِيمِ ۝١٨
📖 Baalikan Ayat 18
A mabababaya siran sabap ko inibgay kiran o Kadnan iran; go piyakalidas siran o Kadnan iran ko siksa ko naraka Jahim
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ ۝١٩
📖 Baalikan Ayat 19
(Tharoon kiran:) Kang kano, go inom kano sa kapipiya ginawa, sabap ko pinggolawla niyo
مُتَّكِئِينَ عَلَىٰ سُرُرٍ مَّصْفُوفَةٍ ۖ وَزَوَّجْنَاهُم بِحُورٍ عِينٍ ۝٢٠
📖 Baalikan Ayat 20
Gii siran zasandasandang ko manga kantir a khirarantarn; go pakaphamangaromaan Ami siran sa manga tataid, a manga pipiya i kapmata
وَالَّذِينَ آمَنُوا وَاتَّبَعَتْهُمْ ذُرِّيَّتُهُم بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُم مِّنْ عَمَلِهِم مِّن شَيْءٍ ۚ كُلُّ امْرِئٍ بِمَا كَسَبَ رَهِينٌ ۝٢١
📖 Baalikan Ayat 21
Na so miyamaratiyaya, go tiyondog siran o manga moriyataw iran ko paratiyaya, - na pakiraot Ami siran ko manga moriyataw iran, go da a korangn Ami kiran ko galbk iran a mayto bo. Oman i isa a taw na sanda ko galbk iyan
وَأَمْدَدْنَاهُم بِفَاكِهَةٍ وَلَحْمٍ مِّمَّا يَشْتَهُونَ ۝٢٢
📖 Baalikan Ayat 22
Na phagomanan Ami siran sa onga, ago sapo, a pkhababayaan iran
يَتَنَازَعُونَ فِيهَا كَأْسًا لَّا لَغْوٌ فِيهَا وَلَا تَأْثِيمٌ ۝٢٣
📖 Baalikan Ayat 23
Gii siran roo ndadawaga sa inomn, a da a ilang on, go da a ikhadosa on
۞ وَيَطُوفُ عَلَيْهِمْ غِلْمَانٌ لَّهُمْ كَأَنَّهُمْ لُؤْلُؤٌ مَّكْنُونٌ ۝٢٤
📖 Baalikan Ayat 24
Go phlibtn siran o manga ngongoda iran, lagid o ba siran montiya a totongkopn
وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ ۝٢٥
📖 Baalikan Ayat 25
Go pphagadapn o sabaad kiran so sabaad, a pphamagizai siran
قَالُوا إِنَّا كُنَّا قَبْلُ فِي أَهْلِنَا مُشْفِقِينَ ۝٢٦
📖 Baalikan Ayat 26
Tharoon iran a: Mataan! a sktano na miyabaloy tano gowani ko zisii tano ko manga tonganay tano a maalk tano
فَمَنَّ اللَّهُ عَلَيْنَا وَوَقَانَا عَذَابَ السَّمُومِ ۝٢٧
📖 Baalikan Ayat 27
Na inikalimo tano o Allah, go piyakalidas tano Niyan ko siksa, a phakarobrob
إِنَّا كُنَّا مِن قَبْلُ نَدْعُوهُ ۖ إِنَّهُ هُوَ الْبَرُّ الرَّحِيمُ ۝٢٨
📖 Baalikan Ayat 28
Mataan! sktano na miyabaloy tano gowani a pphamangni tano Rkaniyan. Mataan! a Skaniyan na Skaniyan so Pphangompiya, a Makalimoon
فَذَكِّرْ فَمَا أَنتَ بِنِعْمَتِ رَبِّكَ بِكَاهِنٍ وَلَا مَجْنُونٍ ۝٢٩
📖 Baalikan Ayat 29
Na pphangthoma ka, ka sabap ko limo o Kadnan ka, na kna a ba ka paririmar, go di ka tataraponan
أَمْ يَقُولُونَ شَاعِرٌ نَّتَرَبَّصُ بِهِ رَيْبَ الْمَنُونِ ۝٣٠
📖 Baalikan Ayat 30
Kna, ka gi iran tharoon a: "Pababayok! Na daraan tano rkaniyan so phangababago o masa
قُلْ تَرَبَّصُوا فَإِنِّي مَعَكُم مِّنَ الْمُتَرَبِّصِينَ ۝٣١
📖 Baalikan Ayat 31
Tharoang ka: "Dadara kano, ka mataan! a sakn na pd iyo a pd ko khidadara
أَمْ تَأْمُرُهُمْ أَحْلَامُهُم بِهَٰذَا ۚ أَمْ هُمْ قَوْمٌ طَاغُونَ ۝٣٢
📖 Baalikan Ayat 32
Ba kiran aya sosogoon o manga gdagda iran; kna, ka siran na pagtaw a manga darowaka
أَمْ يَقُولُونَ تَقَوَّلَهُ ۚ بَل لَّا يُؤْمِنُونَ ۝٣٣
📖 Baalikan Ayat 33
Ino iran gii tharoa a: "Piyangmbaalan iyan aya a katharo?" Kna, ka di siran mapaparatiyaya
فَلْيَأْتُوا بِحَدِيثٍ مِّثْلِهِ إِن كَانُوا صَادِقِينَ ۝٣٤
📖 Baalikan Ayat 34
Na bgay siran sa tothol a lagid iyan, o siran i manga bnar
أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ ۝٣٥
📖 Baalikan Ayat 35
Ba siran miyaadn sa da a miyangadn, antawaa ba siran i miyangadn
أَمْ خَلَقُوا السَّمَاوَاتِ وَالْأَرْضَ ۚ بَل لَّا يُوقِنُونَ ۝٣٦
📖 Baalikan Ayat 36
Ba iran inadn so manga langit ago so lopa? Kna, ka di iran tatangkdn
أَمْ عِندَهُمْ خَزَائِنُ رَبِّكَ أَمْ هُمُ الْمُصَيْطِرُونَ ۝٣٧
📖 Baalikan Ayat 37
Ba kiran zisii so manga kakawasaan o Kadnan ka, antawaa ba siran i phamakabaas
أَمْ لَهُمْ سُلَّمٌ يَسْتَمِعُونَ فِيهِ ۖ فَلْيَأْتِ مُسْتَمِعُهُم بِسُلْطَانٍ مُّبِينٍ ۝٣٨
📖 Baalikan Ayat 38
Ba adn a towak iran (ko langit) a makapphamakin´g siran on? Na talingomaan o miyamamakin´g kiran i katantowan, a mapayag
أَمْ لَهُ الْبَنَاتُ وَلَكُمُ الْبَنُونَ ۝٣٩
📖 Baalikan Ayat 39
Ba aya rk Iyan na so manga wata a babay, na rk iyo so manga wata a mama
أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ ۝٤٠
📖 Baalikan Ayat 40
Na ba ka kiran pphangni sa sokay, na siran na phoon ko kapakambayadan na kappndan siran
أَمْ عِندَهُمُ الْغَيْبُ فَهُمْ يَكْتُبُونَ ۝٤١
📖 Baalikan Ayat 41
Ba kiran zisii so migagaib, na siran i pphamanorat on
أَمْ يُرِيدُونَ كَيْدًا ۖ فَالَّذِينَ كَفَرُوا هُمُ الْمَكِيدُونَ ۝٤٢
📖 Baalikan Ayat 42
Kna, ka aya antap iran na antangan a marata, na so miyamangongkir na siran i piyangakakaydan
أَمْ لَهُمْ إِلَٰهٌ غَيْرُ اللَّهِ ۚ سُبْحَانَ اللَّهِ عَمَّا يُشْرِكُونَ ۝٤٣
📖 Baalikan Ayat 43
Ba adn a tohan iran a salakaw ko Allah? Soti so Allah mawatan ko ipphanakoto iran
وَإِن يَرَوْا كِسْفًا مِّنَ السَّمَاءِ سَاقِطًا يَقُولُوا سَحَابٌ مَّرْكُومٌ ۝٤٤
📖 Baalikan Ayat 44
Na o makaylay siran sa sagintas ko langit a pkhawlog, na ptharoon iran a: "Gabon a thotorogan
فَذَرْهُمْ حَتَّىٰ يُلَاقُوا يَوْمَهُمُ الَّذِي فِيهِ يُصْعَقُونَ ۝٤٥
📖 Baalikan Ayat 45
Na botawaning ka siran, taman sa mimbaratmowa iran so alongan iran, a so khadaan siran on sa tanod
يَوْمَ لَا يُغْنِي عَنْهُمْ كَيْدُهُمْ شَيْئًا وَلَا هُمْ يُنصَرُونَ ۝٤٦
📖 Baalikan Ayat 46
Alongan a di kiran makanggay a gona so ikmat iran sa mayto bo, go di siran pangatatabangan
وَإِنَّ لِلَّذِينَ ظَلَمُوا عَذَابًا دُونَ ذَٰلِكَ وَلَٰكِنَّ أَكْثَرَهُمْ لَا يَعْلَمُونَ ۝٤٧
📖 Baalikan Ayat 47
Na mataan! a adn a bagian o siran a mindadarowaka, a siksa a salakaw roo, na ogaid na so kadaklan kiran na di iran katawan
وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ ۝٤٨
📖 Baalikan Ayat 48
Na phantang ka ko kokoman o Kadnan ka; ka mataan! a ska na sii ko manga kaylay Ami: Go pthasbikn ka so podi o Kadnan ka, ko wakto a kangganat ka
وَمِنَ اللَّيْلِ فَسَبِّحْهُ وَإِدْبَارَ النُّجُومِ ۝٤٩
📖 Baalikan Ayat 49
Go sii ko kagagawii na pthasbik ka Rkaniyan, go so kapamakasdp o manga bitoon
← 51 At-Tur (52/114) 53 →
Batiya Surah At-Tur Maranao – Baalikan ago Kadngug

52الطور At-Tur 📚 49 Ayat مكية

Ayat sa ayat – Surah At-Tur — 49 Ayat


📚 Qur-an a Soti 🎧 Pamakin'eg mp3 ⬇ Quran mp3 📚 Kalis o Qur-an


Qur-an a Soti
Tuesday, August 18, 2026

Don't forget us in your sincere prayers