სურა ატ-ტური არაბულად და ქართულად

წაიკითხეთ სურა ატ-ტური სრული ქართული თარგმანით, გამოთქმით და აუდიო წაკითხვით. თითოეული აიათის მნიშვნელობა. (49 აია — مكية). ატ-ტური მოსმენა, ატ-ტური თარგმანი, ატ-ტური mp3, ატ-ტური pdf.

სურა ატ-ტური წაკითხვა და მოსმენა

🎧 აია
M Mishary Rashid Alafasy ✓
M Mahmoud Khalil Al-Husary ✓
A Abdurrahman As-Sudais ✓
M Mohamed Siddiq Al-Minshawi ✓
A Abdul Basit Abdul Samad ✓
A Ali Al-Hudhaify ✓
A Ahmed ibn Ali al-Ajamy ✓
A Abu Bakr Ash-Shaatree ✓
M Muhammad Ayyoub ✓
A Abdullah Basfar ✓
A Abdullah Al-Juhani ✓
M Maher Al Muaiqly ✓
—
x1
وَالطُّورِ ۝١
📖 თარგმანი აია 1
ვფიცავ ტურის მთას! (რომელზეც წინასწარმეტყველმა მუსამ ყოვლისშემძლე ალლაჰთან ილაპარაკა)
وَكِتَابٍ مَّسْطُورٍ ۝٢
📖 თარგმანი აია 2
და წიგნს (ყურანს), დაწერილს.
فِي رَقٍّ مَّنشُورٍ ۝٣
📖 თარგმანი აია 3
გაშლილ გრაგნილზე (რომელსაც კითხულობენ),
وَالْبَيْتِ الْمَعْمُورِ ۝٤
📖 თარგმანი აია 4
და სახლს, რომელსაც სტუმრობენ ,
وَالسَّقْفِ الْمَرْفُوعِ ۝٥
📖 თარგმანი აია 5
და ამაღლებულ ჭერს [ყველაზე ახლოს მყოფი ცა – სამყარო],
وَالْبَحْرِ الْمَسْجُورِ ۝٦
📖 თარგმანი აია 6
და ზღვას აღვსებულს.
إِنَّ عَذَابَ رَبِّكَ لَوَاقِعٌ ۝٧
📖 თარგმანი აია 7
ჭეშმარიტად, შენი უფლის სასჯელი (ო, შუამავალო) (რომელიც ურწმუნოებს დაჰპირდი) უეჭველად დადგება.
مَّا لَهُ مِن دَافِعٍ ۝٨
📖 თარგმანი აია 8
არაა (არანაირი ძალა) მისი ამრიდებელი
يَوْمَ تَمُورُ السَّمَاءُ مَوْرًا ۝٩
📖 თარგმანი აია 9
იმ დღეს, როცა ცა ძლიერ შეიძვრება (ნიშნად იმისა, რომ ეს ქვეყანა დასასრულს მიუახლოვდა)
وَتَسِيرُ الْجِبَالُ سَيْرًا ۝١٠
📖 თარგმანი აია 10
და მთები დაიწყებენ მოძრაობას (ღრუბლებივით).
فَوَيْلٌ يَوْمَئِذٍ لِّلْمُكَذِّبِينَ ۝١١
📖 თარგმანი აია 11
ვაი, იმ დღეს იმათთვის, ვინც სიცრუედ შერაცხავდა,
الَّذِينَ هُمْ فِي خَوْضٍ يَلْعَبُونَ ۝١٢
📖 თარგმანი აია 12
რომელნიც ცრუსიტყვაობაში ერთობიან (და არ ადარდებთ, და არც სწამთ ხელმეორედ გაცოცხლებისა).
يَوْمَ يُدَعُّونَ إِلَىٰ نَارِ جَهَنَّمَ دَعًّا ۝١٣
📖 თარგმანი აია 13
იმ დღეს, როცა მათ ჯოჯოხეთის ცეცხლში უხეშად შეყრიან.
هَٰذِهِ النَّارُ الَّتِي كُنتُم بِهَا تُكَذِّبُونَ ۝١٤
📖 თარგმანი აია 14
(და ეთქმებათ მათ): «ეს არის ცეცხლი, რომელსაც უარყოფდით».
أَفَسِحْرٌ هَٰذَا أَمْ أَنتُمْ لَا تُبْصِرُونَ ۝١٥
📖 თარგმანი აია 15
ნუთუ ეს ჯადოქრობაა, თუ თქვენ ვერ ხედავთ?
اصْلَوْهَا فَاصْبِرُوا أَوْ لَا تَصْبِرُوا سَوَاءٌ عَلَيْكُمْ ۖ إِنَّمَا تُجْزَوْنَ مَا كُنتُمْ تَعْمَلُونَ ۝١٦
📖 თარგმანი აია 16
(და ეტყვიან მათ): «დაიწვით მასში! მოითმენთ თუ არა, სულ ერთია. თქვენ მხოლოდ იმის მიხედვით მიიღებთ საზღაურს, რასაც (დედამიწაზე ცხოვრებისას) აკეთებდით».
إِنَّ الْمُتَّقِينَ فِي جَنَّاتٍ وَنَعِيمٍ ۝١٧
📖 თარგმანი აია 17
უეჭველად, ღვთისმოშიშნი (აღმოჩნდებიან) სამოთხეებსა და ნეტარებაში.
فَاكِهِينَ بِمَا آتَاهُمْ رَبُّهُمْ وَوَقَاهُمْ رَبُّهُمْ عَذَابَ الْجَحِيمِ ۝١٨
📖 თარგმანი აია 18
დატკბებიან იმით, რასაც უფალი უბოძებთ მათ. და უფალმა იხსნა ისინი ჯოჯოხეთის ტანჯვისაგან.
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ ۝١٩
📖 თარგმანი აია 19
(მათ ეტყვიან): «ჭამეთ და სვით ნეტარებით თქვენი ნამოქმედარის გამო».
مُتَّكِئِينَ عَلَىٰ سُرُرٍ مَّصْفُوفَةٍ ۖ وَزَوَّجْنَاهُم بِحُورٍ عِينٍ ۝٢٠
📖 თარგმანი აია 20
ისინი მიწოლილნი იქნებიან მწკრივად გაწყობილ ტახტებზე და ჩვენ შევაუღლებთ მათ თვალმშვენიერ ჰურიებს.
وَالَّذِينَ آمَنُوا وَاتَّبَعَتْهُمْ ذُرِّيَّتُهُم بِإِيمَانٍ أَلْحَقْنَا بِهِمْ ذُرِّيَّتَهُمْ وَمَا أَلَتْنَاهُم مِّنْ عَمَلِهِم مِّن شَيْءٍ ۚ كُلُّ امْرِئٍ بِمَا كَسَبَ رَهِينٌ ۝٢١
📖 თარგმანი აია 21
და რომელთაც ირწმუნეს და მათი შვილები რწმენაში მათ მიჰყვნენ, – ჩვენ მათ [მორწმუნე მშობლებს] (სამოთხეში) შევუერთებთ მათ შვილებს და არ შევამცირებთ მათ საქმეებს [მშობლების საზღაურს] თუნდაც მცირედით. ყოველი ადამიანი თავისი ნამოქმედარის მძევალია.
وَأَمْدَدْنَاهُم بِفَاكِهَةٍ وَلَحْمٍ مِّمَّا يَشْتَهُونَ ۝٢٢
📖 თარგმანი აია 22
და ჩვენ დავამატეთ მათ (კიდევ უფრო მეტი) ნაყოფი და ხორცი, რა სახისაც არ უნდა მოესურვებინათ.
يَتَنَازَعُونَ فِيهَا كَأْسًا لَّا لَغْوٌ فِيهَا وَلَا تَأْثِيمٌ ۝٢٣
📖 თარგმანი აია 23
იქ ისინი ერთმანეთს ფიალას გაუწვდიან (ზეციური ღვინით) – ამით [ამ ღვინით] არც ფუჭსიტყვაობა იქნება და არც ცოდვისკენ წაქეზება.
۞ وَيَطُوفُ عَلَيْهِمْ غِلْمَانٌ لَّهُمْ كَأَنَّهُمْ لُؤْلُؤٌ مَّكْنُونٌ ۝٢٤
📖 თარგმანი აია 24
და გარს შემოუვლიან მათ ჭაბუკნი, (რომლებიც თავიანთი სილამაზითა და სიწმინდით) ჰგვანან მარგალიტებს, შენახულს (საზღვაო ნიჟარაში).
وَأَقْبَلَ بَعْضُهُمْ عَلَىٰ بَعْضٍ يَتَسَاءَلُونَ ۝٢٥
📖 თარგმანი აია 25
და ისინი ერთმანეთს მიუბრუნდებიან და შეკითხვებს დაუსვამენ, (როგორ დაიმსახურეს ალლაჰისგან ასეთი საზღაური)
قَالُوا إِنَّا كُنَّا قَبْلُ فِي أَهْلِنَا مُشْفِقِينَ ۝٢٦
📖 თარგმანი აია 26
ისინი უპასუხებენ: «ჭეშმარიტად, ჩვენ გვეშინოდა (ალლაჰის სასჯელის), როდესაც ჩვენს ოჯახებთან ერთად ვიყავით [ჩვენს მიწიერ ცხოვრებაში].
فَمَنَّ اللَّهُ عَلَيْنَا وَوَقَانَا عَذَابَ السَّمُومِ ۝٢٧
📖 თარგმანი აია 27
მაგრამ ალლაჰმა შეგვიწყალა და გვიხსნა მწველი ქარის ტანჯვისგან (ჯოჯოხეთის ცეცხლისგან).
إِنَّا كُنَّا مِن قَبْلُ نَدْعُوهُ ۖ إِنَّهُ هُوَ الْبَرُّ الرَّحِيمُ ۝٢٨
📖 თარგმანი აია 28
ჭეშმარიტად, ჩვენ წინათ ვთხოვდით მას (რომ დავეცვეთ ჯოჯოხეთის სასჯელისგან და მოენიჭებინა ჩვენთვის სამოთხის ნეტარება); რადგან ის ჭეშმარიტად, კეთილისმყოფელი, შემწყალებელია!»
فَذَكِّرْ فَمَا أَنتَ بِنِعْمَتِ رَبِّكَ بِكَاهِنٍ وَلَا مَجْنُونٍ ۝٢٩
📖 თარგმანი აია 29
და შეახსენე მათ (ყურანით) (რომელთა მიმართაც შენ ხარ გაგზავნილი, ო, შუამავალო)! და შენ (ო, შუამავალო), შენი უფლის წყალობით, არც მკითხავი ხარ და არც შეშლილი.
أَمْ يَقُولُونَ شَاعِرٌ نَّتَرَبَّصُ بِهِ رَيْبَ الْمَنُونِ ۝٣٠
📖 თარგმანი აია 30
ან ისინი ამბობენ (შენზე, ო, მოციქულო): «(დიახ, ის მხოლოდ) პოეტია – მოვიცადოთ მისი ბედის ცვლილებას [როდესაც მოკვდება და დავისვენებთ მისგან]».
قُلْ تَرَبَّصُوا فَإِنِّي مَعَكُم مِّنَ الْمُتَرَبِّصِينَ ۝٣١
📖 თარგმანი აია 31
უთხარი: «დაელოდეთ (ჩემს სიკვდილს), ჭეშმარიტად, მეც თქვენთან ერთად ვარ მომლოდინეთა შორის [დაველოდები, სანამ ალლაჰის სასჯელი დაგატყდებათ თქვენი ურწმუნოების გამო]!»
أَمْ تَأْمُرُهُمْ أَحْلَامُهُم بِهَٰذَا ۚ أَمْ هُمْ قَوْمٌ طَاغُونَ ۝٣٢
📖 თარგმანი აია 32
ან (იქნებ) მათი გონება უბრძანებს მათ, რომ ასე მოიქცნენ, ან (შესაძლოა) ისინი არიან ადამიანები, რომლებიც ზღვარს გადავიდნენ (ალლაჰისადმი ურჩობაში)?
أَمْ يَقُولُونَ تَقَوَّلَهُ ۚ بَل لَّا يُؤْمِنُونَ ۝٣٣
📖 თარგმანი აია 33
ან (ისინი) ამბობენ: «მან [მუჰამმადმა] ის [ყურანი] (თავად) გამოიგონა!» მაგრამ მათ არ სწამთ (ალლაჰისა და მის მიერ გაგზავნილი შუამავლის)!
فَلْيَأْتُوا بِحَدِيثٍ مِّثْلِهِ إِن كَانُوا صَادِقِينَ ۝٣٤
📖 თარგმანი აია 34
დაე, მოიტანონ ამის მსგავსი თხრობა [ყურანი], თუ მართლები არიან (თავიანთ მტკიცებულებებში)!
أَمْ خُلِقُوا مِنْ غَيْرِ شَيْءٍ أَمْ هُمُ الْخَالِقُونَ ۝٣٥
📖 თარგმანი აია 35
ან (ნუთუ) ისინი არაფრისგან [შემოქმედის გარეშე] შეიქმნენ, ან თავად არიან საკუთარი თავის შემოქმედნი?
أَمْ خَلَقُوا السَّمَاوَاتِ وَالْأَرْضَ ۚ بَل لَّا يُوقِنُونَ ۝٣٦
📖 თარგმანი აია 36
ან (იქნებ) მათ შექმნეს ცა და მიწა?! მაგრამ მათ არ სწამთ (ჭეშმარიტებისა: არც სამოთხის, და არც ჯოჯოხეთის)!
أَمْ عِندَهُمْ خَزَائِنُ رَبِّكَ أَمْ هُمُ الْمُصَيْطِرُونَ ۝٣٧
📖 თარგმანი აია 37
ან (განა) მათთანაა შენი ღმერთის საგანძურები, ან ისინი არიან განმგებელნი?
أَمْ لَهُمْ سُلَّمٌ يَسْتَمِعُونَ فِيهِ ۖ فَلْيَأْتِ مُسْتَمِعُهُم بِسُلْطَانٍ مُّبِينٍ ۝٣٨
📖 თარგმანი აია 38
ან იქნებ მათ აქვთ კიბე (რომლითაც ზეცაში ადიან და) ისმენენ (ანგელოზთა სიტყვებს)? მათ შორის, ვინც ისმენს, მოვიდეს ცხადი მტკიცებულებით (რომელიც მათ სიმართლეზე მიუთითებს).
أَمْ لَهُ الْبَنَاتُ وَلَكُمُ الْبَنُونَ ۝٣٩
📖 თარგმანი აია 39
თუ მას [ალლაჰს] ჰყავს ქალიშვილები, თქვენ კი (ო, მრავალღმერთიანებო) — ვაჟები?
أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ ۝٤٠
📖 თარგმანი აია 40
ან იქნებ საზღაურს სთხოვ მათ (ალლაჰისგან ჭეშმარიტების მოტანისთვის), და ისინი ვალით არიან დამძიმებულნი?
أَمْ عِندَهُمُ الْغَيْبُ فَهُمْ يَكْتُبُونَ ۝٤١
📖 თარგმანი აია 41
ან მათ უხილავის (ცოდნა) აქვთ და ამას (ხალხისთვის) იწერენ (და ამცნობენ)?
أَمْ يُرِيدُونَ كَيْدًا ۖ فَالَّذِينَ كَفَرُوا هُمُ الْمَكِيدُونَ ۝٤٢
📖 თარგმანი აია 42
ან იქნებ ხრიკის მოწყობა სურთ? მაგრამ ურწმუნოებს მათი ხრიკი მათვე დაუბრუნდებათ.
أَمْ لَهُمْ إِلَٰهٌ غَيْرُ اللَّهِ ۚ سُبْحَانَ اللَّهِ عَمَّا يُشْرِكُونَ ۝٤٣
📖 თარგმანი აია 43
თუ მათ ალლაჰის გარდა სხვა ღმერთი ჰყავთ? დიდებულია ალლაჰი ყოველივეზე, რასაც მას [ურწმუნოები] მიაწერენ!
وَإِن يَرَوْا كِسْفًا مِّنَ السَّمَاءِ سَاقِطًا يَقُولُوا سَحَابٌ مَّرْكُومٌ ۝٤٤
📖 თარგმანი აია 44
და თუ ისინი იხილავენ (უზარმაზარ) ნატეხს, რომელიც ციდან (მათ დასასჯელად) ჩამოვარდება, იტყვიან: «(ეს მხოლოდ) ერთმანეთზე შექუჩებული ღრუბლებია!»
فَذَرْهُمْ حَتَّىٰ يُلَاقُوا يَوْمَهُمُ الَّذِي فِيهِ يُصْعَقُونَ ۝٤٥
📖 თარგმანი აია 45
დატოვე ისინი (ო, შუამავალო) იმ დღემდე, როდესაც მათ თავს დაატყდებათ (ელვის დარტყმასავით) [სიკვდილის დღე].
يَوْمَ لَا يُغْنِي عَنْهُمْ كَيْدُهُمْ شَيْئًا وَلَا هُمْ يُنصَرُونَ ۝٤٦
📖 თარგმანი აია 46
იმ დღეს, როცა ვერაფერს არგებთ მათ მათივე ხრიკი და არც შეწევნა ექნებათ.
وَإِنَّ لِلَّذِينَ ظَلَمُوا عَذَابًا دُونَ ذَٰلِكَ وَلَٰكِنَّ أَكْثَرَهُمْ لَا يَعْلَمُونَ ۝٤٧
📖 თარგმანი აია 47
და უეჭველად, უსამართლოთათვის არის სასჯელი ამის გარდა, მაგრამ მათმა უმრავლესობამ არ უწყის.
وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ وَسَبِّحْ بِحَمْدِ رَبِّكَ حِينَ تَقُومُ ۝٤٨
📖 თარგმანი აია 48
და მოითმინე (ო, მუჰამმად) შენი უფლის გადაწყვეტილებამდე! რადგან, ჭეშმარიტად, შენ ჩვენს თვალწინ ხარ. და განადიდე შენი უფალი, მისი ქებით (ყოველთვის) როდესაც წამოდგები!
وَمِنَ اللَّيْلِ فَسَبِّحْهُ وَإِدْبَارَ النُّجُومِ ۝٤٩
📖 თარგმანი აია 49
და განადიდე იგი [ალლაჰი] ღამის ერთ-ერთ ნაწილში და როდესაც ვარსკვლავები გაქრებიან (განთიადზე).
← 51 ატ-ტური (52/114) 53 →
წაკითხვა სურა ატ-ტური ქართულად – თარგმანი და აუდიო

52الطور At-Tur 📚 49 აია مكية

აიათები – სურა ატ-ტური — 49 აია


📚 წმინდა ყურანი 🎧 მოსმენა mp3 ⬇ Quran mp3 📚 ყურანის საძიებელი


წმინდა ყურანი
Tuesday, August 18, 2026

Don't forget us in your sincere prayers