Akriya Suurat Ad-Dukhan Qafar Afat – Tarjumaan kee Xasiisi

حم ۝١

📖 Tarjumaan Aayat 1

Caa-Miim- (edde faxem Yalli yaaxige)

وَالْكِتَابِ الْمُبِينِ ۝٢

📖 Tarjumaan Aayat 2

Yalli baxxaqqa-le kitaabal xiibiteh (Qhuraan kinnuk)

إِنَّا أَنزَلْنَاهُ فِي لَيْلَةٍ مُّبَارَكَةٍ ۚ إِنَّا كُنَّا مُنذِرِينَ ۝٣

📖 Tarjumaan Aayat 3

Diggah Nanu kaa oobisneh barkat-le barat (leylatul kadri bar), diggah Nanu meesiisá (kadisa) kinninoomul (Qhuraanal)

فِيهَا يُفْرَقُ كُلُّ أَمْرٍ حَكِيمٍ ۝٤

📖 Tarjumaan Aayat 4

Woo barih (leylatil kadri baray ramadaan barittek barak teynat geytima kinnuk) addat ummaan caagidiy karriqqa-le meklima

أَمْرًا مِّنْ عِندِنَا ۚ إِنَّا كُنَّا مُرْسِلِينَ ۝٥

📖 Tarjumaan Aayat 5

Tamah Ni-xaquuk yan caagidi, diggah Nanu farmoytit ruubá kinnino

رَحْمَةً مِّن رَّبِّكَ ۚ إِنَّهُ هُوَ السَّمِيعُ الْعَلِيمُ ۝٦

📖 Tarjumaan Aayat 6

Tamah ku-Rabbik xuwaawa nabiyow, diggah usuk yaabbi, yaaxigi

رَبِّ السَّمَاوَاتِ وَالْأَرْضِ وَمَا بَيْنَهُمَا ۖ إِن كُنتُم مُّوقِنِينَ ۝٧

📖 Tarjumaan Aayat 7

Qaranwaa kee baaxooy, ken nammayih fanal taniimih Rabbi kinni nummah yasmite mara tekkeenik

لَا إِلَٰهَ إِلَّا هُوَ يُحْيِي وَيُمِيتُ ۖ رَبُّكُمْ وَرَبُّ آبَائِكُمُ الْأَوَّلِينَ ۝٨

📖 Tarjumaan Aayat 8

Yallak sah cakkil yaqbuden Yalli mayan Usuk yaynuwweeh qidaah sin Rabbiiy, siinik naharsi abbobtih Rabbi kinnik kaa inkittoysaay kaa uqbuda sinaamey

بَلْ هُمْ فِي شَكٍّ يَلْعَبُونَ ۝٩

📖 Tarjumaan Aayat 9

Tonna hinnay usun (koros kinnuk) cakkik agay-waagah addat anuk digran

فَارْتَقِبْ يَوْمَ تَأْتِي السَّمَاءُ بِدُخَانٍ مُّبِينٍ ۝١٠

📖 Tarjumaan Aayat 10

Toysa keenih qambal nabiyow qaran qeltu (qellu) sinni qer baahuwaa saaku

يَغْشَى النَّاسَ ۖ هَٰذَا عَذَابٌ أَلِيمٌ ۝١١

📖 Tarjumaan Aayat 11

Woo qer sinam buulaah, tah qansarissa digaalá keenik iyyan

رَّبَّنَا اكْشِفْ عَنَّا الْعَذَابَ إِنَّا مُؤْمِنُونَ ۝١٢

📖 Tarjumaan Aayat 12

Ni-Rabbow digaalá nek kal, diggah nanu aaminenno digaalá nek kaltek iyyan

أَنَّىٰ لَهُمُ الذِّكْرَىٰ وَقَدْ جَاءَهُمْ رَسُولٌ مُّبِينٌ ۝١٣

📖 Tarjumaan Aayat 13

Yallih digaalá keenil obtek wadir kassit anninnal keenih yakkeeh nummah baxxaqqa iyya farmoytay (Nabii Mucammad åz;afeio kinnuk) baxxaqqa iyya diinil rubsume keenih amaatuk

ثُمَّ تَوَلَّوْا عَنْهُ وَقَالُوا مُعَلَّمٌ مَّجْنُونٌ ۝١٤

📖 Tarjumaan Aayat 14

Tohuk wadir derre kaat cabeeniih (koros kinnuk), usuk farmoyta hinna seehada barisse cabulikkal kaak iyyen

إِنَّا كَاشِفُو الْعَذَابِ قَلِيلًا ۚ إِنَّكُمْ عَائِدُونَ ۝١٥

📖 Tarjumaan Aayat 15

Diggaluk Nanu digaalá dagooh gide fayya siinik heenno immay, diggah isin edde sugten koroosannuh aduuretton

يَوْمَ نَبْطِشُ الْبَطْشَةَ الْكُبْرَىٰ إِنَّا مُنتَقِمُونَ ۝١٦

📖 Tarjumaan Aayat 16

Nabiyow kassis koros inkih kaxxa digaaláh edde digaallu waynaah, diggah nanu cane keenil edde gacisnu wayna ayró. (qhħiyaamah ayró kinnuk)

۞ وَلَقَدْ فَتَنَّا قَبْلَهُمْ قَوْمَ فِرْعَوْنَ وَجَاءَهُمْ رَسُولٌ كَرِيمٌ ۝١٧

📖 Tarjumaan Aayat 17

Nummah keenik (Makki koros kinnuk) duma firqawnaa kee firqawni mara niqiyyireeh massakaxxa-le farmoyti keenih yemeete (Nabii Muusa kinnuk)

أَنْ أَدُّوا إِلَيَّ عِبَادَ اللَّهِ ۖ إِنِّي لَكُمْ رَسُولٌ أَمِينٌ ۝١٨

📖 Tarjumaan Aayat 18

Nabii Muusa Yallih naqoosa yol tabisa diggah anu siinih amaanat-le farmoyta kinniyok keenik iyye

وَأَن لَّا تَعْلُوا عَلَى اللَّهِ ۖ إِنِّي آتِيكُم بِسُلْطَانٍ مُّبِينٍ ۝١٩

📖 Tarjumaan Aayat 19

Kaadu Yallal makaxxa-mariinitina, diggaluk anu baxxaqqa-le sumaq siinih baaheyyo kay farmoyta kinniyoomuh

وَإِنِّي عُذْتُ بِرَبِّي وَرَبِّكُمْ أَن تَرْجُمُونِ ۝٢٠

📖 Tarjumaan Aayat 20

Kaadu anu diggaluk yi-Rabbiiy sin- Rabbi kinni Rabbi eleelita xeetit yoo qiddaanamak

وَإِن لَّمْ تُؤْمِنُوا لِي فَاعْتَزِلُونِ ۝٢١

📖 Tarjumaan Aayat 21

Kaadu yoo nummayse wayteenik, toysa anay yoo ixxicaay, adá yoo abtaanamak yok exxeera

فَدَعَا رَبَّهُ أَنَّ هَٰؤُلَاءِ قَوْمٌ مُّجْرِمُونَ ۝٢٢

📖 Tarjumaan Aayat 22

Tokkel Nabii Muusa isi Rabbih seeceh firqawnaa kee firqawni mara kaa dirabbosse waqdi, diggah a-mari uma maray Yallal koroosite axcuk

فَأَسْرِ بِعِبَادِي لَيْلًا إِنَّكُم مُّتَّبَعُونَ ۝٢٣

📖 Tarjumaan Aayat 23

Toysa Muusaw yi-naqoosak koo nummayse mara barat kuulus, diggah firqawnaa kee firqawni mari sin katayeloonuk kaak iyye Yalli

وَاتْرُكِ الْبَحْرَ رَهْوًا ۖ إِنَّهُمْ جُندٌ مُّغْرَقُونَ ۝٢٤

📖 Tarjumaan Aayat 24

Kaadu bad baxsimit edde cab saayah anuk, diggah usun macaxuy badat yanxuqsumuwaa kinnoonuk kaak iyye Yalli

كَمْ تَرَكُوا مِن جَنَّاتٍ وَعُيُونٍ ۝٢٥

📖 Tarjumaan Aayat 25

Makinam cabeeniih firqawnaa kee firqawni mari busaatin kee daroorik badat finqiteeniik lakal

وَزُرُوعٍ وَمَقَامٍ كَرِيمٍ ۝٢٦

📖 Tarjumaan Aayat 26

Kaadu usun buqreeraa kee meqé aroocak makinam cabeeniih

وَنَعْمَةٍ كَانُوا فِيهَا فَاكِهِينَ ۝٢٧

📖 Tarjumaan Aayat 27

Kaadu niqmatittey ruffu edde axcuk sugeenik makinam caben

كَذَٰلِكَ ۖ وَأَوْرَثْنَاهَا قَوْمًا آخَرِينَ ۝٢٨

📖 Tarjumaan Aayat 28

Tonnaah, aki-mara tet (niqmatitte kinnuk) nagarsisne (israa-iil xaylo kinnuk)

فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنظَرِينَ ۝٢٩

📖 Tarjumaan Aayat 29

Tokkel qaran kee baaxó keenih (firqawnaa kee firqawni mara kinnuk) maweeqinnaay, digaalák mohlá kah yeceen mara makkon

وَلَقَدْ نَجَّيْنَا بَنِي إِسْرَائِيلَ مِنَ الْعَذَابِ الْمُهِينِ ۝٣٠

📖 Tarjumaan Aayat 30

Yalli nummah xiibiteh israa-iil xaylo rammissah tan digaalák ken naggoyseemil

مِن فِرْعَوْنَ ۚ إِنَّهُ كَانَ عَالِيًا مِّنَ الْمُسْرِفِينَ ۝٣١

📖 Tarjumaan Aayat 31

Yalli Firqawni keenit abak suge digaalák ken cateh. Diggaluk usuk (firqawna kinnuk) jabbiiriy nacrur sinniy kaxxa-mariinoh caddok taturleelat yanik suge

وَلَقَدِ اخْتَرْنَاهُمْ عَلَىٰ عِلْمٍ عَلَى الْعَالَمِينَ ۝٣٢

📖 Tarjumaan Aayat 32

Yalli nummah xiibiteh israa-iil xaylo ken waktih marak aaxaguk ken doorre axcuk

وَآتَيْنَاهُم مِّنَ الْآيَاتِ مَا فِيهِ بَلَاءٌ مُّبِينٌ ۝٣٣

📖 Tarjumaan Aayat 33

Kaadu keenih neceeh astootik baxxaqqa- le aqayyaare edde tanim Nabii Muusâ gabal

إِنَّ هَٰؤُلَاءِ لَيَقُولُونَ ۝٣٤

📖 Tarjumaan Aayat 34

Diggaluk nabiyow a-mari (Makki koros kinnuk) iyyah

إِنْ هِيَ إِلَّا مَوْتَتُنَا الْأُولَىٰ وَمَا نَحْنُ بِمُنشَرِينَ ۝٣٥

📖 Tarjumaan Aayat 35

Rabi mayan addunyal abne naharsi raba akke waytek, kaadu nanu rabneek lakal ugsuma mara hinnino qhiyaamah ayró

فَأْتُوا بِآبَائِنَا إِن كُنتُمْ صَادِقِينَ ۝٣٦

📖 Tarjumaan Aayat 36

Toysa Mucammadow koo kee kol yeemene mara ni-abbobtiy rabte baahay, ittaanamal numma-le mara tekkeenik iyyan

أَهُمْ خَيْرٌ أَمْ قَوْمُ تُبَّعٍ وَالَّذِينَ مِن قَبْلِهِمْ ۚ أَهْلَكْنَاهُمْ ۖ إِنَّهُمْ كَانُوا مُجْرِمِينَ ۝٣٧

📖 Tarjumaan Aayat 37

Caylah usun (Makki koros kinnuk) yayseeni innaa? hinnay Tubbaq maraa kee keenik naharat suge mari yaysee? ken finqisnehik diggah usun umá marah sugeenimih sabbatah

وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا لَاعِبِينَ ۝٣٨

📖 Tarjumaan Aayat 38

Qaranwaa kee baaxooy, ken nammayih fanal tanim digirih ma- gininnino iyye Yalli

مَا خَلَقْنَاهُمَا إِلَّا بِالْحَقِّ وَلَٰكِنَّ أَكْثَرَهُمْ لَا يَعْلَمُونَ ۝٣٩

📖 Tarjumaan Aayat 39

Ken nammay (qaranwaa kee baaxó kinnuk) ma-gininnino cakkil ken ginnem akke waytek, kinnih immay keenik (koros kinnuk) maggo mari woh mayaaxiga

إِنَّ يَوْمَ الْفَصْلِ مِيقَاتُهُمْ أَجْمَعِينَ ۝٤٠

📖 Tarjumaan Aayat 40

Diggah meklah ayró (Qhiyaamah ayró kinnuk) inkih keenik xagni ayró

يَوْمَ لَا يُغْنِي مَوْلًى عَن مَّوْلًى شَيْئًا وَلَا هُمْ يُنصَرُونَ ۝٤١

📖 Tarjumaan Aayat 41

Woh xayni-xaynah tu-xiqewaah, kataysa-kataysah tu-xiqewaa ayroóy, usun ken cattam malon

إِلَّا مَن رَّحِمَ اللَّهُ ۚ إِنَّهُ هُوَ الْعَزِيزُ الرَّحِيمُ ۝٤٢

📖 Tarjumaan Aayat 42

Yalli kah racmate num akke waytek (moomintu kinnuk), diggaluk yalli mayso-li, xuwaw-li

إِنَّ شَجَرَتَ الزَّقُّومِ ۝٤٣

📖 Tarjumaan Aayat 43

Diggah Zaqhqhuum deqsitta caxáy Jahannamak addak tawqe

طَعَامُ الْأَثِيمِ ۝٤٤

📖 Tarjumaan Aayat 44

Tet mexexi kaxxa-dambi-li (korosta kinnuk) maaqó

كَالْمُهْلِ يَغْلِي فِي الْبُطُونِ ۝٤٥

📖 Tarjumaan Aayat 45

Eelisen (diyaayisen) nacaasih innah ken (koros kinnuk) bagul faca (goomaaxa)

كَغَلْيِ الْحَمِيمِ ۝٤٦

📖 Tarjumaan Aayat 46

Niqna kak caddok taturte leeh faciyyih innah faca ken bagul

خُذُوهُ فَاعْتِلُوهُ إِلَىٰ سَوَاءِ الْجَحِيمِ ۝٤٧

📖 Tarjumaan Aayat 47

A-kaxxa dambiliy umeynah yani ibbixaay, hirriigisak kaa beya jaciim deqsitta girák gudê fan, iyyan malaykak

ثُمَّ صُبُّوا فَوْقَ رَأْسِهِ مِنْ عَذَابِ الْحَمِيمِ ۝٤٨

📖 Tarjumaan Aayat 48

Tohuk wadir amok kaal caxa niqná kak caddok taturte leeh digaalá

ذُقْ إِنَّكَ أَنتَ الْعَزِيزُ الْكَرِيمُ ۝٤٩

📖 Tarjumaan Aayat 49

Tammos tama digaalá, diggaluk atu mayso-le konnaba-li kinnitok kaak iyyan anqasah

إِنَّ هَٰذَا مَا كُنتُم بِهِ تَمْتَرُونَ ۝٥٠

📖 Tarjumaan Aayat 50

Diggaluk tamah agay-waaga kak luk sugten digaalák, tammoysa tet asaaku keenik iyyan

إِنَّ الْمُتَّقِينَ فِي مَقَامٍ أَمِينٍ ۝٥١

📖 Tarjumaan Aayat 51

Diggaluk Yallak meesita mari saayah (amaanah) yan aracal yanin

فِي جَنَّاتٍ وَعُيُونٍ ۝٥٢

📖 Tarjumaan Aayat 52

Jannootaa kee daroorih addal yanin

يَلْبَسُونَ مِن سُندُسٍ وَإِسْتَبْرَقٍ مُّتَقَابِلِينَ ۝٥٣

📖 Tarjumaan Aayat 53

Sarak ‘Sundus’ deqsita cariiriy xabcinii kee ‘Istabraqh’ deqsita cariiriy gibdi saritan sittâ fan afkanuk

كَذَٰلِكَ وَزَوَّجْنَاهُم بِحُورٍ عِينٍ ۝٥٤

📖 Tarjumaan Aayat 54

Tonnaah kaadu Jannatti agabuy ‘curral-qeyni’ deqsita keenih rihmisne

يَدْعُونَ فِيهَا بِكُلِّ فَاكِهَةٍ آمِنِينَ ۝٥٥

📖 Tarjumaan Aayat 55

Kay addal caxâ mixuk kulli qaynat esseritan keenik yaggiriqqeeh yanbaxeemih meesik amaanah anuk (saayah anuk)

لَا يَذُوقُونَ فِيهَا الْمَوْتَ إِلَّا الْمَوْتَةَ الْأُولَىٰ ۖ وَوَقَاهُمْ عَذَابَ الْجَحِيمِ ۝٥٦

📖 Tarjumaan Aayat 56

Jannat addal raba ma-tammoysan (Yallak meesitta moominiin kinnuk) naharsi rabay addunyal tammoyseeni akke waytek. Kaadu Yalli Jaciim deqsitta giráh digaalák ken catah

فَضْلًا مِّن رَّبِّكَ ۚ ذَٰلِكَ هُوَ الْفَوْزُ الْعَظِيمُ ۝٥٧

📖 Tarjumaan Aayat 57

Woo mattaccoo ku-Rabbi-le qaxak keenih kaxxa muxxo kinni, woo niqmat usuk kaxxa affaafa

فَإِنَّمَا يَسَّرْنَاهُ بِلِسَانِكَ لَعَلَّهُمْ يَتَذَكَّرُونَ ۝٥٨

📖 Tarjumaan Aayat 58

Toysa cagalah nabiyow ku- afay Qarab-af kinnit kaa (Qhuraan kinnuk) xabbacosne usun (koros kinnuk) kassitaah, yaamineeh umaanek waasima mara yakkeenî gidah

فَارْتَقِبْ إِنَّهُم مُّرْتَقِبُونَ ۝٥٩

📖 Tarjumaan Aayat 59

Toysa nabiyow ken finqa qambal, diggah usun ku-finqa qambaala mara kinnoonuk

Suurat Ad-Dukhan – Qafar Tarjumaan

Suurat Ad-Dukhan Qarabaay Qafar Afat

Suurat Ad-Dukhan Akriyaay Xasiis

Aayoota – Suurat Ad-Dukhan — 59 Aayat