Suurat Al-Mursalat Qarabaay Qafar Afat

Suurat Al-Mursalat Qafar afat tarjumaan kumaay xasiisiy sonkot. Aayat inkih matab-le. (50 Aayat — مكية). Al-Mursalat Xasiis, Al-Mursalat Tarjumaan, Al-Mursalat mp3, Al-Mursalat pdf.

Suurat Al-Mursalat Akriyaay Xasiis

🎧 Aayat
M Mishary Rashid Alafasy ✓
M Mahmoud Khalil Al-Husary ✓
A Abdurrahman As-Sudais ✓
M Mohamed Siddiq Al-Minshawi ✓
A Abdul Basit Abdul Samad ✓
A Ali Al-Hudhaify ✓
A Ahmed ibn Ali al-Ajamy ✓
A Abu Bakr Ash-Shaatree ✓
M Muhammad Ayyoub ✓
A Abdullah Basfar ✓
A Abdullah Al-Juhani ✓
M Maher Al Muaiqly ✓
—
x1
وَالْمُرْسَلَاتِ عُرْفًا ۝١
📖 Tarjumaan Aayat 1
Yalli ittâ lakleh itta kataata caacayal xiibite
فَالْعَاصِفَاتِ عَصْفًا ۝٢
📖 Tarjumaan Aayat 2
Edde luk gibdi caacayay hawwug iyyal xiibite
وَالنَّاشِرَاتِ نَشْرًا ۝٣
📖 Tarjumaan Aayat 3
Kaadu yalli malaykay qubulta usuk faxa ikke beytay fixiixisiyyah kaa fixiixissal xiibite
فَالْفَارِقَاتِ فَرْقًا ۝٤
📖 Tarjumaan Aayat 4
Edde luk yalli malaykay cakkii kee deedalaay, calaalii kee caraamu ittak baxissam kay xaquk luk obtal xiibite
فَالْمُلْقِيَاتِ ذِكْرًا ۝٥
📖 Tarjumaan Aayat 5
Edde luk malaykay wacyi Yallih ambiyaa kee farmoytiitil oobissal xiibite
عُذْرًا أَوْ نُذْرًا ۝٦
📖 Tarjumaan Aayat 6
Seehada Yallal malkit geewaytuh hinnay meesisso keenih yakkuh Yallih digaalák
إِنَّمَا تُوعَدُونَ لَوَاقِعٌ ۝٧
📖 Tarjumaan Aayat 7
Cagalah Qhiyaamâ caagidik isin elle xagnisinteenim akkelem Raqmali
فَإِذَا النُّجُومُ طُمِسَتْ ۝٨
📖 Tarjumaan Aayat 8
Tokkel Cutuk duugumaah diifi kak gexa waqdi
وَإِذَا السَّمَاءُ فُرِجَتْ ۝٩
📖 Tarjumaan Aayat 9
Kaadu qaran qanxixaah, fakkiima waqdi
وَإِذَا الْجِبَالُ نُسِفَتْ ۝١٠
📖 Tarjumaan Aayat 10
Kaadu qaleelá riira (bula) takke waqdi
وَإِذَا الرُّسُلُ أُقِّتَتْ ۝١١
📖 Tarjumaan Aayat 11
Kaadu Yallih farmoytit kee ken ummattâ fanat mekla edde aban wakti muggaqsime waqdi
لِأَيِّ يَوْمٍ أُجِّلَتْ ۝١٢
📖 Tarjumaan Aayat 12
Farmoytit edde waddiroysimtem Maa ayroóy
لِيَوْمِ الْفَصْلِ ۝١٣
📖 Tarjumaan Aayat 13
Ginô fan edde meklaanaah edde Baxsan ayró, kah xagnisimeenim (woh Qhiyaamah ayró)
وَمَا أَدْرَاكَ مَا يَوْمُ الْفَصْلِ ۝١٤
📖 Tarjumaan Aayat 14
Kaadu seehadaytow maca koo tiysixxigeeh Baxsi ayroó kee tet gibdaabini kinnim
وَيْلٌ يَوْمَئِذٍ لِّلْمُكَذِّبِينَ ۝١٥
📖 Tarjumaan Aayat 15
Qhiyaamah ayro dirabboyse marah woo ayro fingi yan
أَلَمْ نُهْلِكِ الْأَوَّلِينَ ۝١٦
📖 Tarjumaan Aayat 16
Naharsi marak Yallih farmoytit dirabboyse mara mafinqisinninoo
ثُمَّ نُتْبِعُهُمُ الْآخِرِينَ ۝١٧
📖 Tarjumaan Aayat 17
Tohuk lakal wadirsi mara ken kataysenno
كَذَٰلِكَ نَفْعَلُ بِالْمُجْرِمِينَ ۝١٨
📖 Tarjumaan Aayat 18
Tonnah abba heenno umeyniitik (koros kinnuk)
وَيْلٌ يَوْمَئِذٍ لِّلْمُكَذِّبِينَ ۝١٩
📖 Tarjumaan Aayat 19
Yallih inkittinaanee dirabboyse marah woo ayro (Qhiyaamah ayró kinnuk) finqi yan
أَلَمْ نَخْلُقكُّم مِّن مَّاءٍ مَّهِينٍ ۝٢٠
📖 Tarjumaan Aayat 20
Seehaday boola le leek (daacoyta kinnuk) Sin ma gininninoo
فَجَعَلْنَاهُ فِي قَرَارٍ مَّكِينٍ ۝٢١
📖 Tarjumaan Aayat 21
Edde luk sabhalal leeh dacayri le aracay (saynumih maxax kinnuk) bica let kaa ma hanninoo
إِلَىٰ قَدَرٍ مَّعْلُومٍ ۝٢٢
📖 Tarjumaan Aayat 22
Yallih xaqul Yimixxige waktî fanah
فَقَدَرْنَا فَنِعْمَ الْقَادِرُونَ ۝٢٣
📖 Tarjumaan Aayat 23
tokkel kaa ginnam dudneeh, yayse dudda lem nee
وَيْلٌ يَوْمَئِذٍ لِّلْمُكَذِّبِينَ ۝٢٤
📖 Tarjumaan Aayat 24
Ni dudda dirabboysa marah woo ayro Finqi yan
أَلَمْ نَجْعَلِ الْأَرْضَ كِفَاتًا ۝٢٥
📖 Tarjumaan Aayat 25
Baaxó aracay inkih sin yasgalleeh yabbixe maabinninoo
أَحْيَاءً وَأَمْوَاتًا ۝٢٦
📖 Tarjumaan Aayat 26
Siinik nuwwaamaay, rabteemih inkih
وَجَعَلْنَا فِيهَا رَوَاسِيَ شَامِخَاتٍ وَأَسْقَيْنَاكُم مَّاءً فُرَاتًا ۝٢٧
📖 Tarjumaan Aayat 27
Kaadu fayyale qaleelá teetil mahanninoo diggi tet haytuh, kaadu coboy leey salfa lek sin mafqinninoo
وَيْلٌ يَوْمَئِذٍ لِّلْمُكَذِّبِينَ ۝٢٨
📖 Tarjumaan Aayat 28
Ni niqmat yangaddee marah woo ayro Finqi yan
انطَلِقُوا إِلَىٰ مَا كُنتُم بِهِ تُكَذِّبُونَ ۝٢٩
📖 Tarjumaan Aayat 29
Korosuk qhiyaamah ayró: jahannam giráh digaaláy dirabboysak sugteenî fanah gexa keenik iyyan
انطَلِقُوا إِلَىٰ ظِلٍّ ذِي ثَلَاثِ شُعَبٍ ۝٣٠
📖 Tarjumaan Aayat 30
Gexaay iraawita jahannam giráh qiiriy sidiica luddalê fanah
لَّا ظَلِيلٍ وَلَا يُغْنِي مِنَ اللَّهَبِ ۝٣١
📖 Tarjumaan Aayat 31
Usuk Ma silaalisaay, giráh huurik xiqam malik
إِنَّهَا تَرْمِي بِشَرَرٍ كَالْقَصْرِ ۝٣٢
📖 Tarjumaan Aayat 32
Diggah is kaxxa qarih gide yakke xinkilliq qambissa
كَأَنَّهُ جِمَالَتٌ صُفْرٌ ۝٣٣
📖 Tarjumaan Aayat 33
Usuk (xinkilliq kinnuk) Dat caawin gaala ceela
وَيْلٌ يَوْمَئِذٍ لِّلْمُكَذِّبِينَ ۝٣٤
📖 Tarjumaan Aayat 34
Yallih meesisso dirabboyse marah woo ayro Finqi yan
هَٰذَا يَوْمُ لَا يَنطِقُونَ ۝٣٥
📖 Tarjumaan Aayat 35
Ta ayró dirableelá yabtaamih dudda mali. (Qhiyaamah ayró kinnuk)
وَلَا يُؤْذَنُ لَهُمْ فَيَعْتَذِرُونَ ۝٣٦
📖 Tarjumaan Aayat 36
Yaabaanamih idni keenih mayantacawwima edde yawqoonuh
وَيْلٌ يَوْمَئِذٍ لِّلْمُكَذِّبِينَ ۝٣٧
📖 Tarjumaan Aayat 37
Tama ayro dirabboysa marah woo ayro Finqi yan
هَٰذَا يَوْمُ الْفَصْلِ ۖ جَمَعْنَاكُمْ وَالْأَوَّلِينَ ۝٣٨
📖 Tarjumaan Aayat 38
Qhiyaamah ayró korosuk iyyaanah: tah ginô fan edde meklaanaah baxsan ayró, sin kee naharsi mara edde gaabosneh
فَإِن كَانَ لَكُمْ كَيْدٌ فَكِيدُونِ ۝٣٩
📖 Tarjumaan Aayat 39
Toysa Isin malá teelleenik, yi digaalak edde cattimtoonuh yoh malsita
وَيْلٌ يَوْمَئِذٍ لِّلْمُكَذِّبِينَ ۝٤٠
📖 Tarjumaan Aayat 40
Ellecaboh ayro dirabboysa marah woo ayro Finqi yan
إِنَّ الْمُتَّقِينَ فِي ظِلَالٍ وَعُيُونٍ ۝٤١
📖 Tarjumaan Aayat 41
Diggah Yallak meesite mari jannatal silalwaa kee daroorih addal yan
وَفَوَاكِهَ مِمَّا يَشْتَهُونَ ۝٤٢
📖 Tarjumaan Aayat 42
Kaadu caxâ mixuk faxxa haanamih addal yanin
كُلُوا وَاشْرَبُوا هَنِيئًا بِمَا كُنتُمْ تَعْمَلُونَ ۝٤٣
📖 Tarjumaan Aayat 43
Keenik iyyaanah: akumaay aquba rufto luk, addunyal abbaasitten meqe taamah sabbatah
إِنَّا كَذَٰلِكَ نَجْزِي الْمُحْسِنِينَ ۝٤٤
📖 Tarjumaan Aayat 44
Diggah nanu tonnal galatna meqem abite mara.(moominiin kinnuk)
وَيْلٌ يَوْمَئِذٍ لِّلْمُكَذِّبِينَ ۝٤٥
📖 Tarjumaan Aayat 45
Jannatti niqmat dirabboyse marah woo ayro Finqi yan
كُلُوا وَتَمَتَّعُوا قَلِيلًا إِنَّكُم مُّجْرِمُونَ ۝٤٦
📖 Tarjumaan Aayat 46
Yalli korosuk iyyah: addunyal meqem akumaay dago wakti teetit hataka diggah isin umeyniitik, Yallat agleyta hayteenimih sabbatah
وَيْلٌ يَوْمَئِذٍ لِّلْمُكَذِّبِينَ ۝٤٧
📖 Tarjumaan Aayat 47
Cisab kee galtoh ayro dirabboyse marah woo ayro Finqi yan
وَإِذَا قِيلَ لَهُمُ ارْكَعُوا لَا يَرْكَعُونَ ۝٤٨
📖 Tarjumaan Aayat 48
Kaadu Yallah salat abaay kaah rammita keenik iyyeenik, salat kaah maabaanaay, kaah marammitan
وَيْلٌ يَوْمَئِذٍ لِّلْمُكَذِّبِينَ ۝٤٩
📖 Tarjumaan Aayat 49
Yallih aayoota dirabboyse marah woo ayro Finqi yan
فَبِأَيِّ حَدِيثٍ بَعْدَهُ يُؤْمِنُونَ ۝٥٠
📖 Tarjumaan Aayat 50
Toysa ta qhuraanay Yallih yab kinnih iyyal aamine weenik, maakitaabaay, maayaabaay kaak wadir elle yaaminoonu waanam
← 76 Al-Mursalat (77/114) 78 →
Akriya Suurat Al-Mursalat Qafar Afat – Tarjumaan kee Xasiisi

77المرسلات Al-Mursalat 📚 50 Aayat مكية

Aayoota – Suurat Al-Mursalat — 50 Aayat


📚 Qhuraanul Kariim 🎧 Xasiis mp3 ⬇ Quran mp3 📚 Qhuraan Foocu


Qhuraanul Kariim
Tuesday, August 18, 2026

Don't forget us in your sincere prayers