Suuratu Taha
PDF —
135 Aaya Meccan PDF
Built right in your browser — download starts automatically

Suuratu Taha pdf — Aawto (Fulfulde)

Suuratu Taha pdf Fulfulde — Aawto Suuratu Taha Jaaɓtinde. Suuratu Taha (Meccan) 135 Aaya.

← MaryamSuuratu Taha Al-Anbiya →

Related

More Suuratu PDF

Al-Baqarah Aal-Imran An-Nisa Al-Maidah Yusuf Ibrahim Al-Hijr Al-Kahf Maryam Al-Hajj Al-Qasas Al-'Ankabut As-Sajdah Yasin Ad-Dukhan Al-Fath Al-Hujurat Qaf An-Najm Ar-Rahman Al-Waqi'ah Al-Hashr Al-Mulk Al-Haqqah Al-Inshiqaq Al-A'la Al-Ghashiyah

📚 Janngude 🎧 Nanu mp3 📜 Alkur'aana Nufa

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली
135 Aaya · Meccan · Fulfulde
bismillah
ﭵﭶ
20:1 Taa Haa
ﭷﭸﭹﭺﭻﭼ
20:2 Men Telliniraali Alqur`aanaare nden e maaɗa fii yo a tampu
ﭽﭾﭿﮀﮁ
20:3 Si wonaa waaju wonannde on huloowo [Alla]
ﮂﮃﮄﮅﮆﮇﮈ
20:4 Ko Jippinaande immorde e On Taguɗo leydi ndin e kammuuli toowuɗi ɗin
ﮉﮊﮋﮌﮍ
20:5 Hinnorante On O fotii ka dow Arsi kin. @Corrected
ﮎﮏﮐﮑﮒﮓﮔﮕﮖﮗﮘﮙﮚ
20:6 No woodani Mo ko woni kon e kammuuli ɗin e ko woni kon e leydi nden e ko wini kon hakkunde majji kannji ɗiɗi e ko woni kon ka ley leydi
ﮛﮜﮝﮞﮟﮠﮡﮢ
20:7 Si a fenñinii konngol ngol, pellet, Kanko hiMo Anndi gunndoo on e ko o suuɗi
ﮣﮤﮥﮦﮧﮨﮩﮪﮫﮬ
20:8 Alla reweteeɗo alaa si wanaa Kanko, no woodani Mo Inɗe Moƴƴe ɗen
ﮭﮮﮯﮰﮱ
20:9 taw si arii e maaɗa Yewtere fii Muusaa
ﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥ
20:10 Tuma nde o yi’unoo yiite, o wi`ani ɓeynguure makko nden: "Ñiiɓee, min dey mi haynike jaynge bela-jo’o mi addanay on immorde e magge docotal maaɗum mi tawa ka [moggo] yiite tinndinoowo
ﯦﯧﯨﯩﯪ
20:11 Tuma nde o arunoo e magge o noddaa; "ko an yo Muusaa
ﯫﯬﯭﯮﯯﯰﯱﯲﯳﯴ
20:12 [Alla Daalano mo] Min dey ko Min Woni Joomi maaɗa solu paɗe maa ɗen; pellet an, hiɗa ka aynde(caatngol) Tuwaa Laɓɓinaande(seninangol)
ﭑﭒﭓﭔﭕﭖ
20:13 Min Mi Suɓike ma Jento ko wonaa Wahyineede kon
ﭗﭘﭙﭚﭛﭜﭝﭞﭟﭠﭡﭢ
20:14 Pellet, ko Min Woni Alla reweteeɗo alaa si wonaa Min Rewam; ñiiɓir e Julde nden fii Annditugol lam
ﭣﭤﭥﭦﭧﭨﭩﭪﭫﭬﭭ
20:15 Pellet, Darngal ngal ko aroowal Miɗo ɗeɓa suuɗude ngal fii yoɓe kala wonkii ko ki huuwi kon
ﭮﭯﭰﭱﭲﭳﭴﭵﭶﭷﭸ
20:16 Wata faddo ma e gaayi maggal on mo gom- ɗinaa ngal o jokki mbeleeɗe makko o halkii
ﭹﭺﭻﭼﭽ
20:17 Ko honɗum woni ka ñaamo maaɗa an Muusaa
ﭾﭿﮀﮁﮂﮃﮄﮅﮆﮇﮈﮉﮊﮋ
20:18 O maaki: "Ndun ko tuggordu am miɗo tuggoo ndu miɗo liwtirana ndu dammi am ɗin, miɗo mari kadi haajuuji goo e mayru
ﮌﮍﮎﮏ
20:19 O Daali: "Liɓu ndu, an Muusaa
ﮐﮑﮒﮓﮔﮕ
20:20 O liɓi ndu, tawi kayru ko ndu mboddi wonundi yahude
ﮖﮗﮘﮙﮚﮛﮜﮝﮞ
20:21 O Daali: "Nanngu ndu wata a hulu Men artiray ndu e mbaadi mayru araniri ndin
ﮟﮠﮡﮢﮣﮤﮥﮦﮧﮨﮩﮪ
20:22 Ukku junngo maaɗa ngon ka nder jiiba maa; ngo yaltay ko ngo raneewo ko aldaa e bone ɗum ko Aaya goo
ﮫﮬﮭﮮﮯ
20:23 Fii yo Men hollle immorde e Aayeeje Amen Mawɗe ɗen
ﮰﮱﯓﯔﯕﯖ
20:24 Yahu ka Fir`awna, pellet, kanko o bewi
ﯗﯘﯙﯚﯛﯜ
20:25 O maaki: "Jooma Yanñanam ɓernde am nden
ﯝﯞﯟﯠ
20:26 Newinanaa lam fiyaake am on
ﯡﯢﯣﯤﯥ
20:27 Firtaa finnde nden ka ɗenngal am
ﯦﯧﯨ
20:28 Fii yo ɓe faamu konngol am ngol
ﯩﯪﯫﯬﯭﯮ
20:29 Waɗanaa lam ballo jeyaaɗo ka ɓeynguure am
ﯯﯰﯱ
20:30 [Hara ko] Haaruuna musiɗɗo am on
ﯲﯳﯴﯵ
20:31 Semmbinir mo darnde am
ﯶﯷﯸﯹ
20:32 Tawnaa mo e nder fiyaake am on
ﯺﯻﯼﯽ
20:33 Fii yo men Senine ko ɗuuɗi
ﯾﯿﰀ
20:34 Men jaŋtoMaa ko ɗuuɗi
ﰁﰂﰃﰄﰅ
20:35 Pellet, An A Wonii Humpitiiɗo Men
ﰆﰇﰈﰉﰊﰋ
20:36 O Daali: "Gomɗii a okkaama toraare maaɗa nden an Muusaa
ﰌﰍﰎﰏﰐﰑ
20:37 Gomɗii Men Neeminiino ma e laawol goo
ﭑﭒﭓﭔﭕﭖﭗ
20:38 Tuma nde Men Wahayinnoo faade e yumma maa ko Wahayinaa kon
ﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯ
20:39 [Men Daali] Bugo mo ka nder hontoore bugoɗaa nden kadi ka nder diidere, yo diidere nden kadi bugoyo mo ka fonngo; ƴetta mo gaño Am e gaño makko, Mi werlii e maaɗa Giggol immorde ka Am e fii yo a ne’e e dow ndenka Am
ﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕ
20:40 Tuma nde banndiraawo maaɗa on yahaynoo; o wi`a: "Enee, yo mi tinndin on e on mo no ne’a mo?" Men artirmaa ka yumma maaɗa fii yo gite makko ɗen ɓuuɓu hara o sunaaki. Waruɗaa wonkii Men danndumaa immorde e saɗteende nden, Men jarribimaa jarrabuyeeje ñiiɓuɗaa duuɓi ka yimɓe Madyana refti aruɗaa ka fodoore ko an yo Muusaa
ﮖﮗﮘ
20:41 Mi Suɓimaa fii hoore-Am
ﮙﮚﮛﮜﮝﮞﮟﮠﮡ
20:42 Yahu an e musiɗɗo maa on wonndude e Aayeeje Am ɗen wata on derfu e jaŋtagol Lam
ﮢﮣﮤﮥﮦﮧ
20:43 Yahee ka Fir`awna, pellet, kanko o bewi
ﮨﮩﮪﮫﮬﮭﮮﮯﮰ
20:44 Wi`anee mo konngol newiingol bela-jo’o kanko o waajitoto maaɗum o hula
ﮱﯓﯔﯕﯖﯗﯘﯙﯚﯛﯜ
20:45 Ɓe maaki: "Joomi amen, menen dey meɗen huli nde murtata e hoore amen maa nde o bewata
ﯝﯞﯟﯠﯡﯢﯣﯤﯥ
20:46 O Daali: "Wata on hulu, pellet, Min Miɗo wonndi e mooɗon Miɗo Nana Miɗo Yi`a
ﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ
20:47 Aree ka makko, wi’on: "Menen ko Men Nulaaɓe Joomi maaɗa, accitu wonndude e amen ɓiɗɓe Israa’iila ɓen wata a leptu ɓe, gomɗii men addanii ma Aaya immorde ka Joomi maaɗa, kisiyee on wonii e on jokkuɗo Peewal ngal
ﯾﯿﰀﰁﰂﰃﰄﰅﰆﰇﰈ
20:48 Gomɗii Wahayinaama e amen; wonndema, Lepte ɗen no fawii ka fennuɗo ɗuuri
ﰉﰊﰋﰌﰍ
20:49 [Fir`awna] wi`i: "Ko an yo Muusaa, ko hommbo woni Joomi mooɗon
ﰎﰏﰐﰑﰒﰓﰔﰕﰖﰗ
20:50 [Muusaa] maaki: "Joomi amen, ko On Okkuɗo kala huunde tagu mayre ngun refti O Fewni
ﰘﰙﰚﰛﰜﰝ
20:51 [Fir`awna] wi`i: "Ko honno gire arane ɗen fewndori
ﭑﭒﭓﭔﭕﭖﭗﭘﭙﭚﭛﭜﭝ
20:52 [Muusaa] maaki: "ganndal ɗum no ka Joomi am e nder Deftere, Joomi am majjataa O yejjitataa
ﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰﭱ
20:53 On waɗanɗo on leydi ndin weƴƴitaandi, o naadani on e nder mayri laawi, O jippini immorde e kammu ngun ndiyam Men yaltiniri ɗam nooneeji immorde e puɗi sertuɗi
ﭲﭳﭴﭵﭶﭷﭸﭹﭺﭻﭼ
20:54 Ñaamee aynon neemoraaɗi mo’on ɗim. Pellet, no e nder ɗum [ko jaŋtaa ɗoo] Aayeeje fii joomiraa- ɓe hakkillaaji ɗin
ﭽﭾﭿﮀﮁﮂﮃﮄﮅﮆ
20:55 Ko immorde e mayri Men Tagi on, ko e nder mayri Men Ruttata on, ko immorde e mayri kadi Men Yaltinoyta on laawol goo
ﮇﮈﮉﮊﮋﮌﮍ
20:56 Gomɗii Men hollii mo Aayeeje Amen ɗen kala majje, o fenni o salii
ﮎﮏﮐﮑﮒﮓﮔﮕ
20:57 [Fir`awna] wi`i: "Enee, a aru ka amen fii yo a yaltinir men ka leydi amen mbilaaku maaɗa ngun an Muusaa
ﮖﮗﮘﮙﮚﮛﮜﮝﮞﮟﮠﮡﮢﮣﮤ
20:58 Maa men addane mbilewu yeru maggu, waɗu fodoore hakkunde amen e maaɗa hara men lunndataako nde wanaa an kadi [lunndotoo nde] e nokkuure fotondirnde
ﮥﮦﮧﮨﮩﮪﮫﮬﮭ
20:59 [Muusaa] maaki: fodoore mooɗon nden ko ñalnde saɗɗugol ngol, yo yimɓe ɓen mooɓindire ka walluhaa(fenynyaange)
ﮮﮯﮰﮱﯓﯔﯕ
20:60 Fir`awna hucciti o mooɓi pewje makko ɗen refti o ari
ﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦ
20:61 Muusaa maakani ɓe: "On boniraama, wata on fefendo fenaande fawon e Alla sakko O mehira on Lepte, gomɗii sooyii on fefindiiɗo
ﯧﯨﯩﯪﯫﯬ
20:62 Ɓe pooɗondiri fiyaake maɓɓe on hakkunde maɓɓe, ɓe suuɗi cowndi ɗin
ﯭﯮﯯﯰﯱﯲﯳﯴﯵﯶﯷﯸﯹﯺ
20:63 Ɓe wi`i: "Pellet ɓee ɗiɗo ko mbileeɓe hiɓe faalaa yaltinirnde on ka leydi mon e mbilaaku maɓɓe ngun ɓe itta laawol mon yeruyankeewol ngol
ﯻﯼﯽﯾﯿﰀﰁﰂﰃﰄﰅﰆ
20:64 Mooɓitee pewje mo’on ɗen refti aron ko on lappol, gomɗii malaama hannde on fooluɗo
ﭑﭒﭓﭔﭕﭖﭗﭘﭙﭚﭛﭜ
20:65 Muusaa maaki: "Ko si tawii ko onon bugotoo maaɗun si ko menen wonata adotooɓe bugaade
ﭝﭞﭟﭠﭡﭢﭣﭤﭥﭦﭧﭨﭩﭪ
20:66 [Muusaa] maaki: "ko woni, bugee(mbedde), tawi ɓokkoy maɓɓe koy e cawoy maɓɓe koy no wa’itana mo sabu mbilewu maɓɓe ngun woni ko e yahude
ﭫﭬﭭﭮﭯﭰ
20:67 Muusaa so’i kulol ka wonkii makko
ﭱﭲﭳﭴﭵﭶﭷ
20:68 Men Daali: ’Wata a hulu, pellet ko an woni fooloowo on
ﭸﭹﭺﭻﭼﭽﭾﭿﮀﮁﮂﮃﮄﮅﮆﮇﮈﮉﮊ
20:69 Bugo ko woni kon ka ñaamo maaɗa ɗum moɗay ko ɓe moƴƴini kon, pellet, ko ɓe moƴƴini kon ko pewje mbile bileejo on maletaake nukkuwoo ka o ardi
ﮋﮌﮍﮎﮏﮐﮑﮒﮓ
20:70 Mbileeɓe ɓen werlaa ko ɓe sujjuɓe, ɓe wi`i: "Men gomɗinii Joomi Haaruuna e Muusaa
ﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰ
20:71 [Fir`awna] wi`i: Eyoo, on gomɗinii mo ko adii mi duŋanaade(sakkitaade) on? Pelet, ko kanko woni mawɗo mo’on on anndinɗo on mbilaaku ngun, mi woondii, maa mi taƴa juuɗe mon ɗen e koyɗe mon ɗen taƴa luutindira, maa mi feta on e julle tama aray anndon ko hommbo e amen ɓuri lepte saɗtuɗe e heddotooɗe
ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧ
20:72 [Mbileeɓe ɓen] wi`i: "Men ɓurnataa ma e dow koo ko ari e amen immorde e ɓannganguyeeji, e On Taguɗo men, [an Fir`awna] ñaawu ko ñaawataa kon, pellet, ko ñaawataa ko ka ngurndan aduna ɗoo
ﯨﯩﯪﯫﯬﯭﯮﯯﯰﯱﯲﯳﯴﯵﯶﯷ
20:73 Menen dey, men gomɗinii Joomi amen fii yo o yawtan men goopi amen e kon ko dooluɗaa men e mu’un immorde e mbilewu ngun, ko Alla woni Moƴƴo Heddotooɗo. @Corrected
ﯸﯹﯺﯻﯼﯽﯾﯿﰀﰁﰂﰃﰄﰅ
20:74 Pellet on mo ari ka Joomi mu’un hara ko o bonɗo; haray pellet, no woodani mo Jahannama o maayataa e nder magge o wuurataa kadi
ﰆﰇﰈﰉﰊﰋﰌﰍﰎﰏﰐ
20:75 mo ari ka Makko ko o gomɗinɗo hara gomɗii o golliino moƴƴi ɗin, haray ɓen ɗon no woodani ɓe Darjaaji Toowuɗi ɗin
ﰑﰒﰓﰔﰕﰖﰗﰘﰙﰚﰛﰜﰝﰞ
20:76 Aljannaaji Ñiiɓal no doga e ley majji canɗi ɗin, ko ɓe duumotooɓe nder ton, ko ɗum woni njoɓdi on laɓɓiniiɗo. @Corrected
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣ
20:77 Gomɗii Men wahaynii faade e Muusaa roƴidu e jeyaaɓe Am ɓen waɗan ɓe laawol yooru ngol ka maayo joorngol wata a hulu hewtiteede wata a hulu [yoolagol]
ﭤﭥﭦﭧﭨﭩﭪﭫﭬ
20:78 Fir`awna jokkitiri ɓe koneeli makko ɗin, suumi ɓe ka maayo ko suumi ɓe kon
ﭭﭮﭯﭰﭱﭲ
20:79 Fir`awnan majjini yimɓe makko ɓen, o fewnaali [ɓe]
ﭳﭴﭵﭶﭷﭸﭹﭺﭻﭼﭽﭾﭿﮀﮁ
20:80 Ko onon yo ɓiɗɓe Israa’iila gomɗii Men danndiino on e gaño mon on, Men fodi on kadi ka banŋe ñaamo [fello] Tuuri ngon, Men jippini e mooɗon Manna= ɗacce njumri e doobe
ﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔ
20:81 Ñaamee immorde e laaɓuɗi ko Men arsiki on kon, wota on bewu e nder mu’un sakko Tikkere Am nden jippo e mo’on, on mo Tikkere Am jippii e mu’un gomɗii haray o halkike
ﮕﮖﮗﮘﮙﮚﮛﮜﮝﮞ
20:82 Pellet, Min ko Mi heewuɗo Yawtanngol wonannde on tuubuɗo o gomɗini o golli ko moƴƴi refti o feewi
ﮟﮠﮡﮢﮣﮤﮥ
20:83 Ko honɗun heñinmaa gaayi yimɓe maa ɓen an Muusaa
ﮦﮧﮨﮩﮪﮫﮬﮭﮮﮯ
20:84 [Muusaa] maaki: "Ɓeeɗoo, hiɓe iwtiri ɓaawo am, mi heñike ka Maaɗa Joomi fii yo A welto
ﮰﮱﯓﯔﯕﯖﯗﯘﯙﯚ
20:85 [Alla] Daali: "Pellet, Mennen gomɗii Men jarribike=finninii yimɓe maaɗa ɓen ɓaawo maaɗa, Saamiriiyu majjinii ɓe
ﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷ
20:86 Muusaa ruttii ka yimɓe makko ɓen ko o tikkuɗo suniiɗo; o maaki: "Ko onon yo yimɓe, enee, Joomi mo’on Fodaali on Fodoore Moƴƴere, kaa ko aadi ndin juutani on? Kaa on faandi nde jippotoo e mo’on Tikkere immorde ka Joomi mooɗon si lunndi ɗon fodoore am nden
ﯸﯹﯺﯻﯼﯽﯾﯿﰀﰁﰂﰃﰄﰅﰆﰇ
20:87 Ɓe wi`i: "Men lunndaaki fodoore maaɗa nden e sago amen, kono menen men ronndinaama teddeendi e cuɗaaje yimɓe ɓen men werlii ɗe, ko nii Saamiriiyu kadi welirii
ﭑﭒﭓﭔﭕﭖﭗﭘﭙﭚﭛﭜﭝ
20:88 O yaltinani ɓe ɓanndu ngaari marn hito= huunaango, ɓe wi`i: "Ko ko’ol woni reweteeɗo mon e reweteeɗo Muusaa on, o yejjitu [mo ɗoo]
ﭞﭟﭠﭡﭢﭣﭤﭥﭦﭧﭨﭩﭪ
20:89 Enee, ɓee yi`aali wonndema ruttataako e maɓɓe konngol, ndi maranaa ɓe kadi lorra wonaa fii non [pooɗugol] nafa
ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼ
20:90 Gomɗii Haaruuna maakaniino ɓe ko adii: "Ko onon yo yimɓe, pellet, on jarribora kol, pellet, Joomi mooɗon ko Hinnorante On jokkee lam ɗoftoɗon yamiroore am nden
ﭽﭾﭿﮀﮁﮂﮃﮄﮅﮆ
20:91 Ɓe wi`i: "Men seerataa ko men ñiiɓuɓe e [dewal] makkol haa Muusaa ruttoo e amen
ﮇﮈﮉﮊﮋﮌﮍﮎ
20:92 [Muusaa] maaki: "Ko an yo Haaruuna, nde yi’unoɗaa ɓe majjii ko haɗumaa
ﮏﮐﮑﮒﮓﮔ
20:93 nde jokkitataa mi? Kaa a yeddii yamaruyee am on
ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨ
20:94 [Haaruuna] maaki: "Ko an yo neene-gooto am, wata a nanngu waare am nden wanaa hoore am nden kadi, min dey, mi hulu wata a wi’u: Mi senndii hakkunde ɓiɗɓe Israa’iila ɓen, mi heɗaaki konngol maaɗa ngol
ﮩﮪﮫﮬﮭ
20:95 [Muusaa] maaki: "Ko honɗum woni fiyaake maaɗa on an Saamiriiyu
ﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟ
20:96 [Saamiriiyu] wi`i: "Mi yi`ii ko ɓe yi`aali ɗum, mi nokki nokkannde e batte nulaaɗo on [Jibriila] mi werlii ɗum ko nii cuɗirani lam wonkii am
ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿ
20:97 [Muusaa] maaki: "Yahu, pellet, no woodanmaa ka ngurndam nde wowlataa wanaa meemondiral, pellet, no woodanmaa kadi Fodoore a lunndataako nde, ndaarii faade e rewteeɗo maa, on mo ñalluɗaa ufinaade e hoore mun, mi woondii mi sunnay mo refti mi jaroo mo ka maayo e jaragol
ﰀﰁﰂﰃﰄﰅﰆﰇﰈﰉﰊﰋﰌﰍ
20:98 Pellet, Reweteeɗo mon On ko Alla, On Mo Reweteeɗo alaa si wanaa Kanko, Ganndal Makko Yaajanii kala huunde
ﭑﭒﭓﭔﭕﭖﭗﭘﭙﭚﭛﭜﭝﭞﭟ
20:99 Ko wano nii Men filloranay maa immorde e kumpital ko feƴƴunoo kon, gomɗii Men addanii ma immorde ka Amen jaŋta
ﭠﭡﭢﭣﭤﭥﭦﭧﭨ
20:100 Mo ɗuurike e mayre pellet, o ronndoto Ñalnde Darngal teddeele [bakkaatu]
ﭩﭪﭫﭬﭭﭮﭯﭰﭱ
20:101 Ko o luttinteeɗo e nder majje, bonanii ɓe donngal Ñalnde Darngal
ﭲﭳﭴﭵﭶﭷﭸﭹﭺﭻ
20:102 Ñalnde wuttoytee ka alaadu Men mooɓa bonɓe ɓen nden Ñalnde ko mbuliiɓe [gite]
ﭼﭽﭾﭿﮀﮁﮂ
20:103 Hiɓe sowndondira hakkunde maɓɓe [ɓe wi`a] on ñiiɓaali si wanaa [balɗe] sappo
ﮃﮄﮅﮆﮇﮈﮉﮊﮋﮌﮍﮎﮏ
20:104 Ko Menen woni Annduɓe ko ɓe wowlata kon, tuma nde koohooɓe maɓɓe e laawol wi`ata: "On ñiiɓaali si wanaa ñallal
ﮐﮑﮒﮓﮔﮕﮖﮗ
20:105 Hiɓe lanndaade ma fii pelle ɗen, maaku: "Joomi am jaroto ɗe e jaragol
ﮘﮙﮚﮛ
20:106 O acca [leydi] ndin ko ndi boowal ɓowrungal
ﮜﮝﮞﮟﮠﮡﮢ
20:107 A yi`ataa e mayri ooñannde wanaa tintiire
ﮣﮤﮥﮦﮧﮨﮩﮪﮫﮬﮭﮮﮯﮰﮱ
20:108 Ko nden Ñalnde ɓe jokkata noddoowo on ko aldaa e selugol mo,, hitooji ɗin yankinanoo Hinnorante On hara a nanataa si wanaa nyuumbaango
ﯓﯔﯕﯖﯗﯘﯙﯚﯛﯜﯝﯞﯟ
20:109 Nden Ñalnde tefoore nden nafataa, si wanaa on mo Hinnorante On sakkiti ɗum O weltori konngol makko
ﯠﯡﯢﯣﯤﯥﯦﯧﯨﯩﯪ
20:110 Himo Anndi ko woni kon hedde yeeso maɓɓe e hedde ɓaawo maɓɓe ɓe huɓindortaa ɗum ganndal
ﯫﯬﯭﯮﯯﯰﯱﯲﯳﯴﯵﯶ
20:111 Geece ɗen yankinanii Wuuruɗo Dartiiɗo On, gomɗii sooyii on ronndiiɗo tooñe
ﯷﯸﯹﯺﯻﯼﯽﯾﯿﰀﰁﰂ
20:112 On mo golli immorde e moƴƴi ɗin hara ko o gomɗinɗo haray o hulaa tooñe wanaa uytaneede kadi
ﰃﰄﰅﰆﰇﰈﰉﰊﰋﰌﰍﰎﰏﰐﰑ
20:113 Ko nii Men Telliniri nde Alqur`aanaare Aarabuure Men fensiti kadi e nder mayre immorde e kammbaaji ɗin bela-jo’o kamɓe ɓe hulay maa nde fuɗɗanoo ɓe waaju
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤ
20:114 Alla Lamɗo Goonguɗo On Toowii, wata a heñor Alqur`aanaare nden ko adii nde timmintee e maaɗa wahayu mayre, maaku: "Joomi ɓeydanam Ganndal
ﭥﭦﭧﭨﭩﭪﭫﭬﭭﭮﭯﭰ
20:115 Gomɗii Men ahodiino e Aadama ko adii o yejjiti Men heɓanaali mo pellital
ﭱﭲﭳﭴﭵﭶﭷﭸﭹﭺ
20:116 Tuma Nde Men Daalannoo malaa’ikaaɓe ɓen sujjanee Aadama, ɓe sujji si wanaa Ibliisa o salii
ﭻﭼﭽﭾﭿﮀﮁﮂﮃﮄﮅﮆﮇ
20:117 Men Daali: "Ko an yo Aadama, pellet, ooɗoo ko o gaño maa an e sonnaajo maa on, wata o yaltin on dey ka Aljanna sakko tampaa
ﮈﮉﮊﮋﮌﮍﮎﮏ
20:118 Pellet, no woodanmaa nde a weeletaake nder ton a holataa kadi
ﮐﮑﮒﮓﮔﮕﮖ
20:119 Pellet, an a ɗomɗetaake nde ton e nguletaake kadi
ﮗﮘﮙﮚﮛﮜﮝﮞﮟﮠﮡﮢﮣﮤ
20:120 Seytaane sonwonsini faade e makko; o wi`i: "Ko an yo Aadama,hara yo mi tinndine e leggal luttineede ngal e laamu ngu follotaako ngun
ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ
20:121 Ɓe ñaami e maggal, feeñani ɓe mettefooji maɓɓe ɗin, ɓe naati e suddirgol e dow maɓɓe immorde e kaaki Aljanna on, Aadama yeddi Joomi makko o majji
ﯗﯘﯙﯚﯛﯜﯝ
20:122 Refti Joomi makko Suɓii mo, O Tuubini mo O Fewni [mo]
ﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ
20:123 O Daali: "Jippee ton, on fow mo’on, yoga e mo’on ko ayɓe yoga. Si tawii tun aroyii e mo’on immorde e Am Fewnoowo kala jokkuɗo Peewal Am ngal haray o majjataa o malkisataake kadi
ﯳﯴﯵﯶﯷﯸﯹﯺﯻﯼﯽﯾﯿ
20:124 Kala ɗurniiɗo gaayi jaŋtagol lam, haray pellet, no woodani mo ngurndam ɓilluɗam Men mooɓoya mo Ñalnde Darngal ko o bunɗo
ﰀﰁﰂﰃﰄﰅﰆﰇﰈ
20:125 O wi`a: "Joomi, ko fii honɗum mooɓanɗaa lam ko mi bunɗo, gomɗii mi laatinoke yi’oowo
ﭑﭒﭓﭔﭕﭖﭗﭘﭙﭚ
20:126 O Daala: "Ko wano nii arunoo e maaɗa Aayeeje Amen ɗen yejjituɗaa ɗe, ko wano nii kadi hannde yejjitirteɗaa
ﭛﭜﭝﭞﭟﭠﭡﭢﭣﭤﭥﭦﭧﭨ
20:127 Ko wano nii Men yoɓirta on fantinɗo hara o gomɗinaa Aayeeje Joomi makko ɗen, pellet, ko Lepte Laakara ɗen ɓuri saɗtude ko ɗen kadi heddotoo
ﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻ
20:128 Kaa hara ɓannganaali ɓe no foti hewde ko Men halki ado maɓɓe immorde e gire? Hiɓe yaha e koɗooli maɓɓe, pellet, no e ɗum Aayeeje wonannde joomiraaɓe hakkillaaji ɓen
ﭼﭽﭾﭿﮀﮁﮂﮃﮄﮅ
20:129 Sinno wonaano Daalol aditii ngol immorde ka Joomi maaɗa [Lepte] ɗen laatotono duumiiɗe e lajal innaangal
ﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛ
20:130 Munño e dow ko ɓe wowlata kon, subuhinor yettugol Joomi maaɗa ko adii ƴellitagol naange ngen e ko adii mutugol magge e ka saa’iiji jemma subuhino e ka seraaji ñallal belajo’o a weltoto
ﮜﮝﮞﮟﮠﮡﮢﮣﮤﮥﮦﮧﮨﮩﮪﮫﮬﮭﮮﮯ
20:131 Wata a yawtin dey gite maa ɗen faade kon ko Men dekmini ɗum nooneeji immorde e maɓɓe, cuɗaari ngurndam aduna fii yo Men jarribor ɓe e ɗum, Arsike Joomi maaɗa on ɓuri moƴƴude ko on kadi heddotoo
ﮰﮱﯓﯔﯕﯖﯗﯘﯙﯚﯛﯜﯝﯞﯟﯠ
20:132 Yamir ɓeynguure maaɗa nden Julde nden monñitoraa e ɗum, Men lanndaaki ma arsike ko Menen arsikaymaa. Battane [moƴƴe] ɗen kadi wonanii hulooɓe Alla ɓen
ﯡﯢﯣﯤﯥﯦﯧﯨﯩﯪﯫﯬﯭﯮﯯ
20:133 Ɓe wi`i: "Ko hanno ara e amen Aaya immorde ka Joomi makko?" Enee, hara araali e maɓɓe ɓanngal ko woni kon e ɗeri arani ɗin
ﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃ
20:134 Sinndo Menen Men halkirno ɓe Lepte ko adii ɗum, ɓe wi`ayno: "Joomi amen, ko hannoo Nualaa e amen Nulaaɗo men jokka Aayeeje Maa ɗen, ko adii nde Men hoyata men hesra
ﰄﰅﰆﰇﰈﰉﰊﰋﰌﰍﰎﰏﰐ
20:135 Maaku: "Gooto kala [e amen] no habbitii, [onon kadi] habbitee aray anndon ko hommbo woni jom Laawol Focciingol ngol ko hommbo kadi feewi
القرآن الكريم ☾ Alkur'aana

Al-Qur'aana
Wednesday, September 9, 2026

Don't forget us in your sincere prayers