Al-Kur'an Oju-iwe 186

Iwo Anabi, so fun awon t’o n be lowo yin ninu awon eru ogun pe, “Ti Allahu ba mo daadaa kan ninu okan yin, O maa fun yin ni ohun t’o dara ju ohun ti won gba lowo yin. O si maa forijin yin. Allahu si ni Alaforijin, Onikee.”

Ti won ba si n gbero ijanba si o, won kuku ti janba Allahu siwaju. O si fun o lagbara lori won. Allahu si ni Onimo, Ologbon

Dajudaju awon t’o gbagbo ni ododo, ti won gbe ilu won ju sile, ti won si fi dukia won ati emi won jagun loju ona (esin) Allahu, ati awon t’o gba won sodo (ninu ilu), ti won si ran won lowo; awon wonyen, apa kan won l’ore apa kan (t’o le jogun ara won). Awon t’o gbagbo, ti won ko si gbe ilu won ju sile, ko letoo fun yin lati mu won loree nibi kan kan (t’o le mu yin jogun ara yin), titi won yoo fi gbe ilu won ju sile. Ti won ba si wa iranlowo yin (lori ota) nipa esin, iranlowo naa di dandan fun yin ayafi lori ijo kan ti adehun n be laaarin eyin ati awon. Allahu si ni Oluriran nipa ohun ti e n se nise

Awon alaigbagbo; apa kan won ni alatileyin apa kan. Afi ki eyin naa se bee ni ifooro ati ibaje t’o tobi ko fi nii wa lori ile

Awon t’o gbagbo ni ododo, ti won gbe ilu won ju sile, ti won si jagun l’oju ona (esin) Allahu ati awon t’o gba won sodo (ninu ilu), ti won si ran won lowo; ni ti ododo awon wonyen, awon ni onigbagbo ododo. Aforijin ati arisiki alapon-onle si wa fun won

Awon t’o gbagbo ni ododo leyin (won), ti won gbe ilu won ju sile, ti won si jagun esin pelu yin, awon wonyen naa wa lara yin. Ati pe awon ibatan, apa kan won ni eto julo si apa kan (nipa ogun jije) ninu Tira Allahu. Dajudaju Allahu ni Onimo nipa gbogbo nnkan