Surah Al-Anbiya pdf — Download (Maranao)
Surah Al-Anbiya pdf Maranao — Download Surah Al-Anbiya Baalikan. Surah Al-Anbiya (Meccan) 112 Ayat.
Related
- Surah Al-Anbiya BaalikanMaranao
- Surah Al-Anbiya mp3Pamakin'eg
- Quran Index Maranao114
More Surah PDF
Surah Al-Anbiya
ﭑﭒﭓﭔﭕﭖﭗﭘ
21:1
Miyakarani ko manga manosiya so kaphamagitonga kiran a siran na matatago ko kalipat a khitatalikhod
ﭙﭚﭛﭜﭝﭞﭟﭠﭡﭢﭣﭤ
21:2
Daa phakatalingoma kiran a pananadm a phoon ko Kadnan iran a bago, a ba iran di phamamakin´ga a siran na sasablawn iran
ﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶ
21:3
Mabibimban so manga poso iran na inipnanay ran so bitiyara a siran na manga darowaka a: "Da ko ngkaya inonta na manosiya a lagid iyo; ati zong kano ko balik mata a skano na pkhaylay niyo
ﭷﭸﭹﭺﭻﭼﭽﭾﭿﮀﮁﮂ
21:4
Pitharo (o Mohammad): "So Kadnan ko na katawan Iyan so katharo ko langit ago so lopa: Go Skaniyan so Pphakan´g a Matao
ﮃﮄﮅﮆﮇﮈﮉﮊﮋﮌﮍﮎﮏﮐﮑ
21:5
Kna, ka pitharo iran a: "Manga sambar a manga taginpn! Kna, ka pimbabaas iyan oto! Kna, ka skaniyan na pababayok na witi tano niyan sa tanda lagid o kiyasogoa ko miyangaoona
ﮒﮓﮔﮕﮖﮗﮘﮙﮚﮛ
21:6
Daa miyaratiyaya a miyaonaan iran a phagingd, a bininasa Mi skaniyan: Ino siran pharatiyaya siran
ﮜﮝﮞﮟﮠﮡﮢﮣﮤﮥﮦﮧﮨﮩﮪﮫ
21:7
Na da a siyogo Ami ko miyaonaan ka a rowar sa manga mama, a phagilahaman Ami siran na izai niyo so adn a katao niyan o skano na di niyo katawi
ﮬﮭﮮﮯﮰﮱﯓﯔﯕﯖ
21:8
Na da Ami siran snggai sa lawas a di phamangangan ko pangn´ngkn, go kna a ba siran phangakakakal (ko doniya)
ﯗﯘﯙﯚﯛﯜﯝﯞﯟ
21:9
Oriyan iyan na initoman Ami kiran so diyandi, na siyabt Ami siran ago so taw a kabayi Ami, go bininsasa Mi so manga malawani
ﯠﯡﯢﯣﯤﯥﯦﯧﯨﯩ
21:10
Sabnsabnar a tiyoronan Ami skano sa kitab a ndodon so mnang iyo: Ino niyo di pnggdagdaa
ﭑﭒﭓﭔﭕﭖﭗﭘﭙﭚﭛ
21:11
Na madakl a bininas Ami a phagingd a aya btad iyan na darowaka, na mimbago Kami ko oriyan iyan sa pagtaw a manga salakaw
ﭜﭝﭞﭟﭠﭡﭢﭣ
21:12
Na kagiya a magdam iran so siksa Ami, na samawto na siran na pnggagaanan iran malagoy
ﭤﭥﭦﭧﭨﭩﭪﭫﭬﭭﭮ
21:13
(Pitharo kiran): Di kano phamalagoy, go kasoy kano ko inipangalimo rkano, go so manga darpa iyo, ka ang kano kayzai
ﭯﭰﭱﭲﭳﭴ
21:14
Miyatharo iran: "Hay dowandowaan tano, mataan! a sktano na mimbaloy tano a manga darowaka
ﭵﭶﭷﭸﭹﭺﭻﭼﭽ
21:15
Na da dn mapta angkoto a kapnggoraok iran, taman sa biyaloy Ami siran a (lagid o) piragon a miyangattbas
ﭾﭿﮀﮁﮂﮃﮄﮅ
21:16
Na kna a ba aya kiyaadna Mi ko langit ago so lopa, go so nganin a lt a dowa nan na ba Ami kabimbanan
ﮆﮇﮈﮉﮊﮋﮌﮍﮎﮏﮐﮑ
21:17
O kabaya Ami a komowa Kami sa karimbaran, na mataan a kowaan Ami skaniyan phoon ko hadapan Ami, o Skami na pnggolawla Ami
ﮒﮓﮔﮕﮖﮗﮘﮙﮚﮛﮜﮝﮞﮟﮠ
21:18
Kna, ka ipmbasbas Ami so ontol ko ribat, na mapakaphagotkotk iyan, na samawto na skaniyan na pkhaylang! Na aya rk iyo na so sangat a siksa phoon ko iphropa nyo
ﮡﮢﮣﮤﮥﮦﮧﮨﮩﮪﮫﮬﮭﮮﮯ
21:19
Na rk Iyan so zisii ko manga langit go so lopa: Go so (manga malaikat a) zisii ko hadapan Iyan na di iran iphnama a kapzimbaa Rkaniyan, go di siran protosn
ﮰﮱﯓﯔﯕﯖ
21:20
Gi iran iphoroporo ko gagawii go so dawndaw sa di iran printasn
ﯗﯘﯙﯚﯛﯜﯝﯞ
21:21
Ba siran miyakakowa sa manga katohanan phoon ko lopa a siran na makaphangoyag siran sa miyatay
ﯟﯠﯡﯢﯣﯤﯥﯦﯧﯨﯩﯪﯫﯬﯭ
21:22
O adn a matatago sa dowa oto, a manga tohan a salakaw ko Allah, na mabinasa dn a dowa oto! Na Soti so Allah, a Kadnan o aras: Phoon ko iphropa iran
ﯮﯯﯰﯱﯲﯳﯴ
21:23
Di Ron khiiza so gii Niyan nggolawlaan, ka siran i khayzaan
ﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏ
21:24
Ba siran miyakakowa sa manga katohanan a salakaw ko Allah? Tharoang ka a: "Bgay kano sa karina niyo: Giyaya na pananadm o taw a pd akn, go pananadm o taw a miyaonaang ko"; ogaid na so kadaklan kiran na di iran katawan so bnar, na siran na khitatalikhod
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ
21:25
Na da a siyogo Ami ko miyaonaan ka a sogo a ba Ami ron di phagilahamn a: Mataan aya! a da a tohan a inonta Sakn; na simba Ako niyo
ﭡﭢﭣﭤﭥﭦﭧﭨﭩﭪﭫ
21:26
Na pitharo iran a: "Kominowa so (Allah a) Masalinggagaw sa wata (a manga malaikat)" Soti Skaniyan! Kna, ka manga oripn a khisslaan
ﭬﭭﭮﭯﭰﭱﭲ
21:27
Daa khiona iran on a katharo, go siran na so sogoan Iyan i gi iran manggolawla
ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ
21:28
Katawan Iyan so kasasangoran iran, go so katatalikhodan iran, go da a khaogopan iran a inonta so miyasoat on (so Allah), go siran na phoon ko kalk Rkaniyan na somasangkop siran
ﮃﮄﮅﮆﮇﮈﮉﮊﮋﮌﮍﮎﮏﮐﮑﮒ
21:29
Na sadn sa tharo a pd kiran sa: "Mataan! a sakn na tohan a salakaw ko Allah", na giyoto man na imbadal Ami ron so naraka Jahannam: Lagid man oto a imbadal Ami ko manga darowaka
ﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧ
21:30
Ba da katokawi o siran a miyamangongkir a mataan! a so manga langit ago so lopa na aya btad a dowa oto na masasatiman (sa awal), na piyakamblag Ami siran? Na inadn Ami a phoon ko ig so langowan taman a oyagoyag. Ba siran di pharatiyaya
ﮨﮩﮪﮫﮬﮭﮮﮯﮰﮱﯓﯔﯕﯖ
21:31
Na piyamakabknan Ami so lopa sa manga palaw, ka an iyan siran di pkhakoyong, go miyangmbaal Kami ron sa manga dadaya a okita a manga lalan, ka an siran makakdg ko ontol
ﯗﯘﯙﯚﯛﯜﯝﯞﯟﯠ
21:32
Go biyaloy Ami so langit a atp a sisiyapn: Na siran na so manga tanda on na tatalikhodan iran
ﯡﯢﯣﯤﯥﯦﯧﯨﯩﯪﯫﯬﯭ
21:33
Na Skaniyan so miyadn ko gagawii go so dawndaw, go so alongan go so olan: Oman i isa on na sii ko okit iyan pphamangdg
ﯮﯯﯰﯱﯲﯳﯴﯵﯶﯷﯸﯹ
21:34
Na da a singgayan Ami a manosiya a miyaonaan ka ko kakakal (ko doniya): Ino amay ka matay ka, na siran na khakakal siran
ﯺﯻﯼﯽﯾﯿﰀﰁﰂﰃﰄﰅﰆ
21:35
Oman i baraniyawa na phakataam ko kapatay: Na ipthpng Ami rkano so marata, go so mapiya, ka tiyoba. Na sii kano Rkami phakandoda
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢ
21:36
Na igira a miyailay ka o siran a miyamangongkir, na ba ka iran dn pkhowaa kasandagan. (Gii ran tharoon): "Ba giyai so phagaloy ko manga katohanan niyo?" Go siran ko kapkhaaloy o (Allah a) Masalinggagaw na siran na o ongkirn iran
ﭣﭤﭥﭦﭧﭨﭩﭪﭫﭬ
21:37
Inadn so manosiya a aalokalokn: Phakiilay Akn rkano dn so manga tanda Akn; na di niyo phagalokaloki
ﭭﭮﭯﭰﭱﭲﭳﭴ
21:38
Na gi iran tharoon: "Anda dn angkai a diyandi, o skano na mmamataan kano
ﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅ
21:39
O katokawi o siran a miyamangongkir so masa a di iran marn ko manga paras iran so apoy, go so manga likod iran, go di siran katabangan (na di iran oto matharo)
ﮆﮇﮈﮉﮊﮋﮌﮍﮎﮏﮐ
21:40
Kna, ka phakatalingoma kiran sa mitalmba, na makatktk kiran: Na di iran magaga i karnawn, go di kiran mataalik
ﮑﮒﮓﮔﮕﮖﮗﮘﮙﮚﮛﮜﮝﮞ
21:41
Na sabnsabnar a piyamagompat so manga sogo ko miyaonaan ka; na miyakatoron ko siran a miyamagrg kiran so piyamagompat iran (a siksa)
ﮟﮠﮡﮢﮣﮤﮥﮦﮧﮨﮩﮪﮫﮬﮭ
21:42
Tharoang ka a: "Antawaa i makasiyap rkano ko gagawii go so dawndaw ko (siksa o Allah a) Masalinggagaw?" Kna, ka siran na so pananadm ko Kadnan iran na tatalikhodan iran
ﮮﮯﮰﮱﯓﯔﯕﯖﯗﯘﯙﯚﯛﯜﯝﯞ
21:43
Ba adn a manga katohanan iran a makalinding kiran a salakaw Rkami? Di iran khagaga i katabangi ko manga ginawa iran, go da a makaphaninindgan kiran phoon Rkami
ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳ
21:44
Kna, ka piyakisawitan Ami so kapagintaw ko siran aya, ago so manga loks iran taman sa miyakalndo kiran so omor. Ba iran di khaylay a mataan! a Skami na pzangorn Ami so lopa, na pkhorangan Ami skaniyan ko mbalabala on? Ba siran i phamakadaag
ﭑﭒﭓﭔﭕﭖﭗﭘﭙﭚﭛﭜﭝ
21:45
Tharoang ka (hay Mohammad) a: "Aya bo a ipphamakaiktiyar Akn rkano na so wahi (a phoon ko Allah)": Na di phamakin´gn o manga bngl so pananawag, igira a pphamakaiktiyarn siran
ﭞﭟﭠﭡﭢﭣﭤﭥﭦﭧﭨﭩ
21:46
Na mataan a o adn a misogat kiran a mayto bo ko siksa o Kadnan ka, na mataan! a ptharoon iran dn: "Hay dowan dowaan tano, mataan! a sktano na mimbaloy tano a manga darowaka
ﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀ
21:47
Na ibtad Ami so manga timbangan a ontol sii ko alongan a qiyamah, na da a kasalimbotan a baraniyawa sa mayto bo. Na o adn a timbang (bo) o od a hardal, na italingoma Mi skaniyan: Na makatatarotop Kami a manga pagiitong
ﮁﮂﮃﮄﮅﮆﮇﮈﮉ
21:48
Na sabnsabnar a inibgay Ami ko Mosa, go so Haron so (Tawrat) a padoman, go sindaw go pananadm a bagian o khipanananggila
ﮊﮋﮌﮍﮎﮏﮐﮑﮒ
21:49
Siran na somasangkop siran ko Kadnan iran a migagaib, go siran na so bangkit na ikaalk iran
ﮓﮔﮕﮖﮗﮘﮙﮚﮛ
21:50
Na giyang kaya (a Qor´an) na pananadm a piyakandaklan sa mapiya a initoron Ami skaniyan; ino skano pagongkirn iyo skaniyan
ﮜﮝﮞﮟﮠﮡﮢﮣﮤﮥﮦ
21:51
Na sabnsabnar a inibgay Ami ko Ibrahim so toroan rkaniyan gowani, go Skami i manga tatao ron
ﮧﮨﮩﮪﮫﮬﮭﮮﮯﮰﮱﯓ
21:52
Gowani na pitharo iyan ki ama iyan go so pagtaw niyan: "Antonaa angkai a manga barahala, a so skano na aya niyo dn sisimbaan
ﯔﯕﯖﯗﯘﯙ
21:53
Pitharo iran a: "Miyatoon ami so manga loks ami a pphamanimbaan iran
ﯚﯛﯜﯝﯞﯟﯠﯡﯢ
21:54
Pitharo iyan a: "Sabnsabnar a miyatago kano skano go so manga loks iyo ko kadadag a mapayag
ﯣﯤﯥﯦﯧﯨﯩﯪ
21:55
Pitharo iran: "Bang ka rkami inowit so bnar, antawaa ska na pd ko manga sasablaw
ﯫﯬﯭﯮﯯﯰﯱﯲﯳﯴﯵﯶﯷﯸ
21:56
Pitharo iyan: "Kna, ka aya Kadnan iyo na so Kadnan o manga langit ago so lopa, a so miyadn kiran: Na sakn sa makapantag roo man na pd ko manga saksi (on)
ﯹﯺﯻﯼﯽﯾﯿﰀ
21:57
Na ibt ko Allah, ka prataan ko dn so manga barahala niyo ko oriyan o kalalakaw niyo, a mamakatalikhod kano
ﭑﭒﭓﭔﭕﭖﭗﭘﭙ
21:58
Na piphoonan iyan siran mroropt, inonta so mala kiran, ka kalokalo siran na pangndodan iran skaniyan
ﭚﭛﭜﭝﭞﭟﭠﭡﭢ
21:59
Pitharo iran: "Antawaa i minggolawla sii ko manga katohanan tano? Mataan! a skaniyan na pd dn ko manga darowaka
ﭣﭤﭥﭦﭧﭨﭩﭪ
21:60
Pitharo iran a: "Miyan´g ami a mangoda a phagalowin iyan siran a: Pmbthowan skaniyan sa Ibrahim
ﭫﭬﭭﭮﭯﭰﭱﭲﭳ
21:61
Pitharo iran: "Na wita niyo skaniyan ko phangaiilay o manga manosia, ka an iran kazaksii
ﭴﭵﭶﭷﭸﭹﭺ
21:62
Pitharo iran: "Ba ska i minggolawla saya ko manga katohanan ami, hay Ibrahim
ﭻﭼﭽﭾﭿﮀﮁﮂﮃﮄ
21:63
Pitharo iyan: "Kna, ka aya minggolawla on na giya mala kiran aya! Na izai niyo siran, o siran na makaptharo siran
ﮅﮆﮇﮈﮉﮊﮋﮌ
21:64
Na kiyandodan iran a ginawa iran na pitharo iran a: "Mataan! a skano na skano i manga darowaka
ﮍﮎﮏﮐﮑﮒﮓﮔﮕﮖ
21:65
Oriyan iyan na miyabariyonsong a manga olo iran (na pitharo iran:) "Sabnsabnar a katawan ka a di siran aya makapthataro
ﮗﮘﮙﮚﮛﮜﮝﮞﮟﮠﮡﮢ
21:66
Pitharo iyan: "Ino niyo pzimbaa a salakaw ko Allah, so da a khiyompiya niyan rkano a mayto bo, go da a khibinasa niyan rkano
ﮣﮤﮥﮦﮧﮨﮩﮪﮫﮬﮭ
21:67
Marzik kano, ago so pzimbaan iyo a salakaw ko Allah! Ba kano di pnggdagda
ﮮﮯﮰﮱﯓﯔﯕﯖ
21:68
Pitharo iran: "Totonga niyo skaniyan, go tabangi niyo so manga katohanan iyo, o skano na pnggolawlaan niyo
ﯗﯘﯙﯚﯛﯜﯝﯞ
21:69
Pitharo Ami: "Hay apoy, mbaloy ka a matnggaw, go kalilintad a sii ko Ibrahim
ﯟﯠﯡﯢﯣﯤ
21:70
Na piyakaantapan iran skaniyan sa tipo: Na biyaloy Ami siran a titho a manga logi
ﯥﯦﯧﯨﯩﯪﯫﯬﯭ
21:71
Na siyabt Ami so Ibrahim go so Lot sa inowit Ami ko lopa (a Sham) a so piyakandaklan Ami sa mapiya so dalm iyan, a bagian o manga kaadn
ﯮﯯﯰﯱﯲﯳﯴﯵﯶﯷ
21:72
Na inibgay Ami ron so Is´haq; go so Ya´qob a inioman. Na oman I isa kiran na biyaloy Ami a manga bilangataw
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡ
21:73
Go biyaloy Ami siran a pkhakawnotan, a ipphamando iran so sogoan Ami, go iniilaham Ami kiran so kanggolawlaa ko manga pipiya, go so kipamayandgn ko sambayang, go so katonaya ko zakat; go miyabaloy siran a pphamanimba Rkami
ﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳ
21:74
Go so Lot, na bigan Ami skaniyan sa kokoman go katao, go siyabt Ami skaniyan ko (taw ko) ingd a so miyabaloy a giinggolawla ko manga rrzik: Mataan! a siran na miyabaloy siran a pagtaw a marata, a manga songklid
ﭴﭵﭶﭷﭸﭹﭺﭻ
21:75
Na piyakasold Ami skaniyan ko limo Ami: Mataan! a skaniyan na pd ko manga bilangataw
ﭼﭽﭾﭿﮀﮁﮂﮃﮄﮅﮆﮇﮈ
21:76
Go so Noh, ko masa a kiyapangni niyan gowani: Na tiyarima Ami skaniyan, go siyabt Ami skaniyan go so taalok on phoon ko boko a mala
ﮉﮊﮋﮌﮍﮎﮏﮐﮑﮒﮓﮔﮕﮖ
21:77
Go tiyabangan Ami skaniyan ko pagtaw a so piyakambokhag iran so manga ayat Ami: Mataan! a siran na miyabaloy siran a pagtaw a marata: Na inld Ami siran langon
ﮗﮘﮙﮚﮛﮜﮝﮞﮟﮠﮡﮢﮣﮤﮥ
21:78
Go so Dawood, go so Solayman, na gowani na pkhokomn iran so pangomaan gowani a manathab on so kambing o pagtaw: Na miyabaloy Kami ko kokoman iran a manga saksi
ﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘ
21:79
Na piyakisabotan Ami oto ko Solayman: Go oman i isa kiran na bigan Ami sa kokoman go katao; go piyakaphasiyonot Ami a rakhs o Dawood so manga palaw a pthasbik siran, ago so manga papanok: Na Skami i minggolawla (roo)
ﯙﯚﯛﯜﯝﯞﯟﯠﯡﯢﯣﯤ
21:80
Go inindao Ami ron so kaphanday sa rabn a bagian iyo, ka ang kano niyan marnding ko gomaan (o ridoay) niyo: Na una, skano, phanalamat kano
ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ
21:81
Go (piyakaphasiyonot Ami ko) bagian o Solayman so ndo a mabagr, pzambr sa sabap sa sogoan iyan, sii ko lopa a so piyakandakl Ami ron so manga pipiya: Na miyabaloy Kami sii ko langowan taman a manga tatao
ﭑﭒﭓﭔﭕﭖﭗﭘﭙﭚﭛﭜﭝﭞ
21:82
Go (piyakaphasiyonot Ami ron) so manga shaytan, a so ipphaninb iran (sa montiya) go gii siran nggalbk sa galbk a salakaw roo; na Skami i somisiyap kiran
ﭟﭠﭡﭢﭣﭤﭥﭦﭧﭨﭩﭪ
21:83
Go so Ayyob, gowani na miyangni ko Kadnan iyan, (sa pitharo iyan:) "Mataan! a sakn na miyasogat ako a morala, na Ska i lbi a Makalimoon ko Pphamangalimo
ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼ
21:84
Na tiyarima Ami skaniyan: Na inangkat Ami so minisogat on a morala, go inibgay Ami ron so taalok on, go so lagid iran a rakhs iran, - a limo a phoon ko hadapan Ami, go pananadm a bagian o manga barasimba
ﭽﭾﭿﮀﮁﮂﮃﮄﮅ
21:85
Go so Ismail, go so Idris, go so Zilkifli, oman i isa kiran na pd ko manga papantang
ﮆﮇﮈﮉﮊﮋﮌﮍ
21:86
Na piyakasold Ami siran ko limo Ami: Mataan! a siran na pd ko manga bilangataw
ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥ
21:87
Go so Yonos a liyamd a sda, gowani a lomalakaw a pkhararangitan: Na aya antangan iyan na di Ami dn kaphakasimpitan skaniyan! Na minigoraok iyan ko katatago iyan ko manga lilibotng: "Da a tohan a inonta Ska: Soti ka: Mataan! a sakn na miyabaloy ako a pd ko manga baradosa
ﮦﮧﮨﮩﮪﮫﮬﮭﮮﮯ
21:88
Na tiyarima Ami skaniyan: Go siyabt Ami skaniyan phoon ko kapakandadamar: Na lagid man aya a kazabt Ami ko miyamaratiyaya
ﮰﮱﯓﯔﯕﯖﯗﯘﯙﯚﯛﯜ
21:89
Go so Zakariya, gowani a mangni ko Kadnan iyan: "Kadnan ko, di akong Ka mbagakn a tawantawan, na Ska i lbi a mapiya ko manga waris
ﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ
21:90
Na tiyarima Ami skaniyan: Go inibgay Ami rkaniyan so Yahya: Go tiyanor Ami rkaniyan si karoma niyan. Mataan! a siran na miyabaloy siran a gii siran magoradorad ko manga pipiya: Go pphamangni siran Rkami sa kabaya ago kalk, go miyabaloy siran a sii siran Rkami pphananangkopan
ﭑﭒﭓﭔﭕﭖﭗﭘﭙﭚﭛﭜ
21:91
Go so (Maryam a) siniyap iyan a ginawa niyan: Na iniiyop Ami ron so pd ko inadn Ami a niyawa, go biyaloy Ami skaniyan ago so wata iyan a tanda ko manga kaadn
ﭝﭞﭟﭠﭡﭢﭣﭤﭥ
21:92
Mataan! a giyai okit iyo a okit a isa, go Sakn i Kadnan iyo: Na simba Ako niyo
ﭦﭧﭨﭩﭪﭫﭬﭭ
21:93
Na pizapotol iran so okit iran, ko ltlt iran; na oman i isa kiran na sii siran Rkami phamakandod
ﭮﭯﭰﭱﭲﭳﭴﭵﭶﭷﭸﭹﭺ
21:94
Na sadn sa nggalbkn iyan so manga pipiya a skaniyan na mapaparatiyaya, - na di kalimngan so galbk iyan: Go mataan! a skami i pphanorat on
ﭻﭼﭽﭾﭿﮀﮁﮂ
21:95
Na inrn so phagingd a bininasa Mi skaniyan: Mataan! a siran na di siran makambalingan
ﮃﮄﮅﮆﮇﮈﮉﮊﮋﮌﮍ
21:96
Taman ko masa a kalkaan so Yajoj ago so Majoj, a siran na mamakapoon ko oman i bobongan a gii siran zasakoya
ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ
21:97
Na miyakarani so diyandi a bnar: Na samawto na giyoto! na masambolayang so manga kaylay o siran a miyamangongkir: (matharo iran:) "Hay dowan dowaan tano! Sabnar a miyatago tano ko da kayn´ngkaa sangkai; kna, ka mimbaloy tano a manga darowaka
ﮢﮣﮤﮥﮦﮧﮨﮩﮪﮫﮬﮭ
21:98
Mataan! a skano ago so pzimbaan iyo a salakaw ko Allah, na itagon ko naraka Jahannam! Skano na rong kano phamakasold
ﮮﮯﮰﮱﯓﯔﯕﯖﯗﯘﯙ
21:99
O aya btad o siran aya na manga katohanan, na di siran on mamakasold. Na oman i isa kiran na ron siran on dn makakakal
ﯚﯛﯜﯝﯞﯟﯠﯡ
21:100
Aya bagian iran on na katagaw, go siran na di siran roo phamakan´g
ﯢﯣﯤﯥﯦﯧﯨﯩﯪﯫ
21:101
Mataan! a siran a miyaona a bagian iran a phoon Rkami so mapiya, na siran man na piyakawatan siran on
ﭑﭒﭓﭔﭕﭖﭗﭘﭙﭚﭛ
21:102
Di ran khan´g so dagdb iyan: Go siran i khatago ko pkhababayaan o manga ginawa iran, sa makakakal siran (roo)
ﭜﭝﭞﭟﭠﭡﭢﭣﭤﭥﭦﭧ
21:103
Di siran mapakamboko o pakalklk a lbi a mala: Go ipagalaw kiran o manga malaikat a: "Giyaya so alongan iyo, - a so skano na ididiyandi rkano
ﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻ
21:104
Alongan a kalolona Mi ko langit lagid o kaplolona o paniniyorat ko manga kitab, - lagid o kiniphoonn Ami ko paganay a kiyapangadn, a khasowin Ami skaniyan: Diyandi a matatangkd Rkami: Mataan! a Skami i tatap a pnggagalbk
ﭼﭽﭾﭿﮀﮁﮂﮃﮄﮅﮆﮇﮈ
21:105
Na sabnsabnar a inisorat Ami ko Zaboor, ko oriyan o pananadm a: "Mataan! a so lopa na kaphangowarisan oto o manga oripn ko a manga bilangataw
ﮉﮊﮋﮌﮍﮎﮏ
21:106
Mataan! a matatago saya so tanto a tarotop a ndao, a bagian o pagtaw a manga barasimba
ﮐﮑﮒﮓﮔﮕ
21:107
Na da a kiyasogo Ami rka (hay Mohammad), a rowar sa limo ko manga kaadn
ﮖﮗﮘﮙﮚﮛﮜﮝﮞﮟﮠﮡﮢ
21:108
Tharoang ka (hay Mohammad) a: "Aya bo a iphagilaham rakn na aya bo a tohan iyo na tohan a isa": Na una, skano mimbayorantang kano
ﮣﮤﮥﮦﮧﮨﮩﮪﮫﮬﮭﮮﮯﮰﮱ
21:109
Na amay ka tomalikhod siran, na tharoang ka a: "Piyakatokaw akn skano sa mlagilagid; na di ko katawan o ino marani antawaa mawatan so ididiyandi rkano
ﯓﯔﯕﯖﯗﯘﯙﯚﯛ
21:110
Mataan! a Skaniyan na katawan Iyan so matanog a katharo, go katawan Iyan so pag-umaan nyo
ﯜﯝﯞﯟﯠﯡﯢﯣﯤ
21:111
Na di akn katawan oba giyaya na tiyoba rkano, go kazonor taman ko masa (o kapatay)
ﯥﯦﯧﯨﯩﯪﯫﯬﯭﯮﯯﯰ
21:112
Pitharo iyan: "Kadnan ko, kokomn Ka (rkami) so bnar. Na aya Kadnan ami na so (Allah a) Masalinggagaw a Kaphangniyan sa tabang, a sorang ko iphropa niyo
Qur-an a Soti
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qur-an a Soti mp3
Complete Recitation — حفص عن عاصم
Abdul Basit Qur-an a Soti mp3
Complete Recitation — حفص عن عاصم
Mishary Rashid Alafasy Qur-an a Soti mp3
Complete Recitation — حفص عن عاصم
Al-Hussary Mahmoud Khalil Qur-an a Soti mp3
Complete Recitation — حفص عن عاصم
Muhammad Siddiq Al-Minshawi Qur-an a Soti mp3
Complete Recitation — حفص عن عاصم
Abdul Rahman Al-Sudais Qur-an a Soti mp3
Complete Recitation — حفص عن عاصم
Saud Al-Shuraim Qur-an a Soti mp3
Complete Recitation — حفص عن عاصم
Maher Al-Muaiqly Qur-an a Soti mp3
Complete Recitation — حفص عن عاصم