Surah Al-Haqqah pdf Maranao

PDF —

52 Ayat Meccan PDF

Built right in your browser — download starts automatically

Surah Al-Haqqah pdf — Download (Maranao)

Surah Al-Haqqah pdf Maranao — Download Surah Al-Haqqah Baalikan. Surah Al-Haqqah (Meccan) 52 Ayat.

📚 Batiya 🎧 Pamakin'eg mp3 📜 Qur-an a Soti

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Haqqah

52 Ayat · Meccan · Maranao

ﮯﮰ

69:1 So phakatangkd

ﮱﯓﯔ

69:2 Antonaa so phakatangkd

ﯕﯖﯗﯘﯙ

69:3 Na antawaa i miyakandao rka o antonaa so phakatangkd (a giyoto so bangkit)

ﯚﯛﯜﯝﯞ

69:4 Piyakambokhag o pagtaw a Samod, ago so pagtaw a Ad so phakatktk

ﯟﯠﯡﯢﯣ

69:5 Na so pagtaw a Samod, na inibinasa kiran so lalis a minitaralo

ﯤﯥﯦﯧﯨﯩﯪ

69:6 Na so pman so pagtaw a Ad, na inibinasa kiran so ndo a domadagoos, a miyakabandbands

ﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻ

69:7 Piyakapangarasi Niyan kiran sa miyakapito ka gagawii, go miyakawalo ka dawndaw sa da mapta, na khaylaing ka so pagtaw roo a khipakakklit, lagid oba siran manga itado a korma a miyanga o othang

ﯼﯽﯾﯿﰀﰁ

69:8 Na ba adn a khaylaing ka kiran a malalamba

ﭑﭒﭓﭔﭕﭖﭗ

69:9 Na siyogok o Pir´awn, ago so miyaonaan iyan, ago so taw sa Mo´tafikah so dosa

ﭘﭙﭚﭛﭜﭝﭞ

69:10 Go siyangka iran so sogo o Kadnan iran, na siniksa Iyan siran sa siksa a maylot

ﭟﭠﭡﭢﭣﭤﭥﭦ

69:11 Mataan! a Skami na kagiya a lomapay so ig na riyoran Ami skano ko kapal

ﭧﭨﭩﭪﭫﭬﭭ

69:12 Kaan Ami rkano oto mabaloy a pananadm, go adn man´g skaniyan o tangila a pphamamakin´g

ﭮﭯﭰﭱﭲﭳﭴ

69:13 Na amay ka iyopn so sanggakala sa kaiyop a makaysa

ﭵﭶﭷﭸﭹﭺﭻ

69:14 Go madiyongkat so lopa ago so manga palaw, na maropt a dowa oto sa karopt a makaysa

ﭼﭽﭾﭿ

69:15 Na sa alongan oto na makatana so phakatana (a giyoto so bangkit)

ﮀﮁﮂﮃﮄﮅ

69:16 Go manga oopak so langit, na skaniyan sa alongan oto na makalmk

ﮆﮇﮈﮉﮊﮋﮌﮍﮎﮏﮐ

69:17 Go so manga malaikat na sii ko manga bagibir iyan. Na tanggongn so aras o Kadnan ka ko kaporoan iran sa alongan oto o walo (a manga malaikat)

ﮑﮒﮓﮔﮕﮖﮗ

69:18 Sa alongan oto na pakadarpaan kano na da a makapagma rkano a phagma

ﮘﮙﮚﮛﮜﮝﮞﮟﮠﮡ

69:19 Na so mibgay ron so daptar iyan, sii ko kawanan iyan, na tharoon iyan a: "Kowaa niyo, na batiyaa niyo so daptar akn

ﮢﮣﮤﮥﮦﮧ

69:20 Mataan! a sakn na miyatangkd akn a mataan! a sakn na khatmo akn so itongan rakn

ﮨﮩﮪﮫﮬ

69:21 Na skaniyan na matago ko kawyagoyag a kasosoat

ﮭﮮﮯﮰ

69:22 Sii ko sorga a maporo

ﮱﯓﯔ

69:23 So manga onga on na manga rarani

ﯕﯖﯗﯘﯙﯚﯛﯜﯝ

69:24 (Tharoon kiran:) "Kang kano go inom kano sa kapipiya ginawa, sabap ko miniona niyo ko manga alongan a miyaypos

ﯞﯟﯠﯡﯢﯣﯤﯥﯦﯧﯨ

69:25 Na so pman so mibgay ron so daptar iyan sii ko diwang iyan, na matharo iyan: "Hay oba rakn bo da mibgay so daptar akn

ﯩﯪﯫﯬﯭ

69:26 Go di akn katawan o antonaa i itongan rakn

ﯮﯯﯰﯱ

69:27 Hay oba bo skaniyan na miyabaloy a kapatay dn

ﯲﯳﯴﯵﯶﯷ

69:28 Daa minilinding rakn o tamok akn

ﯸﯹﯺﯻ

69:29 Miyada rakn so bagr akn

ﯼﯽﯾ

69:30 (Tharoon o Allah:) "Kowaa niyo na sangkalii niyo skaniyan

ﯿﰀﰁﰂ

69:31 Oriyan iyan na so naraka Jahim na sombo niyo ron

ﰃﰄﰅﰆﰇﰈﰉﰊ

69:32 Oriyan iyan na so rantay a aya karawa iyan na pito polo hasta, na zokharn iyo ron

ﰋﰌﰍﰎﰏﰐﰑ

69:33 Mataan! a skaniyan na aya btad iyan na di niyan paparatiyayaan so Allah a lbi a mala

ﰒﰓﰔﰕﰖﰗ

69:34 Go di niyan i phamiis so kapakakana ko miskin

ﰘﰙﰚﰛﰜﰝ

69:35 Na da a bagian iyan sa alongan nai sii a tonganay a phakaompiya on

ﭑﭒﭓﭔﭕﭖ

69:36 Go da a pangn´ngkn iyan a rowar ko sago o taw ko naraka

ﭗﭘﭙﭚﭛ

69:37 Daa phakakan on inonta so manga baradosa

ﭜﭝﭞﭟﭠ

69:38 Na kna, ka pzapa ako ko nganin a pkhaylay niyo

ﭡﭢﭣﭤ

69:39 A go so nganin a di niyo pkhaylay

ﭥﭦﭧﭨﭩ

69:40 Sa mataan! a skaniyan (a Qor´an) na titho a gii matharo o sogo a sslaan

ﭪﭫﭬﭭﭮﭯﭰﭱﭲ

69:41 Go kna a ba skaniyan katharo o pababayok, miyakayto ito a kapaparatiyaya niyo

ﭳﭴﭵﭶﭷﭸﭹﭺ

69:42 Go kna a ba katharo a paririmar, miyakayto ito a kapphakatadm iyo

ﭻﭼﭽﭾﭿ

69:43 Initoron a phoon ko Kadnan o manga kaadn

ﮀﮁﮂﮃﮄﮅ

69:44 Na opama ka iniangkob iyan Rkami so sabaad ko manga katharo

ﮆﮇﮈﮉ

69:45 Na mataan a khakowa Mi skaniyan sa nggolalan ko bagr

ﮊﮋﮌﮍﮎ

69:46 Oriyan iyan na mataan a potoln Ami ron so ogat ko poso

ﮏﮐﮑﮒﮓﮔﮕ

69:47 Na da a pd rkano a isa bo a mamakalinding on

ﮖﮗﮘﮙ

69:48 Na mataan! a titho a pananadm a rk o khipanananggila

ﮚﮛﮜﮝﮞﮟ

69:49 Na mataan! a Skami na katawan Ami dn a mataan! a so sabaad rkano na piyakambokhag iran (so Qor´an)

ﮠﮡﮢﮣﮤ

69:50 Na mataan aya! a titho a kazndit a phakatana ko miyamangongkir

ﮥﮦﮧﮨ

69:51 Go mataan aya! a titho a bnar a matatangkd

ﮩﮪﮫﮬﮭ

69:52 Na phoroporo on ka so ngaran o Kadnan ka a Lbi-a-mala

Qur-an a Soti

Wednesday, September 9, 2026

Don't forget us in your sincere prayers

Surah Al-Haqqah pdf

Surah Al-Haqqah pdf — Download (Maranao)

Related

More Surah PDF