Surah Qaf pdf Maranao

Surah Qaf

PDF —

45 Ayat Meccan PDF

Built right in your browser — download starts automatically

Surah Qaf pdf — Download (Maranao)

Surah Qaf pdf Maranao — Download Surah Qaf Baalikan. Qaf (Meccan) 45 Ayat.

📚 Batiya 🎧 Pamakin'eg mp3 📜 Qur-an a Soti

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Qaf

45 Ayat · Meccan · Maranao

ﭑﭒﭓﭔﭕ

Qaf. (So Allah i Matao ko paka-aantapan Iyan on). Ibt ko Qor´an a sslaan; (ka so Mohammad na sogo o Allah)

ﭖﭗﭘﭙﭚﭛﭜﭝﭞﭟﭠﭡ

Kna, ka miyammsa siran sa kiyapakawma kiran o miyamakaiktiyar a pd kiran. Na pitharo o miyamangongkir a: "Giyaya na shay´ a piyakammsa

ﭢﭣﭤﭥﭦﭧﭨﭩﭪ

Ino amay ka matay tano go mbaloy tano a botha, (khawyag tano zaroman)? Giyoto na kapakandod a mawatan

ﭫﭬﭭﭮﭯﭰﭱﭲﭳﭴﭵ

Sabnar a katawan Ami so pkhorangn kiran o lopa; go zisii Rkami so daptar a sisiyapn

ﭶﭷﭸﭹﭺﭻﭼﭽﭾﭿ

Kna, ka piyakambokhag iran so bnar ko kiyapakawma niyan kiran: Na siran na matatago ko btad a di thatana

ﮀﮁﮂﮃﮄﮅﮆﮇﮈﮉﮊﮋﮌ

Ba iran da pagilaylaya so langit ko kaporoan iran? O andamanaya i kiyambalaya Mi ron go so kiyapharasi Ami ron, a da a manga lbo niyan

ﮍﮎﮏﮐﮑﮒﮓﮔﮕﮖﮗﮘ

Go so lopa a kiyayat Ami skaniyan, go piyakabknan Ami oto sa manga palaw, go piyakatho Ami ron so pizoson a pakaranon

ﮙﮚﮛﮜﮝﮞ

In´ngka, ago pananadm o oman i oripn a pphangongonotan (ko Allah)

ﮟﮠﮡﮢﮣﮤﮥﮦﮧﮨﮩ

Na piyakatoron Ami a phoon ko kawang so ig a madakl i gona, na piyakatho Ami sa sabap rkaniyan so manga pamomolan go so pr a mapphragon

ﮪﮫﮬﮭﮮﮯ

Go so manga korma a manga poporo, a adn a onga niyan a miyakanggontogontor

ﮰﮱﯓﯔﯕﯖﯗﯘﯙﯚﯛ

Pagpr ko manga oripn (o Allah;) go inioyag Ami oto ko ingd a maatay: Lagid man oto so kaphakagmaw (phoon ko manga kobor)

ﯜﯝﯞﯟﯠﯡﯢﯣ

Tomiyaplis ko miyaonaan iran so pagtaw o Noh, go so khibabaling sa (ingd a) Rassi, go so pagtaw a Samod

ﯤﯥﯦﯧﯨ

Go so pagtaw a Ad, go so Pir´awn, go so manga pagari o Lot

ﯩﯪﯫﯬﯭﯮﯯﯰﯱﯲﯳ

Go so khibabaling sa Aykah, go so pagtaw o Tobba´: Oman i isa kiran na piyakambokhag iyan so manga rasol, na miyatangkd (kiran) so siksa Akn

ﯴﯵﯶﯷﯸﯹﯺﯻﯼﯽﯾﯿ

Ba Kami minikopay ko kiyapangadn a paganay? Kna, ka siran na matatago ko kazasangka ko kaphangadn a bago

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

Na sabnsabnar a inadn Ami so manosiya, go katawan Ami so pkhigdi skaniyan o ginawa niyan: Go Skami i lbi a marani ron a di so ogat ko bakrng

ﭡﭢﭣﭤﭥﭦﭧﭨﭩ

Gowani a pphanorat so dowa a malaikat, sii sa kawanan go sa diwang khioontod

ﭪﭫﭬﭭﭮﭯﭰﭱﭲ

Daa maptharo iyan a katharo a ba da a zisii rkaniyan, a tomotonggo a makadadarpa

ﭳﭴﭵﭶﭷﭸﭹﭺﭻﭼﭽ

Na mitalingoma o Sakratol Mawt so bnar. "Giyoto man so ska na pphalagoyan ka skaniyan

ﭾﭿﮀﮁﮂﮃﮄﮅ

Na iyopn so sanggakala:, giyoto man so alongan a diyandi

ﮆﮇﮈﮉﮊﮋﮌ

Na makawma so oman i isa a ginawa a: Adn a pd iyan a pndndg on go saksi

ﮍﮎﮏﮐﮑﮒﮓﮔﮕﮖﮗﮘﮙ

(Tharoon on a:) "Sabnsabnar a miyatago ka ko kalilipati sangkai, na piyokas Ami rka so mirrnding rka, na so kaylaing ka sa alongan nai na malambt

ﮚﮛﮜﮝﮞﮟﮠ

Na tharoon o (malaikat a) pd iyan a: "Giyaya so kadadarpaang ko

ﮡﮢﮣﮤﮥﮦﮧ

(Tharoon o Allah:) "Phozanga niyo a dowa ko naraka Jahannam so oman i miyongkir, a somiyangka

ﮨﮩﮪﮫﮬ

Phagrn ko mapiya, a mmamalawani, a pkhadowadowaan

ﮭﮮﮯﮰﮱﯓﯔﯕﯖﯗﯘ

A so miyangmbaal sa rimbang o Allah a katohanan a salakaw: Na pozanga niyo skaniyan ko siksa a sangat

ﯙﯚﯛﯜﯝﯞﯟﯠﯡﯢﯣﯤ

Tharoon o (shaytan a) pd iyan: "Kadnan ami, da akn dadaga skaniyan, na ogaid na miyatago ko kadadag a mawatan

ﯥﯦﯧﯨﯩﯪﯫﯬﯭ

Tharoon (o Allah) a: "Di kano gii phapawala ko hadapan Ko: Ka sabnar a miniona ko rkano so kapakaiktiyar

ﯮﯯﯰﯱﯲﯳﯴﯵﯶ

Di khasambian so katharo ko hadapan Ko, go di Akn zalimbotan so manga oripn (Ko)

ﯷﯸﯹﯺﯻﯼﯽﯾﯿﰀ

Sii ko alongan a tharoon Ami ko Jahannam: "Ba ka miyapno?" Na tharoon iyan: "Ba adn a khiyoman

ﰁﰂﰃﰄﰅﰆ

Na ipakarani so sorga ko miyamananggila, a di mawatan

ﰇﰈﰉﰊﰋﰌﰍ

Giyaya so ididiyandi rkano, a rk o oman i pphananangoran (ko Allah) a masiyapn

ﰎﰏﰐﰑﰒﰓﰔﰕ

A so maalkn ko Masalinggagaw, a migagaib, go miyakaoma rakhs o poso a thotolabos

ﰖﰗﰘﰙﰚﰛﰜ

Pamanold kano ron sa kapipiya ginawa. Giyaya so alongan a kakal

ﰝﰞﰟﰠﰡﰢﰣ

Khakowa iran so nganin a kabaya iran roo; go adn a zisii Rkami a lawan on

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

Na madakl a bininasa Ami ko miyaonaan iran a pagtaw, siran i mala a di siran i guus, go miyanbnb iran so manga ingd! Na ba adn a kiyaapasan (iran)

ﭡﭢﭣﭤﭥﭦﭧﭨﭩﭪﭫﭬﭭﭮ

Mataan! a adn a matatago roo man a titho a ndao ko taw a adn a sabot iyan, maana tiyandang iyan so kapamamakin´g, a skaniyan na tomototoo

ﭯﭰﭱﭲﭳﭴﭵﭶﭷﭸﭹﭺﭻﭼ

Na sabnsabnar a inadn Ami so manga langit go so lopa, go so nganin a lt a dowa nan sii ko nm a alongan, na da Kami raota a dokaw

ﭽﭾﭿﮀﮁﮂﮃﮄﮅﮆﮇﮈﮉ

Na phantanging ka so di iran tharoon, go pthasbikn ka so podi o Kadnan ka, ko di pn kapakasbang o alongan, go so di niyampn kasdp

ﮊﮋﮌﮍﮎﮏ

Go sii ko kagagawii, na pthasbik ka Rkaniyan, go so manga oriyan o sojiod

ﮐﮑﮒﮓﮔﮕﮖﮗ

Na pamakin´gang ka so alongan a mananawag so phananawag ko darpa a marani

ﮘﮙﮚﮛﮜﮝﮞﮟﮠ

Sii ko alongan a man´g iran so lalis a rakhs o bnar: Giyoto man so alongan a kapakambowat (ko kobor)

ﮡﮢﮣﮤﮥﮦﮧ

Mataan! a Skami na Skami i pphangoyag go pphangimatay; go sii Rkami so khabolosan

ﮨﮩﮪﮫﮬﮭﮮﮯﮰﮱﯓ

Sii ko alongan a manga bbngkag kiran so lopa, a gii siran makanggagaan (lomiyo ko manga kobor): Giyoto man i kaplimod a malbod Rkami

ﯔﯕﯖﯗﯘﯙﯚﯛﯜﯝﯞﯟﯠﯡﯢﯣ

Skami i lbi a Matao ko gi iran tharoon; na kna a ba ka kiran pakaphamaasa. Na pakitadming ka so Qor´an ko taw a ikaalk iyan so pangangalk Akn

Qur-an a Soti

Tuesday, August 18, 2026

Don't forget us in your sincere prayers

Surah Qaf pdf

Surah Qaf pdf — Download (Maranao)

Related

More Surah PDF