Surah Al-Waqi'ah pdf Maranao

Surah Al-Waqi'ah

PDF —

96 Ayat Meccan PDF

Built right in your browser — download starts automatically

Surah Al-Waqi'ah pdf — Download (Maranao)

Surah Al-Waqi'ah pdf Maranao — Download Surah Al-Waqi'ah Baalikan. Al-Waqi'ah (Meccan) 96 Ayat.

📚 Batiya 🎧 Pamakin'eg mp3 📜 Qur-an a Soti

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Al-Waqi'ah

96 Ayat · Meccan · Maranao

ﮃﮄﮅﮆ

Amay ka makatana so phakatana (a so alongan a qiyamah)

ﮇﮈﮉﮊ

Da ko kapakatana iyan i maka ongkir on

ﮋﮌﮍ

Phakarondann Iyan (so sabaad), phakaombawn Iyan (so sabaad)

ﮎﮏﮐﮑﮒ

Amay ka linogn so lopa sa linog a samporna

ﮓﮔﮕﮖ

Go mazaropt so manga palaw sa samporna a kazaropt

ﮗﮘﮙﮚ

Na mbaloy a lopapk, a mikakayambr

ﮛﮜﮝﮞ

Go mbaloy kano a tlo ka dinis

ﮟﮠﮡﮢﮣﮤ

Na so manga taw sa kawanan; - na antonaa i manga taw sa kawanan

ﮥﮦﮧﮨﮩﮪ

Go so manga taw sa diwang, - na antonaa i manga taw sa diwang

ﮫﮬﮭ

Go so miyangaoona (ko paratiyaya) na phangaoona (ko sorga)

ﮮﮯﮰ

Na siran man i manga rarani (ko Allah)

ﮱﯓﯔﯕ

A khatago ko manga sorga, a pakalma

ﯖﯗﯘﯙ

Madakl a pd on ko miyangaoona

ﯚﯛﯜﯝ

Na mayto a pd on ko miyanga oori

ﯞﯟﯠﯡ

Khidadarpa ko manga kantir, a piyamarabowatan

ﯢﯣﯤﯥ

Gii siran roo zasandasandang, a khipagaadapadapa

ﭑﭒﭓﭔﭕ

Ipphagilid kiran o manga wata a tatap a manga kangodaan

ﭖﭗﭘﭙﭚﭛ

So manga baso, go manga kndi, go so khitatagoan sa inomn a phoon ko bowalan

ﭜﭝﭞﭟﭠﭡ

Di ron zakit a olo iran, go di siran on khabrg

ﭢﭣﭤﭥ

Go manga onga, a pd ko matotomo iran

ﭦﭧﭨﭩﭪ

Go sapo a manga papanok a pd ko pkhababayaan iran

ﭫﭬﭭ

Go so (manga bai a) manga tataid, a manga pipiya i kapmata

ﭮﭯﭰﭱ

Manga izan o manga montiya, a totongkopn

ﭲﭳﭴﭵﭶ

Balas ko pinggolawla iran (a mapiya)

ﭷﭸﭹﭺﭻﭼﭽ

Daa khan´g iran roo a ilang, go da a kambaradosa

ﭾﭿﮀﮁﮂ

Inonta so katharo a "salaam, kalilintad

ﮃﮄﮅﮆﮇﮈ

Na so manga taw sa kawanan; - antonaa i manga taw sa kawanan

ﮉﮊﮋﮌ

Khatago siran ko kayo a Sidr a disorokn

ﮍﮎﮏ

Go manga saging, a manga titiyolig

ﮐﮑﮒ

Go kasisirongan a tatap

ﮓﮔﮕ

Go ig a mabobobos

ﮖﮗﮘ

Go manga onga a madakl

ﮙﮚﮛﮜﮝ

Dikharintas go da a rn iyan

ﮞﮟﮠ

Go manga igaan a manga poporo

ﮡﮢﮣﮤ

Mataan! a Skami na pagadnn Ami siran (a manga bai ko sorga) sa bago a kapangadn

ﮥﮦﮧ

Na mbalowin Ami siran a manga raga

ﮨﮩﮪ

A manga sasalinggagaw, a mrzarza

ﮫﮬﮭ

A bagian o manga taw sa kawanan

ﮮﮯﮰﮱ

Madakl a pd on ko miyangaoona

ﯓﯔﯕﯖ

Go madakl a pd on ko miyangaoori

ﯗﯘﯙﯚﯛﯜ

Na so manga taw sa diwang; - antonaa i manga taw sa diwang

ﯝﯞﯟﯠ

Khatago ko mayaw, go phlikabo a ig

ﯡﯢﯣﯤ

Go along, a bl a maytm

ﯥﯦﯧﯨﯩ

Di pakarnggay, go di mapiya

ﯪﯫﯬﯭﯮﯯ

Mataan a siran na aya btad iran ko onaan oto na khikasosonor

ﯰﯱﯲﯳﯴﯵ

Go aya btad iran na lalalayonn iran so dosa a mala

ﯶﯷﯸﯹﯺﯻﯼﯽﯾﯿ

Go aya btad iran na gi iran tharoon: "Ino amay ka matay kami, go mbaloy kami a botha, go manga tolan, ba mataan! a khawyag kami dn (zaroman)

ﰀﰁﰂ

Go so manga loks ami a miyangaoona

ﰃﰄﰅﰆﰇ

Tharoang ka: "Mataan! a so miyangaoona, go so miyangaoori

ﰈﰉﰊﰋﰌﰍ

Na plimodn siran dn ko kapthatalabokaan ko alongan a mappnto

ﭑﭒﭓﭔﭕﭖ

Oriyan iyan na mataan! a skano hay mithataridadag! - a miyamanaplis

ﭗﭘﭙﭚﭛﭜ

Na phakakan kano dn ko kayo a Zaqqom

ﭝﭞﭟﭠ

Na mapnopno iyo ron so manga tiyan iyo

ﭡﭢﭣﭤﭥ

Na misondok iyo ron so phlikabo a ig

ﭦﭧﭨﭩ

Na makainom kano sa kainom a manga onta a pkhawaw

ﭪﭫﭬﭭﭮ

Giyaya i talagad kiran ko gawii a kapamalas

ﭯﭰﭱﭲﭳ

Skami i miyadn rkano; na ba kano di phangimbnar

ﭴﭵﭶﭷ

Ay gda iyo ko pkhawdod iyo (ko manga rahim o manga babay)

ﭸﭹﭺﭻﭼﭽ

Ba skano i phagadn on, antawaa Skami i Pphangadn

ﭾﭿﮀﮁﮂﮃﮄﮅ

Skami i dominiyangka rkano ko kapatay, na di Kami niyo khapalagoyan

ﮆﮇﮈﮉﮊﮋﮌﮍﮎﮏ

Ko kazambi Ami sa manga lagid iyo, go so kaphagadna Mi rkano ko nganin a di niyo katawan

ﮐﮑﮒﮓﮔﮕﮖ

Na sabnsabnar a kiyatokawan iyo so kiyapangadn a paganay; na ba niyo di khatadmi

ﮗﮘﮙﮚ

Ay gda iyo ko ipzawd iyo

ﮛﮜﮝﮞﮟﮠ

Ba skano i pphamakalonaw ron, antawaa Skami i pphamakalonaw ron

ﮡﮢﮣﮤﮥﮦﮧ

O kabaya Ami na mataan a khabaloy Ami skaniyan a pols, na mabaloy kano a pphammsa kano

ﮨﮩﮪ

(Gii niyo matharo:) "Mataan! a skami na ba kami dn miyakambayadan

ﮫﮬﮭﮮ

Kna, ka skami na piyapas rkami (so riskhi)

ﮯﮰﮱﯓﯔ

Ay gda iyo ko ig a so phaginomn iyo

ﯕﯖﯗﯘﯙﯚﯛﯜ

Ba skano i pphamakatoron on a phoon ko manga gabon, antawaa Skami i pphamakatoron on

ﯝﯞﯟﯠﯡﯢﯣ

O kabaya Ami, na khabaloy Ami skaniyan a mapld; na ino kano di phanalamat

ﯤﯥﯦﯧﯨ

Ay gda iyo ko apoy a so mapphakagmaw niyo

ﯩﯪﯫﯬﯭﯮﯯ

Ba skano i miyakatho ko kayo niyan, antawaa Skami i miyamakatho on

ﯰﯱﯲﯳﯴﯵ

Skami na biyaloy Ami skaniyan a pananadm, go kapnggonaan khitatanaw

ﯶﯷﯸﯹﯺ

Na phoroporo on ka so ngaran o Kadnan ka a Mala

ﯻﯼﯽﯾﯿﰀ

Na pzapa Ako dn sa ibt ko manga darpa o manga bitoon

ﰁﰂﰃﰄﰅﰆ

Na mataan aya a titho a kazapa o katawi niyo a lbi a mala

ﭑﭒﭓﭔ

Mataan! a skaniyan na titho a Qor´an, a pagaadatan

ﭕﭖﭗﭘ

Zisii ko daptar a pagoongowan (a so Lawkh Mahfod)

ﭙﭚﭛﭜﭝ

Daa phakaskho on inonta so miyanga sosoti

ﭞﭟﭠﭡﭢ

Initoron a phoon ko Kadnan o manga kaadn

ﭣﭤﭥﭦﭧ

Antonaa i sabap a giya ungkai a tothol na skano na pakaiitoon iyo

ﭨﭩﭪﭫﭬ

Go pmbalowin iyo so pagpr rkano a mataan! a skano na phagongkirn niyo

ﭭﭮﭯﭰﭱ

Na ino igira a miyakasampay (so niyawa) ko bakrng

ﭲﭳﭴﭵ

A skano sa masa oto na pkhailay niyo

ﭶﭷﭸﭹﭺﭻﭼﭽ

Go Skami i lbi a marani ron a di skano, - na ogaid na di niyo khaylay

ﭾﭿﮀﮁﮂﮃ

Na o skano na di kano khabalasan

ﮄﮅﮆﮇﮈ

Na ino niyo to di maphakakasoy, o skano i manga bnar

ﮉﮊﮋﮌﮍﮎ

Na amay ka aya btad iyan na pd ko phamakaranin (ko sorga)

ﮏﮐﮑﮒﮓ

Na (rk iyan) so kapakadkha, go pagpr, go sorga, a pakalma

ﮔﮕﮖﮗﮘﮙﮚ

Na amay ka aya btad iyan na pd ko manga taw sa kawanan

ﮛﮜﮝﮞﮟﮠ

Na (tharoon on:) "Salaam a bagian ka a pd ko manga taw sa kawanan

ﮡﮢﮣﮤﮥﮦﮧ

Na amay ka aya btad iyan na sii pd ko miyamanaplis, a mithataridadag

ﮨﮩﮪﮫ

Na talagad on so phlikabo a ig

ﮬﮭﮮ

Go phagbong ko naraka Jahim

ﮯﮰﮱﯓﯔﯕ

Mataan! a giyaya na titho a skaniyan so bnar a matatangkd

ﯖﯗﯘﯙﯚ

Na phoroporo on ka so ngaran o Kadnan ka, a Lbi-a-mala

Qur-an a Soti

Tuesday, August 18, 2026

Don't forget us in your sincere prayers

Surah Al-Waqi'ah pdf

Surah Al-Waqi'ah pdf — Download (Maranao)

Related

More Surah PDF