Surah Ad-Dukhan pdf Maranao

Surah Ad-Dukhan

PDF —

59 Ayat Meccan PDF

Built right in your browser — download starts automatically

Surah Ad-Dukhan pdf — Download (Maranao)

Surah Ad-Dukhan pdf Maranao — Download Surah Ad-Dukhan Baalikan. Ad-Dukhan (Meccan) 59 Ayat.

📚 Batiya 🎧 Pamakin'eg mp3 📜 Qur-an a Soti

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Ad-Dukhan

59 Ayat · Meccan · Maranao

ﭑﭒ

Ha. Mim. (So Allah i Matao ko paka-aantapan Iyan on)

ﭓﭔﭕ

Ibt ko kitab a miyakapayag (ko ontol ago so ribat)

ﭖﭗﭘﭙﭚﭛﭜﭝﭞﭟ

Mataan! a Skami na initoron Ami skaniyan (a Qor´an) ko gagawii a piyakandaklan sa mapiya: Mataan! a Skami na miyabaloy Kami a pphamakaiktiyar

ﭠﭡﭢﭣﭤﭥ

Ron gii pakazsnggayaa so langowan o sogoan a miyapasad a kokoman

ﭦﭧﭨﭩﭪﭫﭬﭭ

Sogoan a phoon ko hadapan Ami. Mataan! a Skami na miyabaloy Kami a pphanonogo

ﭮﭯﭰﭱﭲﭳﭴﭵﭶ

Limo a phoon ko Kadnan ka: Mataan aya! a Skaniyan so Pphakan´g, a Matao

ﭷﭸﭹﭺﭻﭼﭽﭾﭿﮀ

A Kadnan o manga langit ago so lopa, go so nganin a pagltan a dowa nan, o skano na thotomangkd kano

ﮁﮂﮃﮄﮅﮆﮇﮈﮉﮊﮋﮌ

Daa tohan a inonta Skaniyan a Pphangoyag go Pphangimatay, - Kadnan iyo go Kadnan o manga loks iyo a miyangaoona

ﮍﮎﮏﮐﮑﮒ

Kna, ka siran na matatago ko kazasangka a sasablawn iran

ﮓﮔﮕﮖﮗﮘﮙ

Na nayawang ka so gawii a kitalingomaan o langit ko bl a mapayag

ﮚﮛﮜﮝﮞﮟﮠ

A mikolob ko manga manosiya: (na matharo iran a:) giyai na siksa a malipds

ﮡﮢﮣﮤﮥﮦﮧ

(Go matharo iran:) "Kadnan ami, pokasang Ka rkami so siksa, ka mataan! a skami na miyaratiyaya kami

ﮨﮩﮪﮫﮬﮭﮮﮯ

Andamanaya i kakhaparoliya iran ko pananadm, a sabnar a miyakaoma kiran so sogo, a miyakapayag

ﮰﮱﯓﯔﯕﯖﯗ

Oriyan iyan na tiyalikhodan iran oto, go pitharo iran: "Piyangndao a pmbthangn

ﯘﯙﯚﯛﯜﯝﯞﯟ

Mataan! a Skami na piyokas Ami so siksa sa da mathay, na mataan! a skano na mimbalingan kano (bo)

ﯠﯡﯢﯣﯤﯥﯦ

Sii ko isa alongan na olangn Ami so bagr a mala: Mataan! a Skami i Pndadan´g

ﯧﯨﯩﯪﯫﯬﯭﯮﯯﯰ

Na sabnsabnar a tiniyoba Ami ko miyaonaan iran so pagtaw o Pir´awn: Go minitalingoma kiran o (Mosa a) sogo a sslaan, (a pitharo iyan)

ﯱﯲﯳﯴﯵﯶﯷﯸﯹﯺﯻ

Palada niyo rakn so manga oripn o Allah: Mataan! a sakn na sogo rkano a kasasanaan

ﭑﭒﭓﭔﭕﭖﭗﭘﭙﭚﭛ

Go di niyo pagombawi so Allah: Mataan! a sakn na minitalingoma ko rkano so katantowan a mapayag

ﭜﭝﭞﭟﭠﭡﭢ

Go mataan! a sakn na lominindong ako ko Kadnan ko go Kadnan iyo, ka oba ako niyo radiyama

ﭣﭤﭥﭦﭧﭨ

Na odi ako niyo pharatiyayaa na awata ko niyo

ﭩﭪﭫﭬﭭﭮﭯ

Na miyangangarapan ko Kadnan iyan: "Mataan! a siran aya na pagtaw a manga baradosa

ﭰﭱﭲﭳﭴﭵ

Na (pitharo o Allah a:) "Panglmn ka so manga oripn ko ko kagagawii: Mataan! a skano na thondogn kano (iran)

ﭶﭷﭸﭹﭺﭻﭼﭽ

Go ganating ka so kalodan a massray: Mataan! a siran na tantara a phangldn

ﭾﭿﮀﮁﮂﮃ

Madakl a kiyaganatan iran a manga pamomolan ago manga bowalan

ﮄﮅﮆﮇ

Go manga pr go darpa a mapiya

ﮈﮉﮊﮋﮌ

Go limo a miyabaloy siran on a khikasosonor

ﮍﮎﮏﮐﮑﮒ

Giyoto man (i inikidia Mi kiran)! Go piyakipangowarisan Ami oto ko pagtaw a miyangaoori (a pagtaw o Mosa)

ﮓﮔﮕﮖﮗﮘﮙﮚﮛ

Na da siran kasgadi o langit ago so lopa: Go da siran bgi sa taalik

ﮜﮝﮞﮟﮠﮡﮢﮣ

Na sabnsabnar a siyabt Ami so manga moriyataw o Israil phoon ko siksa a phakahina

ﮤﮥﮦﮧﮨﮩﮪﮫﮬ

A phoon ko Pir´awn; mataan! a skaniyan na miyabaloy a miphaporo a pd ko manga malawani

ﮭﮮﮯﮰﮱﯓﯔ

Na sabnsabnar a pinili Ami siran sii ko katao ko manga kaadn (ko masa iran)

ﯕﯖﯗﯘﯙﯚﯛﯜ

Go bigan Ami siran ko manga tanda a so katatagoan sa tpng, a mapayag

ﯝﯞﯟﯠ

Mataan! a siran aya na gi iran tharoon

ﯡﯢﯣﯤﯥﯦﯧﯨﯩ

Daa salakaw a rowar ko kapatay tano a paganay, go kna a ba tano phangaooyag ko oriyan o kapatay

ﯪﯫﯬﯭﯮﯯ

Na pakambowata niyo so manga loks ami, o skano i manga bnar

ﯰﯱﯲﯳﯴﯵﯶﯷﯸﯹﯺﯻﯼﯽ

Ba siran i tomo, antawaa so pagtaw o Tobba´, go so miyaonaan iran? Bininasa Mi siran, mataan! a siran na miyabaloy siran a manga sala

ﯾﯿﰀﰁﰂﰃﰄﰅ

Da ko kiyaadna Mi ko manga langit ago so lopa, go so nganin a pagltan a dowa nan, oba Kami khikabibimban

ﰆﰇﰈﰉﰊﰋﰌﰍﰎ

Da ko kiyaadna Mi sa dowa nan inonta na sii ko bnar: Na ogaid na so kadaklan kiran na di iran katawan

ﭑﭒﭓﭔﭕﭖ

Mataan! a so alongan a kokoman na diyandi kiran langon

ﭗﭘﭙﭚﭛﭜﭝﭞﭟﭠﭡ

Alongan a da a khilinding o tonganay ko tonganay niyan a mayto bo, go di siran phangatatabangan

ﭢﭣﭤﭥﭦﭧﭨﭩﭪ

Inonta so inikalimo o Allah: Mataan! a Skaniyan na Skaniyan so Mabagr, a Makalimoon

ﭫﭬﭭﭮ

Mataan! a so kayo a Zaqqom

ﭯﭰﭱ

Na pangn´ngkn o baradosa

ﭲﭳﭴﭵﭶ

Lagid o totonagn a galang, a pndidi ko manga tiyan

ﭷﭸﭹ

Lagid o kapndidi o phlikabo a ig

ﭺﭻﭼﭽﭾﭿ

(Tharoon:) "Kowaa niyo skaniyan na goyoda niyo to ko lmbak o naraka Jahim

ﮀﮁﮂﮃﮄﮅﮆﮇ

Oriyan iyan na ododa niyo ko poro o olo niyan so siksa a phlikabo

ﮈﮉﮊﮋﮌﮍ

(Tharoon on:) "Taaming ka! mataan! a ska na ska so mabagr, a pagaadatan (sa doniya)

ﮎﮏﮐﮑﮒﮓﮔ

Mataan! a giyaya so skano na zasangka kano ron

ﮕﮖﮗﮘﮙﮚ

Mataan! a so khipanananggila na sii ko darpa a sasarigan

ﮛﮜﮝﮞ

Sii ko manga pamomolan go manga bowalan

ﮟﮠﮡﮢﮣﮤ

Ndiditar siran sa sotra a manipis go sotra a makapal, a khipaga adapadapa

ﮥﮦﮧﮨﮩ

Giyoto dn man, go pakaphamangaromaan Ami siran sa manga tataid, a manga pipiya i kapmata

ﮪﮫﮬﮭﮮﮯ

Pphananawag siran roo sa pithibarang a onga, a khisasarig siran

ﮰﮱﯓﯔﯕﯖﯗﯘﯙﯚﯛﯜ

Daa khasagadan iran roo a kapatay, inonta so kapatay a paganay (sa doniya); go phakalidasn Iyan siran ko siksa ko naraka Jahim

ﯝﯞﯟﯠﯡﯢﯣﯤﯥ

Kakayaan a phoon ko Kadnan ka. Giyoto man na skaniyan so daag, a mala

ﯦﯧﯨﯩﯪﯫ

Na aya dn a kiyalbod Ami ron, sii ko basang ka, na an iran sabota (a Qor´an aya)

ﯬﯭﯮﯯ

Na nayaw ka; mataan! a siran na nomanayaw siran (mambo)

Qur-an a Soti

Tuesday, August 18, 2026

Don't forget us in your sincere prayers

Surah Ad-Dukhan pdf

Surah Ad-Dukhan pdf — Download (Maranao)

Related

More Surah PDF