Surah Ya-Sin pdf Maranao

Surah Ya-Sin

PDF —

83 Ayat Meccan PDF

Built right in your browser — download starts automatically

Surah Ya-Sin pdf — Download (Maranao)

Surah Ya-Sin pdf Maranao — Download Surah Ya-Sin Baalikan. Ya-Sin (Meccan) 83 Ayat.

📚 Batiya 🎧 Pamakin'eg mp3 📜 Qur-an a Soti

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Ya-Sin

83 Ayat · Meccan · Maranao

ﭬﭭ

Yaa Siin. (so Allah i Matao ko paka-aantapan Iyan on)

ﭮﭯﭰ

Ibt ko Qor´an, a hokoman (a pimbaibaitan)

ﭱﭲﭳﭴ

Mataan! a ska (hay Mohammad) na pd dn ko manga sogo (o Allah)

ﭵﭶﭷﭸ

A sii ko okit a makaoontol (a so Islam)

ﭹﭺﭻﭼ

Initoron o (Allah a) Mabagr, a Makalimoon

ﭽﭾﭿﮀﮁﮂﮃﮄ

Ka an ka mapakaiktiyar so pagtaw, a da mapakaiktiyar so manga loks iran, na siran na di khipakaiin´ngka

ﮅﮆﮇﮈﮉﮊﮋﮌﮍ

Sabnsabnar a miyatangkd so katharo (a siksa) ko kadaklan kiran: Na siran na di siran mapaparatiyaya

ﮎﮏﮐﮑﮒﮓﮔﮕﮖﮗﮘ

Mataan! a Skami na tiyagoan Ami so manga lig iran sa manga patong, na giyoto na taman ko manga baka, na ba siran dn makalilintangag

ﮙﮚﮛﮜﮝﮞﮟﮠﮡﮢﮣﮤﮥ

Go tiyagoan Ami so kasasangoran iran sa rnding, go so katatalikhodan iran sa rnding, na pinilsan Ami siran: Na siran na di siran phakanono

ﮦﮧﮨﮩﮪﮫﮬﮭﮮ

Na magizan kiran o ino piyakaiktiyar ka siran, antawaa dang ka siran pakaiktiyara: Ka di siran bo pharatiyaya

ﮯﮰﮱﯓﯔﯕﯖﯗﯘﯙﯚﯛﯜﯝ

Aya bo a maphakaiktiyar ka na so taw a miyonot ko Qor´an, go inikalk iyan so (Allah a) Masalinggagaw, a Migagaib: Na pphamanothol ang ka on so maap, go so balas a mapiya

ﯞﯟﯠﯡﯢﯣﯤﯥﯦﯧﯨﯩﯪﯫﯬﯭ

Mataan! a Skami na Skami i magoyag ko miyamatay, go ipzorat Ami so miniona iran, go so manga rarad iran; na langowan taman na maiitong Ami skaniyan ko kitab a mapayag (a so Lawkh Makhpod)

ﭑﭒﭓﭔﭕﭖﭗﭘﭙ

Na mbaaling ka kiran a ibarat: So manga taw ko ingd (a Intakiyah). Gowani na miyakaoma kiran so manga sogo

ﭚﭛﭜﭝﭞﭟﭠﭡﭢﭣﭤﭥ

Gowani a sogoan Ami siran sa dowa kataw, na piyakambokhag iran a dowa oto: Na biyagr Ami a ika tlo: Na pitharo iran a: "Mataan! a skami na sii rkano manga sogo

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵ

Pitharo iran a: "Da ko skano inonta na manosiya a lagid ami; go da a initoron o (Allah a) Masalinggagaw a mayto bo (a wahy): Daâ€™ ko skano inonta na pphamamokhag kano

ﭶﭷﭸﭹﭺﭻﭼ

Pitharo iran a: "So Kadnan tano na katawan Iyan a mataan! - a skami na sii rkano titho a manga sogo

ﭽﭾﭿﮀﮁﮂ

Na da a paliyogat rkami a rowar ko kapamakasampay (ko sogoan o Allah) a mapayag

ﮃﮄﮅﮆﮇﮈﮉﮊﮋﮌﮍﮎﮏﮐ

Pitharo iran a: "Mataan! a skami na miyakazokna kami sa marata sa sabap rkano: Ibt odi kano gnk, na mataan a radiyamn ami skano dn, go mataan a masogat kano dn o phoon Rkami a siksa a malipds

ﮑﮒﮓﮔﮕﮖﮗﮘﮙﮚﮛﮜ

Pitharo iran a: "So sokna iyo a marata na sarta iyo: Ati amay ko piyakatadm kano (na pizoknaan kano sa marata)? Kna, ka skano na pagtaw a manga malawani

ﮝﮞﮟﮠﮡﮢﮣﮤﮥﮦﮧ

Na miyakaoma a phoon ko pikhilidan o bandara ingd a mama (a si Habibo Najar), a gii nggagaan, pitharo iyan: "Hay pagtaw akn, onoti niyo so manga sogo

ﮨﮩﮪﮫﮬﮭﮮﮯ

Onoti niyo so taw a da a phangnin iyan rkano a sokay, ka siran i makaoontol

ﮰﮱﯓﯔﯕﯖﯗﯘﯙ

Na antonaa i bagian ko sa di akn ka zimbaa ko (Allah a) Skaniyan i miyadn rakn, go Rong kano phakandoda

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ

Ati khowaan ko so salakaw Rkaniyan a manga katohanan? A o pakaantapi ako o (Allah a) Masalinggagaw sa morala, na da a khilinding rakn o pangongogopan iran a mayto bo, go di ako iran khasabt

ﯪﯫﯬﯭﯮﯯ

Mataan! a sakn na samawto na miyatago ako dn ko kadadag a mapayag

ﯰﯱﯲﯳﯴ

Mataan! a sakn na piyaratiyaya ko so Kadnan iyo na pakin´ga ko niyo: (na biyono iran)

ﯵﯶﯷﯸﯹﯺﯻﯼﯽ

Pitharo (rkaniyan): "Sold ka ko sorga. Pitharo iyan: Hay dingano mambo! O so pagtaw akn na katawan iran

ﯾﯿﰀﰁﰂﰃﰄﰅ

So kiyapmaapi rakn o Kadnan ko, go so kiyabaloya niyan rakn a pd ko khipagaadatan

ﭑﭒﭓﭔﭕﭖﭗﭘﭙﭚﭛﭜﭝﭞﭟ

Na da a piyakatoron Ami ko pagtaw niyan, ko oriyan iyan, a tantara a phoon ko langit, go da Kami sogo

ﭠﭡﭢﭣﭤﭥﭦﭧﭨ

Daa rowar ko lalis a isa, na samawto na siran na miyapadng siran

ﭩﭪﭫﭬﭭﭮﭯﭰﭱﭲﭳﭴﭵ

Hay kasndit a phakatana ko manga oripn (o Allah)! a da a pphakatalingoma kiran a sogo a ba iran oto da pamagrgi

ﭶﭷﭸﭹﭺﭻﭼﭽﭾﭿﮀﮁ

Ba iran da katokawi a madakl a bininasa Mi a miyaonaan iran ko miyagapidapid a pagtaw? Mataan! a siran na di siran kiran phakandod

ﮂﮃﮄﮅﮆﮇﮈ

Na da ko oman i isa oba di langon sii ko hadapan Ami phamakadarpaa

ﮉﮊﮋﮌﮍﮎﮏﮐﮑﮒﮓ

Na tanda kiran so lopa a miyatay a inoyag Ami skaniyan, go piyakagmawan Ami skaniyan sa pr, na so sabaad on na pkhakan iran

ﮔﮕﮖﮗﮘﮙﮚﮛﮜﮝﮞ

Go tiyagoan Ami oto sa manga pamomolan a manga korma, go manga anggor, go piyamakambowat Ami ron so manga bowalan

ﮟﮠﮡﮢﮣﮤﮥﮦﮧﮨ

Kaan siran pphakakan ko onga niyan: Go so miyanggalbk skaniyan o manga lima iran: Ati di siran phanalamat

ﮩﮪﮫﮬﮭﮮﮯﮰﮱﯓﯔﯕﯖﯗ

Soti so (Allah a) miyadn ko nggaganapa sa kalangolangowan iyan, pd on so pphakathoon o lopa, go pd on so manga ginawa iran, go so nganin a di iran katawan

ﯘﯙﯚﯛﯜﯝﯞﯟﯠﯡ

Go tanda kiran so gagawii a pphokasn Ami ron so dawndaw, na samawto na siran na pkhalibotngan siran

ﯢﯣﯤﯥﯦﯧﯨﯩﯪﯫ

Go so alongan a pphalalagoy sii ko taks iyan: Giyoto na takdir o (Allah a) Mabagr, a Matao

ﯬﯭﯮﯯﯰﯱﯲﯳ

Go so olan, - a singgayan Ami skaniyan sa manga darpa taman sa makakasoy sa lagid o talintang a korma a miyathay

ﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄ

Da ko alongan o bawn mapatot i karaota niyan ko olan, go da ko gagawii oba niyan kawnai so dawndaw: Na oman i isa na sii ko okit iyan pphamangdg

ﭑﭒﭓﭔﭕﭖﭗﭘﭙ

Go tanda kiran a kiyarorana Mi ko manga mimoriyataw kiran ko kapal (o Noh) a mappno

ﭚﭛﭜﭝﭞﭟﭠ

Go inadn Ami kiran so lagid oto a kapphagdaan iran

ﭡﭢﭣﭤﭥﭦﭧﭨﭩﭪ

Na o kabaya Ami, a ldn Ami siran: Na da a makatabang kiran, go da a makasabt kiran

ﭫﭬﭭﭮﭯﭰﭱ

Inonta so limo a phoon Rkami, go so kapakasngka sa di mathay taman ko wakto (o kapatay)

ﭲﭳﭴﭵﭶﭷﭸﭹﭺﭻﭼﭽ

Na igira a pitharo kiran a: "Kalkn iyo so miyaonaan iyo ago so khawriyan iyo, ka ang kano mipangalimo (na tomalikhod siran)

ﭾﭿﮀﮁﮂﮃﮄﮅﮆﮇﮈﮉ

Go da a phakatalingoma kiran a tanda a pd ko manga tanda o Kadnan iran, inonta na miyabaloy siran on a khitatalikhod

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ

Go igira a pitharo kiran: "Pphammgay kano ko inipagpr rkano o Allah", na tharoon o siran a miyamangongkir ko siran a miyamaratiyaya: "Ino Ami phakakana so taw a o kabaya o Allah, na phakakn Iyan skaniyan? Daâ€™ ko inonta na matatago ko karibat a mapayag

ﮣﮤﮥﮦﮧﮨﮩﮪ

Go gi iran tharoon a: "Anda dn angkai a diyandi (a siksa), o skano na manga bnar

ﮫﮬﮭﮮﮯﮰﮱﯓﯔ

Daa pkhanayaw iran a rowar ko lalis a isa a phakadansal kiran ko gi iran kaphapawala

ﯕﯖﯗﯘﯙﯚﯛﯜ

Na di siran lomakay thanan, go di siran makandod ko manga tonganay ran

ﯝﯞﯟﯠﯡﯢﯣﯤﯥﯦﯧ

Na iyopn so sanggakala. Na samawto na siran na makapoon ko manga kobor, a pphamagarabaya siran ko Kadnan iran

ﯨﯩﯪﯫﯬﯭﯮﯯﯰﯱﯲﯳﯴﯵﯶ

Tharoon iran: "Hay dowandowaan tano! antawaa i miyokaw rktano ko pakatotorogan tano?" (ismbag kiran a:) "Giyaya so inidiyandi o (Allah a) Masalinggagaw; go miyatoman so (katharo o) manga sogo

ﯷﯸﯹﯺﯻﯼﯽﯾﯿﰀﰁ

Daa khaadn a rowar ko lalis a isa, na samawto na siran na langon sii ko hadapan Ami phamakadarpaa

ﰂﰃﰄﰅﰆﰇﰈﰉﰊﰋﰌﰍ

Na sa alongan aya, na da a khaaniyaya a baraniyawa a mayto bo, go da a imbalas rkano a rowar ko pinggolawla niyo

ﭑﭒﭓﭔﭕﭖﭗﭘ

Mataan! a so manga taw ko sorga sa alongan aya na matatago ko katmbangan a pkhababaya siran

ﭙﭚﭛﭜﭝﭞﭟﭠ

Siran ago so manga karoma iran, na sii ko khikasisirongan ko liyawaw o manga kantir, a gii siran zasandasandang

ﭡﭢﭣﭤﭥﭦﭧ

Adn a bagian iran roo a manga onga; go khakowa iran so nganin a phangnin iran

ﭨﭩﭪﭫﭬﭭ

Kalilintad" a katharo a phoon ko Kadnan a Makalimoon

ﭮﭯﭰﭱﭲ

Na sibay kano sa alongan aya! Hay manga baradosa

ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ

Ba Akn rkano da banayn hay manga moriyataw o Adam, a di niyo pzoasoata so shaytan; mataan! a skaniyan na ridoay niyo a mapayag

ﮃﮄﮅﮆﮇﮈﮉ

Na zoasoata Ko niyo; giyaya i okit a makaoontol

ﮊﮋﮌﮍﮎﮏﮐﮑﮒﮓ

Na sabnsabnar a miyakadadag rkano so kaadn a madakl. Ba da a manga sabot iyo

ﮔﮕﮖﮗﮘﮙ

Katii so naraka Jahannam a so skano na ididiyandi rkano

ﮚﮛﮜﮝﮞﮟ

Pamanold kano ron sa alongan aya, sabap ko kiyaongkir iyo

ﮠﮡﮢﮣﮤﮥﮦﮧﮨﮩﮪﮫ

Sa alongan aya na parkatn Ami so manga ngari iran; go imbitiyarai Kami o manga lima iran, go zaksian o manga ai ran, so pinggalbk iran

ﮬﮭﮮﮯﮰﮱﯓﯔﯕﯖ

Na o kabaya Ami, na mataan a khabota Mi so manga mata iran; na makapagoradorad siran ko lalan, na andamanaya i kaphakanono iran

ﯗﯘﯙﯚﯛﯜﯝﯞﯟﯠﯡ

Na o kabaya Ami, na mataan a khasalin Ami siran sii ko manga darpa iran; na di iran magaga lomipos, go di siran phakandod

ﯢﯣﯤﯥﯦﯧﯨﯩﯪ

Na sa taw a pagmbowayn Ami skaniyan, na phatoon Ami skaniyan ko korang a kaadn: Ba iran di zabota

ﯫﯬﯭﯮﯯﯰﯱﯲﯳﯴﯵﯶﯷﯸ

Na da Ami ndaon (ko Nabi) so bayok, go di ron patot: Daâ€™ ko skaniyan (a minitalingoma niyan) inonta na pananadm, go Qor´an a miyakapayag

ﯹﯺﯻﯼﯽﯾﯿﰀﰁ

Kaan iyan mapakaiktiyar so taw a aya btad iyan na oyagoyag (i poso) go an matangkd so katharo (a siksa) ko miyamangongkir

ﭑﭒﭓﭔﭕﭖﭗﭘﭙﭚﭛﭜﭝ

Ba iran da maylay a mataan! a Skami na miyadn Kami sa rk iran a pd ko pinggalbk o manga guus Ami a manga ayam, na siran i makapapaar on

ﭞﭟﭠﭡﭢﭣﭤ

Go piyakaphasiyonot Ami kiran oto, ka so sabaad on na gi iran kakhodaan, go so sabaad on na pkhakan iran

ﭥﭦﭧﭨﭩﭪﭫﭬ

Go adn a bagian iran on a manga gona, go manga inomn (a manga gatas). Ino siran di phanalamat

ﭭﭮﭯﭰﭱﭲﭳﭴ

Na kominowa siran sa salakaw ko Allah, sa manga katohanan, ka an siran katabangi

ﭵﭶﭷﭸﭹﭺﭻﭼ

Di ran khagaga so katabangi kiran: Go siran na manga tantara iran a phamakadarpaan (ko naraka)

ﭽﭾﭿﮀﮁﮂﮃﮄﮅﮆﮇ

Na oba ka mapakamboko o katharo iran. Mataan! a Skami na katawan Ami so isosoln iran, go so papayagn iran

ﮈﮉﮊﮋﮌﮍﮎﮏﮐﮑﮒﮓ

Ba di katawi o manosiya a mataan! a Skami na inadn Ami skaniyan a phoon sa notfa! Na samawto na skaniyan na lampawi, a mapayag

ﮔﮕﮖﮗﮘﮙﮚﮛﮜﮝﮞﮟﮠ

Na mimbaal Rkami sa ibarat, go kiyalipatan iyan so kiyaadna on: Pitharo iyan a: "Antawaa i phakaoyag ko manga tolan a skaniyan na miyardak

ﮡﮢﮣﮤﮥﮦﮧﮨﮩﮪﮫﮬ

Tharoang ka a: "Pagoyagn oto o miyadn on ko paganay a kiyawkitan. Ka Skaniyan i Matao ko oman i (okit a) kapangadn

ﮭﮮﮯﮰﮱﯓﯔﯕﯖﯗﯘﯙ

So inadnan kano Niyan phoon ko kayo a maylaw sa apoy, na samawto na skano na mapphakakadg iyo (skaniyan)

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ

Ba di so miyadn ko manga langit ago so lopa i Phakagaga sa ka adna Niyan ko lagid iran?" - Oway na, Ska so Pphangadn; a Matao

ﯪﯫﯬﯭﯮﯯﯰﯱﯲﯳﯴ

Aya dn a btad Iyan, na igira a kabaya Iyan so apiya antonaa, na tharoon Iyan on so: "Kon", na maadn

ﯵﯶﯷﯸﯹﯺﯻﯼﯽ

Na Soti so zisii sa tangan Iyan so kapaar ko langowan taman: Go Ron kano phamakandoda (ko kaphamagitonga ko manga amal)

Qur-an a Soti

Tuesday, August 18, 2026

Don't forget us in your sincere prayers

Surah Ya-Sin pdf

Surah Ya-Sin pdf — Download (Maranao)

Related

More Surah PDF