Сура Аль-Анбияъ pdf Нохчийн

PDF —

112 Аят Meccan PDF

Built right in your browser — download starts automatically

Сура Аль-Анбияъ pdf — Дахьа (Нохчийн)

Сура Аль-Анбияъ pdf Нохчийн — Дахьа Сура Аль-Анбияъ Гочдар. Сура Аль-Анбияъ (Meccan) 112 Аят.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Сура Аль-Анбияъ

112 Аят · Meccan · Нохчийн

ﭑﭒﭓﭔﭕﭖﭗﭘ

21:1 Гергадеана нахана шайца хьесап дар , амма уьш, терго а ца еш (бен ца хеташ)‚ /эхартан Iамал ярх/ дIабирзина ма бу.

ﭙﭚﭛﭜﭝﭞﭟﭠﭡﭢﭣﭤ

21:2 Цаьрга ца богIу шайн Кхиош-Кхобучуьнгара цхьа а керла хьехам цара цуьнга ловзучу хьолехь (цабашарца) ладугIуш бен. (Шайга баьхкинчу керлачу хьехамашка цара ладуг1у, баша а ца бешаш),

ﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶ

21:3 Шайн дегнаша /хьехаман маь1на/ тидаме а ца оьцуш, къайлах хабарш дуьйцура зуламаш деш болчара: "Шу санна адам дац хIара а? Бозбуунчалла къобалдо аш‚ шайна гуш а долуш /и бозбуунчалла дуйла/? "

ﭷﭸﭹﭺﭻﭼﭽﭾﭿﮀﮁﮂ

21:4 Цо (пайхамара) элира: "Сан Кхиош-Кхобучунна хаьа стиглахь а‚ лаьттахь а /деш долу/ къамел. Иза хезаш верг а‚ хууш верг а ву".

ﮃﮄﮅﮆﮇﮈﮉﮊﮋﮌﮍﮎﮏﮐﮑ

21:5 ХIаъ‚ цара элира: "(Уьш) вовшах иэделла(цхьа а маь1на доцу) гIенаш ду . ХIаъ‚ цо ша кхоьллина уьш. ХIаъ‚ иза илланча ву. Вайна цхьана делилца вог1ийла и‚ хьалхалернаш бахкийтаре терра" .

ﮒﮓﮔﮕﮖﮗﮘﮙﮚﮛ

21:6 Ийман ца диллира царал хьалха а Оха хIаллакйинчу цхьана а юьрто. ХIокхара дуьллур дара ийман?

ﮜﮝﮞﮟﮠﮡﮢﮣﮤﮥﮦﮧﮨﮩﮪﮫ

21:7 Оха ца бахкийтира хьол хьалха а божарий (элчанаш) бен‚ Оха цаьрга ваьхьий а луш. Хаттал хьехаме болчу нахе‚ шаьш ца хууш делахь.

ﮬﮭﮮﮯﮰﮱﯓﯔﯕﯖ

21:8 Оха ца кхоьллира царах (элчанех) кхача ца боу догIмаш‚ уьш даима а буьсур бацара (дуьненахь).

ﯗﯘﯙﯚﯛﯜﯝﯞﯟ

21:9 ТIаккха Оха бакъхилийтира (кхочушйира) цаьрца (элчанашца хилла) ваIда. Оха к1елхьарабехира уьш а‚ Тхайна луурш а‚ Оха хIаллакбира /Делан дозанел/ т1ехбевлларш (элчанаш харцбинарш).

ﯠﯡﯢﯣﯤﯥﯦﯧﯨﯩ

21:10 Оха доссийна шуьга жайна /хIай Iаьрбий/‚ шена чохь шу хьехор /шух сийдар/ долуш /и шун маттахь а долуш/‚ шу хьекъале ца хуьлу (шу кхетаме ца дог1у)?

ﭑﭒﭓﭔﭕﭖﭗﭘﭙﭚﭛ

21:11 Мел йохийна Оха зуламе хилла йолу ярташ! Кхиийра Оха царал тIаьхьа кхин къаьмнаш.

ﭜﭝﭞﭟﭠﭡﭢﭣ

21:12 Шайна Тхан ницкъ хаабелча‚ уьш цигара (ярташкара) сиха бовду.

ﭤﭥﭦﭧﭨﭩﭪﭫﭬﭭﭮ

21:13 "Ма довда! Юхадерза шу шена чохь /хьалха/ ниIмат хиллачу /дахарна/‚ шайн хIусамашка - шуьга дехарш дан (наха цхьацца х1уманаш еха) тарло" .

ﭯﭰﭱﭲﭳﭴ

21:14 Цара элира : "Ма бала бу-кх тхоьгахь! Баккъалла а, тхо хилла-кх зуламхой!"

ﭵﭶﭷﭸﭹﭺﭻﭼﭽ

21:15 И церан тийжамаш (кхайкхамаш) ца севцира Оха шаьш хьаькхна ялтин аре санна хилийтталц‚ шаьш дIабайна а (меттахъхьер а, бистхилар а доцуш) бисна.

ﭾﭿﮀﮁﮂﮃﮄﮅ

21:16 Оха ца кхоьллина стигал а‚ латта а‚ цаьршинна юккъехь ерг а бегашийна.

ﮆﮇﮈﮉﮊﮋﮌﮍﮎﮏﮐﮑ

21:17 Тхо хиллехьара синкъерам безаш /зударшца а, доьзалшца а/‚ Оха схьаоьцур бара и Тхаьшкара (Тхаьшна гергахь болчу х1уьрла1анан мехкаршкара а, маликашкара а, шуьгара ца оьцуш)‚ нагахь санна Оха и дийриг хилча.

ﮒﮓﮔﮕﮖﮗﮘﮙﮚﮛﮜﮝﮞﮟﮠ

21:18 ХIаъ‚ Оха бакъдерг туху харцдолчунна – цо и дайа‚ и (харцдерг) хIаллакьхуьлу. Бāла хир бу шуна шаьш /Тхуна / кхуллуш долчу /харц/ сибатех.

ﮡﮢﮣﮤﮥﮦﮧﮨﮩﮪﮫﮬﮭﮮﮯ

21:19 Цуьнан бу стигланашкахь а‚ лаьттахь а мел берш. Цунна гергахь берш кура а ца бовлу Цунна Iибадат дан‚ кIад а ца ло.

ﮰﮱﯓﯔﯕﯖ

21:20 Цара тасбихь до буса а‚ дийнахь а‚ шьаьш г1ел ца луш.

ﯗﯘﯙﯚﯛﯜﯝﯞ

21:21 Ткъа цара бина-те деланаш лаьттах, цара (цу деланаша белларш) ден а беш?

ﯟﯠﯡﯢﯣﯤﯥﯦﯧﯨﯩﯪﯫﯬﯭ

21:22 Цу шиннахьа а АллахI воцург /кхин/ деланаш хиллехьара – уьш ший а хIаллакьхилла хир яра. ЦIена ву и Дела‚ Iаьршан Да‚ цара /Шена т1е/ кхуллучу харц сибатех.

ﯮﯯﯰﯱﯲﯳﯴ

21:23 Цуьнга (Деле) хоттур дац Цо дешдолчух‚ цаьрга (Дала мел кхоьллинчу х1умане) хоттур ду /цара дуьненахь диначух лаьцна/.

ﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏ

21:24 Ткъа цара лецна И воцург /кхин/ деланаш? Ахь āла /х1ай Мухьаммад/: "Дāладе шайн тешаллаш! ХIара (Къуръан) хьехам бу соьца болчарна а‚ сол хьалха хиллачарна а (Таврат а, Инжил а, кхин жайнаш а – царна чохь массанхьа а Дела цхьаъхилар чIагъдеш ду, Къуръана чохь санна). ХIаъ‚ дукхахболчарна ца хаьа бакъдерг‚ уьш дуьхьалбевлла".

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ

21:25 Оха ца вахийтина хьол хьалха цхьа а элча‚ Оха шега ваьхьица хоуьйтуш бен кхин дела вац Со бен‚ Суна Iибадат дейша‚ аьлла.

ﭡﭢﭣﭤﭥﭦﭧﭨﭩﭪﭫ

21:26 Цара элира: "Лаьцна Къинхетам болчо доьзалхо". Вонах цIена ву Иза! Уьш-м сийлахь болу леш бай!

ﭬﭭﭮﭯﭰﭱﭲ

21:27 Уьш (пайхамараш) Цул хьалха ца бовлу дашца‚ уьш Цуьнан омраца 1амал еш бу.

ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ

21:28 Цунна хаьа церан хьалхахь дерг а‚ церан тIехьахь дерг а, цара шапаIат дийр дац Иза шена реза хиллачунна бен‚ уьш Цунах кхоьруш, эгош бу.

ﮃﮄﮅﮆﮇﮈﮉﮊﮋﮌﮍﮎﮏﮐﮑﮒ

21:29 Милла велахь а‚ царах олуш: "Со ву дела‚ Иза а воцуш"‚– цунна бекхам бийр бу Оха жоьжахатица. Иштта бекхам бо Оха зуламхошна.

ﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧ

21:30 Цатешачарна ца го-техьа стигланаш а‚ латта а хилла хилар вовшаххоттаделла? Оха уьш къастийра! Оха кхоьллира хих массо а дийна (са долу) хIума. Уьш ца теша-те?

ﮨﮩﮪﮫﮬﮭﮮﮯﮰﮱﯓﯔﯕﯖ

21:31 Оха хилийтира лаьттахь лаьмнаш‚ иза цаьрца чIагIдалийтархьама. Оха хилийтира цу чохь тогIин некъаш – уьш нийсачу новкъа баха мегар-кх.

ﯗﯘﯙﯚﯛﯜﯝﯞﯟﯠ

21:32 Оха хилийтира стигалах ша Iалашбеш болу тхов‚ ткъа уьш цуьнан (стиглан) аятех д1абоьрзуш бу /ойла ца еш/.

ﯡﯢﯣﯤﯥﯦﯧﯨﯩﯪﯫﯬﯭ

21:33 Иза ву Ша буьйса а‚ де а‚ малх а‚ бутт а кхоьллинарг. Массо а (уьш) шен меттехь нека деш ю .

ﯮﯯﯰﯱﯲﯳﯴﯵﯶﯷﯸﯹ

21:34 Оха ца хилийтина адамна хьол хьалха а абаде . Ткъа хьо велча, уьш гуттаренна а буьсур болуш бу-те?

ﯺﯻﯼﯽﯾﯿﰀﰁﰂﰃﰄﰅﰆ

21:35 Массо а сино Iовшур ду далар . Оха зуьйр ду шу вонаца а‚ диканца а питанна . Тхуна тIе юхадерзор долуш а ду шу.

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢ

21:36 Цатешачарна хьо гича /х1ай Мухьаммад/‚ хьо сийсазвеш бен тIе ца лоцу цара: "ХIара ву шун деланаш хьехош верг?" Ткъа уьш Къинхетамениг хьехорна керстанаш бу.

ﭣﭤﭥﭦﭧﭨﭩﭪﭫﭬ

21:37 Адам кхоьллина сихонах (х1уманна т1ехь сихлуш). Гойтур ду Ас шуна Сайн делилаш‚ аш Со сих ма ве!

ﭭﭮﭯﭰﭱﭲﭳﭴ

21:38 Цара олу: "Маца хир ю и ваIда /кхочуш/‚ шу бакълуьйш хиллехь?"

ﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅ

21:39 Хаахьара цатешачарна шаьш шайн яххьашна а, шайн баккъашна а тIера цIе дIатетталур йоцу а‚ шайна гIо хир доцу а хан! /Ма сих дийр дацара цара тIаккха и Делан Iазап/!

ﮆﮇﮈﮉﮊﮋﮌﮍﮎﮏﮐ

21:40 ХIаъ‚ царна тIе догIур ду и /къематде/ цIеххьана‚ уьш хьере бийр бу цо‚ церан ницкъ кхочур бац и духатоха‚ уьш /цунах/ тIаьхьатоттур а бац.

ﮑﮒﮓﮔﮕﮖﮗﮘﮙﮚﮛﮜﮝﮞ

21:41 Сийсазбина элчанаш хьол хьалха а. Царах (элчанех) ца бēшаш хиллачарах шайх хьакхаделира шаьш сийсаздеш хилларг.

ﮟﮠﮡﮢﮣﮤﮥﮦﮧﮨﮩﮪﮫﮬﮭ

21:42 Ахь āла /цаьрга, хIай Мухьаммад/: "Хьан лардийр ду шу буса а‚ дийнахь а Къинхетам болчух /Делан Iазапах/?" ХIаъ‚ уьш шайн Кхиош-Кхобург хьехорах д1абоьрзуш ма бу.

ﮮﮯﮰﮱﯓﯔﯕﯖﯗﯘﯙﯚﯛﯜﯝﯞ

21:43 Я церан /кхин/ деланаш бу-те, шаьш уьш 1алашбийр болуш Тхох /Тхан Iазапах/? Церан (делийн) ницкъ кхочур бац шайна гIо дан а‚ уьш Тхох /Тхан Iазапах/ ларбийр а ма бац.

ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳ

21:44 ХIаъ‚ Оха ниIматаш деллера хIокхарна (Маккарчу керстанашна) а‚ церан дайшна а, церан дахаран хан ях а йеш. Царна ца го-те, Оха латта эша- деш шен йисташкахула ? Уьш бу ткъа тоьлларш?

ﭑﭒﭓﭔﭕﭖﭗﭘﭙﭚﭛﭜﭝ

21:45 Ахь āла: "Баккъалла а, ас шу лардо ваьхьица (Дала даг чу тосучу хаамца). Ца хеза-кх къорачарна кхайкхам, (цуьнца) шаьш (кхерамах) лардеш доллушехь".

ﭞﭟﭠﭡﭢﭣﭤﭥﭦﭧﭨﭩ

21:46 Хьан Кхиош-Кхобучун Iазапан хIо шайх хьакхаделча, цара алаза дуьтур ма дац: "Ма /боккха/ бāла бу-кх тхуна! Тхо хилла-кх зуламхой!"

ﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿﮀ

21:47 Оха хIоттор ду къематденна нийсонан терзанаш‚ зулам дийр дац синна /цхьана а/ хIуманца (ахь ца дина вониг хьуна кхуллур дац). КIоллан буьртиган барамехь ерг а дIалур ю Оха (мел жима диканиг динехь а, иза а тидаме оьцур ду). Кхачаме ду хьесап дийраш Тхо хилар.

ﮁﮂﮃﮄﮅﮆﮇﮈﮉ

21:48 Оха белира Мусага а‚ ХIаруне а къастам а ‚ серло а‚ хьехам а /Делах/ кхоьруш болчарна.

ﮊﮋﮌﮍﮎﮏﮐﮑﮒ

21:49 Ишттанаш бу уьш‚ шаьш кхоьруш шайн Кхиош-Кхобучух‚ И /дуьненахь шайна/ гуш воццушехь‚ уьш бу сахьтах бегабеш /кхоьруш/.

ﮓﮔﮕﮖﮗﮘﮙﮚﮛ

21:50 ХIара /Къуръан/ беркате хьехам бу‚ Оха ша боссийна болу. Аш цунна инкарло йо?

ﮜﮝﮞﮟﮠﮡﮢﮣﮤﮥﮦ

21:51 Оха кхин хьалха ИбрахIиме а белира цуьнан нийсачу новкъе болу кхетам‚ Тхо и вевзаш дара.

ﮧﮨﮩﮪﮫﮬﮭﮮﮯﮰﮱﯓ

21:52 Хьахаде! Цо аьллера шен дега а‚ цуьнан къоме а: "ХIорш хIун дина суьрташ ду‚ шу шайна гуора оьхуш долу?"

ﯔﯕﯖﯗﯘﯙ

21:53 Цара элира: "Тхуна карийна тхайн дай царна Iибадат деш".

ﯚﯛﯜﯝﯞﯟﯠﯡﯢ

21:54 Цо (Ибрах1има) элира: "Шу а‚ шун дай а хилла-кх ган а гучу тилар чохь".

ﯣﯤﯥﯦﯧﯨﯩﯪ

21:55 Цара элира: "Хьо тхуна веана-те бакъдолчуьнца‚ я хьо /тхо/ ловзочарах ву-те?!"

ﯫﯬﯭﯮﯯﯰﯱﯲﯳﯴﯵﯶﯷﯸ

21:56 Цо элира: "ХIаъ‚ шун Кхиош-Кхобург ву стигланийн а‚ лаьттан а Кхиош-Кхобург‚ Ша уьш кхоьллина а ву /хIумма йоцчу хIуманах/‚ со оцунна тIехь тешалла дечарах ву-кх.

ﯹﯺﯻﯼﯽﯾﯿﰀ

21:57 /Ибрах1има ша-шега элира/: Делах дуй буу ас, шун цIушна (жа1аршна) мекарло янза юьтур ма яц ас, шу /царах/ баккъаш берзийна, генадевллачул тIаьхьа ".

ﭑﭒﭓﭔﭕﭖﭗﭘﭙ

21:58 ТIаккха цо царах кескаш йира ‚ церан коьртаниг йоцчех – уьш цунна тIе берза мегара.

ﭚﭛﭜﭝﭞﭟﭠﭡﭢ

21:59 Цара /шаьш юхабаькича, уьш аьтта гича/ элира: "Хьан дина хIара вайн делех? Баккъалла а, и зулам диначарах ву-кх!"

ﭣﭤﭥﭦﭧﭨﭩﭪ

21:60 Элира /царах Ибрах1има аьлларг хезначара/: "Тхуна хезира цхьа кIант уьш (вай деланаш) хьехош‚ цунах ИбрахIим олура".

ﭫﭬﭭﭮﭯﭰﭱﭲﭳ

21:61 Элира /паччахьа Намруза а, цуьнан хьолдайша а/: "Схьавалаве иза нехан бIаьргашна хьалха – цара тешалла дан мегара".

ﭴﭵﭶﭷﭸﭹﭺ

21:62 Цара элира: "Ахь дина хIара тхан делашна т1ехь‚ хIай ИбрахIим?"

ﭻﭼﭽﭾﭿﮀﮁﮂﮃﮄ

21:63 Цо элира: "ХIан-хIа. И дина хIокху царах воккхучо. Аш цаьрга хаттийша‚ уьш бистхуьлуш хиллехь!"

ﮅﮆﮇﮈﮉﮊﮋﮌ

21:64 Уьш шаьш шайна тIебирзира ‚ цара элира: "Баккъалла а, шу ду-кх зуламхой!"

ﮍﮎﮏﮐﮑﮒﮓﮔﮕﮖ

21:65 Т1аккха церан кортош охьабахийтира /эхьхетаро/, /олуш/: "Хьуна ма хаьий х1орш бист ца хуьлий".

ﮗﮘﮙﮚﮛﮜﮝﮞﮟﮠﮡﮢ

21:66 Цо (ИбрахIима) элира: "Ткъа аш Iибадат до‚ Дела а вуьтий‚ шайна хIумма а пайда а ца бечунна‚ зен а ца дечунна?

ﮣﮤﮥﮦﮧﮨﮩﮪﮫﮬﮭ

21:67 Туф! Шуна а‚ Дела а витина‚ аш Iибадат дечарна а! Шу хьекъале ца хуьлу-те?"

ﮮﮯﮰﮱﯓﯔﯕﯖ

21:68 Цара элира: "Вāгаве и (ИбрахIим)‚ гIо де шайн делашна‚ шаьш /гIуллакх/ деш хиллехь!"

ﯗﯘﯙﯚﯛﯜﯝﯞ

21:69 Оха элира: "ХIай цIе! Хьох хилалахь ИбрахIимна шело а‚ маршо а".

ﯟﯠﯡﯢﯣﯤ

21:70 Царна йийзира цунна дуьхьал мекарло – Оха уьш хилийтира доккха зен хиллачарах.

ﯥﯦﯧﯨﯩﯪﯫﯬﯭ

21:71 Оха кIелхьарваьккхира иза а‚ ЛутI а‚ Оха ша Iаламашна беркате динчу латта т1е /Шама д1ахьажийра/.

ﯮﯯﯰﯱﯲﯳﯴﯵﯶﯷ

21:72 Оха цунна велира Исхьакъ а‚ кхин совгIатана ЙаIкъуб а. /Уьш/ берриге а хилийтира диканаш.

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡ

21:73 Оха царах хилийтира тхьамданаш, Тхан омраца шаьш /нахана/ нийса некъ гойтуш. Оха цаьрга хаийтира диканаш дар а‚ ламаз хIоттадар а‚ закат далар а. Уьш хилира Тхуна Iибадат деш.

ﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲﭳ

21:74 ЛутIана а делира Оха хьукма а‚ Iилма а. Оха и кIелхьарваьккхира ша боьханаш деш хилла йолчу юьртара. Баккъалла а, уьш хилира вонан нах‚ песакъаш.

ﭴﭵﭶﭷﭸﭹﭺﭻ

21:75 Оха иза (ЛутI-пайхамар) воьллира Тхан къинхетам чу. Баккъалла а, иза дикачарах ву.

ﭼﭽﭾﭿﮀﮁﮂﮃﮄﮅﮆﮇﮈ

21:76 Нухь а‚ цо кхайкхира хьалха. Оха цунна жоп делира: кIелхьарваьккхира иза а‚ цуьнан доьзал а боккхачу бāланах.

ﮉﮊﮋﮌﮍﮎﮏﮐﮑﮒﮓﮔﮕﮖ

21:77 Оха ларвира иза Тхан аяташ харцдинчу нахах. Баккъалла а, уьш бара вочу хIуманан нах‚ Оха уьш берриге а /хина/ бухабахийтира.

ﮗﮘﮙﮚﮛﮜﮝﮞﮟﮠﮡﮢﮣﮤﮥ

21:78 Давудана а‚ Сулейманна а‚ шаьшшиммо хьукма дечу хенахь /ялтин/ аренах лаьцна‚ ша нехан уьстагIаша хьаьшна хилла йолчу. Тхо хилира церан хьукманан тешаш.

ﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘ

21:79 Оха цунах (хьукманах ) кхетийтира Сулейман а. /Цу шиннах/ х1оранна а Оха делира хьукма а‚ Iилма а. Оха муьтIахь дира Давудана лаьмнаш – цара тасбихь а деш, олхазарш а /дира Оха цунна муьт1ахь/‚ тхо хилира /гIуллакх/ дийраш.

ﯙﯚﯛﯜﯝﯞﯟﯠﯡﯢﯣﯤ

21:80 Оха цунна Iамийра шуна бедарш яр‚ цара шу Iалашдархьама шун /мостаг1ийн/ ницкъах. Аш баркалла ца олу?

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ

21:81 Сулейманна а /муьтIахь бира Оха/ нуьцкъала мох - дIасалелаш Тхан омраца Оха ша беркате дина хиллачу лаьттахула. Тхо хилла массо а хIума хууш дерш.

ﭑﭒﭓﭔﭕﭖﭗﭘﭙﭚﭛﭜﭝﭞ

21:82 ШайтIанех а хилла цунна /хIорда/ чу лелхаш‚ и доцург а‚ кхин белхаш а беш‚ Тхо хилира уьш Iалашдийраш .

ﭟﭠﭡﭢﭣﭤﭥﭦﭧﭨﭩﭪ

21:83 Аййуб а /хьахаве/. Цо кхайкхира шен Кхиош-Кхобучуьнга: "Со бāлано лаьцна‚ Хьо къинхетам болчарах а уггар къинхетаме верг ву-кх".

ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼ

21:84 Оха цунна жоп делира‚ айбира цуьнца хилла бāла‚ белира цунна шен доьзал а‚ цаьрца цхьаьна кхин ишттал‚ Тхан гергара къинхетам а хилла‚ Iибадат дечарна хьехам а хилла.

ﭽﭾﭿﮀﮁﮂﮃﮄﮅ

21:85 /Хьахаве/ ИсмаIил а‚ Идрис а‚ Зуль-Кифл а‚ массо а собаре хиллачарах бу.

ﮆﮇﮈﮉﮊﮋﮌﮍ

21:86 Тхан къинхетам чу бахийтира Оха уьш. Баккъалла а, уьш дикачарах бу.

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥ

21:87 Зун-Нун а‚ дIавахара иза оьгIазвахана ‚ цунна хаалора Оха ша гатвийр воцийла та1зар дарца . ТIаккха цо кхайкхира боданехь : "Хьо воцург кхин Дела вац‚ вонах цIена ву-кх Хьо‚ со хилла-кх зулам дечарах".

ﮦﮧﮨﮩﮪﮫﮬﮭﮮﮯ

21:88 Оха цунна жоп делира‚ и кIелхьарваьккхира сингаттамах. Иштта кIелхьарбоху Оха муъма нах.

ﮰﮱﯓﯔﯕﯖﯗﯘﯙﯚﯛﯜ

21:89 Закариййа /хьахаве/, цо кхайкхира шен Кхиош-Кхобучуьнга: "Со Кхиош-Кхобург‚ ма витахь со цхьа‚ Хьо ирс лучарах уггар диканиг ма вара!"

ﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ

21:90 Цунна а жоп делира Оха‚ велира цунна /кIант/ Йахьйа‚ Оха цунна тоялийтира цуьнан зуда . Баккъалла а, уьш хилира сихлуш диканаш дарехь‚ Тхоьга кхойкхура, дог дохуш /Тхан дикане/‚ кхоьруш /Тхан Iазапах/. Уьш хилира Тхох кхоьруш.

ﭑﭒﭓﭔﭕﭖﭗﭘﭙﭚﭛﭜ

21:91 И шен йо1стагалла Iалашдинарг а /хьехайе/‚ Оха цунна Тхан сих са чудиллира . Цунах а‚ цуьнан кIантах а /массо а/ Iаламна делил хилийтира Оха.

ﭝﭞﭟﭠﭡﭢﭣﭤﭥ

21:92 Баккъалла а, хIара (массо а пайхамарашка Дала делла дин) - шун дин (ислам) ду, ша (массо а пайхамарийн) цхьа дин хилла долу‚ Со шун Кхиош-Кхобург а ву‚ Суна Iибадат дейша.

ﭦﭧﭨﭩﭪﭫﭬﭭ

21:93 Цара (тIаьхьабогIучара) дийкъира шайн гIуллакх вовшашна юккъехь. Массо а Тхуна тIе юхабоьрзу.

ﭮﭯﭰﭱﭲﭳﭴﭵﭶﭷﭸﭹﭺ

21:94 Диканаш деш верг‚ ша муъма волуш – хир яц цуьнан къахьегарна инкарло‚ баккъалла а, Тхо цунна яздеш ду .

ﭻﭼﭽﭾﭿﮀﮁﮂ

21:95 Хьарам ду Оха ша хIаллакйинчу юьрта (-н дай) юхаберза

ﮃﮄﮅﮆﮇﮈﮉﮊﮋﮌﮍ

21:96 Йаъжуж а‚ Маъжуж а гучубовллалц. Уьш массо а аг1орхьара, лакхарчу меттигашкара охьахецалур бу.

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ

21:97 Гергаеана бакъйолу ваIда‚ ца тешаш хиллачеран бIаьргаш тIебаьлла: "Ма бāла бу-кх вайна‚ вай дара-кх хIара тергал ца деш‚ вай хилла-кх зулам динарш"/эр ду цара/.

ﮢﮣﮤﮥﮦﮧﮨﮩﮪﮫﮬﮭ

21:98 Баккъалла а, шу а‚ Дела а витина‚ аш шайна Iибадат деш берш а‚ жоьжахатин ягориг ю‚ шу цу чу гIур долуш а ду.

ﮮﮯﮰﮱﯓﯔﯕﯖﯗﯘﯙ

21:99 Уьш деланаш хиллехьара, – цу чу гIур бацара. Массо а /царах/ цу чохь гуттар лаьттар ву.

ﯚﯛﯜﯝﯞﯟﯠﯡ

21:100 Царна цу чохь хала са ийзар а ду‚ царна цу чохь хезар а дац.

ﯢﯣﯤﯥﯦﯧﯨﯩﯪﯫ

21:101 Баккъалла а, шайна Тхоьгара диканиг хьалхадаьлларш – уьш цунна (жоьжахатина) генахь хир бу.

ﭑﭒﭓﭔﭕﭖﭗﭘﭙﭚﭛ

21:102 Царна хезар дац цуьнан (жоьжахатин) шах-ших а‚ уьш шайн синошна дезначохь гуттар лаьттар бу .

ﭜﭝﭞﭟﭠﭡﭢﭣﭤﭥﭦﭧ

21:103 Уьш сингаттаме бийр бац бокхачу кхерамо‚ царна дуьхьалкхетар ду маликаш /олуш/: "ХIара ду шун де‚ шуна хир ду аьлларг".

ﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻ

21:104 Оцу дийнахь Оха тIегулйийр ю стигал‚ жайнин кехаташ тIегулдаре терра. Оха дуьххьара кхоллар долоре терра‚ карладоккху Тхуна тIехь хилла йолчу ваIдица. Баккъалла а, Тхо хилла /гIуллакх/ деш дерш.

ﭼﭽﭾﭿﮀﮁﮂﮃﮄﮅﮆﮇﮈ

21:105 Оха яздинера Забура чохь хьехамал тIаьхьа: "Лаьттах ирс оьцур ду Сан дикачу леша" .

ﮉﮊﮋﮌﮍﮎﮏ

21:106 Баккъалла а, хIокху чохь кхоччуш кхетам бу Iибадат дечу нахана.

ﮐﮑﮒﮓﮔﮕ

21:107 Оха ца вахийтина хьо /хIай Мухьаммад/ массо а Iаламашна къинхетам хилла а бен.

ﮖﮗﮘﮙﮚﮛﮜﮝﮞﮟﮠﮡﮢ

21:108 Ахь āла: "Суна ваьхьица хаийтина шун Дела цхьаъ вуйла. Шу муьтIахь хуьлий?"

ﮣﮤﮥﮦﮧﮨﮩﮪﮫﮬﮭﮮﮯﮰﮱ

21:109 Уьш дIаберзахь‚ ахь āла: "Ас дIакхайкхийна шуьга цхьатерра‚ суна ца хаьа, герга ду я гена ду шуна ваIда йинарг.

ﯓﯔﯕﯖﯗﯘﯙﯚﯛ

21:110 Баккъалла а, Цунна (Далла) хаьа дашах хезаш дерг а‚ Цунна хаьа аш къайладоккхуш дерг а.

ﯜﯝﯞﯟﯠﯡﯢﯣﯤ

21:111 Суна ца хаьа и /шуна таIзар ца деш тIаьхьататтар/ хила тарло шуна питана /зер/ а‚ цхьа хан яллалц бахам а".

ﯥﯦﯧﯨﯩﯪﯫﯬﯭﯮﯯﯰ

21:112 Элира /Мухьаммад-пайхамаро/: "Сан Кхиош-Кхобург‚ Ахь де-кх бакъонца хьукма /суна а, х1ара дин харцдечарна а юккъехь/. Тхан Кхиош-Кхобург ву сов къинхетаме верг а‚ аш сибат дечунна тIехь Шегара гIо эца дезаш верг а ".

Делера Куръан

Wednesday, September 9, 2026

Don't forget us in your sincere prayers