Surə Zuxruf
PDF —
89 Ayə Məkkə PDF
Built right in your browser — download starts automatically

Surə Zuxruf pdf — Yüklə (Azərbaycan)

Surə Zuxruf pdf Azərbaycan — Yüklə Surə Zuxruf Tərcümə. Zuxruf (Məkkə) 89 Ayə.

← ŞuraZuxruf Duxan →

Related

More Surə PDF

Bəqərə Ali-İmran Nisa Maidə Yusif İbrahim Hicr Kəhf Məryəm Həcc Qəsəs Ənkəbut Səcdə Yasin Duxan Fəth Hucurat Qaf Nəcm Rəhman Vaqiə Həşr Mulk Haqqə İnşiqaq Əla Ğaşiyə

📚 Oxu 🎧 Dinlə mp3 📜 Müqəddəs Quran

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली
Surə Zuxruf
89 Ayə · Məkkə · Azərbaycan
bismillah
ﮀﮁ
Ha. Mim.
ﮂﮃﮄ
Bu aydın Kitaba and olsun!
ﮅﮆﮇﮈﮉﮊﮋ
Biz Quranı ərəbcə nazil etdik ki, onu anlayasınız.
ﮌﮍﮎﮏﮐﮑﮒﮓ
Şübhəsiz ki, o, yanımızdakı Ana Kitabdandır. O, ucadır, hikmətlə doludur.
ﮔﮕﮖﮗﮘﮙﮚﮛﮜ
Siz həddi aşan adamlar olduğunuza görə, Biz Zikri sizə çatdırmaqdan vaz keçməliyik?
ﮝﮞﮟﮠﮡﮢﮣ
Biz əvvəlki ümmətlərə də neçə-neçə peyğəmbərlər göndərmişdik.
ﮤﮥﮦﮧﮨﮩﮪﮫﮬ
Onlara elə bir peyğəmbər gəlmədi ki, onu məsxərəyə qoymasınlar.
ﮭﮮﮯﮰﮱﯓﯔﯕ
Biz onlardan daha qüvvətli olanları məhv etdik. Əvvəlkilərin aqibəti ötüb keçmişdir.
ﯖﯗﯘﯙﯚﯛﯜﯝﯞﯟﯠ
Əgər sən onlardan: “Göyləri və yeri kim yaratmışdır?”– deyə soruşsan, mütləq: “Onları Qüdrətli və Bilən Allah yaratmışdır!”– deyəcəklər.
ﯡﯢﯣﯤﯥﯦﯧﯨﯩﯪﯫﯬ
O, yeri sizin üçün beşik etdi və orada sizin üçün yollar saldı ki, bəlkə düz gedə biləsiniz.
ﭑﭒﭓﭔﭕﭖﭗﭘﭙﭚﭛﭜﭝﭞ
Göydən lazım olduğu qədər su endirildi. Biz onunla ölü bir diyarı diriltdik. Siz də beləcə dirildilib çıxarılacaqsınız.
ﭟﭠﭡﭢﭣﭤﭥﭦﭧﭨﭩﭪ
O, bütün canlıları və bitkiləri cüt yaratdı. Mindiyiniz gəmiləri və heyvanları yaratdı ki,
ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿ
onların belinə, yaxud göyərtəsinə qalxıb yerləşdiyiniz zaman Rəbbinizin nemətini yada salıb deyəsiniz: “Bunu bizə ram edən Allah pakdır, müqəddəsdir. Yoxsa bizim ona gücümüz çatmazdı.
ﮀﮁﮂﮃﮄ
Şübhəsiz ki, biz Rəbbimizə qayıdacağıq”.
ﮅﮆﮇﮈﮉﮊﮋﮌﮍﮎﮏ
Müşriklər Allahın qullarından bəzisini Onun bir hissəsi qəbul etdilər (Ona övladlar və şəriklər qoşdular). Həqiqətən, insan açıq-aydın nankordur.
ﮐﮑﮒﮓﮔﮕﮖﮗ
Yoxsa Allah yaratdıqlarından qızları Özünə götürüb oğlanları sizin üçün seçmişdir?
ﮘﮙﮚﮛﮜﮝﮞﮟﮠﮡﮢﮣﮤ
Onlardan birinə, Mərhəmətli Allaha aid etdikləri qız uşağı ilə müjdə verilsə, hirsindən üzü qapqara qaralar.
ﮥﮦﮧﮨﮩﮪﮫﮬﮭﮮ
Onlar zinət içində böyüdülən və çəkişmə zamanı aydın danışa bilməyən qızlarınımı Allaha isnad edirlər?
ﮯﮰﮱﯓﯔﯕﯖﯗﯘﯙﯚﯛﯜﯝﯞ
Onlar Mərhəmətli Allahın qulları olan mələkləri qız hesab etdilər. Məgər onlar mələklərin yaradılışının şahidi olublar? Onların bu şahidliyi yazılacaq və buna görə cavab verməli olacaqlar.
ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰ
Onlar dedilər: “Əgər Mərhəmətli Allah istəsəydi, biz onlara ibadət etməzdik!” Onların bu haqda heç bir biliyi yoxdur. Onlar ancaq yalan danışarlar.
ﯱﯲﯳﯴﯵﯶﯷﯸﯹ
Bəlkə onlara bundan əvvəl kitab vermişik və onlar da ona istinad edirlər?
ﯺﯻﯼﯽﯾﯿﰀﰁﰂﰃﰄﰅ
Xeyr! Müşriklər: “Biz atalarımızı bu yolda gördük və biz də onların yolunu tutub gedəcəyik!”– deyirlər.
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥﭦ
Biz səndən əvvəl hansı bir şəhərə xəbərdarlıq edən bir peyğəmbər göndərdiksə, onun cah-calal içində yaşayan sakinləri: “Biz atalarımızı bu yolda gördük və biz də onların yolunu tutub gedəcəyik!”– dedilər.
ﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷ
Peyğəmbər dedi: “Əgər sizə atalarınızın tutduğu o yoldan daha doğrusunu göstərsəm necə?” Onlar dedilər: “Biz sizinlə göndərilənləri inkar edirik”.
ﭸﭹﭺﭻﭼﭽﭾﭿﮀ
Biz də onlardan intiqam aldıq. Bir gör haqqı yalan sayanların aqibəti necə oldu.
ﮁﮂﮃﮄﮅﮆﮇﮈﮉﮊ
Bir zaman İbrahim öz atasına və qövmünə demişdi: “Mən sizin ibadət etdiklərinizdən uzağam.
ﮋﮌﮍﮎﮏﮐ
Yalnız məni yaradandan başqa! Şübhəsiz ki, O məni doğru yola yönəldəcəkdir”.
ﮑﮒﮓﮔﮕﮖﮗﮘ
O bunu (“lə ilahə illəllah” kəlməsini) öz nəsli arasında daimi qalacaq bir kəlmə etdi ki, bəlkə doğru yola qayıtsınlar.
ﮙﮚﮛﮜﮝﮞﮟﮠﮡﮢ
Doğrusu, Mən bunlara da, atalarına da haqq və onu bəyan edən bir elçi gələnədək dolanışıq nəsib etdim.
ﮣﮤﮥﮦﮧﮨﮩﮪﮫﮬ
Onlara haqq gəldikdə isə: “Bu, sehrdir, biz ona inanmırıq!”– dedilər.
ﮭﮮﮯﮰﮱﯓﯔﯕﯖﯗﯘ
Onlar dedilər: “Nə üçün bu Quran iki şəhərdən (Məkkədən və ya Taifdən) olan böyük bir adama nazil edilmədi?”
ﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵ
Sənin Rəbbinin mərhəmətini onlarmı bölüşdürürlər? Biz dünya həyatında onların dolanışıqlarını aralarında bölüşdürdük. Biri digərini öz yanına işçi götürsün deyə, bəzilərinin dərəcələrini digərlərindən üstün etdik. Sənin Rəbbinin mərhəməti onların yığdıqlarından daha xeyirlidir.
ﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇ
Əgər insanların kafirlik zəminində birləşmiş vahid bir ümmətə çevrilmək təhlükəsi olmasaydı, Mərhəmətli Allahı inkar edənlərin evlərinin tavanlarını və çıxdıqları nərdivanları da gümüşdən edərdik;
ﭑﭒﭓﭔﭕﭖ
evlərinin qapılarını və söykəndikləri taxtları da.
ﭗﭘﭙﭚﭛﭜﭝﭞﭟﭠﭡﭢﭣﭤﭥ
Üstəlik zinət də verərdik. Bütün bunlar sadəcə dünya həyatının keçici zövqüdür. Axirət isə sənin Rəbbinin yanında ancaq Allahdan qorxanlar üçündür.
ﭦﭧﭨﭩﭪﭫﭬﭭﭮﭯﭰﭱ
Kim Mərhəmətli Allahın zikrindən üz döndərsə, Biz şeytanı ona calayarıq və o da ona yoldaş olar.
ﭲﭳﭴﭵﭶﭷﭸﭹ
Şübhəsiz ki, şeytanlar onları haqq yoldan sapdıracaq, onlar isə özlərinin haqq yolda olduqlarını güman edəcəklər.
ﭺﭻﭼﭽﭾﭿﮀﮁﮂﮃﮄﮅ
Nəhayət, o, hüzurumuza gəldikdə yoldaşına deyər: “Kaş ki, mənimlə sənin aranda məşriqlə məğrib arasındakı uzaqlıq qədər məsafə olaydı. Sən nə pis yoldaş imişsən!”
ﮆﮇﮈﮉﮊﮋﮌﮍﮎﮏ
Onlara deyilər: “Siz haqsızlıq etdiyinizə görə bu gün əzaba şərik olmağınız sizə heç bir fayda verməz!”
ﮐﮑﮒﮓﮔﮕﮖﮗﮘﮙﮚﮛ
Sənmi karlara eşitdirəcəksən, yaxud korları və aşkar azğınlıq içində olanları doğru yola yönəldəcəksən?
ﮜﮝﮞﮟﮠﮡﮢ
Biz səni götürüb aparsaq da, yenə onlardan mütləq intiqam alacağıq.
ﮣﮤﮥﮦﮧﮨﮩﮪ
Yaxud onlara vəd etdiyimizi sənə göstərəcəyik. Şübhəsiz ki, Bizim onlara gücümüz çatar.
ﮫﮬﮭﮮﮯﮰﮱﯓﯔﯕ
Odur ki, sən özünə vəhy olunan ayələrə sarıl! Əslində, sən düz yoldasan.
ﯖﯗﯘﯙﯚﯛﯜﯝ
Doğrusu, bu Quran sənin üçün və sənin xalqın üçün bir şərəfdir. Siz sorğu-suala tutulacaqsınız.
ﯞﯟﯠﯡﯢﯣﯤﯥﯦﯧﯨﯩﯪﯫ
Səndən əvvəl göndərdiyimiz elçilərdən (onların davamçılarından) soruş; Biz Mərhəmətli Allahdan başqa ibadət ediləsi məbudlarmı icad etmişik?
ﯬﯭﯮﯯﯰﯱﯲﯳﯴﯵﯶﯷﯸ
Biz Musanı Öz dəlillərimizlə Firon və onun əyanlarının yanına göndərdik. Musa dedi: “Mən aləmlərin Rəbbinin elçisiyəm!”
ﯹﯺﯻﯼﯽﯾﯿﰀ
Musa dəlillərimizi onlara bəyan edən kimi onlar buna güldülər.
ﭑﭒﭓﭔﭕﭖﭗﭘﭙﭚﭛﭜﭝﭞﭟ
Bizim onlara göstərdiyimiz hər bir möcüzə, əvvəlkilərdən daha da üstün idi. Biz onları əzabla yaxaladıq ki, bəlkə, doğru yola qayıdalar.
ﭠﭡﭢﭣﭤﭥﭦﭧﭨﭩﭪﭫ
Onlar: “Ey sehrbaz! Sənə verdiyi əhd xatirinə Rəbbinə bizdən ötrü dua et, biz də doğru yola gələk”– dedilər.
ﭬﭭﭮﭯﭰﭱﭲﭳ
Biz əzabı onlardan uzaqlaşdıran kimi, sözlərindən döndülər.
ﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆ
Firon qövmünü çağırıb dedi: “Ey xalqım! Məgər Misir səltənəti və altımdan axan bu çaylar mənim deyilmi? Məgər görmürsünüzmü?
ﮇﮈﮉﮊﮋﮌﮍﮎﮏﮐﮑﮒ
Ya da mən bu aciz və az qala sözünü belə aydın başa sala bilməyən adamdan daha üstün deyiləmmi?
ﮓﮔﮕﮖﮗﮘﮙﮚﮛﮜﮝﮞ
Nə üçün ona qızıl bilərziklər taxılmayıb və onunla birlikdə bir-birinin ardınca mələklər gəlməyib?”
ﮟﮠﮡﮢﮣﮤﮥﮦﮧ
Firon öz xalqını aldatdı, onlar da ona itaət etdilər. Həqiqətən, onlar fasiq adamlar idilər.
ﮨﮩﮪﮫﮬﮭﮮ
Onlar Bizi qəzəbləndirdikdə onlardan intiqam alıb hamısını dənizdə batırdıq.
ﮯﮰﮱﯓﯔ
Biz onları sonradan gələn nəsillər üçün izi-tozu itirilib yox edilmiş bir millətə və ibrət alınmalı bir həqiqətə çevirdik.
ﯕﯖﯗﯘﯙﯚﯛﯜﯝﯞﯟ
Məryəm oğlu örnək göstərilincə sənin xalqın sevincdən güldü.
ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰ
Onlar dedilər: “Bizim məbudlarımız yaxşıdır, yoxsa o?” Onlar bunu sənə yalnız höcət etmək üçün dedilər. Doğrusu, onlar höcətləşən adamlardır.
ﯱﯲﯳﯴﯵﯶﯷﯸﯹﯺﯻ
O, yalnız və yalnız Bizim nemət verdiyimiz və İsrail oğullarına nümunə etdiyimiz bir quldur.
ﯼﯽﯾﯿﰀﰁﰂﰃﰄ
Əgər istəsəydik, yer üzündə içinizdən sizi əvəz edəcək mələklər yaradardıq.
ﭑﭒﭓﭔﭕﭖﭗﭘﭙﭚﭛﭜ
Həqiqətən, İsanın yer üzünə enməsi Saatın yaxınlaşmasının əlamətidir. Qiyamətə şəkk etməyin və Mənə tabe olun. Budur, düz yol!
ﭝﭞﭟﭠﭡﭢﭣﭤﭥ
Şeytan sizi doğru yoldan döndərməsin. Şübhəsiz ki, o sizin açıq-aydın düşməninizdir.
ﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸ
İsa aydın dəlillərlə gəldiyi zaman dedi: “Mən sizə hikmət gətirmişəm və barəsində ziddiyyətə düşdüyünüz bəzi şeyləri izah etmək üçün gəlmişəm. Allahdan qorxun və mənə itaət edin!
ﭹﭺﭻﭼﭽﭾﭿﮀﮁﮂﮃ
Həqiqətən, Allah mənim də Rəbbim, sizin də Rəbbinizdir. Elə isə Ona ibadət edin! Budur düz yol!”
ﮄﮅﮆﮇﮈﮉﮊﮋﮌﮍﮎﮏﮐ
Firqələr öz aralarında ixtilafa düşdülər. Ağrılı-acılı bir günün əzabından vay zalımların halına!
ﮑﮒﮓﮔﮕﮖﮗﮘﮙﮚﮛ
Onlar özləri də hiss etmədən o Saatın qəflətən onlara gəlməsindən başqa bir şeymi gözləyirlər?
ﮜﮝﮞﮟﮠﮡﮢﮣ
O gün müttəqilərdən başqa bütün dostlar bir-birinə düşmən kəsiləcəklər.
ﮤﮥﮦﮧﮨﮩﮪﮫﮬ
Ey qullarım! Həmin gün sizə qorxu yoxdur və siz heç kədərlənməyəcəksiniz də.
ﮭﮮﮯﮰﮱﯓ
Siz ayələrimizə iman gətirib müsəlman olmusunuz.
ﯔﯕﯖﯗﯘﯙ
Siz də, zövcələriniz də fərəhlə Cənnətə daxil olun!
ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫ
Onlar üçün qızıl sinilər və piyalələr dolandırılacaqdır. Orada nəfslərin istədiyi və gözlərə xoş gələn hər şey olacaqdır. Siz orada əbədi qalacaqsınız.
ﯬﯭﯮﯯﯰﯱﯲﯳ
Xeyirxah əməllərinizin nəticəsi kimi varis olduğunuz Cənnət budur.
ﯴﯵﯶﯷﯸﯹﯺ
Orada sizin üçün bol-bol meyvələr vardır, onlardan yeyəcəksiniz.
ﭑﭒﭓﭔﭕﭖﭗ
Şübhəsiz ki, günahkarlar əbədi olaraq Cəhənnəm əzabı içində qalacaqlar.
ﭘﭙﭚﭛﭜﭝﭞ
Onların əzabı yüngülləşdirilməyəcək və onlar orada naümid qalacaqlar.
ﭟﭠﭡﭢﭣﭤﭥ
Biz onlara zülm etmədik, lakin onlar özləri zalım idilər.
ﭦﭧﭨﭩﭪﭫﭬﭭﭮﭯ
Onlar Cəhənnəm gözətçisini çağırıb deyəcəklər: “Ey Malik! Qoy Rəbbin canımızı alıb qurtarsın!” O isə: “Siz burada əbədi qalacaqsınız!”– deyəcək.
ﭰﭱﭲﭳﭴﭵﭶﭷ
Biz sizə haqqı təqdim etdik, lakin çoxunuz haqqı xoşlamırdı.
ﭸﭹﭺﭻﭼﭽ
Yoxsa müşriklər işə qəti qərarmı verdilər? Əslində, qəti qərarı Biz veririk.
ﭾﭿﮀﮁﮂﮃﮄﮅﮆﮇﮈﮉﮊ
Yoxsa onlar elə hesab edirlər ki, Biz onların sirlərini və gizli danışıqlarını eşitmirik? Xeyr! Yanlarında əməllərini yazan elçilərimiz vardır.
ﮋﮌﮍﮎﮏﮐﮑﮒﮓ
De: “Əgər Mərhəmətli Allahın övladı olsaydı, ona ilk ibadət edən mən olardım.
ﮔﮕﮖﮗﮘﮙﮚﮛﮜ
Göylərin və yerin Rəbbi, Ərşin Rəbbi müqəddəsdir və onların Ona aid etdikləri sifətlərdən uzaqdır!”
ﮝﮞﮟﮠﮡﮢﮣﮤﮥ
Onları burax, qoy vəd olunduqları günə qovuşanadək batil işlərə dalsınlar və bir müddət əylənsinlər.
ﮦﮧﮨﮩﮪﮫﮬﮭﮮﮯﮰﮱﯓ
Göydə də məbud, yerdə də məbud yalnız Odur. O, Müdrikdir, Biləndir.
ﯔﯕﯖﯗﯘﯙﯚﯛﯜﯝﯞﯟﯠﯡ
Göylərin, yerin və onların arasında olan hər şeyin sahibi olan Allah nə qədər xeyirxahdır! O Saat haqqında bilgi Ondadır və siz Onun hüzuruna qaytarılacaqsınız.
ﯢﯣﯤﯥﯦﯧﯨﯩﯪﯫﯬﯭﯮﯯ
Müşriklərin Onu qoyub yalvardıqları tanrılar şəfaət verə bilməzlər. Mənasını bilərək haqqa şəhadət verənlər isə istisnadır.
ﯰﯱﯲﯳﯴﯵﯶﯷﯸﯹ
Əgər onlardan özlərini kimin yaratdığını soruşsan, əlbəttə: “Allah!”– deyərlər. Gör necə də haqdan döndərilirlər!
ﯺﯻﯼﯽﯾﯿﰀﰁ
Peyğəmbər dedi: “Ey Rəbbim! Bunlar iman gətirməyən adamlardır!”
ﰂﰃﰄﰅﰆﰇﰈﰉ
Onlara “Salam!” deyib, vaz keç. Onlar tezliklə biləcəklər.
القرآن الكريم ☾ Quran

Qurani-Kərim
Tuesday, August 18, 2026

Don't forget us in your sincere prayers