Günün Ayəsi

Ey iman gətirənlər! Allahın və Onun Rəsulunun haqqını təsdiq edib, Onun şəriətinə əməl edənlər! Rəbbinizə itaət üzərində, sizə üz verən çətinliklər və bəlalar qarşısında səbirli olun. Düşmənlərinizlə səbir yarışına çıxın – onlar sizdən daha səbirli olmasınlar. Allah yolunda cihadda, düşmənə qarşı mübarizədə möhkəm durun, sərhəd boylarında növbə çəkib düşmənin hücumundan qorunun. Bütün hallarda Allahdan qorxun, Onun əmrlərinə əməl edib, qadağan etdiklərindən çəkinin. Ümid edilir ki, belə etdikdə dünyada Allahın rizasına, axirətdə isə Cənnətə nail olub, Cəhənnəm odundan xilas olacaqsınız.