Yasin surəsi pdf — Yüklə (Azərbaycan)
Yasin surəsi pdf Azərbaycan — Yüklə Yasin surəsi Tərcümə. Yasin surəsi (Məkkə) 83 Ayə.
Related
- Yasin surəsi TərcüməAzərbaycan
- Yasin surəsi mp3Dinlə
- Quran Index Azərbaycan114
More Surə PDF
Yasin surəsi
ﭬﭭ
36:1
Ya. Sin.
ﭮﭯﭰ
36:2
And olsun hikmətli Qurana!
ﭱﭲﭳﭴ
36:3
Həqiqətən, sən göndərilmiş elçilərdənsən,
ﭵﭶﭷﭸ
36:4
doğru yoldasan.
ﭹﭺﭻﭼ
36:5
Bu Quran Qüdrətli və Rəhmli Allah tərəfindən nazil edilmişdir ki,
ﭽﭾﭿﮀﮁﮂﮃﮄ
36:6
ataları xəbərdar edilməmiş, özləri də qafil olan bir tayfanı xəbərdar edəsən.
ﮅﮆﮇﮈﮉﮊﮋﮌﮍ
36:7
Onların əksəriyyəti barəsindəki söz gerçəkləşdi. Çünki onlar iman gətirmədilər.
ﮎﮏﮐﮑﮒﮓﮔﮕﮖﮗﮘ
36:8
Həqiqətən, Biz onların boyunlarına, çənələrinə dirənmiş zəncirlər keçirtmişik. Odur ki, başları təkəbbürlə yuxarı qalxmışdır.
ﮙﮚﮛﮜﮝﮞﮟﮠﮡﮢﮣﮤﮥ
36:9
Biz onların önlərindən bir sədd, arxalarından da başqa bir sədd çəkdik və gözlərinə pərdə saldıq. Buna görə də onlar haqqı görmürlər.
ﮦﮧﮨﮩﮪﮫﮬﮭﮮ
36:10
Sən onları qorxutsan da, qorxutmasan da, onlar üçün eynidir, iman gətirməyəcəklər.
ﮯﮰﮱﯓﯔﯕﯖﯗﯘﯙﯚﯛﯜﯝ
36:11
Sən ancaq Zikrə tabe olub Mərhəmətli Allahı görmədən Ondan çəkinən şəxsi qorxuda bilərsən. Beləsini bağışlanma və çox gözəl bir mükafatla müjdələ.
ﯞﯟﯠﯡﯢﯣﯤﯥﯦﯧﯨﯩﯪﯫﯬﯭ
36:12
Həqiqətən, ölüləri dirildən, onların bu dünyada törətdiklərini və tərk etdiklərini yazan Bizik. Biz hər şeyi açıq-aydın Yazıda (Lövhi-məhfuzda) qeydə almışıq.
ﭑﭒﭓﭔﭕﭖﭗﭘﭙ
36:13
Sən onlara o zaman elçilər gəlmiş şəhər sakinlərini misal çək.
ﭚﭛﭜﭝﭞﭟﭠﭡﭢﭣﭤﭥ
36:14
O zaman onlara iki nəfər elçi göndərdik, amma onlar ikisini də yalançı saydılar. Biz də elçilərimizi üçüncüsü ilə qüvvətləndirdik. Elçilər: “Həqiqətən, biz sizə göndərilmiş elçilərik”– dedilər.
ﭦﭧﭨﭩﭪﭫﭬﭭﭮﭯﭰﭱﭲﭳﭴﭵ
36:15
Onlar dedilər: “Siz də bizim kimi sadəcə bir insansınız. Mərhəmətli Allah sizə heç bir şey nazil etməmişdir. Siz ancaq yalan danışırsınız”.
ﭶﭷﭸﭹﭺﭻﭼ
36:16
Elçilər dedilər: “Rəbbimiz bilir ki, biz, həqiqətən də, sizə göndərilmiş elçilərik.
ﭽﭾﭿﮀﮁﮂ
36:17
Bizim vəzifəmiz ancaq vəhy olunanı aşkar təbliğ etməkdir”.
ﮃﮄﮅﮆﮇﮈﮉﮊﮋﮌﮍﮎﮏﮐ
36:18
Onlar dedilər: “Biz sizdə bəd əlamət gördük. Əgər dəvətinizə son qoymasanız, sizi mütləq daşqalaq edəcəyik və bizdən sizə mütləq ağrılı-acılı bir əzab toxunacaqdır”.
ﮑﮒﮓﮔﮕﮖﮗﮘﮙﮚﮛﮜ
36:19
Elçilər dedilər: “Sizin uğursuzluğunuz öz ucbatınızdandır. Məgər sizə edilən öyüd-nəsihəti bəd əlamət sayırsınız? Doğrusu, siz həddi aşmış bir millətsiniz”.
ﮝﮞﮟﮠﮡﮢﮣﮤﮥﮦﮧ
36:20
Şəhərin kənarından bir kişi qaça-qaça gəlib dedi: “Ay camaat! Elçilərin ardınca gedin!
ﮨﮩﮪﮫﮬﮭﮮﮯ
36:21
Sizdən heç bir mükafat istəməyən, özləri də doğru yolda olan şəxslərin ardınca gedin!
ﮰﮱﯓﯔﯕﯖﯗﯘﯙ
36:22
Mənə nə olub ki, məni yaradana və hüzuruna qaytarılacağınız Allaha ibadət etməyim?
ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ
36:23
Mən heç Ondan başqa məbudlar qəbul edərəmmi? Əgər Mərhəmətli Allah mənə bir zərər yetirmək istəsə, onların şəfaəti mənə heç bir fayda verməz və onlar məni xilas edə bilməzlər.
ﯪﯫﯬﯭﯮﯯ
36:24
Bax onda mən açıq-aydın azğınlığa düşmüş olaram.
ﯰﯱﯲﯳﯴ
36:25
Həqiqətən, mən sizin Rəbbinizə iman gətirdim. Mənə qulaq asın!”
ﯵﯶﯷﯸﯹﯺﯻﯼﯽ
36:26
Şəhərin sakinləri bu kişini öldürdükdən sonra ona: “Cənnətə daxil ol!”– deyildi. O dedi: “Kaş xalqım biləydi ki,
ﯾﯿﰀﰁﰂﰃﰄﰅ
36:27
Rəbbim məni bağışladı və məni hörmətli adamlardan etdi”.
ﭑﭒﭓﭔﭕﭖﭗﭘﭙﭚﭛﭜﭝﭞﭟ
36:28
Biz ondan sonra xalqının üstünə göydən heç bir qoşun göndərmədik və heç göndərən də deyildik.
ﭠﭡﭢﭣﭤﭥﭦﭧﭨ
36:29
Onları məhv edən ancaq dəhşətli bir səs oldu. Onlar birdən sönüb getdilər.
ﭩﭪﭫﭬﭭﭮﭯﭰﭱﭲﭳﭴﭵ
36:30
Vay bu qulların halına! Onlara elə bir elçi gəlməyib ki, ona istehza etməsinlər.
ﭶﭷﭸﭹﭺﭻﭼﭽﭾﭿﮀﮁ
36:31
Məgər onlar özlərindən əvvəl neçə-neçə nəsilləri məhv etdiyimizi və onların bir daha geriyə – bunların yanına qayıtmadığını görmürlərmi?
ﮂﮃﮄﮅﮆﮇﮈ
36:32
Hamısı bir yerdə Bizim hüzurumuza gətiriləcəklər.
ﮉﮊﮋﮌﮍﮎﮏﮐﮑﮒﮓ
36:33
Ölü torpaq onlar üçün bir dəlildir. Biz onu yağışla dirildir, oradan taxıl çıxardırıq, onlar da ondan yeyirlər.
ﮔﮕﮖﮗﮘﮙﮚﮛﮜﮝﮞ
36:34
Biz orada xurma bağları və üzümlüklər yaratdıq, bulaqlar qaynadıb çıxartdıq ki,
ﮟﮠﮡﮢﮣﮤﮥﮦﮧﮨ
36:35
onların meyvələrindən və öz əlləri ilə becərdiklərindən yesinlər. Bəs onlar şükür etməyəcəklərmi?
ﮩﮪﮫﮬﮭﮮﮯﮰﮱﯓﯔﯕﯖﯗ
36:36
Yerin bitirdiklərindən, insanların özlərindən və bilmədiklərindən bütün cütləri yaradan Allah pakdır, müqəddəsdir.
ﯘﯙﯚﯛﯜﯝﯞﯟﯠﯡ
36:37
Gecə də onlar üçün bir dəlildir. Biz gündüzü ondan ayırıb çıxaran kimi onlar zülmət içində qalırlar.
ﯢﯣﯤﯥﯦﯧﯨﯩﯪﯫ
36:38
Günəş də özünün qaldığı yerə axıb gedir. Bu, Qüdrətli, Bilən Allahın əzəli hökmüdür.
ﯬﯭﯮﯯﯰﯱﯲﯳ
36:39
Ay üçün də mənzillər müəyyən etmişik. Nəhayət, o tədricən dönüb xurma ağacının qurumuş budağı kimi əyri olur.
ﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄ
36:40
Nə günəş aya çatar, nə də gecə gündüzü keçə bilər. Onların hər biri öz orbiti ilə üzüb gedir.
ﭑﭒﭓﭔﭕﭖﭗﭘﭙ
36:41
Onların nəslini yüklü gəmidə daşımağımız da onlar üçün bir dəlildir.
ﭚﭛﭜﭝﭞﭟﭠ
36:42
Biz onlar üçün buna bənzər daha neçə-neçə minik vasitələri yaratdıq.
ﭡﭢﭣﭤﭥﭦﭧﭨﭩﭪ
36:43
Əgər istəsək, onları suya qərq edərik. Onda nə onların imdadına çatan olar, nə də onlar xilas ola bilərlər.
ﭫﭬﭭﭮﭯﭰﭱ
36:44
Yalnız Bizim onlara rəhm etməyimiz və onlara, müəyyən edilmiş vaxtadək, gün-güzəran nəsib etməyimiz istisnadır.
ﭲﭳﭴﭵﭶﭷﭸﭹﭺﭻﭼﭽ
36:45
Onlara: “Önünüzdə olan və arxanızca gələndən (dünyada və axirətdə olan əzabdan) qorxun ki, bəlkə sizə rəhm oluna!”– deyildikdə üz çevirirlər.
ﭾﭿﮀﮁﮂﮃﮄﮅﮆﮇﮈﮉ
36:46
Onlara öz Rəbbinin ayələrindən elə bir ayə gəlmir ki, ondan üz döndərməsinlər.
ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢ
36:47
Onlara: “Allahın sizə verdiyi ruzidən sərf edin!”– deyildikdə, kafirlər möminlərə deyirlər: “Allahın istədiyi təqdirdə yedirdəcəyi kimsəni bizmi yedirdəcəyik? Siz ancaq açıq-aydın azğınlıq içindəsiniz”.
ﮣﮤﮥﮦﮧﮨﮩﮪ
36:48
Onlar: “Əgər doğru deyirsinizsə, bu vəd nə vaxt olacaq?”– deyə soruşurlar.
ﮫﮬﮭﮮﮯﮰﮱﯓﯔ
36:49
Onlar sadəcə olaraq, bir-birləri ilə höcətləşərkən özlərini yaxalayacaq bir tükürpədici səsi gözləyirlər.
ﯕﯖﯗﯘﯙﯚﯛﯜ
36:50
Onlar nə bir vəsiyyət etməyə qadir olacaq, nə də ailələrinin yanına qayıda biləcəklər.
ﯝﯞﯟﯠﯡﯢﯣﯤﯥﯦﯧ
36:51
Sur ikinci dəfə üfürülən kimi onlar dərhal qəbirlərdən çıxıb Rəbbinə tərəf axışacaqlar.
ﯨﯩﯪﯫﯬﯭﯮﯯﯰﯱﯲﯳﯴﯵﯶ
36:52
Onlar deyəcəklər: “Vay halımıza! Bizi yatdığımız yerdən kim qaldırdı? Bu, Mərhəmətli Allahın vəd etdiyi qiyamətdir. Elçilər doğru deyirlərmiş”.
ﯷﯸﯹﯺﯻﯼﯽﯾﯿﰀﰁ
36:53
Bircə dəhşətli səs qopan kimi onların hamısı hüzurumuza gətiriləcəklər.
ﰂﰃﰄﰅﰆﰇﰈﰉﰊﰋﰌﰍ
36:54
Bu gün heç kəsə heç bir haqsızlıq edilməyəcəkdir. Sizə ancaq etdiyiniz əməllərin əvəzi veriləcəkdir.
ﭑﭒﭓﭔﭕﭖﭗﭘ
36:55
Həqiqətən də Cənnət əhli həmin gün nemətlər işində kef çəkəcək.
ﭙﭚﭛﭜﭝﭞﭟﭠ
36:56
Onlar zövcələri ilə birlikdə kölgəliklərdə taxtlara söykənəcəklər.
ﭡﭢﭣﭤﭥﭦﭧ
36:57
Orada onlar üçün meyvələr və istədikləri hər şey vardır.
ﭨﭩﭪﭫﭬﭭ
36:58
Üstəlik Rəhmli Rəbb onlara: “Salam” deyəcək.
ﭮﭯﭰﭱﭲ
36:59
“Bu gün möminlərdən ayrılın, ey günahkarlar!
ﭳﭴﭵﭶﭷﭸﭹﭺﭻﭼﭽﭾﭿﮀﮁﮂ
36:60
Ey Adəm övladları! Məgər Mən sizə buyurmadımmı ki, şeytana ibadət etməyin, o sizin açıq-aydın düşməninizdir,
ﮃﮄﮅﮆﮇﮈﮉ
36:61
Mənə ibadət edin? Doğru yol budur!
ﮊﮋﮌﮍﮎﮏﮐﮑﮒﮓ
36:62
Artıq şeytan içərinizdən bir çoxlarını yoldan çıxartmışdır. Məgər dərk etmirdiniz?
ﮔﮕﮖﮗﮘﮙ
36:63
Bu sizə vəd edilmiş Cəhənnəmdir.
ﮚﮛﮜﮝﮞﮟ
36:64
Kafir olduğunuza görə bu gün orada yanın!”
ﮠﮡﮢﮣﮤﮥﮦﮧﮨﮩﮪﮫ
36:65
Bu gün onların ağızlarına möhür vurarıq. Qazandıqları günahlar barəsində onların əlləri Bizimlə danışar, ayaqları da şəhadət verər.
ﮬﮭﮮﮯﮰﮱﯓﯔﯕﯖ
36:66
Əgər istəsəydik, onların gözlərini kor edərdik və onda onlar düz yolla getməyə çalışardılar. Amma necə görə bilərdilər?
ﯗﯘﯙﯚﯛﯜﯝﯞﯟﯠﯡ
36:67
Əgər istəsəydik, onları yerlərindəcə elə eybəcər hala salardıq ki, nə irəli gedə, nə də geri qayıda bilərdilər.
ﯢﯣﯤﯥﯦﯧﯨﯩﯪ
36:68
Kimə uzun ömür veririksə, onu xilqətcə tərsinə çeviririk. Məgər başa düşmürlər?
ﯫﯬﯭﯮﯯﯰﯱﯲﯳﯴﯵﯶﯷﯸ
36:69
Biz ona (Muhəmmədə) şer öyrətmədik, bu ona heç yaraşmaz da. Bu ancaq öyüd-nəsihət və aydın Qurandır ki,
ﯹﯺﯻﯼﯽﯾﯿﰀﰁ
36:70
diri olanları qorxutsun və kafirlər barəsindəki söz gerçəkləşsin.
ﭑﭒﭓﭔﭕﭖﭗﭘﭙﭚﭛﭜﭝ
36:71
Məgər onlar görmürlər ki, Biz onlardan ötrü sahib olduqları mal-qaranı Öz əllərimizlə yaratmışıq?
ﭞﭟﭠﭡﭢﭣﭤ
36:72
Yaratdıqlarımızı öz istifadələrinə verdik ki, bəzilərindən minik kimi yararlansınlar və bəzilərini də yesinlər.
ﭥﭦﭧﭨﭩﭪﭫﭬ
36:73
Bunlarda onlar üçün başqa mənfəətlər və içiləcək süd də vardır. Yenə də şükür etməyəcəklərmi?
ﭭﭮﭯﭰﭱﭲﭳﭴ
36:74
Bir çarə tapmaları üçün müşriklər Allahdan başqa məbudlar qəbul etdilər.
ﭵﭶﭷﭸﭹﭺﭻﭼ
36:75
Amma məbudlar onlara heç bir kömək edə bilməzlər. Hərçənd ki, onlar bunlar üçün hazır durmuş əsgərlərdir.
ﭽﭾﭿﮀﮁﮂﮃﮄﮅﮆﮇ
36:76
Onların sözü səni kədərləndirməsin. Şübhəsiz ki, Biz onların nəyi gizli saxladıqlarını və nəyi aşkar etdiklərini bilirik.
ﮈﮉﮊﮋﮌﮍﮎﮏﮐﮑﮒﮓ
36:77
Məgər insan onu nütfədən yaratdığımızı görmür? Budur, o indi açıq-aşkar mübahisə edir.
ﮔﮕﮖﮗﮘﮙﮚﮛﮜﮝﮞﮟﮠ
36:78
O Bizə bir məsəl çəkdi, lakin yaradılışını unutdu. O dedi: “Çürümüş sümükləri kim dirildə bilər?”
ﮡﮢﮣﮤﮥﮦﮧﮨﮩﮪﮫﮬ
36:79
De: “Onları ilk dəfə yaradan Özü onları dirildəcəkdir. O, hər bir məxluquna yaxşı bələddir.
ﮭﮮﮯﮰﮱﯓﯔﯕﯖﯗﯘﯙ
36:80
O sizin üçün yaşıl ağacdan od əmələ gətirdi. Budur, siz indi ondan od yandırırsınız”.
ﯚﯛﯜﯝﯞﯟﯠﯡﯢﯣﯤﯥﯦﯧﯨﯩ
36:81
Göyləri və yeri yaradan onların eynisini yenidən xəlq etmək qüdrətinə malik olmazmı?! Şübhəsiz ki, O, Yaradandır, Biləndir.
ﯪﯫﯬﯭﯮﯯﯰﯱﯲﯳﯴ
36:82
Bir şeyi yaratmaq istədikdə ona təkcə: “Ol!” deyər, o da olar.
ﯵﯶﯷﯸﯹﯺﯻﯼﯽ
36:83
Əlində hər şeyin hökmü Olan Allah pak və müqəddəsdir. Siz ancaq Onun hüzuruna qaytarılacaqsınız.
Qurani-Kərim
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qurani-Kərim mp3
Complete Recitation — حفص عن عاصم
Abdul Basit Qurani-Kərim mp3
Complete Recitation — حفص عن عاصم
Mishary Rashid Alafasy Qurani-Kərim mp3
Complete Recitation — حفص عن عاصم
Al-Hussary Mahmoud Khalil Qurani-Kərim mp3
Complete Recitation — حفص عن عاصم
Muhammad Siddiq Al-Minshawi Qurani-Kərim mp3
Complete Recitation — حفص عن عاصم
Abdul Rahman Al-Sudais Qurani-Kərim mp3
Complete Recitation — حفص عن عاصم
Saud Al-Shuraim Qurani-Kərim mp3
Complete Recitation — حفص عن عاصم
Maher Al-Muaiqly Qurani-Kərim mp3
Complete Recitation — حفص عن عاصم