Suuratu Az-Zukhruf pdf Fulfulde

Suuratu Az-Zukhruf

PDF —

89 Aaya Meccan PDF

Built right in your browser — download starts automatically

Suuratu Az-Zukhruf pdf — Aawto (Fulfulde)

Suuratu Az-Zukhruf pdf Fulfulde — Aawto Suuratu Az-Zukhruf Jaaɓtinde. Az-Zukhruf (Meccan) 89 Aaya.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Suuratu Az-Zukhruf

89 Aaya · Meccan · Fulfulde

ﮀﮁ

Haa, Miim

ﮂﮃﮄ

Mi woondirii Defere ɓanngunde nden

ﮅﮆﮇﮈﮉﮊﮋ

Men waɗii nde janngeteende [e ɗemngal] aarabu, belajo’o, on haqqilay

ﮌﮍﮎﮏﮐﮑﮒﮓ

Pellet, hinde woni ka Amen gaa, ka yumma Defte, toowunde, ñeñaande

ﮔﮕﮖﮗﮘﮙﮚﮛﮜ

E Men acciray jippinangol on jantoore nden, ɗuurngal on, fii on wonii yimɓe fantimɓe

ﮝﮞﮟﮠﮡﮢﮣ

Ɗuuɗii e Annabaaɓe ɓe Men nuli e adinooɓe ɓen

ﮤﮥﮦﮧﮨﮩﮪﮫﮬ

Annabaajo araali e maɓɓe, si wanaa ɓe jalkitay mo

ﮭﮮﮯﮰﮱﯓﯔﯕ

Men halki ko ɓuri ɓe saɗtude doole ! Toode mise adinooɓe ɓen yawtiino

ﯖﯗﯘﯙﯚﯛﯜﯝﯞﯟﯠ

Ko pellet, si a lamndike ɓe: "Ko hommbo tagi kammuuli ɗin e leydi ndin?" Ɓe wi`ay: "Ko Fooluɗo, Annduɗo On tagi ɗi

ﯡﯢﯣﯤﯥﯦﯧﯨﯩﯪﯫﯬ

On waɗiranɗo on leydi ndin weertaandi, O waɗani on ɗate e mayri, fii no ɗoworon

ﭑﭒﭓﭔﭕﭖﭗﭘﭙﭚﭛﭜﭝﭞ

On jippinrɗo toɓo ka kammuu, yeru haaju, Men wuurnitiri ngo leydi maayndi. Ko non yaltinirteɗon

ﭟﭠﭡﭢﭣﭤﭥﭦﭧﭨﭩﭪ

On taguɗo nooneeji ɗin fow, O waɗirani on e laaɗe ɗen e neemoraaɗi ɗin, ko waɗɗoron

ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿ

fii yo on fotondir e hoore majji, refti annditon neema Joomi mon On, tuma fotondirɗon e majji, wi’on ontuma: "Senayee woodanii eltanɗo men ɗum On, men wonaano taaqanaaɓe ɗum

ﮀﮁﮂﮃﮄ

menen non, ko ka Joomi amen woni ko men ruttotoo

ﮅﮆﮇﮈﮉﮊﮋﮌﮍﮎﮏ

Ɓe waɗani Mo geɓal e jeyaaɓe Makko ɓen ! Pellet, on neɗɗanke ko yedduɗo ɓannguɗo

ﮐﮑﮒﮓﮔﮕﮖﮗ

Kaa woo O jogiti ɓiɗɓe rewɓe e ko O tagi kon, O heertinani on ɓiɗɓe worɓe ɓen

ﮘﮙﮚﮛﮜﮝﮞﮟﮠﮡﮢﮣﮤ

Si goɗɗo e maɓɓe wewliniraama ko o waɗirani kon Hinaranke On misal, yeeso makko ngon niɓɓita metteendi hombo suuɗi

ﮥﮦﮧﮨﮩﮪﮫﮬﮭﮮ

E ko on ne’eteeɗo e cuɗaari, hara kanko on ka yeddondiral, wanaa o ɓannginoowo haala

ﮯﮰﮱﯓﯔﯕﯖﯗﯘﯙﯚﯛﯜﯝﯞ

Ɓe waɗi Malaa’ikaaɓe tawɓe ɓen ko jeyaaɓe Jom Hinaranke On, rewɓe ! Kere ɓe seedino tageede ɓen? Awa fii seedagol maɓɓe ngol winndete, ɓe lamnditoyee

ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰ

Ɓe wi`iti: "Si Jom Hinaranke On haajuno, men rewataano ɓe". Ɓe alanaa ɗum hay e ganndal; ɓe wonaali, si wanaa hiɓe fena

ﯱﯲﯳﯴﯵﯶﯷﯸﯹ

Kaa ko Deftere Men addani ɓe ado ndee ɗoo, hara ko nden woni ko ɓe jogitii

ﯺﯻﯼﯽﯾﯿﰀﰁﰂﰃﰄﰅ

Si ko woni, ɓe wi`iu: "Menen men tawu baabiraaɓe amen ɓen e diina, haray ko e batteeji maɓɓe men feewirta

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥﭦ

Ko wano non, Men nulaali jertinoowo aditaade ma e saare woo, si wanaa hooreeɓe maɓɓe neemiiɓe wi`ay: "Menen men tawu baabiraaɓe amen ɓen e diina, ɗum non ko batteeji maɓɓe ɗin men ñentinta

ﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷ

O maaki: "Hay si mi addan on ko ɓuri feewude kon ko tawruɗon baabiraaɓe mon ɓen?" Ɓe wi`i: "Menen dey, ko men yedduɓe ko nulidaɗon e mun kon

ﭸﭹﭺﭻﭼﭽﭾﭿﮀ

Men yottii e maɓɓe. ndaare no battande fennuɓe ɓen wa’unoo

ﮁﮂﮃﮄﮅﮆﮇﮈﮉﮊ

Janto tuma Ibraahiima maakannoo ben makko e yimɓe makko ɓen: "Min on ko mi daɗndiiɗo e kon ko rewoton

ﮋﮌﮍﮎﮏﮐ

si wanaa On taguɗo lam, Kanko On, O fewnay lam

ﮑﮒﮓﮔﮕﮖﮗﮘ

O waɗi ngol konngol heddotoongol ɓaawo makko, belajo’o, ɓe ruttoto

ﮙﮚﮛﮜﮝﮞﮟﮠﮡﮢ

Si ko woni, Mi dakmitii ɓee ɗoo e baabiraaɓe maɓɓe ɓen, haa nde goonga kan arunoo e maɓɓe, e Nulaaɗo ɓannguɗo

ﮣﮤﮥﮦﮧﮨﮩﮪﮫﮬ

Nde goonga kan arunoo e maɓɓe, ɓe wi`i: "Ɗum ko mbilewu, menen ko men yedduɓe ɗum

ﮭﮮﮯﮰﮱﯓﯔﯕﯖﯗﯘ

Ɓe wi`iti: "Ko hanno ndee Alqur`aanaare jippinee e gorko mawɗo ca’e ɗen ɗiɗi

ﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵ

E ko kamɓe senndata yurmeende Joomi maa nden? Awa ko Menen woni ko senndi nguureeji maɓɓe ɗin hakkunde maɓɓe, ka nguurndam aduna. Men ɓamti yoga maɓɓe e hoore ɓeya, darjaaji, fii no yoga maɓɓe jogitora yoga eeltane. Haray ko yurmeende Joomi maa nden, ɓuri moƴƴude e kon ko ɓe mooɓata

ﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇ

Si wanaano fii wata yimɓe ɓen wonu mofte goote, Men waɗayno e cuuɗi kala yedduɗo Hinnaranke On: kiɓɓe kaalisi e ŋabbirɗe ka ɓe ƴawra

ﭑﭒﭓﭔﭕﭖ

(Men waɗayno kadi) e cuuɗi maɓɓe ɗin, dame e ndaɗɗude ka ɓe soɓɓindoo

ﭗﭘﭙﭚﭛﭜﭝﭞﭟﭠﭡﭢﭣﭤﭥ

e cuɗaari. Kono ɗum fow wonaali, si wanaa dakamme nguurndam aduna. Ko laakara on ka Joomi maa, woni fii gomɗumɓe ɓen

ﭦﭧﭨﭩﭪﭫﭬﭭﭮﭯﭰﭱ

Kala ɗuurniiɗo e jantoore Hinaranko On, Men wuurta mo e seytanuuru, hara ko ndun woni ko o coowodata

ﭲﭳﭴﭵﭶﭷﭸﭹ

Ɗin (awaseeji) non, ko sakkorayɗi ɓe e peewal ngal, haa ka ɓe sikkata hiɓe feewi

ﭺﭻﭼﭽﭾﭿﮀﮁﮂﮃﮄﮅ

Haa si o aroyii e Amen, o wi`a: "Ee bone ! hara hakkunde am e maa woɗɗirayno goɗɗal fuɗɗirɗe ɗen ɗiɗi woɗɗiri ! A bonii cinndadiiɗo

ﮆﮇﮈﮉﮊﮋﮌﮍﮎﮏ

[Ɗum] nafataa on hannde - nde tawnoo on tooñii - wonnde ko ka lepte hawtuɗon

ﮐﮑﮒﮓﮔﮕﮖﮗﮘﮙﮚﮛ

E ko an naninta faaɗuɗo maa fewnaa bumɗo e on wonɗo e nder majjere ɓanngunde

ﮜﮝﮞﮟﮠﮡﮢ

Si Men aru ƴettitude ma, haray ko Men yottotooɓe e maɓɓe

ﮣﮤﮥﮦﮧﮨﮩﮪ

maa hara Men holle ko Men kammbirani ɓen kon, haray noon ko Men gaynooɓe fii maɓɓe

ﮫﮬﮭﮮﮯﮰﮱﯓﯔﯕ

Jogito kon ko wahayinaa e maaɗa. Pellet, hiɗa jokki laawol focciingol

ﯖﯗﯘﯙﯚﯛﯜﯝ

Ndee non [Alqur`aanaare], ko nde teddungal maa an e yimɓe maa ɓen. Aray nde lamnditeɗon

ﯞﯟﯠﯡﯢﯣﯤﯥﯦﯧﯨﯩﯪﯫ

Lamndii e ɓen Nulaaɓe Amen ɓe Men nulunoo ado maa, si Men waɗuno ko wanaa Hinnaranke On, reweteeɗi goo

ﯬﯭﯮﯯﯰﯱﯲﯳﯴﯵﯶﯷﯸ

Gomɗii Men immindinii Muusaa e Aayeeje Amen ɗen, haa e Fir`awna e mbatu mun ngun, o maaki: "Ko mi Nulaaɗo Jeyɗo tagu ngun

ﯹﯺﯻﯼﯽﯾﯿﰀ

Nde o addannooɓe Aayeeje Amen ɗen, e jaka yoo hiɓe jalaɗi

ﭑﭒﭓﭔﭕﭖﭗﭘﭙﭚﭛﭜﭝﭞﭟ

Men hollaali ɓe Aaya, si wanaa haray on ɓuri adiiɗo mo on mawnude. Men nanngiri ɓe lepte ɗen, belajo’o, ɓe ruttoto

ﭠﭡﭢﭣﭤﭥﭦﭧﭨﭩﭪﭫ

Ɓe wi`i: "Ko an yo mbileejo! Torano men Joomi maa, ko O ahodi kon e maaɗa. Pellet, ko men feewooɓe

ﭬﭭﭮﭯﭰﭱﭲﭳ

Nde Men huncannooɓe lepte ɗen, e jaka yoo, hiɓe firta [ahadi]

ﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆ

Fir`awna noddi e yimɓe ɓen, o wi`i: "Ko onon yo yimɓe am, wanaa min jey laamu Misra? E hino ɗii canɗi no ila e ley kuɓeeji am? E on yiyataa

ﮇﮈﮉﮊﮋﮌﮍﮎﮏﮐﮑﮒ

Kaa mi ɓuraa teddude oo hoyɗo mo eɓɓataa laɓɓinnde haala

ﮓﮔﮕﮖﮗﮘﮙﮚﮛﮜﮝﮞ

Awa ko hanno jawle kaŋŋe werlee e makko? Maaɗum Malaa’ika’en arda e makko, na jokkondiri

ﮟﮠﮡﮢﮣﮤﮥﮦﮧ

O ɗaytini yimɓe makko ɓen, ɓe ɗowtii mo. Pellet, ɓen ɗon laatino yimɓe faasiqiiɓe

ﮨﮩﮪﮫﮬﮭﮮ

Nde ɓe tikkinnoo Men, Men yottii e maɓɓe; Men yooli ɓe fow

ﮯﮰﮱﯓﯔ

Men waɗi ɓe ardiiɓe e misal, wonannde sakkiitiiɓe ɓen

ﯕﯖﯗﯘﯙﯚﯛﯜﯝﯞﯟ

Tuma nde geɗal neene Maryama on piyiranoo misal, tawaa yoo, yimɓe maa ɓen no sooƴira ɗum

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰ

ɓe wi`i: "Ko reweteeɗi amen ɗin ɓuri moƴƴude, kaa ko kanko?" Ɓe piyiranaali ma ngal (misal), si wanaa fii wennjugol. Wurin, ko ɓe yimɓe saɗtuɓe wennje

ﯱﯲﯳﯴﯵﯶﯷﯸﯹﯺﯻ

Awa (Iisaa) wonaali, si wanaa jeyaaɗo mo Men neemini e mun, Men waɗi mo misal woannde ɓiɗɓe Israa’iila ɓen

ﯼﯽﯾﯿﰀﰁﰂﰃﰄ

Si Men haajuno, Men waɗtitirayno on Malaa’ika, ko lomtoo ka leydi

ﭑﭒﭓﭔﭕﭖﭗﭘﭙﭚﭛﭜ

Pellet non, ko o anndinorde Darngal. Wata on sikkito fii maggal. Jokkee lam, ko ɗum woni laawol focciingol ngol

ﭝﭞﭟﭠﭡﭢﭣﭤﭥ

Wata seytaane falo on ! tawde pellet, ko o gaño mon ɓannguɗo

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸ

Nde Iisaa ardunoo e ɓannguɗi ɗin, o maaki: "Gomɗii mi ardanii on e ñeeñal, e no mi ɓannginirana on yoga e ko luutondirɗon e muuɗum. Haray hulee Allah, ɗoftoɗon mi

ﭹﭺﭻﭼﭽﭾﭿﮀﮁﮂﮃ

Pellet, ko Alla Woni Joomi am e Joomi mon. Rewee Mo. Ko ɗum woni laawol focciingol ngol

ﮄﮅﮆﮇﮈﮉﮊﮋﮌﮍﮎﮏﮐ

Feddeeji ɗin luutondiri hakkunde majji. Bone woodanii ɓen yedduɓe, immorde e lepte ñalaande muusuɗe

ﮑﮒﮓﮔﮕﮖﮗﮘﮙﮚﮛ

Hara ɓe habbi si wanaa nde Darngal ngal ardata ɓe e juhal, hara ɓe so’aa anndude

ﮜﮝﮞﮟﮠﮡﮢﮣ

Welduɓe ɓen, nden ñalnde, yoga maɓɓe ko ayrooɓe yoga; si wanaa gomɗumɓe ɓen

ﮤﮥﮦﮧﮨﮩﮪﮫﮬ

Ko onon yo jeyaaɓe Am ! Kulol alanaa on hannde; wonaa on sunotooɓe kadi

ﮭﮮﮯﮰﮱﯓ

ɓen gomɗimɓe Aayeeje Amen ɗen, ɓe woni jebbiliiɓe

ﯔﯕﯖﯗﯘﯙ

naatee ka Aljanna, onon e nannduɓe e mon, hiɗon saɗnee

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫ

[Gollooɓe] hino wanngindinee e maɓɓe, mirannji kaŋŋe e ñedduɗe; hino ton kadi: kala ko wonkii muuyetee, gite dakmitoo. Hara le, ko on duumotooɓe ton

ﯬﯭﯮﯯﯰﯱﯲﯳ

Ko on woni Aljanna mo roniniraɗon, sabu kon ko gollaynoɗon

ﯴﯵﯶﯷﯸﯹﯺ

Hino woodani on ton, muuyanteeɗi ɗuuɗuɗi, ɗi ñaamoton e mun

ﭑﭒﭓﭔﭕﭖﭗ

Pellet, bomɓe ɓen, ko ka lepte Jahannama ɓe luttoyta

ﭘﭙﭚﭛﭜﭝﭞ

ɓe hoynantaake, tee hara ko ɓe taƴiiɓe ton

ﭟﭠﭡﭢﭣﭤﭥ

Men tooñaani ɓe few, si ko woni, ko kamɓe woni tooñuɓe ɓen

ﭦﭧﭨﭩﭪﭫﭬﭭﭮﭯ

Ɓe nodda: "Ko an yo Maaliku ! Yo Joomi maa gaynu fii amen !" O wi`i: "Pellet, ko on luttooɓe [ton]

ﭰﭱﭲﭳﭴﭵﭶﭷ

Gomɗii Men addanii on goonga kan ; kono ɗuuɗuɓe e mon, ko añuɓe goonga

ﭸﭹﭺﭻﭼﭽ

Kaa ɓe eɓɓu feere ? Doo ko Men fewjooɓe

ﭾﭿﮀﮁﮂﮃﮄﮅﮆﮇﮈﮉﮊ

Maa hara ɓe sikku Men nanataa gunndooji maɓɓe e sirru maɓɓe? Oo’owoye! Nulaaɓe Amen ɓen hino maandina takko maɓɓe

ﮋﮌﮍﮎﮏﮐﮑﮒﮓ

Maaku: "Si Hinaranko On no jogitii ɓiɗɗo, ko min adotonoo rewude on

ﮔﮕﮖﮗﮘﮙﮚﮛﮜ

Senayee woodanii Jeyɗo kammuuli ɗin e leydi ndin, Jeyɗo Arsi kin; laaɓuɗo e kon ko ɓe sifrotta Mo. @Corrected

ﮝﮞﮟﮠﮡﮢﮣﮤﮥ

Accuɓe ɓe jumpa, ɓe fija haa ɓe hawroya e ñalaande maɓɓe ndeɓe fodaa

ﮦﮧﮨﮩﮪﮫﮬﮭﮮﮯﮰﮱﯓ

Ko Kanko woni On reweteeɗo ka kammu e reweteeɗo ka leydi, ko Kanko kadi woni Ñeeño, Annduɗo On

ﯔﯕﯖﯗﯘﯙﯚﯛﯜﯝﯞﯟﯠﯡ

Barke heewanii On Mo woodani ɗum, laamu kammuuli ɗin e leydi ndin e ko woni hakkunde majji. Ko ka Makko anndal fii Darngal woni. Ko ka Makko kadi rutteteɗon

ﯢﯣﯤﯥﯦﯧﯨﯩﯪﯫﯬﯭﯮﯯ

Ɗi ɓe rewata ɗin gaanin Makko jeyah tefoore, si wanaa seediiɓe goonga ɓen, hara hiɓe anndi

ﯰﯱﯲﯳﯴﯵﯶﯷﯸﯹ

Ko pellet, si a lamndike ɓe, ko hommbo woni ko tagi ɓe? Ɓe wi`ay: "Ko Allah". Ko honno non ɓe yiiliraa

ﯺﯻﯼﯽﯾﯿﰀﰁ

[Himo anndi kadi] fii ko (Nulaaɗo) on maakunoo kon: "Ko an yo Joomi, pellet, ɓee ko yimɓe ɓe gomɗintaa

ﰂﰃﰄﰅﰆﰇﰈﰉ

Awa yaafo ɓe, maakaa: "Kisal !" Aray ndebe annda

Al-Qur'aana

Tuesday, August 18, 2026

Don't forget us in your sincere prayers