Vaqiə Surəsi ərəb və Azərbaycan dillərində

Vaqiə Surəsini tam Azərbaycan tərcüməsi, transliterasiya və audio tilavətlə oxuyun. Ayə-ayə tərcümə. (96 Ayə — مكية). Vaqiə Dinlə, Vaqiə Tərcümə, Vaqiə mp3, Vaqiə pdf.

Vaqiə Surəsini oxu və dinlə

🎧 Ayə
M Mishary Rashid Alafasy ✓
M Mahmoud Khalil Al-Husary ✓
A Abdurrahman As-Sudais ✓
M Mohamed Siddiq Al-Minshawi ✓
A Abdul Basit Abdul Samad ✓
A Ali Al-Hudhaify ✓
A Ahmed ibn Ali al-Ajamy ✓
A Abu Bakr Ash-Shaatree ✓
M Muhammad Ayyoub ✓
A Abdullah Basfar ✓
A Abdullah Al-Juhani ✓
M Maher Al Muaiqly ✓
—
x1
إِذَا وَقَعَتِ الْوَاقِعَةُ ۝١
📖 Tərcümə Ayə 1
Vaqiə qopacağı zaman
لَيْسَ لِوَقْعَتِهَا كَاذِبَةٌ ۝٢
📖 Tərcümə Ayə 2
onun qopduğunu heç kəs dana bilməz.
خَافِضَةٌ رَّافِعَةٌ ۝٣
📖 Tərcümə Ayə 3
O, bəzilərini alçaldacaq, bəzilərini də ucaldacaqdır.
إِذَا رُجَّتِ الْأَرْضُ رَجًّا ۝٤
📖 Tərcümə Ayə 4
Yer şiddətlə titrədiyi zaman,
وَبُسَّتِ الْجِبَالُ بَسًّا ۝٥
📖 Tərcümə Ayə 5
Dağlar parça-parça olub ovxalandığı
فَكَانَتْ هَبَاءً مُّنبَثًّا ۝٦
📖 Tərcümə Ayə 6
və ətrafa səpələnmiş toz-torpağa döndüyü zaman,
وَكُنتُمْ أَزْوَاجًا ثَلَاثَةً ۝٧
📖 Tərcümə Ayə 7
siz üç dəstəyə ayrılacaqsınız.
فَأَصْحَابُ الْمَيْمَنَةِ مَا أَصْحَابُ الْمَيْمَنَةِ ۝٨
📖 Tərcümə Ayə 8
Sağ tərəf sahibləri. Nə xoşbəxtdir sağ tərəf sahibləri!
وَأَصْحَابُ الْمَشْأَمَةِ مَا أَصْحَابُ الْمَشْأَمَةِ ۝٩
📖 Tərcümə Ayə 9
Sol tərəf sahibləri. Nə bədbəxtdir sol tərəf sahibləri!
وَالسَّابِقُونَ السَّابِقُونَ ۝١٠
📖 Tərcümə Ayə 10
Xeyirxah işlərdə öndə gedənlər, Cənnətdə də öndədirlər!
أُولَٰئِكَ الْمُقَرَّبُونَ ۝١١
📖 Tərcümə Ayə 11
Onlar Allaha yaxın olanlar,
فِي جَنَّاتِ النَّعِيمِ ۝١٢
📖 Tərcümə Ayə 12
Nəim bağlarında qalacaq kimsələrdir.
ثُلَّةٌ مِّنَ الْأَوَّلِينَ ۝١٣
📖 Tərcümə Ayə 13
Onların çoxu əvvəlki nəsillərdən,
وَقَلِيلٌ مِّنَ الْآخِرِينَ ۝١٤
📖 Tərcümə Ayə 14
az bir qismi də axırıncılardandır.
عَلَىٰ سُرُرٍ مَّوْضُونَةٍ ۝١٥
📖 Tərcümə Ayə 15
Onlar bəzənmiş taxtlar üstündə
مُّتَّكِئِينَ عَلَيْهَا مُتَقَابِلِينَ ۝١٦
📖 Tərcümə Ayə 16
qarşı-qarşıya əyləşib dirsəklənəcəklər.
يَطُوفُ عَلَيْهِمْ وِلْدَانٌ مُّخَلَّدُونَ ۝١٧
📖 Tərcümə Ayə 17
Onların ətrafında həmişəcavan xidmətçi oğlanlar fırlanacaqlar;
بِأَكْوَابٍ وَأَبَارِيقَ وَكَأْسٍ مِّن مَّعِينٍ ۝١٨
📖 Tərcümə Ayə 18
çeşmə şərabı ilə dolu badələr, bardaqlar və qədəhlərlə –
لَّا يُصَدَّعُونَ عَنْهَا وَلَا يُنزِفُونَ ۝١٩
📖 Tərcümə Ayə 19
ondan başları ağrımaz və məst olmazlar,
وَفَاكِهَةٍ مِّمَّا يَتَخَيَّرُونَ ۝٢٠
📖 Tərcümə Ayə 20
bəyənib seçdikləri meyvələr
وَلَحْمِ طَيْرٍ مِّمَّا يَشْتَهُونَ ۝٢١
📖 Tərcümə Ayə 21
və istədikləri quş əti ilə hərlənəcəklər.
وَحُورٌ عِينٌ ۝٢٢
📖 Tərcümə Ayə 22
Onları iri qaragözlü hurilər gözləyir –
كَأَمْثَالِ اللُّؤْلُؤِ الْمَكْنُونِ ۝٢٣
📖 Tərcümə Ayə 23
sədəf içində saxlanılmış mirvariyə bənzər hurilər.
جَزَاءً بِمَا كَانُوا يَعْمَلُونَ ۝٢٤
📖 Tərcümə Ayə 24
Bu, onların etdikləri əməllərin mükafatı olacaq.
لَا يَسْمَعُونَ فِيهَا لَغْوًا وَلَا تَأْثِيمًا ۝٢٥
📖 Tərcümə Ayə 25
Onlar orada nə boş söz, nə də günaha səbəb olan söhbət eşidəcəklər.
إِلَّا قِيلًا سَلَامًا سَلَامًا ۝٢٦
📖 Tərcümə Ayə 26
Ancaq: “Salam! Salam!”– sözləri eşidəcəklər.
وَأَصْحَابُ الْيَمِينِ مَا أَصْحَابُ الْيَمِينِ ۝٢٧
📖 Tərcümə Ayə 27
Sağ tərəf sahibləri. Nə xoşbəxtdir sağ tərəf sahibləri!
فِي سِدْرٍ مَّخْضُودٍ ۝٢٨
📖 Tərcümə Ayə 28
Onlar tikansız sidr ağacları arasında,
وَطَلْحٍ مَّنضُودٍ ۝٢٩
📖 Tərcümə Ayə 29
meyvələri salxım-salxım asılmış banan ağacları altında,
وَظِلٍّ مَّمْدُودٍ ۝٣٠
📖 Tərcümə Ayə 30
uzanmış kölgəliklərdə,
وَمَاءٍ مَّسْكُوبٍ ۝٣١
📖 Tərcümə Ayə 31
daim axan sular kənarında,
وَفَاكِهَةٍ كَثِيرَةٍ ۝٣٢
📖 Tərcümə Ayə 32
çoxlu meyvələr,
لَّا مَقْطُوعَةٍ وَلَا مَمْنُوعَةٍ ۝٣٣
📖 Tərcümə Ayə 33
tükənməz və qadağan edilməyən meyvələr içində
وَفُرُشٍ مَّرْفُوعَةٍ ۝٣٤
📖 Tərcümə Ayə 34
və hündür döşəklər üstündə olacaqlar.
إِنَّا أَنشَأْنَاهُنَّ إِنشَاءً ۝٣٥
📖 Tərcümə Ayə 35
Biz Cənnətdəki qadınları yeni biçimdə yaradacağıq.
فَجَعَلْنَاهُنَّ أَبْكَارًا ۝٣٦
📖 Tərcümə Ayə 36
Onları bakirə qızlar edəcəyik –
عُرُبًا أَتْرَابًا ۝٣٧
📖 Tərcümə Ayə 37
ərlərini sevən, həmyaşıdlar.
لِّأَصْحَابِ الْيَمِينِ ۝٣٨
📖 Tərcümə Ayə 38
Bunlar sağ tərəf sahibləri üçündür.
ثُلَّةٌ مِّنَ الْأَوَّلِينَ ۝٣٩
📖 Tərcümə Ayə 39
Onların çoxu əvvəlki nəsillərdən,
وَثُلَّةٌ مِّنَ الْآخِرِينَ ۝٤٠
📖 Tərcümə Ayə 40
bir qismi də axırıncılardandır.
وَأَصْحَابُ الشِّمَالِ مَا أَصْحَابُ الشِّمَالِ ۝٤١
📖 Tərcümə Ayə 41
Sol tərəf sahibləri. Nə bədbəxtdir sol tərəf sahibləri!
فِي سَمُومٍ وَحَمِيمٍ ۝٤٢
📖 Tərcümə Ayə 42
Onlar qızmar yel və qaynar su içində,
وَظِلٍّ مِّن يَحْمُومٍ ۝٤٣
📖 Tərcümə Ayə 43
qapqara duman kölgəsində olacaqlar.
لَّا بَارِدٍ وَلَا كَرِيمٍ ۝٤٤
📖 Tərcümə Ayə 44
Bu duman nə sərin, nə də xoşagələndir.
إِنَّهُمْ كَانُوا قَبْلَ ذَٰلِكَ مُتْرَفِينَ ۝٤٥
📖 Tərcümə Ayə 45
Onlar bundan əvvəl cah-calal içində idilər,
وَكَانُوا يُصِرُّونَ عَلَى الْحِنثِ الْعَظِيمِ ۝٤٦
📖 Tərcümə Ayə 46
böyük günah işlətməkdə israr edirdilər
وَكَانُوا يَقُولُونَ أَئِذَا مِتْنَا وَكُنَّا تُرَابًا وَعِظَامًا أَإِنَّا لَمَبْعُوثُونَ ۝٤٧
📖 Tərcümə Ayə 47
və deyirdilər: “Məgər biz ölüb torpaq və sür-sümük olduqdan sonra yenidənmi dirildiləcəyik?
أَوَآبَاؤُنَا الْأَوَّلُونَ ۝٤٨
📖 Tərcümə Ayə 48
Yaxud bizim əcdadlarımız dirildiləcəklərmi?”
قُلْ إِنَّ الْأَوَّلِينَ وَالْآخِرِينَ ۝٤٩
📖 Tərcümə Ayə 49
De: “Şübhəsiz ki, əvvəlkilər də, sonrakılar da,
لَمَجْمُوعُونَ إِلَىٰ مِيقَاتِ يَوْمٍ مَّعْلُومٍ ۝٥٠
📖 Tərcümə Ayə 50
bəlli bir günün müəyyən vaxtında mütləq toplanılacaqlar.
ثُمَّ إِنَّكُمْ أَيُّهَا الضَّالُّونَ الْمُكَذِّبُونَ ۝٥١
📖 Tərcümə Ayə 51
Sonra, siz ey doğru yoldan azanlar, haqqı yalan sayanlar!
لَآكِلُونَ مِن شَجَرٍ مِّن زَقُّومٍ ۝٥٢
📖 Tərcümə Ayə 52
Siz mütləq zəqqum ağacından yeyəcəksiniz,
فَمَالِئُونَ مِنْهَا الْبُطُونَ ۝٥٣
📖 Tərcümə Ayə 53
qarınlarınızı onunla dolduracaqsınız,
فَشَارِبُونَ عَلَيْهِ مِنَ الْحَمِيمِ ۝٥٤
📖 Tərcümə Ayə 54
üstündən də qaynar su içəcəksiniz.
فَشَارِبُونَ شُرْبَ الْهِيمِ ۝٥٥
📖 Tərcümə Ayə 55
Siz onu susamış xəstə dəvələr kimi içəcəksiniz”.
هَٰذَا نُزُلُهُمْ يَوْمَ الدِّينِ ۝٥٦
📖 Tərcümə Ayə 56
Bu onların Haqq-hesab günündəki ziyafətidir.
نَحْنُ خَلَقْنَاكُمْ فَلَوْلَا تُصَدِّقُونَ ۝٥٧
📖 Tərcümə Ayə 57
Sizi Biz yaratdıq. Bəs nə üçün dirildiləcəyinizi təsdiq etmirsiniz?
أَفَرَأَيْتُم مَّا تُمْنُونَ ۝٥٨
📖 Tərcümə Ayə 58
Axıtdığınız nütfəni gördünüzmü?
أَأَنتُمْ تَخْلُقُونَهُ أَمْ نَحْنُ الْخَالِقُونَ ۝٥٩
📖 Tərcümə Ayə 59
Onu siz yaradırsınız, yoxsa Biz?
نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ ۝٦٠
📖 Tərcümə Ayə 60
Sizin aranızda ölümü Biz müəyyən etdik və heç nə Bizim qarşımızı ala bilməz.
عَلَىٰ أَن نُّبَدِّلَ أَمْثَالَكُمْ وَنُنشِئَكُمْ فِي مَا لَا تَعْلَمُونَ ۝٦١
📖 Tərcümə Ayə 61
Sizi bənzərləriniz ilə əvəz etməyə və sizi özünüz bilmədiyiniz başqa bir şəkildə yaratmağa Bizə mane olan tapılmaz.
وَلَقَدْ عَلِمْتُمُ النَّشْأَةَ الْأُولَىٰ فَلَوْلَا تَذَكَّرُونَ ۝٦٢
📖 Tərcümə Ayə 62
Siz ilk yaradılışı bilirsiniz. Bəs nə üçün dirildiləcəyiniz barədə düşünmürsünüz?
أَفَرَأَيْتُم مَّا تَحْرُثُونَ ۝٦٣
📖 Tərcümə Ayə 63
Əkdiyinizi gördünüzmü?
أَأَنتُمْ تَزْرَعُونَهُ أَمْ نَحْنُ الزَّارِعُونَ ۝٦٤
📖 Tərcümə Ayə 64
Onu siz bitirirsiniz, yoxsa Biz?
لَوْ نَشَاءُ لَجَعَلْنَاهُ حُطَامًا فَظَلْتُمْ تَفَكَّهُونَ ۝٦٥
📖 Tərcümə Ayə 65
Əgər Biz istəsəydik, onu bir saman çöpünə döndərər, siz də heyrətə gələrdiniz,
إِنَّا لَمُغْرَمُونَ ۝٦٦
📖 Tərcümə Ayə 66
və deyərdiniz: “Biz ziyana uğradıq.
بَلْ نَحْنُ مَحْرُومُونَ ۝٦٧
📖 Tərcümə Ayə 67
Daha doğrusu nemətlərdən məhrum olduq!”
أَفَرَأَيْتُمُ الْمَاءَ الَّذِي تَشْرَبُونَ ۝٦٨
📖 Tərcümə Ayə 68
İçdiyiniz suyu gördünüzmü?
أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ ۝٦٩
📖 Tərcümə Ayə 69
Onu buluddan siz endirirsiniz, yoxsa Biz?
لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ ۝٧٠
📖 Tərcümə Ayə 70
Əgər istəsəydik, onu acı edərdik. Bəs nə üçün şükür etmirsiniz?
أَفَرَأَيْتُمُ النَّارَ الَّتِي تُورُونَ ۝٧١
📖 Tərcümə Ayə 71
Yandırdığınız odu gördünüzmü?
أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِئُونَ ۝٧٢
📖 Tərcümə Ayə 72
Onun ağacını siz yaradırsınız, yoxsa Biz?
نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ ۝٧٣
📖 Tərcümə Ayə 73
Biz onu Cəhənnəmi yada salmaq və müsafirlərin istifadəsi üçün yaratdıq.
فَسَبِّحْ بِاسْمِ رَبِّكَ الْعَظِيمِ ۝٧٤
📖 Tərcümə Ayə 74
Elə isə Ulu Rəbbinin adına təriflər de!
۞ فَلَا أُقْسِمُ بِمَوَاقِعِ النُّجُومِ ۝٧٥
📖 Tərcümə Ayə 75
Ulduzların batdığı yerlərə and olsun!
وَإِنَّهُ لَقَسَمٌ لَّوْ تَعْلَمُونَ عَظِيمٌ ۝٧٦
📖 Tərcümə Ayə 76
Kaş bunun, doğrudan da, böyük bir and olduğunu biləydiniz.
إِنَّهُ لَقُرْآنٌ كَرِيمٌ ۝٧٧
📖 Tərcümə Ayə 77
Həqiqətən, bu, ehtirama layiq Qurandır,
فِي كِتَابٍ مَّكْنُونٍ ۝٧٨
📖 Tərcümə Ayə 78
qorunub saxlanılan Yazıdadır (Lövhi-məhfuzdadır).
لَّا يَمَسُّهُ إِلَّا الْمُطَهَّرُونَ ۝٧٩
📖 Tərcümə Ayə 79
Ona yalnız pak olanlar toxunur.
تَنزِيلٌ مِّن رَّبِّ الْعَالَمِينَ ۝٨٠
📖 Tərcümə Ayə 80
O, aləmlərin Rəbbi tərəfindən nazil edilmişdir.
أَفَبِهَٰذَا الْحَدِيثِ أَنتُم مُّدْهِنُونَ ۝٨١
📖 Tərcümə Ayə 81
Siz bu kəlamı yalan sayırsınız?
وَتَجْعَلُونَ رِزْقَكُمْ أَنَّكُمْ تُكَذِّبُونَ ۝٨٢
📖 Tərcümə Ayə 82
Sizə verilən ruziyə şükür etməyi, onu yalan saymaqla yerinə yetirirsiniz?
فَلَوْلَا إِذَا بَلَغَتِ الْحُلْقُومَ ۝٨٣
📖 Tərcümə Ayə 83
Can boğaza yetişdiyi zaman –
وَأَنتُمْ حِينَئِذٍ تَنظُرُونَ ۝٨٤
📖 Tərcümə Ayə 84
həmin an siz can verən adama baxırsınız.
وَنَحْنُ أَقْرَبُ إِلَيْهِ مِنكُمْ وَلَٰكِن لَّا تُبْصِرُونَ ۝٨٥
📖 Tərcümə Ayə 85
Biz ona sizdən daha yaxın oluruq, siz isə bunu görmürsünüz.
فَلَوْلَا إِن كُنتُمْ غَيْرَ مَدِينِينَ ۝٨٦
📖 Tərcümə Ayə 86
Madam ki siz iddianıza görə haqq-hesab olunmayacaqsınız
تَرْجِعُونَهَا إِن كُنتُمْ صَادِقِينَ ۝٨٧
📖 Tərcümə Ayə 87
və doğru danışanlarsınız, onda, o canı geri qaytarın?
فَأَمَّا إِن كَانَ مِنَ الْمُقَرَّبِينَ ۝٨٨
📖 Tərcümə Ayə 88
Amma əgər o, Allaha yaxın olanlardandırsa,
فَرَوْحٌ وَرَيْحَانٌ وَجَنَّتُ نَعِيمٍ ۝٨٩
📖 Tərcümə Ayə 89
onda rəhmətə, gözəl ruziyə və Nəim bağına yetişər.
وَأَمَّا إِن كَانَ مِنْ أَصْحَابِ الْيَمِينِ ۝٩٠
📖 Tərcümə Ayə 90
Əgər o, sağ tərəf sahiblərindəndirsə,
فَسَلَامٌ لَّكَ مِنْ أَصْحَابِ الْيَمِينِ ۝٩١
📖 Tərcümə Ayə 91
ona: “Sağ tərəf sahiblərindən sənə salam olsun!”– deyiləcəkdir.
وَأَمَّا إِن كَانَ مِنَ الْمُكَذِّبِينَ الضَّالِّينَ ۝٩٢
📖 Tərcümə Ayə 92
Yox əgər o, haqqı yalan sayanlardan və doğru yoldan azanlardandırsa,
فَنُزُلٌ مِّنْ حَمِيمٍ ۝٩٣
📖 Tərcümə Ayə 93
onun ziyafəti qaynar su olacaq,
وَتَصْلِيَةُ جَحِيمٍ ۝٩٤
📖 Tərcümə Ayə 94
özü də Cəhənnəmdə yanacaqdır.
إِنَّ هَٰذَا لَهُوَ حَقُّ الْيَقِينِ ۝٩٥
📖 Tərcümə Ayə 95
Həqiqətən, bu, şübhə doğurmayan bir həqiqətdir.
فَسَبِّحْ بِاسْمِ رَبِّكَ الْعَظِيمِ ۝٩٦
📖 Tərcümə Ayə 96
Elə isə Ulu Rəbbinin adına təriflər de!
← 55 Vaqiə (56/114) 57 →
Oxu Vaqiə Surəsi Azərbaycan dilində – Tərcümə və Audio

56الواقعة Al-Waqi'ah 📚 96 Ayə مكية

Ayə-ayə – Vaqiə Surəsi — 96 Ayə


📚 Müqəddəs Quran 🎧 Dinlə mp3 ⬇ Quran mp3 📚 Quran İndeksi


Qurani-Kərim
Tuesday, August 18, 2026

Don't forget us in your sincere prayers