Surah Az-Zukhruf pdf Maranao

Surah Az-Zukhruf

PDF —

89 Ayat Meccan PDF

Built right in your browser — download starts automatically

Surah Az-Zukhruf pdf — Download (Maranao)

Surah Az-Zukhruf pdf Maranao — Download Surah Az-Zukhruf Baalikan. Az-Zukhruf (Meccan) 89 Ayat.

📚 Batiya 🎧 Pamakin'eg mp3 📜 Qur-an a Soti

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Az-Zukhruf

89 Ayat · Meccan · Maranao

ﮀﮁ

Ha, Mim. (So Allah i Matao ko paka-aantapan Iyan on)

ﮂﮃﮄ

Ibt ko kitab a miyakapayag

ﮅﮆﮇﮈﮉﮊﮋ

Mataan! a Skami na biyaloy Ami skaniyan a Qor´an a basa Arab, ka an iyo sabota

ﮌﮍﮎﮏﮐﮑﮒﮓ

Na mataan! a skaniyan na madadalm ko asal o kitab (a so Lawh Makhpod), sii ko hadapan Ami, a titho a Maporo, a sindadan o ongangn

ﮔﮕﮖﮗﮘﮙﮚﮛﮜ

Ba Ami rkano phokasa so pananadm sa kadapay, ka kagiya skano na pagtaw a manga malawani

ﮝﮞﮟﮠﮡﮢﮣ

Na madakl a siyogo Ami a nabi ko miyangaoona

ﮤﮥﮦﮧﮨﮩﮪﮫﮬ

Na da a pphakatalingoma kiran a nabi a ba iran oto di pphamagrgi

ﮭﮮﮯﮰﮱﯓﯔﯕ

Na bininasa Mi so lawan kiran sa bagr; - go miyaypos so ibarat o miyangaoona

ﯖﯗﯘﯙﯚﯛﯜﯝﯞﯟﯠ

Na ibt o izaan ka kiran, o antawaa i miyadn ko manga langit ago so lopa? Na mataan a ptharoon iran a: Inadn siran o (Allah a) Mabagr, a Matao

ﯡﯢﯣﯤﯥﯦﯧﯨﯩﯪﯫﯬ

So inisnggay Niyan rkano so lopa a darpa, go singgayan kano Niyan on sa manga lalan, ka ang kano makaontol

ﭑﭒﭓﭔﭕﭖﭗﭘﭙﭚﭛﭜﭝﭞ

Go Skaniyan so piyakatoron Iyan phoon ko kawang so ig sa didiyangkaan; - na inoyag Ami sa sabap rkaniyan so ingd a maatay; na lagid man oto a kaphakagmawa rkano (ko manga kobor)

ﭟﭠﭡﭢﭣﭤﭥﭦﭧﭨﭩﭪ

Go Skaniyan so miyadn ko nggaganapa, a kalangolangowan iyan, go sominggay rkano ko manga kapal ago so manga ayam a so kapphagdaan iyo

ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿ

Ka ang kano gii makathakna ko manga likod iyan, oriyan iyan na an iyo katadmi so limo o Kadnan iyo, igira a miyakathakna kano ron, go an iyo matharo: "Soti so piyakaphasiyonot Iyan rkami aya, a kna a ba skami i phamakagaga on

ﮀﮁﮂﮃﮄ

Go mataan! a skami na sii bo ko Kadnan ami, i titho a khandodan ami

ﮅﮆﮇﮈﮉﮊﮋﮌﮍﮎﮏ

Na singgayan iran sa bagian Iyan ko manga oripn Iyan sa sabaad. Mataan! a so manosiya na titho a miyongkir, a mapayag

ﮐﮑﮒﮓﮔﮕﮖﮗ

Ati kominowa ko phagadnn Iyan sa manga wata a babay, na piyakibisa Niyan rkano so manga wata a mama

ﮘﮙﮚﮛﮜﮝﮞﮟﮠﮡﮢﮣﮤ

Na igira a miyapanothol ko isa kiran so biyaloy niyan a rk o (Allah a) Masalinggagaw a ibarat, na mabaloy so paras iyan a mangirngkirm, a skaniyan na mappno a rata a ginawa

ﮥﮦﮧﮨﮩﮪﮫﮬﮭﮮ

Ino (iran mbaloya a rk o Allah) so phagoyagn makapantag ko kaphaparahiyasan, a skaniyan makapantag ko kapakiphawala na di phakaosay

ﮯﮰﮱﯓﯔﯕﯖﯗﯘﯙﯚﯛﯜﯝﯞ

Go biyaloy iran so manga malaikat a so siran na manga oripn o (Allah a) Masalinggagaw a manga babay. Ba iran kiyazaksian so kiyaadna kiran? Khisorat dn so kiyazaksi iran (sa kabokhag), go khiiza kiran

ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰ

Na pitharo iran a: "O kabaya o Masalinggagaw, na di ami siran masimba". Da a bagian iran roo a katao! Da ko siran inonta pphangsarn iran

ﯱﯲﯳﯴﯵﯶﯷﯸﯹ

Ba Ami siran bigan sa kitab ko onaan aya, na siran na aya iran oto kkpitan

ﯺﯻﯼﯽﯾﯿﰀﰁﰂﰃﰄﰅ

Kna, ka pitharo iran: "Mataan! a skami na miyatoon ami so manga loks ami sangkai a okit, na mataan! a skami na so manga rarad iran i pkhdgn ami

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥﭦ

Na lagid man oto a da a siyogo Ami a miyaonaan ka ko ingd a pphamakaiktiyar, a ba da tharoa o manga gayagomaya on a: "Mataan! a skami na miyatoon ami so manga loks ami sangkai a okit, na mataan! a skami na so manga rarad iran i pkhdgn ami

ﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷ

Pitharo iyan: "Ati apiya pn minioma ko rkano so lbi a toroan a di so miyatoon iyo ron so manga loks iyo?" Pitharo iran a: "Mataan! a skami na so inisogo rkano to na inongkir ami

ﭸﭹﭺﭻﭼﭽﭾﭿﮀ

Na siniksa Ami siran: Na pamimikiranang ka o antonaa i miyambtad o kiya akiran ko miyamanaplis

ﮁﮂﮃﮄﮅﮆﮇﮈﮉﮊ

Na gowani na pitharo o Ibrahim ko ama iyan go so pagtaw niyan a: "Mataan! a sakn na angiyas ako ko pzimbaan iyo

ﮋﮌﮍﮎﮏﮐ

Inonta so (Allah a) miyadn rakn, ka mataan! a Skaniyan na thoroon ako Niyan

ﮑﮒﮓﮔﮕﮖﮗﮘ

Na biyaloy niyan aya a katharo a posaka ko pkhababadan on, ka an siran makambalingan (ko paratiyaya)

ﮙﮚﮛﮜﮝﮞﮟﮠﮡﮢ

Kna, ka piyakaplagod Akn so siran aya, go so manga loks iran, taman sa miyakaoma kiran so bnar, go so sogo a miyakawsay

ﮣﮤﮥﮦﮧﮨﮩﮪﮫﮬ

A kagiya a makatalingoma kiran so bnar, na pitharo iran a: "Giyaya na balik mata, go mataan! a skami na inongkir ami aya

ﮭﮮﮯﮰﮱﯓﯔﯕﯖﯗﯘ

Go pitharo iran a: "Ino da toronn angkai a Qor´an ko mama a phoon ko dowa a ingd, a sslaan

ﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵ

Ba siran i dii mbagibagi ko limo o Kadnan ka? Skami i mimbagibagi kiran ko kawiyagan iran ko kawyagoyag ko doniya: Na iniporo Ami so sabaad kiran ko kaporoan o sabaad sa manga daradat, ka an makowa o sabaad kiran so sabaad a talasogoay. Na so limo o Kadnan ka i tomo a di so pphanimo on iran

ﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇ

O di so oba mabaloy so manga manosiya ko okit a isa, na mataan a isnggay Ami a rk o taw a moongkir ko (Allah a) Masalinggagaw, a rk o manga walay ran so manga atp a pirak, go manga towak a pkhipanik iran on

ﭑﭒﭓﭔﭕﭖ

Go rk o manga walay ran so manga pinto, go manga kantir (a pirak) a gii siran on makazandasandang

ﭗﭘﭙﭚﭛﭜﭝﭞﭟﭠﭡﭢﭣﭤﭥ

Go manga kabolawanan. Na da ko kalangolangowan oto inonta na matag sagad a kapipiya ginawa ko kawyagoyag ko doniya: Na so akhirat, sii ko Kadnan ka, i bagian o khipanananggila

ﭦﭧﭨﭩﭪﭫﭬﭭﭮﭯﭰﭱ

Na sa taw a tomalikhod ko tadm ko (Allah a) Masalinggagaw, na snggayan Ami skaniyan sa shaytan, na giyoto i sarikita iyan

ﭲﭳﭴﭵﭶﭷﭸﭹ

Na mataan! a siran na phagalangan iran siran dn ko lalan (a ontol), go aya tangkap iran on na mataan! a siran na makaoontol siran

ﭺﭻﭼﭽﭾﭿﮀﮁﮂﮃﮄﮅ

Taman sa amay ka makawma Rkami, na tharoon iyan a: "Hay dinganomambo o milt rakn ago ska so kawatan o dowa masarik!" Na sayana a miyakaratarata a sarikita

ﮆﮇﮈﮉﮊﮋﮌﮍﮎﮏ

Na di rkano dn makanggay a gona sa alongan nai a masa a (kiyapayag o) kiyandarowaka iyo, mataan! a skano na mrakhrakhs kano ko siksa

ﮐﮑﮒﮓﮔﮕﮖﮗﮘﮙﮚﮛ

Ino ska maphakan´g ka so bngl odi na khatoroo ka so bota, go so taw a aya btad iyan na matatago ko karibat a mapayag

ﮜﮝﮞﮟﮠﮡﮢ

Na apiya tangann Ami ska dn, na mataan! a Skami na ndan´gn Ami siran nganin

ﮣﮤﮥﮦﮧﮨﮩﮪ

Odi na pakimasaan Ami rka so inidiyandi Ami kiran: Na mataan! a Skami na khagaga Mi siran

ﮫﮬﮭﮮﮯﮰﮱﯓﯔﯕ

Na kpiting ka so iniilaham rka: Mataan! a ska na zisii ko okit a makaoontol

ﯖﯗﯘﯙﯚﯛﯜﯝ

Na mataan! a (giya Qor´an aya na) titho a mnang a rk ka, go rk o pagtawng ka; na ipagiza rkano bo

ﯞﯟﯠﯡﯢﯣﯤﯥﯦﯧﯨﯩﯪﯫ

Na izaan ka so siyogo Ami ko miyaonaan ka a manga sogo Ami; oba adn a inisnggay Ami a salakaw ko (Allah a) Masalinggagaw, a manga tohan a pphamanimbaan

ﯬﯭﯮﯯﯰﯱﯲﯳﯴﯵﯶﯷﯸ

Na sabnsabnar a siyogo Ami so Mosa rakhs o manga tanda Ami, sii ko Pir´awn go so pagtaw niyan: Na pitharo iyan a: "Mataan! a sakn na sogo o Kadnan o manga kaadn

ﯹﯺﯻﯼﯽﯾﯿﰀ

Na kagiya a mitalingoma niyan kiran so manga tanda Ami, na samawto na siran na ba iran dn oto gii khakalaan

ﭑﭒﭓﭔﭕﭖﭗﭘﭙﭚﭛﭜﭝﭞﭟ

Na da a pphakimasaan Ami kiran a tanda a ba di skaniyan i mala a di so pd iyan (a miyaona); na inidan´g Ami kiran so siksa, ka an siran makambalingan (ko ontol)

ﭠﭡﭢﭣﭤﭥﭦﭧﭨﭩﭪﭫ

Na pitharo iran: "Hay mala i katao! Pangning kaming ka ko Kadnan ka sabap ko inidiyandi Iyan rka; mataan! a skami na miyaratiyaya kami dn

ﭬﭭﭮﭯﭰﭱﭲﭳ

Na kagiya a pokasn Ami kiran so siksa, na samawto na siran na gii siran mbarngkas

ﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆ

Na piyakalangkap o Pir´awn ko pagtaw niyan, a pitharo iyan a: "Hay pagtaw akn, ba akn di rk so kadato sa Misir, go giya ungkai a manga lawasayg a pphamangondas ko kababaang ko? Ba kano di phakaylay

ﮇﮈﮉﮊﮋﮌﮍﮎﮏﮐﮑﮒ

Kna, ka sakn i tomo a di giya ungkai a (mama a) so skaniyan na pkhalaklak, go margn a kapphakaosay niyan

ﮓﮔﮕﮖﮗﮘﮙﮚﮛﮜﮝﮞ

Na ino da alopa skaniyan a manga salnda a bolawan, odi na da a miyakatalingoma a pd iyan a manga malaikat a khigagabay ron

ﮟﮠﮡﮢﮣﮤﮥﮦﮧ

Na miyalalong iyan so pagtaw niyan, na kiya onotan iran skaniyan: Mataan! a siran na mimbaloy siran a pagtaw a manga songklid

ﮨﮩﮪﮫﮬﮭﮮ

Na kagiya a tiyopowan Kami ran, na diyan´g Ami siran na inld Ami siran langon

ﮯﮰﮱﯓﯔ

Na biyaloy Ami siran a miyangaoona a poringana, go ibarat ko miyangaoori

ﯕﯖﯗﯘﯙﯚﯛﯜﯝﯞﯟ

Na kagiya a balowin so wata o Maryam a ibarat, na samawto na so pagtawng ka na phoon roo na pkhisagorong siran a kakayad

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰ

Go pitharo iran: "Ino so manga katohanan ami aya tomo, antawaa Skaniyan (i tomo)?" da a kiyapayaga iran rka on, a rowar sa kapamawal: Kna, ka siran na pagtaw a manga pawal

ﯱﯲﯳﯴﯵﯶﯷﯸﯹﯺﯻ

Da ko skaniyan (a Eysa) inonta na oripn a inipangalimo Ami skaniyan, go biyaloy Ami, skaniyan a ladiyawan ko manga moriyataw o Israil

ﯼﯽﯾﯿﰀﰁﰂﰃﰄ

Na o kabaya Ami, na mataan a phakaadn Kami sa sambi iyo a manga malaikat ko lopa, a mamakasambi siran

ﭑﭒﭓﭔﭕﭖﭗﭘﭙﭚﭛﭜ

Na mataan! a so Eysa na titho a nanao ko bangkit: Na di kano ron pkhadowadowai, go onoti Ako niyo: Giyaya i okit a makaoontol

ﭝﭞﭟﭠﭡﭢﭣﭤﭥ

Na di kano phakialang ko shaytan: Mataan! a skaniyan na ridoay niyo a mapayag

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸ

Na kagiya a makatalingoma so Eysa a rakhs o manga rarayag a karina, na pitharo iyan: "Sabnar a minitalingoma ko rkano so ongangn, go kagiya a pagosayn ko rkano so sabaad ko nganin a di kano ron phagayonayon: Na kalkn iyo so Allah, go onoti ako niyo

ﭹﭺﭻﭼﭽﭾﭿﮀﮁﮂﮃ

Mataan! a so Allah na Skaniyan i Kadnan ko go Kadnan iyo: Na zoasoata niyo Skaniyan: Giyaya i okit a makaoontol

ﮄﮅﮆﮇﮈﮉﮊﮋﮌﮍﮎﮏﮐ

Na mizoransorang so pizagorompong ko ndolondolonan iran: Na sangat a siksa a bagian o siran a mindadarowaka, a pd ko siksa ko gawii a malipds

ﮑﮒﮓﮔﮕﮖﮗﮘﮙﮚﮛ

Ba adn a pnayawn iran a rowar ko bangkit, sa kapakatalingoma niyan kiran a mitalmba, a siran na di siran makaiin´ngka

ﮜﮝﮞﮟﮠﮡﮢﮣ

So mbobolayoka sa alongan oto na so sabaad kiran na ridoay o sabaad, - inonta so miyamananggila

ﮤﮥﮦﮧﮨﮩﮪﮫﮬ

Hay manga oripn Ko, da a pangandam iyo sa alongan nai, go da rkano i ba kano makamboko

ﮭﮮﮯﮰﮱﯓ

So miyamaratiyaya ko manga ayat Ami, go mimbabayorantang

ﯔﯕﯖﯗﯘﯙ

(Na ptharoon kiran:) Sold kano ko sorga, skano ago so manga karoma niyo, a kokormatn kano

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫ

Ipphagilid kiran so manga talam a bolawan, go manga baso: Go matatago on so pkhababayaan skaniyan o manga ginawa, go ikhasoat o manga mata: Na skano na makakakal kano ron dn

ﯬﯭﯮﯯﯰﯱﯲﯳ

Na giyoto man so sorga a so piyakipangowarisan rkano to sabap ko pinggolawla niyo (a mapiya)

ﯴﯵﯶﯷﯸﯹﯺ

Adn a rk iyo roo a manga onga a madakl, a so sabaad on na pkhakan iyo

ﭑﭒﭓﭔﭕﭖﭗ

Mataan! a so manga baradosa na sii ko siksa ko naraka Jahannam, manga kakal

ﭘﭙﭚﭛﭜﭝﭞ

Di kiran khababasan, go siran na kaadaan siran roo sa panginam

ﭟﭠﭡﭢﭣﭤﭥ

Na da Ami siran salimboti: Na ogaid na miyabaloy siran a siran i manga salimbot

ﭦﭧﭨﭩﭪﭫﭬﭭﭮﭯ

Na mizadaw iran: "Hay Malik! tinggasa kami o Kadnan ka". Tharoon iyan: "Mataan! a skano na makakakal kano (ron)

ﭰﭱﭲﭳﭴﭵﭶﭷ

Sabnsabnar a minitalingoma Mi rkano so bnar: Na ogaid na so kadaklan rkano na so bnar na ikagogowad iran

ﭸﭹﭺﭻﭼﭽ

Ba adn a kiyambaibaitan iran a zowaan? Na mataan! a Skami i mimbaibait

ﭾﭿﮀﮁﮂﮃﮄﮅﮆﮇﮈﮉﮊ

Ba iran tatarimaa sa mataan! a Skami na di ami khan´g so pag-umaan iran go so khokonsikonsi an iran? Oway (pkhan´g Ami), go so manga sogo Ami a (manga malaikat a) makamamasa kiran, na ipphanorat iran

ﮋﮌﮍﮎﮏﮐﮑﮒﮓ

Tharoang ka (ya Mohammad) a: "O adn a wata o (Allah a) Masalinggagaw, na sakn i mawna ko pphanonoatan On

ﮔﮕﮖﮗﮘﮙﮚﮛﮜ

Soti so Kadnan o manga langit ago so lopa, a Kadnan o aras, a mawatan ko iphropa iran

ﮝﮞﮟﮠﮡﮢﮣﮤﮥ

Na ganating ka siran ko kapphamrak iran, go so kabibimban iran, taman sa mithomlanga iran so alongan iran, a so ididiyandi kiran

ﮦﮧﮨﮩﮪﮫﮬﮭﮮﮯﮰﮱﯓ

Na Skaniyan so sii sa langit na Tohan, go sii sa lopa na Tohan; na Skaniyan so Mawngangn, a Matao

ﯔﯕﯖﯗﯘﯙﯚﯛﯜﯝﯞﯟﯠﯡ

Na Soti so (Allah a) Khirk ko kapaar ko manga langit ago so lopa, go so nganin a pagltan a dowa nan: Go sii Rkaniyan so katawi ko bangkit: Go Ron kano phakandoda

ﯢﯣﯤﯥﯦﯧﯨﯩﯪﯫﯬﯭﯮﯯ

Na da a kapaar o siran a pphanongganowin iran a salakaw Rkaniyan, - ko kapanapaat inonta so mizaksi ko bnar, a siran na katawan iran

ﯰﯱﯲﯳﯴﯵﯶﯷﯸﯹ

Na ibt o izaan ka kiran o antawaa i miyadn kiran, na mataan a ptharoon iran dn a: So Allah: Na andamanaya i katatalikhod iran

ﯺﯻﯼﯽﯾﯿﰀﰁ

Na pitharo o Nabi: "Hay Kadnan ko, mataan! a siran aya na pagtaw a di siran mapaparatiyaya

ﰂﰃﰄﰅﰆﰇﰈﰉ

(Pitharo o Allah:) "Na napiing ka siran (ya Mohammad), go tharo ka sa kalilintad! ka katokawan iran bo

Qur-an a Soti

Tuesday, August 18, 2026

Don't forget us in your sincere prayers