Surah Az-Zukhruf pdf Malagasy

PDF —

89 Andininy Meccan PDF

Built right in your browser — download starts automatically

Surah Az-Zukhruf pdf — Alaino (Malagasy)

Surah Az-Zukhruf pdf Malagasy — Alaino Surah Az-Zukhruf Fandikana. Surah Az-Zukhruf (Meccan) 89 Andininy.

العربية English Bahasa Indonesia Türkçe Русский فارسی Français اردو বাংলা Deutsch Español 中文 हिन्दी Português Italiano ภาษาไทย Polski Nederlands Shqip Kiswahili O'zbek தமிழ் Melayu Bosanski Soomaali Azərbaycan کوردی 한국어 日本語 Svenska Dansk Norsk پښتو മലയാളം සිංහල Tamazight Hausa አማርኛ Български Тоҷикӣ Қазақша Filipino سنڌي Yorùbá Fulfulde Татарча ئۇيغۇرچە Кыргызча ਪੰਜਾਬੀ Jawa తెలుగు မြန်မာ ગુજરાતી Oromo मराठी Tiếng Việt Malagasy Нохчийн Wolof ދިވެހި ಕನ್ನಡ Українська Ελληνικά ქართული ខ្មែរ دری Qafar af Maranao नेपाली

Surah Az-Zukhruf

89 Andininy · Meccan · Malagasy

ﮀﮁ

43:1 Hà, Mîm.

ﮂﮃﮄ

43:2 Mianiana amin’ilay Boky mazava Aho.

ﮅﮆﮇﮈﮉﮊﮋ

43:3 Nataonay ny Koroany amin’ny fiteny arabo izany, mba hisainanareo

ﮌﮍﮎﮏﮐﮑﮒﮓ

43:4 Izay aty Aminay ao anatin’ny takelaka fototra, ambony indrindra, ary feno fahendrena.

ﮔﮕﮖﮗﮘﮙﮚﮛﮜ

43:5 Moa tsy nomenay ny fampahatsiarovana va ianareo, nefa tsy niraharaha ianareo izany, satria olona mpanao ny tafahoatra ianareo ?

ﮝﮞﮟﮠﮡﮢﮣ

43:6 Firifiry moa ny Mpaminany nalefanay tamin’ireo olona taloha !

ﮤﮥﮦﮧﮨﮩﮪﮫﮬ

43:7 Nefa tsy nisy Mpaminany iray tonga tamin’izy ireo, ka tsy noesoiny.

ﮭﮮﮯﮰﮱﯓﯔﯕ

43:8 Efa nandringana olona matanjaka kokoa noho izy ireo Izahay ! Ary efa notanisaina ny ohatra mikasika ireo teo aloha.

ﯖﯗﯘﯙﯚﯛﯜﯝﯞﯟﯠ

43:9 Ary raha manontany azy ireo ianao hoe : “ Iza no nahary ny lanitra sy ny tany ? ”. Dia hiteny tokoa izy ireo hoe : “ ilay Tsitoha, ilay Mahalala ny zavatra rehetra no Nahary azy ireo.”

ﯡﯢﯣﯤﯥﯦﯧﯨﯩﯪﯫﯬ

43:10 Ilay nanome anareo ny tany ho fandriana (toeram-pipetrahana), sy namaritra izay ilana tao anatiny, mba hahatonga anareo ho voatari-dàlana.

ﭑﭒﭓﭔﭕﭖﭗﭘﭙﭚﭛﭜﭝﭞ

43:11 Ilay mampidina rano avy eny amin’ny lanitra amin’ny antonony, ka amelomanay indray ny tanàna efa maty. Toy izany no hananganana anareo amin’ny maty.

ﭟﭠﭡﭢﭣﭤﭥﭦﭧﭨﭩﭪ

43:12 Ilay Nahary ireo mpivady rehetra, ary nanao sambo sy ireo biby ho fitaingainanareo,

ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿ

43:13 Mba hipetrahanareo eo an-damosiny. Manaraka izany, dia aoka ianareo hahatsiaro ny soa avy amin’ny Tomponareo rehefa tafapetraka eo aminy ianareo, ary hitenenanareo hoe : “ Voninahitra ho an’ilay nampanaiky izao rehetra izao ho anay, nefa tsy afaka nahafehy izany izahay".

ﮀﮁﮂﮃﮄ

43:14 Ary any amin’ny Tomponay no hiverenanay.

ﮅﮆﮇﮈﮉﮊﮋﮌﮍﮎﮏ

43:15 Ary dia nataon’izy ireo ho toy ny singa avy amin'I Allah ny sasany amin’ireo mpanompony. Hamafisina, fa tsy mahay mankasitraka tokoa ny olombelona.

ﮐﮑﮒﮓﮔﮕﮖﮗ

43:16 Sa nangala zazavavy tamin’izay nohariany va Izy, ary nanome anareo zazalahy araka ny Safidiny ?

ﮘﮙﮚﮛﮜﮝﮞﮟﮠﮡﮢﮣﮤ

43:17 Nefa raha ilazana ny iray amin’izy ireo,mitovy amin’izay lazainy ho an’ilay be Fiantrana, dia maloky ny alahelo lalina ny endriny.

ﮥﮦﮧﮨﮩﮪﮫﮬﮭﮮ

43:18 Fa ahoana ?Ilay nobeazina teo anivon’ny haingo, izay tsy afaka miarotena amin’ny alalan’ny hevitra mazava eo anoloan’ny fifandirana (no heverinareo ho singa avy amin’Allah) ?

ﮯﮰﮱﯓﯔﯕﯖﯗﯘﯙﯚﯛﯜﯝﯞ

43:19 Ary dia lazain’izy ireo ho vavy ireo Anjely mpanompon’ilay be Fiantrana !Fa vavolombelona tamin’ny nahariana izany va izy ireo ? Ho soratana ny fijoroany ho vavolombelona, ary dia hanontaniana ny amin’izany izy ireo.

ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰ

43:20 Ary hoy izy ireo : “ Raha sitrak’ilay be Fiantrana, dia tsy ho nanompo azy ireo izahay.” Tsy manana fahalalana ny amin’izany izy ireo, fa tombatombana fotsiny ihany.

ﯱﯲﯳﯴﯵﯶﯷﯸﯹ

43:21 Sa nomenay Boky iray kosa talohan’ny Koroany izy ireo, izay fikirin’izy ireo tsara ?

ﯺﯻﯼﯽﯾﯿﰀﰁﰂﰃﰄﰅ

43:22 Fa izao kosa no lazain’izy ireo : “ Nahita ireo razam-benay tamin'ny fivavahana iray izahay, ka manaraka ny dian’izy ireo.”

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢﭣﭤﭥﭦ

43:23 Ary toy izany koa, tsy nandefa mpampitandrina talohanao tamin’ny tanàna iray izahay, ka tsy notenenin’ireo tsara fari-piainana tao amin’izany hoe : “ Nahita ireo razam-benay tamin'ny fivavahana iray izahay, ka nanaraka ny dian’izy ireo.”

ﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷ

43:24 Hoy izy : “ Na dia lalana tsara kokoa noho izay nahitanareo ny razam-benareo aza va no entiko aminareo ? ”. Hoy izy ireo : “ Tsy mino ny hafatra nanirahana anareo izahay.”

ﭸﭹﭺﭻﭼﭽﭾﭿﮀ

43:25 Hamaly (hanasazy) azy ireo Izahay. Ary jereo ny niafaran’ireo izay nilaza (izany) ho lainga.

ﮁﮂﮃﮄﮅﮆﮇﮈﮉﮊ

43:26 Ary rehefa niteny tamin’ny vahoakany sy tamin’ny Rainy i Abrahama hoe : “ Laviko tanteraka izay tompoinareo"

ﮋﮌﮍﮎﮏﮐ

43:27 Afa-tsy ilay Nahary ahy, satria marina fa Izy no hitari-dalana ahy.”

ﮑﮒﮓﮔﮕﮖﮗﮘ

43:28 Ka dia napetrany ho teny maharitra eo amin’ny taranany izany, mba hiverenan’izy ireo ?

ﮙﮚﮛﮜﮝﮞﮟﮠﮡﮢ

43:29 Fa nomeko fahasambarana ireo olona ireo sy ireo razam-beny, mandra-pahatongan’ny Marina sy ny iraka mazava teo amin’izy ieo.

ﮣﮤﮥﮦﮧﮨﮩﮪﮫﮬ

43:30 Ary rehefa tonga teo amin’izy ireo ny fahamarinana, dia hoy izy ireo : “ Majika izao, fa tsy mino izany izahay.”

ﮭﮮﮯﮰﮱﯓﯔﯕﯖﯗﯘ

43:31 Ary hoy izy ireo : “Ahoana no tsy nampidinana io Koroany io, tamin’ny olona ambony, tamin’ny iray amin’ireo tanàna roa ?

ﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵ

43:32 Fa izy ireo va no mizara ny famindram-pon’ny Tomponao ? Izahay no nizara tamin’izy ireo ny fivelomany amin’ny fiainana ankehitriny, ary manondro-boninahitra ny sasany ho ambony noho ny hafa, mba hifehezan’ny sasany ny hafa. Tsara kokoa noho izay angonin’izy ireo anefan'ny famindram-pon’ny Tomponao.

ﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇ

43:33 Raha tsy natao ho mpiara-monina iray ny olombelona, dia azo antoka fa nomenay trano misy tafo vola fotsy sy tohatra miakatra amin’izany, ireo tsy mino ilay be Fiantrana,

ﭑﭒﭓﭔﭕﭖ

43:34 Misy varavarana maro sy seza lava hiankinan’ny tranon’izy ireo.

ﭗﭘﭙﭚﭛﭜﭝﭞﭟﭠﭡﭢﭣﭤﭥ

43:35 Ary koa ravaka maro. Izany rehetra izany dia fahafinaretana mandalo eto amin’ny fiainana an-tany ihany, fa ny any ankoatra kosa, izay any amin’ny Tomponao, dia ho an’ireo vonto-mpinoana.

ﭦﭧﭨﭩﭪﭫﭬﭭﭮﭯﭰﭱ

43:36 Ary izay minia tsy mahita ny fampahatsiarovan’Ilay be Fiantrana, dia hanendrenay devoly ho namana tsy misaraka aminy.

ﭲﭳﭴﭵﭶﭷﭸﭹ

43:37 Mamily ny olombelona tsy ho amin’ny lalana mahitsy tokoa ny devoly, nefa dia mihevi-tena ho voatari-dalana tsara izy ireo.

ﭺﭻﭼﭽﭾﭿﮀﮁﮂﮃﮄﮅ

43:38 Rehefa ho avy eo Aminay izany olona izany, dia hiteny amin’ny devoliny izy hoe : “Indrisy ! Ahoana àry no tsy nisy elanelana tahaka ny elanelan’ny atsinanana sy andrefana teo amintsika !” Tena namana ratsy tokoa izany !

ﮆﮇﮈﮉﮊﮋﮌﮍﮎﮏ

43:39 Tsy hahazoanareo tombotsoa mihitsy izy amin’izany andro izany ; raha nanao ny tsy rariny tokoa ianareo, dia hiara-voasazy.

ﮐﮑﮒﮓﮔﮕﮖﮗﮘﮙﮚﮛ

43:40 Moa va, ianao no mampandre ny marenina na mitarika ny jamba, sy izay efa very lalana miharihary ?

ﮜﮝﮞﮟﮠﮡﮢ

43:41 Na alainay ianao, dia hanasazy azy ireo Izahay.

ﮣﮤﮥﮦﮧﮨﮩﮪ

43:42 Na hasehonay aminao izay nampanantenainay azy ireo; satria manana fahefana amin’izy ireo Izahay.

ﮫﮬﮭﮮﮯﮰﮱﯓﯔﯕ

43:43 Fikiro mafy izay nambara taminao, fa amin’ny lalana mahitsy ianao.

ﯖﯗﯘﯙﯚﯛﯜﯝ

43:44 Tena fampahatsiarovana ho anao sy ny vahoakanao izany. Ary hanontaniana mikasika izany ianareo.

ﯞﯟﯠﯡﯢﯣﯤﯥﯦﯧﯨﯩﯪﯫ

43:45 Dia anontanio ireo Iraka nalefanay talohanao, raha nametraka Andriamanitra maro ho tompoina ankoatra an'Ilay be Fiantrana Izahay ?

ﯬﯭﯮﯯﯰﯱﯲﯳﯴﯵﯶﯷﯸ

43:46 Nalefanay ny Iraka tamin’ny fahagagana avy Aminay tokoa I Mossa, ho any amin’ny Faraona sy ireo loholony. Hoy izy : “Izaho dia Iraky ny Tompon’izao tontolo izao.”

ﯹﯺﯻﯼﯽﯾﯿﰀ

43:47 Fa rehefa tonga teo amin’izy ireo niaraka tamin’ny fahagagana avy Aminay izy, dia nihomehezan’izy ireo.

ﭑﭒﭓﭔﭕﭖﭗﭘﭙﭚﭛﭜﭝﭞﭟ

43:48 Nampiaiky kokoa hatrany noho izay teo alohany ny fahagagana nasehonay. Ka nosazianay izy ireo, mba hiverenany.

ﭠﭡﭢﭣﭤﭥﭦﭧﭨﭩﭪﭫ

43:49 Dia hoy izy ireo : “Ry mpanao majika ! Mangataha ho anay amin’ny Tomponao, amin’ny alalan’ny fifanekena nifanaovany taminao. Fa hanaraka ny lalana mahitsy tokoa izahay.”

ﭬﭭﭮﭯﭰﭱﭲﭳ

43:50 Ary rehefa nahatakay tamin’izy ireo ny fanasaziana, dia indro fa nandika ny fifanekena izy ireo.

ﭴﭵﭶﭷﭸﭹﭺﭻﭼﭽﭾﭿﮀﮁﮂﮃﮄﮅﮆ

43:51 Ary dia niantso ny vahoakany i Faraona, ka niteny hoe : “Ry vahoakako ! Tsy ahy va ny fanjakan’i Ejipta, sy ireo lakan-drano mikoriana eo an-tongotro ? Moa tsy mijery va ianareo ?

ﮇﮈﮉﮊﮋﮌﮍﮎﮏﮐﮑﮒ

43:52 Tsy mendrika kokoa noho io mahantra zara raha afaka miteny io va aho ?

ﮓﮔﮕﮖﮗﮘﮙﮚﮛﮜﮝﮞ

43:53 Nahoana no tsy nanipazana haba fehin-tanana volamena izy ? Nahoana no tsy niaraka taminy ireo Anjely ?

ﮟﮠﮡﮢﮣﮤﮥﮦﮧ

43:54 Toy izany no nataony hahafanina ny vahoakany, ary dia nankatoavin’izy ireo izy, satria olon’ny faharatsiana (izy ireo).

ﮨﮩﮪﮫﮬﮭﮮ

43:55 Ary rehefa nahatezitra Anay izy ireo, dia namaly azy ireo Izahay, ka narendrikay avokoa izy rehetra.

ﮯﮰﮱﯓﯔ

43:56 Nataonay ho tantara sy fanoharana ho an’ny taranaka izy ireo.

ﯕﯖﯗﯘﯙﯚﯛﯜﯝﯞﯟ

43:57 Ary rehefa atao fanoharana ny mikasika ny zanak’I Maria, dia tsy miraharaha izany ny vahoakanao,

ﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰ

43:58 Ka miteny hoe : “Ny Andriamanitray va no tsara kokoa sa izy ?” Hifandirana ihany no nanomezan’izy ireo izany ohatra izany taminao. Fa tena olona fatra mpifanditra izy ireo.

ﯱﯲﯳﯴﯵﯶﯷﯸﯹﯺﯻ

43:59 Mpanompo nofenoinay fahasoavana avy Aminay ihany izy (Jesoa), ary nataonay ohatra tamin’ireo zanak’Israely.

ﯼﯽﯾﯿﰀﰁﰂﰃﰄ

43:60 Raha sitrakay, dia nataonay Anjely ny sasany taminareo, ho mpandimby eny ambonin’ny tany.

ﭑﭒﭓﭔﭕﭖﭗﭘﭙﭚﭛﭜ

43:61 Ary izy, dia ho famantarana mikasika ilay Ora, ka aza misalasala ny amin’izany velively ianareo. Koa manaraha ahy, izany no lalana mahitsy.

ﭝﭞﭟﭠﭡﭢﭣﭤﭥ

43:62 Aoka tsy hampivily anareo mihitsy ny devoly! Fa tena fahavalo miharihary ho anareo izy.

ﭦﭧﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸ

43:63 Ary rehefa nitondra ny porofo I Jesoa, dia hoy izy : “Tonga eto aminareo miaraka amin’ny fahendrena aho, sady hanazava aminareo ireo zavatra sasany tsy nampitovy hevitra anareo. Matahora an'I Allah àry ianareo, ary mankatoava ahy.

ﭹﭺﭻﭼﭽﭾﭿﮀﮁﮂﮃ

43:64 Tompoko sy Tomponareo tokoa Izy Allah, koa aoka ianareo hanompo Azy, fa izany no lalana mahitsy.”

ﮄﮅﮆﮇﮈﮉﮊﮋﮌﮍﮎﮏﮐ

43:65 Saingy tsy nitovy hevitra ireo vondron’olona teo amin’izy ireo. Koa loza ho an’ireo mpanao ny tsy rariny, amin’ny famaizana amin’ilay andro feno fanaintainana.

ﮑﮒﮓﮔﮕﮖﮗﮘﮙﮚﮛ

43:66 Tsy miandry afa-tsy ny hahatongavan’ilay Ora tampoka va izy reo, amin’ny fotoana tsy ampoiziny akory ?

ﮜﮝﮞﮟﮠﮡﮢﮣ

43:67 Ho mpifahavalo ireo mpinamana amin’io andro io, afa-tsy ireo vontom-pinoana.

ﮤﮥﮦﮧﮨﮩﮪﮫﮬ

43:68 “Ry mpanompoko ! Tsy hanam-pahatahorana ianareo androany, ary tsy halahelo ihany koa".

ﮭﮮﮯﮰﮱﯓ

43:69 Ireo izay nino ny famantarana avy Aminay, sady nankato,

ﯔﯕﯖﯗﯘﯙ

43:70 Aoka ianareo sy ireo vadinareo hiditra ao amin’ny Paradisa, fa hanaovana lanonana ianareo any.”

ﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪﯫ

43:71 Hampandalovina eny amin’izy ireo ny lovia volamena sy ireo kapoaka; fa hisy izay rehetra irin’ny vatana sy mahafaly ny maso ao; ka dia hipetraka ao mandrakizay ianareo.

ﯬﯭﯮﯯﯰﯱﯲﯳ

43:72 Izany no Paradisa ho lovainareo noho ny nataonareo.

ﯴﯵﯶﯷﯸﯹﯺ

43:73 Fa hisy voankazo maro ho anareo ao, ka hihinana amin’izany ianareo.

ﭑﭒﭓﭔﭕﭖﭗ

43:74 Fa ireo meloka kosa, dia hipetraka mandrakizay ao amin’ny famaizan’ny afobe,

ﭘﭙﭚﭛﭜﭝﭞ

43:75 Izay tsy hitsahatra mandrakizay ho azy ireo, ka hahavery fanantenana azy.

ﭟﭠﭡﭢﭣﭤﭥ

43:76 Tsy nanao ratsy tamin’izy ireo Izahay, fa izy ireo ihany no mpanao ny tsy rariny.

ﭦﭧﭨﭩﭪﭫﭬﭭﭮﭯ

43:77 Ary dia hiantso izy ireo hoe: “Ry Malik (Anjely) ! Aoka hamono anay ho faty ny Tomponao! ” Ka hoy izy: “Raha ny marina dia natao hipetraka ao mandrakizay ianareo.”

ﭰﭱﭲﭳﭴﭵﭶﭷ

43:78 Hamafisina, fa noentinay taminareo tokoa ny Fahamarinana; nefa nankahala izany ny ankamaroanareo.

ﭸﭹﭺﭻﭼﭽ

43:79 Moa nangala fanapahan-kevitra va izy samy izy ireo ? Fa Izahay no manapa-kevitra

ﭾﭿﮀﮁﮂﮃﮄﮅﮆﮇﮈﮉﮊ

43:80 Sa mihevitra va izy ireo fa tsy henonay ny tsiambaratelony, na ny bitsik’izy ireo? Eny! Mandray an-tsoratra izany ireo (Anjely) Irakay akaiky azy ireo.

ﮋﮌﮍﮎﮏﮐﮑﮒﮓ

43:81 Fa lazao hoe: “Raha nanan-janaka Ilay be Fiantrana, dia izaho no nanompo azy voalohany.”

ﮔﮕﮖﮗﮘﮙﮚﮛﮜ

43:82 Voninahitra ho an’Ilay Tompon’ny lanitra sy ny tany, ary Tompon’ny Seza Fiandrianana; Ambonin’izay foronin’izy ireo Izy.

ﮝﮞﮟﮠﮡﮢﮣﮤﮥ

43:83 Avelao izy ireo hilona amin’ny fahadisoany, sy handany andro mandra-pahatongavana amin’ilay andro nampanantenaina azy ireo.

ﮦﮧﮨﮩﮪﮫﮬﮭﮮﮯﮰﮱﯓ

43:84 Izy no Ilay Andriamanitra any an-danitra sy ety an-tany, ary Izy no Ilay be Fahendrena, Ilay Mahalala ny zavatra rehetra.

ﯔﯕﯖﯗﯘﯙﯚﯛﯜﯝﯞﯟﯠﯡ

43:85 Ho hamasinina anie Ilay Tompon’ny Fanjakan’ny lanitra sy ny tany, sy izay eo anelanelan’izy ireo. Izy no manana ny fahalalana ny Ora. Fa any Aminy no hamerenana anareo.

ﯢﯣﯤﯥﯦﯧﯨﯩﯪﯫﯬﯭﯮﯯ

43:86 Fa tsy manana fahefana hanelanelana izay antsoin’izy ireo ankoatra Azy, afa-tsy izay mijoro vavolombelona amim-pahamarinana amin’ny fahafantarana tanteraka.

ﯰﯱﯲﯳﯴﯵﯶﯷﯸﯹ

43:87 Fa raha anontanianao izy ireo: “Iza no nahary azy ireo ?”, dia hiteny tokoa izy ireo hoe: “Allah.” Ka nahoana àry izy ireo no mihataka (amin’ny fanompoana Azy) ?

ﯺﯻﯼﯽﯾﯿﰀﰁ

43:88 Ka hoy ny teniny (tenin’ny Mpaminany amin’Allah): “Tompo ô ! Olona tsy mino izy ireny.”

ﰂﰃﰄﰅﰆﰇﰈﰉ

43:89 Raha izany, mihataha amin’izy ireo ianao, ka lazao hoe: “Fandriampahalemana (salam)!”. Fa ho fantatr’izy ireo tsy ho ela izany.

Koraña Masina

Wednesday, September 9, 2026

Don't forget us in your sincere prayers