Hicr surəsi pdf — Yüklə (Azərbaycan)
Hicr surəsi pdf Azərbaycan — Yüklə Hicr surəsi Tərcümə. Hicr surəsi (Məkkə) 99 Ayə.
Related
- Hicr surəsi TərcüməAzərbaycan
- Hicr surəsi mp3Dinlə
- Quran Index Azərbaycan114
More Surə PDF
Hicr surəsi
ﭑﭒﭓﭔﭕﭖﭗﭘ
15:1
Əlif. Ləm. Ra. Bunlar Kitabın və açıq-aydın Quranın ayələridir.
ﭙﭚﭛﭜﭝﭞﭟﭠ
15:2
Kafirlər mütləq müsəlman olmalarını arzulayacaqlar.
ﭡﭢﭣﭤﭥﭦﭧﭨﭩ
15:3
Qoy onlar bir müddət yeyib-içsinlər, əylənsinlər və xam xəyallar onların başlarını qatsın. Tezliklə biləcəklər.
ﭪﭫﭬﭭﭮﭯﭰﭱﭲ
15:4
Məhv etdiyimiz hər bir diyarın məlum bir yazısı var idi (həlak olacaqları vaxt əvvəlcədən müəyyən edilmişdi).
ﭳﭴﭵﭶﭷﭸﭹﭺ
15:5
Heç bir ümmət öz əcəlini nə qabaqlaya bilər, nə də yubada bilər.
ﭻﭼﭽﭾﭿﮀﮁﮂﮃ
15:6
Kafirlər dedilər: “Ey özünə Zikr nazil edilən kəs! Doğrudan da, sən dəlisən.
ﮄﮅﮆﮇﮈﮉﮊﮋﮌ
15:7
Əgər doğru danışanlardansansa, nəyə görə dediyinə şahidlik edə bilən mələkləri bizə gətirmirsən?”
ﮍﮎﮏﮐﮑﮒﮓﮔﮕﮖ
15:8
Biz mələkləri ancaq haqqı bərqərar etmək üçün endiririk. O zaman kafirlərə möhlət verilməz.
ﮗﮘﮙﮚﮛﮜﮝﮞ
15:9
Şübhəsiz ki, Zikri Biz nazil etdik, əlbəttə, Biz də onu qoruyacağıq.
ﮟﮠﮡﮢﮣﮤﮥﮦ
15:10
Biz səndən öncə də əvvəlki millətlərə elçilər göndərmişdik.
ﮧﮨﮩﮪﮫﮬﮭﮮﮯ
15:11
Onlara elə bir elçi gəlməzdi ki, ona istehza etməsinlər.
ﮰﮱﯓﯔﯕﯖ
15:12
Beləcə, Biz küfrü günahkarların qəlbinə yeridirik.
ﯗﯘﯙﯚﯛﯜﯝﯞ
15:13
Onlar hələ də ona (Qurana) inanmırlar. Halbuki əvvəlkilərin başına gələnlər onlara bəllidir.
ﯟﯠﯡﯢﯣﯤﯥﯦﯧﯨ
15:14
Əgər onlara göydən bir qapı açsaydıq və onlar dayanmadan oraya qalxsaydılar,
ﯩﯪﯫﯬﯭﯮﯯﯰﯱ
15:15
yenə də inanmayıb: “Gözlərimiz dumanlanmış, daha doğrusu biz sehrlənmişik”– deyərdilər.
ﭑﭒﭓﭔﭕﭖﭗﭘ
15:16
Biz səmada bürclər yaratdıq və onu baxanlar üçün bəzədik.
ﭙﭚﭛﭜﭝﭞ
15:17
Onları qovulmuş hər bir şeytandan qoruduq.
ﭟﭠﭡﭢﭣﭤﭥﭦ
15:18
Ancaq şeytanlardan kim göy əhlinin danışıqlarına xəlvətcə qulaq assa, onu yandırıb yaxan alov təqib edər.
ﭧﭨﭩﭪﭫﭬﭭﭮﭯﭰﭱﭲ
15:19
Biz yeri döşədik, orada möhkəm dağlar yerləşdirdik və orada hər şeydən lazım olduğu qədər yetişdirdik.
ﭳﭴﭵﭶﭷﭸﭹﭺﭻ
15:20
Orada həm sizin üçün, həm də sizin ruzi vermədikləriniz üçün dolanışıq vasitələri yaratdıq.
ﭼﭽﭾﭿﮀﮁﮂﮃﮄﮅﮆﮇ
15:21
Elə bir şey yoxdur ki, onun xəzinələri Bizdə olmasın. Biz onu ancaq müəyyən ölçüdə endiririk.
ﮈﮉﮊﮋﮌﮍﮎﮏﮐﮑﮒﮓﮔ
15:22
Biz küləkləri dölləndirici (buludlarda su əmələ gətirən, bitkiləri tozlandıran bir vasitə) kimi göndərdik, göydən yağmur yağdırıb onu sizə içirtdik. Belə olmasaydı, siz onu yığıb saxlaya bilməzdiniz.
ﮕﮖﮗﮘﮙﮚﮛ
15:23
Şübhəsiz ki, Biz həm dirildir, həm də öldürürük və hər şeyə varis olan da Bizik.
ﮜﮝﮞﮟﮠﮡﮢﮣ
15:24
Həqiqətən, sizdən əvvəl gəlib-gedənləri də bilirik, sonra kimlərin gələcəyini də bilirik.
ﮤﮥﮦﮧﮨﮩﮪﮫﮬ
15:25
Həqiqətən, Rəbbin onları bir yerə toplayacaq. Çünki O, Müdrikdir, Biləndir.
ﮭﮮﮯﮰﮱﯓﯔﯕﯖ
15:26
Biz insanı başqa şəklə düşmüş qara palçıqdan, toxunduqda saxsı kimi səs çıxaran quru gildən yaratdıq.
ﯗﯘﯙﯚﯛﯜﯝﯞ
15:27
Cinləri isə daha öncə qızmar alovdan yaratmışdıq.
ﯟﯠﯡﯢﯣﯤﯥﯦﯧﯨﯩﯪﯫ
15:28
Bir zaman Rəbbin mələklərə dedi: “Mən başqa şəklə düşmüş qara palçıqdan, toxunduqda saxsı kimi səs çıxaran quru gildən insan yaradacağam!
ﯬﯭﯮﯯﯰﯱﯲﯳﯴﯵ
15:29
Mən ona biçim verib Öz ruhumdan üfürdüyüm zaman siz ona səcdə edin!”
ﯶﯷﯸﯹﯺ
15:30
Mələklərin hamısı ona səcdə etdilər.
ﯻﯼﯽﯾﯿﰀﰁﰂ
15:31
Yalnız İblisdən başqa. O, səcdə edənlər arasında olmaqdan imtina etdi.
ﭑﭒﭓﭔﭕﭖﭗﭘﭙ
15:32
Allah dedi: “Ey İblis! Nə üçün sən səcdə edənlər arasında deyilsən?”
ﭚﭛﭜﭝﭞﭟﭠﭡﭢﭣﭤﭥ
15:33
İblis dedi: “Sənin, başqa şəklə düşmüş qara palçıqdan, toxunduqda saxsı kimi səs çıxaran quru gildən yaratdığın insana səcdə etmək mənə yaraşmaz!”
ﭦﭧﭨﭩﭪﭫ
15:34
Allah dedi: “Oradan çıx! Artıq sən qovuldun.
ﭬﭭﭮﭯﭰﭱﭲ
15:35
Haqq-hesab gününə qədər sənə lənət olacaqdır”.
ﭳﭴﭵﭶﭷﭸﭹ
15:36
İblis dedi: “Ey Rəbbim! Onların dirildiləcəkləri günə qədər mənə möhlət ver”.
ﭺﭻﭼﭽﭾ
15:37
Allah dedi: “Sən möhlət verilənlərdənsən.
ﭿﮀﮁﮂﮃ
15:38
Ancaq məlum vaxtın gününə qədər”.
ﮄﮅﮆﮇﮈﮉﮊﮋﮌﮍﮎ
15:39
İblis dedi: “Ey Rəbbim! Sən məni yoldan çıxartdığına görə, mən də yer üzündə onlara pis işləri gözəl göstərib onların hamısını azdıracağam.
ﮏﮐﮑﮒﮓ
15:40
Yalnız Sənin seçilmiş, ixlaslı qullarından başqa”.
ﮔﮕﮖﮗﮘﮙ
15:41
Allah dedi: “Bu, Mənə tərəf gətirib çıxaran düz yoldur.
ﮚﮛﮜﮝﮞﮟﮠﮡﮢﮣﮤﮥ
15:42
Şübhəsiz ki, qullarım üzərində sənin heç bir hökmün yoxdur. Yalnız sənə uyan azğınlardan başqa”.
ﮦﮧﮨﮩﮪ
15:43
Həqiqətən, Cəhənnəm onların hamısına vəd olunmuş yerdir.
ﮫﮬﮭﮮﮯﮰﮱﯓﯔ
15:44
Onun yeddi qapısı vardır. Hər qapı üçün onlardan müəyyən bir dəstə təyin olunmuşdur.
ﯕﯖﯗﯘﯙﯚ
15:45
Sözsüz ki, müttəqilər Cənnət bağlarında və çeşmələr başında olacaqlar.
ﯛﯜﯝﯞ
15:46
Onlara deyiləcək: “Oraya sağ-salamat və xatircəmliklə daxil olun!”
ﯟﯠﯡﯢﯣﯤﯥﯦﯧﯨﯩ
15:47
Biz onların köksündəki kin-küdurəti çıxarıb kənar etdik. Onlar taxtlar üzərində qarşı-qarşıya əyləşən qardaşlar olacaqlar.
ﯪﯫﯬﯭﯮﯯﯰﯱﯲ
15:48
Onlara orada heç bir yorğunluq toxunmayacaq və onlar oradan çıxarılmayacaqlar.
ﯳﯴﯵﯶﯷﯸﯹﯺ
15:49
Qullarıma xəbər ver ki, Mən Bağışlayanam, Rəhmliyəm.
ﯻﯼﯽﯾﯿﰀ
15:50
Əzabım isə ağrılı-acılı əzabdır.
ﰁﰂﰃﰄﰅ
15:51
Onlara İbrahimin qonaqları barəsində də xəbər ver.
ﭑﭒﭓﭔﭕﭖﭗﭘﭙﭚ
15:52
O zaman onlar İbrahimin yanına daxil olub: “Salam!”– dedilər. İbrahim: “Biz sizdən ehtiyat edirik!”– dedi.
ﭛﭜﭝﭞﭟﭠﭡﭢ
15:53
Mələklər: “Qorxma! Həqiqətən, biz səni bilikli bir oğulla müjdələyirik!”– dedilər.
ﭣﭤﭥﭦﭧﭨﭩﭪﭫ
15:54
İbrahim dedi: “Qocalıq məni haqladığı bir vaxtda mənə müjdə verirsiniz? Məni nə ilə müjdələyirsiniz?”
ﭬﭭﭮﭯﭰﭱﭲﭳ
15:55
Onlar dedilər: “Biz sənə həqiqətlə müjdə veririk. Sən ümidini üzənlərdən olma!”
ﭴﭵﭶﭷﭸﭹﭺﭻﭼ
15:56
İbrahim dedi: “Doğru yoldan azanlardan başqa Rəbbinin mərhəmətindən kim ümidini üzər?”
ﭽﭾﭿﮀﮁﮂ
15:57
İbrahim dedi: “Ey elçilər! Vəzifəniz nədir?”
ﮃﮄﮅﮆﮇﮈﮉ
15:58
Onlar dedilər: “Biz günahkar adamları məhv etməyə göndərilmişik;
ﮊﮋﮌﮍﮎﮏﮐ
15:59
yalniz Lutun ailəsindən başqa. Biz onların hamısını xilas edəcəyik.
ﮑﮒﮓﮔﮕﮖﮗ
15:60
Lutun arvadından başqa. Biz onun geridə qalanlardan olmasına qərar verdik”.
ﮘﮙﮚﮛﮜﮝ
15:61
Elçilər Lut əhlinin yanına gəldikdə
ﮞﮟﮠﮡﮢ
15:62
o dedi: “Siz yad adamlarsınız!”
ﮣﮤﮥﮦﮧﮨﮩﮪ
15:63
Onlar dedilər: “Xeyr, biz sənin yanına onların şübhə etdiyi əzab ilə gəlmişik.
ﮫﮬﮭﮮﮯ
15:64
Biz sənin yanına doğru xəbərlə gəlmişik. Həqiqətən də, biz doğru danışanlarıq.
ﮰﮱﯓﯔﯕﯖﯗﯘﯙﯚﯛﯜﯝﯞﯟ
15:65
Gecənin bir vaxtı ailəni yola çıxart və özün də onların arxasınca get. Sizdən heç kəs çevrilib arxaya baxmasın. Sizə əmr olunan yerə yollanın”.
ﯠﯡﯢﯣﯤﯥﯦﯧﯨﯩ
15:66
Biz ona vəhy etdik ki, sübh çağı onların kökü kəsiləcək.
ﯪﯫﯬﯭﯮ
15:67
Şəhər əhalisi bir-birini muştuluqlayaraq onun yanına gəldilər.
ﯯﯰﯱﯲﯳﯴﯵ
15:68
Lut dedi: “Bunlar mənim qonaqlarımdır. Məni biabır etməyin!
ﯶﯷﯸﯹﯺ
15:69
Allahdan qorxun və məni hörmətdən salmayın!”
ﯻﯼﯽﯾﯿﰀ
15:70
Onlar dedilər: “Məgər biz sənə bura gələn adamları qonaq saxlamağı qadağan etməmişik?”
ﭑﭒﭓﭔﭕﭖﭗ
15:71
O dedi: “Bunlar mənim qızlarımdır! Əgər istəyirsinizsə, onlarla evlənin!”
ﭘﭙﭚﭛﭜﭝ
15:72
(Ey Muhəmməd!) Sənin canına and olsun ki, onlar sərxoşluqları içində veyl-veyl gəzirdilər.
ﭞﭟﭠﭡ
15:73
Günəş doğanda qorxunc səs onları yaxaladı.
ﭢﭣﭤﭥﭦﭧﭨﭩﭪ
15:74
Oranın altını üstünə çevirdik və onların üzərinə odda bişmiş gil daşlar yağdırdıq.
ﭫﭬﭭﭮﭯﭰ
15:75
Şübhəsiz ki, bunda başa düşənlər üçün dəlillər vardır.
ﭱﭲﭳﭴ
15:76
Həqiqətən, onlar Məkkədən Şama gedən yolun üstündə yaşayırdılar.
ﭵﭶﭷﭸﭹﭺ
15:77
Şübhəsiz ki, bunda möminlər üçün dəlillər vardır.
ﭻﭼﭽﭾﭿﮀ
15:78
Əykə əhli də zalım idi.
ﮁﮂﮃﮄﮅﮆ
15:79
Onlardan da intiqam aldıq. Hər iki kənd aydın görünən yol üzərində yerləşirdi.
ﮇﮈﮉﮊﮋﮌ
15:80
Hicr əhli də elçiləri yalançı saydı.
ﮍﮎﮏﮐﮑﮒ
15:81
Biz onlara ayələrimizi göndərdik, lakin onlar bu ayələrdən üz döndərdilər.
ﮓﮔﮕﮖﮗﮘﮙ
15:82
Onlar təhlükəsizlikdə qalmaq üçün dağlarda evlər yonurdular.
ﮚﮛﮜﮝ
15:83
Onları sübh çağı qorxunc səs yaxaladı.
ﮞﮟﮠﮡﮢﮣﮤ
15:84
Qazandıqları dünya malı isə onlara heç bir fayda vermədi.
ﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖ
15:85
Biz göyləri, yeri və onların arasında olanları yalnız haqq olaraq yaratdıq. O Saat mütləq gələcəkdir. Odur ki, Sən onları gözəl tərzdə bağışla.
ﯗﯘﯙﯚﯛﯜ
15:86
Həqiqətən, Rəbbin Yaradandır, Biləndir.
ﯝﯞﯟﯠﯡﯢﯣﯤ
15:87
Biz sənə təkrarlanan yeddi ayəni və əzəmətli Quranı verdik.
ﯥﯦﯧﯨﯩﯪﯫﯬﯭﯮﯯﯰﯱﯲﯳﯴ
15:88
Onların bəzi təbəqələrinə verdiyimiz fani dünya malına gözünü dikmə, onlara görə kədərlənmə, möminlərlə yumşaq davran
ﯵﯶﯷﯸﯹﯺ
15:89
və de: “Şübhəsiz ki, mən açıq-aşkar bir xəbərdar edənəm!”
ﯻﯼﯽﯾﯿ
15:90
Biz Quranı bölənlərə də beləcə əzab endirmişdik.
ﭑﭒﭓﭔﭕ
15:91
Onlar Quranı hissələrə böldülər (bir qisminə inanıb, digər qismini inkar etdilər).
ﭖﭗﭘﭙ
15:92
Rəbbinə and olsun ki, Biz onların hamısından soruşacağıq –
ﭚﭛﭜﭝ
15:93
törətdikləri əməllər barəsində.
ﭞﭟﭠﭡﭢﭣﭤ
15:94
Sənə buyurulanı açıq-aşkar bəyan et və müşriklərdən üz çevir.
ﭥﭦﭧﭨ
15:95
Sözsüz ki, istehza edənlərə qarşı Biz sənə yetərik.
ﭩﭪﭫﭬﭭﭮﭯﭰﭱﭲ
15:96
O kəslər ki, Allaha başqa məbudu şərik qoşurlar. Onlar tezliklə biləcəklər.
ﭳﭴﭵﭶﭷﭸﭹﭺ
15:97
Biz onların dediklərindən sənin qəlbinin daraldığını bilirik.
ﭻﭼﭽﭾﭿﮀﮁ
15:98
Sən həmd-səna ilə Rəbbini təriflə və səcdə edənlərdən ol!
ﮂﮃﮄﮅﮆﮇ
15:99
Sənə ölüm gələnədək Rəbbinə ibadət et.
Qurani-Kərim
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qurani-Kərim mp3
Complete Recitation — حفص عن عاصم
Abdul Basit Qurani-Kərim mp3
Complete Recitation — حفص عن عاصم
Mishary Rashid Alafasy Qurani-Kərim mp3
Complete Recitation — حفص عن عاصم
Al-Hussary Mahmoud Khalil Qurani-Kərim mp3
Complete Recitation — حفص عن عاصم
Muhammad Siddiq Al-Minshawi Qurani-Kərim mp3
Complete Recitation — حفص عن عاصم
Abdul Rahman Al-Sudais Qurani-Kərim mp3
Complete Recitation — حفص عن عاصم
Saud Al-Shuraim Qurani-Kərim mp3
Complete Recitation — حفص عن عاصم
Maher Al-Muaiqly Qurani-Kərim mp3
Complete Recitation — حفص عن عاصم