Suurat Qaf pdf — Down-load (Qafar af)
Suurat Qaf pdf Qafar af — Down-load Suurat Qaf Tarjumaan. Suurat Qaf (Meccan) 45 Aayat.
Related
- Suurat Qaf TarjumaanQafar af
- Suurat Qaf mp3Xasiis
- Quran Index Qafar af114
More Suurat PDF
Suurat Qaf
ﭑﭒﭓﭔﭕ
50:1
Qhaaf: (edde faxem Yalli yaaxige). Yalli nabna-leeh sharaf-le qhuraanal xiibite
ﭖﭗﭘﭙﭚﭛﭜﭝﭞﭟﭠﭡ
50:2
Wonna hinnay keenik meesiise (takkaawise) keenih yemeetem qajjibsiteeniih (cakkumsiteeniih), koros itteh ah-qajiibik (cakkumuk) taniimi
ﭢﭣﭤﭥﭦﭧﭨﭩﭪ
50:3
Rabneeh burta tikki inna waqdi aduurennoo? Toh xer madaara (woh takkem hinna) itte koros
ﭫﭬﭭﭮﭯﭰﭱﭲﭳﭴﭵ
50:4
Yalli keenil gacisak iyyeh; nummah nanu neexegeh baaxo keenik daggossaah ken xagoorak takmem, ni-garil daccarsime kitab yan, kay addal tanim korsaanamak. (lawcal macfuuz kinnuk)
ﭶﭷﭸﭹﭺﭻﭼﭽﭾﭿ
50:5
Tonna hinnay a-koros Qhuraan kee Nabii dirabbosseh keenih yemeete waqdi, edde luk usun tobollokime (yengeggele) caagidih addat yanin qhuraan kee Nabiik iyyaanamak
ﮀﮁﮂﮃﮄﮅﮆﮇﮈﮉﮊﮋﮌ
50:6
Keenik iró yan qaraanâ fan mawagitaanaa? kaa elle xisneeh kaa elle bilqisne inna, usuk foxooxa aalle waak
ﮍﮎﮏﮐﮑﮒﮓﮔﮕﮖﮗﮘ
50:7
Ķaadu baaxo fidisneeh, xiikooluh tan qaleelá teetil hayneeh, cooxuk ummaan qaynatay mabla kak meqe (ableh meqe) teetil nuysubuke
ﮙﮚﮛﮜﮝﮞ
50:8
Amah kah abnem mayballaay kassiisi, ummaan naqsuy yallal yaduurih yanih
ﮟﮠﮡﮢﮣﮤﮥﮦﮧﮨﮩ
50:9
Kaadu qaraanak barkat-le lee oobisneeh, teetit masnoonaa (basaatin) kee amboy taggirqimeeh orbisimta teetit nuysubuke
ﮪﮫﮬﮭﮮﮯ
50:10
Kaadu xer tamiiray, exefuh yan mixexu-le, edde nuysubuke
ﮰﮱﯓﯔﯕﯖﯗﯘﯙﯚﯛ
50:11
Woh naqoosâ quusih (maaqoh) nuysubuke kaadu rabte baaxo teetit nuynuwwee, mawuq wonna rabteenik lakal.nuwwuk awqetton sin magooqak qhiyaamah ayró
ﯜﯝﯞﯟﯠﯡﯢﯣ
50:12
Qhureyshi korosuk naharal nuuc maraay, rassi deqsita qeelih maraa kee samuud deqsita mari sinni farmoytit dirabbosseh
ﯤﯥﯦﯧﯨ
50:13
Kaadu wonnah qaad deqsita maraay, firqawnaa kee luut tooboko (kay mara kinnuk) sinni farmoytit dirabbosseh
ﯩﯪﯫﯬﯭﯮﯯﯰﯱﯲﯳ
50:14
Kaadu wonnah garbô maraa (Nabii shuqeybi mara kinnuk) kee tubbaq mari, inkih sinni farmoytit dirabboyseeh, Yi-digaala keenih taguudeh
ﯴﯵﯶﯷﯸﯹﯺﯻﯼﯽﯾﯿ
50:15
Naharsi ginot taannee? Aleey ma-taaninninok, nammay haytoh ken ginnaah kah sugen innah ken gacisnaamak mannal taannaah? Wonna hinnay usun qusba ginok agay waagat yanin
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ
50:16
Diggah seehadaytu ginneeh, kay nafsi kaa edde walalisam naaxigeh, kaadu nanu canti-ramadak (filli- ramadak) kaal xaynoh
ﭡﭢﭣﭤﭥﭦﭧﭨﭩ
50:17
Namma malaykatti seehadayti taama yaktube waqdi, migdaa kee gural kaak daffeyak
ﭪﭫﭬﭭﭮﭯﭰﭱﭲ
50:18
Inki qangara maqida seehadayti dacrisey (namma malaykattu kinnuk) wohuh massoyseeni kay garil yanih akke waytek
ﭳﭴﭵﭶﭷﭸﭹﭺﭻﭼﭽ
50:19
Rabi qeero temeeteh nummal, toh kak kudak sugteemi immay catu mali
ﭾﭿﮀﮁﮂﮃﮄﮅ
50:20
Kaadu baantá fuxsinteh (ugut baanta kinnuk), too ayró koros digaalah edde xagnisinte ayró
ﮆﮇﮈﮉﮊﮋﮌ
50:21
Kaadu ummaan nafsi yamaateh, warraysee kee sumaaqité teetî luk anuk malaykak
ﮍﮎﮏﮐﮑﮒﮓﮔﮕﮖﮗﮘﮙ
50:22
Yalli xiibitak iyyeh; nıummah seehadaytow tahak garcit sugteeh, ku-lubbit suge alifu kok kalleeh, ku-mabla asaaku maqar-leeh gibdih
ﮚﮛﮜﮝﮞﮟﮠ
50:23
Kaadu kay wakliiti iyyah (malaykatti) ah yi-garil taniimiy massowte kay taamak
ﮡﮢﮣﮤﮥﮦﮧ
50:24
Ummaan korostih cirdeyna (qinaadi-li) jahannamat qambisa iyya yalli
ﮨﮩﮪﮫﮬ
50:25
Isil yan cakki ciné, caddok tatur-li, agay waaga-li isi diinit
ﮭﮮﮯﮰﮱﯓﯔﯕﯖﯗﯘ
50:26
Kaay Yallâ lih gersi yalla haa, gibdi digaalat kaa qambisa. (jahannam girah digaala kinnuk)
ﯙﯚﯛﯜﯝﯞﯟﯠﯡﯢﯣﯤ
50:27
Kay wakliiti (xibbanti) iyyah (sheetantu kinnuk), ni-Rabbow anu kaa ma-makkoysinniyo, kinnih immay usuk xer makoh addat suge tirtô gitak
ﯥﯦﯧﯨﯩﯪﯫﯬﯭ
50:28
Yalli iyyeh; yi-garil a-saaku sitta ma-keemaarisina (ma-daawisina), nummah anu meesissó siinih tatruseh addunyalak
ﯮﯯﯰﯱﯲﯳﯴﯵﯶ
50:29
Yi- garil maxcó ma-korsinta (ma- tadbiddilima), kaadu anu naqoosa yadlumi (tantise) hinniyo
ﯷﯸﯹﯺﯻﯼﯽﯾﯿﰀ
50:30
Kassis a-farmoytaw, kibbintee jahannamak inna ayroy (qhiyaamah ayró kinnuk), edde luk is ossantina maaytan itta
ﰁﰂﰃﰄﰅﰆ
50:31
Kaadu jannat xayyoysima ayró Yallak meesita marah, usuk keenik axxeere kal
ﰇﰈﰉﰊﰋﰌﰍ
50:32
Keenik iyyaanah ah-elle xagnisimak sugteenimi Yallak meesita maraw, ummaan numuy toobitey (Yallal gaceh) Yallih amri dacriseh
ﰎﰏﰐﰑﰒﰓﰔﰕ
50:33
Ablekal racmaan kinni Rabbik meesiteeh, Yallal yuduure sorkocô baxa luk yemeete mara kinni. (Qhiyaamah ayró)
ﰖﰗﰘﰙﰚﰛﰜ
50:34
Keenik iyyaanah; Jannat cula nagaynan luk, toh-waar ayrók
ﰝﰞﰟﰠﰡﰢﰣ
50:35
Tama moominiin Jannat addal faxxa haytam-le, kaadu Ni-garil keenih neceemik bagul niqmatak ossantina lon
ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ
50:36
Qhureyshi korosuk duma sinaamak makina hora bayisneeh, usun qandeh keenik gibiduk, tokkel baaxooxat mekki iyyeenihik, eleelitan rike maay geen yallih digaala keenit temeete waqdi? (magennon)
ﭡﭢﭣﭤﭥﭦﭧﭨﭩﭪﭫﭬﭭﭮ
50:37
Diggah, tohut kassit yan raaqisa sorkocobbaxa-le numuh, hinnay usuk hangi edde-luk sorkocobbaxi kaak aracal anuk ayti kah yeceeh ankacse numuh
ﭯﭰﭱﭲﭳﭴﭵﭶﭷﭸﭹﭺﭻﭼ
50:38
Yalli xiibitak iyyeh; nummah qaranwaa kee baaxooy, ken nammayih fanat tanim lica ayróh addat ginneeh, hebeltô taqbi nee maxaginna wohul
ﭽﭾﭿﮀﮁﮂﮃﮄﮅﮆﮇﮈﮉ
50:39
Nabiyow usun iyyaanamal isbiraay ku- Rabbi Faylisak salat-ab, ayró tawqek naharataay (subci salat), ayro kortak naharat (qasri salat)
ﮊﮋﮌﮍﮎﮏ
50:40
Kaadu barak-tut salat kaah abaay, fardi salaatitteh lakal sunnâ salat abaay, Yalla cus. (uzkur)
ﮐﮑﮒﮓﮔﮕﮖﮗ
50:41
Kaadu xayikkeek israafil deqsita malaykatti seeca ayró ankacis nabiyow
ﮘﮙﮚﮛﮜﮝﮞﮟﮠ
50:42
Toh nammay haytô baantah xongoló nummah edde yaabben ayró kinniih, too ayro is mawqah ayróy magooqak edde yawqeeni kinni
ﮡﮢﮣﮤﮥﮦﮧ
50:43
Diggah yalli ginó taynuwweeh qiddam (rabissam) Neé kaadu madaara Nee fan takke iyye
ﮨﮩﮪﮫﮬﮭﮮﮯﮰﮱﯓ
50:44
Baaxó keenil qanxixxa ayró, usun magooqak sissikuk yawqen, toh nel xabcin kobxisiyya (gaaboysiyya) cisab booxal
ﯔﯕﯖﯗﯘﯙﯚﯛﯜﯝﯞﯟﯠﯡﯢﯣ
50:45
A-koros ittaamat ixxigah nanu nayse, kaadu nabiyow atu ken dirkisé hinnito islaąamaninnol, kinnih immay yi-digaalak meesita mara Qhuraanat kassis
Qhuraanul Kariim
Wednesday, September 9, 2026
Don't forget us in your sincere prayers
Featured Reciters
Saad Al-Ghamdi Qhuraanul Kariim mp3
Complete Recitation — حفص عن عاصم
Abdul Basit Qhuraanul Kariim mp3
Complete Recitation — حفص عن عاصم
Mishary Rashid Alafasy Qhuraanul Kariim mp3
Complete Recitation — حفص عن عاصم
Al-Hussary Mahmoud Khalil Qhuraanul Kariim mp3
Complete Recitation — حفص عن عاصم
Muhammad Siddiq Al-Minshawi Qhuraanul Kariim mp3
Complete Recitation — حفص عن عاصم
Abdul Rahman Al-Sudais Qhuraanul Kariim mp3
Complete Recitation — حفص عن عاصم
Saud Al-Shuraim Qhuraanul Kariim mp3
Complete Recitation — حفص عن عاصم
Maher Al-Muaiqly Qhuraanul Kariim mp3
Complete Recitation — حفص عن عاصم